فكرت و قررت

الحالة
مغلق و غير مفتوح للمزيد من الردود.
[FONT='Arial','sans-serif'] سلام عليكم [/FONT]
[FONT='Arial','sans-serif'][/FONT]
[FONT='Arial','sans-serif']بكتب لكم اليوم الصفحه اليديه الي هذي المره كانت معضمها من اختياري او يمكن تقولون هذا هو النصيب [/FONT]
[FONT='Arial','sans-serif']و الانسان ما ياخذ في الدنيا غير نصيبه ما بطول عليكم [/FONT]
[FONT='Arial','sans-serif']رديت عند ابويه وطبعا على شروطه و على عزمي ان الامور بتتغير و كنت انفذ طلبات ابويه مثل الساعه بس علشان ابعد عن المشاكل , حتى اني كنت اعطي حرمته افلوس بس علشان تسكت و فعلان كانت هذي هي عملتها الي تروضها و تخليها انسانه حتى خواتي تقربوا مني و تموا يقعدون عندي و انسوولف ويا بعض وانا فاتحه قلبي و ماده يديه لهم [/FONT]
[FONT='Arial','sans-serif']اختي الي اكبر وحده في بنات ابويه تقربت بشكل اكبير صارت ما تطلع من عندي و تحب تقعد عني اكثر من يلستها عند امها و اخواتها في يوم يتني وقالت انها تبا تسولف بس ابصراحه كانت اصغر عني باربع اسنين قعدت و سمعت كانت تسال و تقول كلام عمري ما سمعته الا منها على سبيل المثال ( صدق ان بنتج بنت حرام ؟؟ صدق انج حملتي اكثر من مره و نزلت ووكلام والله انه لو مب صدق جرحني صدمتني وتميت اصيح من الغصه كيف انه هذا الكلام الي يدور في راس الناس الي حولي سالتها انتي شو تشوفين ما رديت سالتها من قال هذا الكلام فطلع الكلام من امها الله لا يسامحها انشالله دنيا و آخره والله ينتقم منها يارب المهم تميت عندهم على هذا الوضع مده وخلالها صارت مشاكل من حرمت ابويه اذا نقصت في الفلوس [/FONT]
[FONT='Arial','sans-serif']سرت اتعلم السواقه علشان اخذ سياره و الحمدلله نجحت وكان الليسن هو سبب تعرفيه على زوجي الثاني الي الله يهديه كنت رايحه استلم الليسن و ما اعرف اقسام المرور و هو كان ضابط يداوم هناك توه ملازم اول وقفت جدام الزجاج و ياني و كان يدخن وانا اتكلم اساله عن الليسن مالي نفخ الدخان في و يههي و عصبت عليه و قعد يتاسف و روحت من القهر ونسيت اللي انا يايه علشانه المهم خذ رقمي من المعامله و تصل فيني و بدت السالفه اعتذار و ثم سؤال و تم يطرش مسجات مده اسبوع واحد بس وطلبني لزاواج وقالي ردي عليه علشان نتفاهم فرحت اول مره كنتاحس انه في انسان يهتم فيني بصدق مب علشان شي رديت وقالي اسمه وعمره وانه يبا يدخل من الباب كان صادق مب كذاب صدق يباني قلتله عطني فرصه و برد عليك من السعاده في هذا الوقت ما عرفت شو اسوي و انا افكر تذكرت ابويه و حرمته و ماضيه الاسود و ملفي الي في الشرطه خفت قلت اذا عرف بطيح من عينه اتصلت و قلت له اسمحلي انا ما ابا اعرس سالني ليش شو السبب قلتله اني مطلقه و عند بنت قال شو يعني عادي انا ريال و قد المسوليه المهم انهيت الكلام بكلمت لا [/FONT]
[FONT='Arial','sans-serif']انقطع شهر و اتصل فيني مره ثانيه استغربت قال انه بعده مصر تشجعت و قررت اني اخبره عن ابويه و عن اي صارلي مع زوجي الاول بس مب السوالف الثانيه على رغم اني كنت خايفه من موقفه بس تشجعت و خبرته [/FONT]
[FONT='Arial','sans-serif']وختلط الكلام و يا الدموع وما بغيته يرد عليه الحين كان منصدم ومذهول وكل ما تتصورن و تتوقعون كان واضح من سكوته وسكرت صدقوني انه مروا 18 يوم ما تصل حسيت ابشعور الله لا يرواويكم اياه حسيت اني وصخه وانا صدق هذاك الوقت كنت مقتنعه قناعه تامه اني ما انفع اكون لاي حد وخصوصا عقب الي شفته [/FONT]
[FONT='Arial','sans-serif']واتصل فيني بس مب من تليفون هذي المره اتصل من تليفون المكتب استغرب الرقم و رديت وطلع هو تميت ساكته كنت خايفه من كلامه [/FONT]
[FONT='Arial','sans-serif']بس قالي انه بعده مثل ما هو و على موقفه وما تغير شي قالي انه هذا الشي يخليه يتمسك فيني اكثر صدقوني ما صدقت الكلام وقالي انه كل الي صار مب ابكيفي وهذا قضاء و قدر من الله ليختبر الانسان على صبره وصارحني انه هو بعد مزوج وعنه بنت ولدين ما انصدمت بس سالته ليش يبا يعرس وهل بيخبر حرمته او لا عطاني اسبابه وصدقته يمكن لاني ما صدقت او يمكن لاني كنت محتاجه ريال بمواصفاته شاب واكبر عني بثلاث اسنين بس قالي انه ما بيخبر حرمته في الوقت الحالي لانها بنت خالته وهله ما يرضون فيها وهي اكبر عنه بتسع اسنين وانه يحبها لانهاام اعياله ولا يمكن يطلقها انا وافقت وتقدم لي و وافق ابويه علشان يتخلص مني ومن مشاكلي وحط طلبانته وسأله عن هله وليش نحد يا وياه [/FONT]
[FONT='Arial','sans-serif']المهم انا ما بغيت اسوي عرس كنت خايفه من ابو بنتي [/FONT]
[FONT='Arial','sans-serif']المهم عرسنا والحمدلله عشت و ياهااحلى ست اشهور عمري ما تهنيت ولا عشت ابراحه بدون خوف حسيت اول مره في حياتي بالامان الامان الصدقي وعندي ريال يخاف الله و مصلي وملتزم ساير الحج مرتين و العمره ثلاث مرات يا الله شو كنت مرتاحه ان الله رزقني به ولا مشاكل ولا اي شي [/FONT]
[FONT='Arial','sans-serif']بس حلمي الحلو ما دام درت حرمته ما ادري كيف المهم درت وسار عنده صدقوني انه شهر ما اعرف شي عنه ما حبيت ازعجه كنت اقول انه بيحل اموره و بيرجع حتى الدوام خذ منه اجازه [/FONT]
[FONT='Arial','sans-serif']وتريت لين يا ومن رجع قعدنا سنتين يمكن فيهن ما قعدنا ويا بعض تحت سقف واحد اكثر بما مجموعه شهر تتخيلون [/FONT]
[FONT='Arial','sans-serif']طلعت حرمته الله يسامحه شريره وشخصيتها قويه عليه وهو جدامها كان ولا شي و لا شي صدقوني يوم اقول هذي الكلمه [/FONT]
[FONT='Arial','sans-serif']طلعت الا من طينت حرمت ابويه شرانيه وتفكيره تفكير ناس جاهلين ما يخافون من الله من درت وقفت عني الدوره بدون سبب ما خليت مستشفى ولا عياده في الدوله ابا اعرف ليش حد يقول انتي ما فيج شي يمكن نفسيه ومستشفى زايد قالي اني احتمال انه عندي سن يأس مبكر !!!!!!!!!!!!! كيف وانا عمري كان هذاك الوقت 24 كيف وغيرهم وغيرهم [/FONT]
[FONT='Arial','sans-serif']وغير انه من يدخل البيت وهو كارهني وكل مشاكل حتى وصلت انه يمد ايده عليه ...................[/FONT]
[FONT='Arial','sans-serif']الله يعلم ان نفسيته تحطمت حتى السعاده حتى هو [/FONT]
[FONT='Arial','sans-serif']كل ما اقول خلاص كان ينفتح لي باب ثاني وتمينا في مشاكل وأرف وبدا يعايرني ويتكلم عليه وعن ماضيه وعن ندمه انه ارتبط فيني [/FONT]
[FONT='Arial','sans-serif']حاولت اني اتفاهم معاه بس ما كان عنده ابدا استعداد لين في يوم ياني وشال فيده قطعت بلاستك ملفوفه بشكل مريب قالي شو هذا قلت ما ادري كان سحر و العياذ بالله هو حصله مب انا لقاه في شنطت اثيابه مخشوش ابطرقه ما تتخيلونها المهم هو كان مصدوم على باله انه مني وما ادري وين وداه واكتشف الطامه الكبرى كانت حرمته الي مسويه هذا الشي انه نفترق وما ايب اعيال منه وان دوم مشاكل لين نطلق [/FONT]
[FONT='Arial','sans-serif']ما خبرني اول شي سار عني اسبوع و يوم رد قالي خلينا نقعد ونتفاهم وافقت طلب مني اني اصبر عليه فتره و عقب هو بيخبرني شو صار وشو بيصير وقالي لا تخافين و اعتذر مني وراح[/FONT]
[FONT='Arial','sans-serif'] صدقوني اني حسيت انه يحبني تعرفون متى مره من مرات ونحن في المشاكل ديت بيت ابويه اختي كانت متصله فيني و هيه تصيح ومن خوفي عليها سرت وهو الي مودني البيت ونزلني وراح اول ما دخلت عندها لقيت ابويه قاعد وعلى كيفكم طاح ظرب فيني انتي ليش يايه شو تبين حتى ما لحقت اعرف شو السالفه و هو قاعد يضرب ما دريت الا و ريلي داخل و يمسك يد ابويه وهو يصارخ عليه ( عمي عمي لو سمحت لا تمد ايدك على حرمتيه و لا ابتشوف شي ما يسرك ) على رغم الالم الا هذي الكلمه شو سوت فيني اخيرا في ريال يدافع عني اخيرا هذا اليوم بديت صدق احبه ولا قبل كان رياال عادي وعقب خبرتكم توالت المشاكل [/FONT]
[FONT='Arial','sans-serif']ياني في رمضان وقالي ان بنسير العمره و يا بعض في العشر الاواخر و انشالله الله يهدي النفوس [/FONT]
[FONT='Arial','sans-serif']ولا خبرني بعد عن شي كنت فرحانه اني بسير العمره اول مره في حياتي ورحنا كانن عشر ايام ست في مكة المكرمه و اربع ايام في المدينة بس و اقسم بالله العظيم انهم كانوا احلى ايام عمري من وصلت مكه وانا قلبي يدق ومن كثر ما يدق كنت احسه بيضهر من صدري من فرحتي وقعد اصيح لله و اطلبه العفو و الهددايه و الستر دنيا و اخره و انه ينتقملي من الي ظلموني و ياخذ بقضايه منهم و ينصرني على كل من يبالي الشر صدقوني انه رد مثل ما اول يوم كان في ريلي رجع الانسان الحنون المحب العطوف في عيونه كنت اشوف اني انا وبس ومحد غيري كنا مستانسين و خبرني عن الي سوته حرمته و انه طلقها من شهرين انصدمت و قلته حرام و عيالها قال لا انا بس اباها تخاف الله و تعرف انه الي سوته حرام قبل ما يكون غلط وانا يوم برد من العمره بردها وقالي انا ناتوقعت انج تعصبين اني طلقتها كنت اتوقع انج تفرحين [/FONT]
[FONT='Arial','sans-serif']قلته الي شفته في حياتي مب اشويه انا من ييت الدنيا وانا شقيانه و مظلومه و هيه غلطانه والله يسامحه اكيد سوت هذا اشي من جهاله المهم الله يهديها و ردينا قبل العيد بيومين و سار عندها و رده و ليلت العيد ياني وكان متغير صدقوني بس من مجرد سالته دبت مشكله وطلقني ابكل بساطه [/FONT]
[FONT='Arial','sans-serif']تصدقو ن عيديتيه كانت كلمت طالق ... طالق طالق [/FONT]
 
الله يفرج همج ويرد لج ريلج ياااربي
ان شااء الله فتره وتعدي على خير

والله احااتيج وادعي لج في كل صلاه اختي
 
اعوذ بالله
ليلة العيد طلقج؟؟؟؟؟؟؟؟ الله يعينج
قصتج مثل قصة من الخيال بس اللي
يعيش ياما يشوف و كل شي يصير في
هالدنيا. ما لج الا الصبر و الدعاء بنية
صادقة و قرائة سورة البقرة يوميا بنية
الفرج
الله يفرج لج و يستر عليج
 
ورحنا المحكمه علشان يكون الطلاق رسمي وهناك كان نادم بس انا الي خلاص ما كنت قاده كنت احس ان الوضع و هو صدق ما يساعد اطلع من مشكال و اطيح في مشاكل خلاص تعبت صرت ما اعرف وين مصيري اصريت على عدم ارجعه طلق القاضي و تعرفون شو صار ثاني يوم من الطلاق يتني الدوره بعد سنتين و نص !!!!!!!!! الدوا كان الطلاق حسبي الله و نعم الوكيل و يمكن تكون خيره انه ما يكون عندي عيال منه هذاك الوقتبس نعم انه الله يمهل ولا يهمل الله راوها يابت بنت عندها تشوه خلقي في قلبها لانها في الفتره الي نحن نضارب كانت حامل وانا والله اني مااشمت بس الله فوق وهذا شرك بالله و كلنا نعرف هذا
و رجعت لبيت ابويه مره ثانيه مكسوره و على قولة حرمت ابويه (لو ما كنت خايسه الله يعزكن جان ما تطلقت ) اصلن انا مغناطيس ما اجذب غير المشاكل انسانه مالي امل في هذي الدنيا و انشالله امليه في الاخره الله يعوضني عن كل يوم مر في حياتي و قاعد يمر الحين و يكفر عني ذنوبي و يجعلني من الصابرين
رجعت بس هذي المره القسوه كانت اشد لاني خلاص ما اشتغل صار ما عندي شي اسكت فيه حرمت ابويه عني ولا حتى ابويه اي صار و كانه دوا كل يومين يمر يلعن ابو اسلافي و يطلع اقفل الباب يكسره و طبعا كيف الومه و هو ولا داري عن هوا داره ​

مرت اشهر العده و صرت مطلقه مره ثانيه اصرف على عمري من ماخريه لين خلص و عقب بعت ذهبيه بس اسكت فيه الناس الي ياكلون فيني بس كنت خايفه ان ابويه يطردني وفعلان هو ما طردني بس مره ياي سكران وحرمته مضيجه عليه لاني ما دفعت لراعي الدكان تخيلوا بس هذي هيه الاسباب تافهه انضرب عليها و ادخل مستشفيات بس علشان اشياء تافهه صرت معروفه في المستشفيات و الشرطه من يدخلون يعرفوني على طول المهم ضربني وكانت بنتي واعيه وقعدت اتصارخ قام ضربها بدون ما احس ضربته اول مره في حياتي ضربت ابويه والله اني اعرف انه حرام امد ايدي بس الله يعلم اني ما كنت في وعيي و ان الشيطان كان حاضر وياريت انشلت ايدي ولا ميتها عليه على رغم كل اي يسويه فيني يتم ابويه الله يسامحني و يسامحه والله انه فجأه ابيضت الدنيا في عيني صرت ما اشوف شي كان يضربني وانا بعد ما ضربته ما ادري شو صار فيني طحت غشيانه انصدمت ماادري كيف سويت جذيه والله اني ما حسيت غير في المستشفى واول ما بطلت عيني شفت ريلي هو بنت اخته كانت دكتوره في المستشفى و كانت هذاك اليوم مناويه وهو كان وايد يخبرها عني بس ما تعرف شكلي بس اسمي و اتصلت فيه كانت ايديني اثنتين مكسورات وغير الغرز الي تحت عيني و يبهتيه الله لا يراويكم كنت جني مسويه حادث​

قعد كله يقول انه هو السبب الي تخلى عني و قال ي الحين شو بتسوين لازم تشتكين عليه يمكن يوم يدخل السجن يتعالج ويصير احسن ما قدرت خفت من الي بيصير هو اصلان ما يحبني اسوي جذيه و يكرهني اكثر كفايه خلاص​

قالي لازم نرجع بس ان الي ما وفقت لاني كنت خايفه بعد من حرمته ومنه هو بعد عرض عليه ارد البيت الي كنا ساكنينه لين ادبر حالي وافقت و هو طول الوقت يحاول بس صدقوني اني ما قدرت كنت خايفه من المشاكل و رجعت ادور شغل بس للاسف ما حصلت و تميت ادور و ادور مع اني هذي المره عندي شهاده بس هذا ارزق يبا حد يسعاله علشان الله يرزقه به
وكنت ما اعرف شو اسوي هذي المره ما اقدر ارد لبيت ابويه خلاص ياو يلي لو رديت و الله هذي المره كان ابويه بيذبحني و في نفس الوقت ما كنت ابا اتم في بيته​

والحمدلله و حده اربيعتي بعد حليله مطلقه تعرف ظروفي ودزم تقولي تعالي سكني عندي و خلينا نتعاون على الحياه وهي تشتغل و ساكنه ابروحها مع ولدها طلبت منها اني اسكن عندها و ادفع ايجار لين احصل شغل و الله ما قصرت وفقت معاي و اعطتني غرفه لي و لبنتي و تميت ادور شغل و كل همي اني استر عمري و بعد كفاح طويل و توفيق من الله لقيت شغل و اشتغلت و طلعت من بيت اربيعتي و سكنت ابروحي و طول هذي الفتره و ريلي كان كل فتره يتصل او يطرش مسج يبغينا نرجع وانا اقوله اناما نصلح لبعض و صدقوني اناو اثقه ان رب العالمين له حكمه في كل شي بس ترا المشاكل تتعب الواحد و تهده و خصوصا اذا كان الانسان ابروحه و عيش في دوامه ما تخلص ابدا صدقوني انا من داخل انسانه متحطمه وايد اشياء ضاعت مني السنين عمري راحت و لا يوم ارتحت فيه متى بي اليوم الي بكون فيه مثلي مثل اي وحده مثلي مثل اي انثى لها بيت تحس فيه بلأمان متى متى متى؟
حرام عليه اعيش و ارتاح؟؟؟؟؟؟؟؟؟؟؟؟؟ تعبت من اللف ومن الضياع ومن المشاكل ومن ومن ومن كل شي و تميت جذيه اكل في نفسي لين نفسي تغلبت عليه و دخلتني مستشفى االامراض النفسيه بحالت اكتاب حاد صرت ما انام و لا اكل و لا اتكلم اهمت بنتي و نفسي فقدت الاحساس بالحياة او تقدرون تقولون اني و بكل بساطه تعبت خلاص وقفت خلصت طاقتيه و طلعت و تميت مريضه دائمه عندهم انا ايماني بالله كبير بس اناتعبت خلاص الي شفته في حياتي على رغم اصراري على الاستمرار هدني ​

ومرت اربع اسنين و في يوم من الايام و قبل عيد ميلادي ياني اتصال من الخارج كان اتصال غير حياتي للمره الثانيه او يمكن كان القشه الي تعلقت ابها و الي كسرت ظهري الحين
كان ريلي الي صاره فتره طويله ما اتصل اول ما سمعت صوته قعدت اصيح بدون ما احس قالي انه يدرس في الخارج و انه بي اجازه بعد اسبوعين و يبا يكلمني في موضوع مهم تريته و هو كل يوم يكلمني ويوم ما يتصل انا اتصل كنت مشتاقه له محتاجه لوجوده معايه هو الوحيد الي كان لي في الدنيا و لين الحين اقولكم انا مالي حد الا هو و عيالي ما لي حد
[عندي ام و ابو و اخوان و خوات و عمات و خلات و خوال بس ما عندي حد الوحده امبين الناس تذبح و انا غريبه في بلادي و بين هلي و ناسي الله لا يراويكم الاحساس بهذا اشعور
]تمنيته يوصل ابسرعه ويوم وصل قالي نحن لاوم نرجع وافقت بدون تفكير و وعدته اني اتحمل كل شي بس يكون عندي و احس بوجوده ما بغيت شي صدقوني​

طلبت منه الأمان الراحه و الاستقرار ما طلبت شي ما دي قالي لازم تاخذين مهر قلت له ما ابا ما ابا شي و اذا لازم مهريه كان 100 درهم بس الباقي بس يوعدني ان كل شي يتغير و وعدني بس انا حظي اسود مالي حظ في الدنيا للأسف و كل شي انا اباما يصير ​

طبعا اتصل لابويه و قعد يترجاه ايي المحكمه لانه تعرفون لازم وجوده هو الولي و الحمدلله ردينا ولا خبرنا حرمته المهم ردينا احسن من قبل ابوايد و اصرهو اني لازم احمل و الحمدلله حملت بولديه الاول و كان مستانس اول مره احس اني حرمه و افرح بحملي و اني اشوف ريلي مستانس عليه و سالته عن وضعه يا حرمته و طبعا كان يكذب عليه و انا اصدق المهم وفي ويم من الايام اكتشت انه يكلم وحده بصدفه ما قدرت اتحمل ما تخيلت انه يكلم و ليش و شو اداعي واجهت عصب عليه و بدت مشاكل من نوع ثاني تميت اشك فيه لاني و بختصار احبه انا مالي غيره يكفي متحمل وجود حرمته ليش هذيل في الصوره سالته تعذرلي بعذر يفشل قال اني لاهيه في الحمال و اني تعبانه وانه هذي البنت هي الي تلاحقه
انا صح كنت اختياره و اكيد انه يحبني بس ريلي عنده مرض اسمه بنات هو ما يوصل لمرحلت الزنا بس تسليه في التليفون يحب يكون مرغوب عند البنات و انه موضع اهتمام ما الوه عمره 19سنه لما ازوج وياب اعيال و شغل و مسؤليات و بعدين يت انا انا متاكده انه على رغم عيوبي و ما ضيه حصل فيني الانثى الي ياما دور عليها و كان يعوض كل النقص الي فيه الي ما يقدر يسويه عند حرمته كان يعيشه معاي و انا كان كل همي بس اسعده و هذا كان غلطيه ارخصت نفسي له يمكن لاني كان ماضيه و خجلي من نفسي هو السبب لاني دوم كنت اشوفه احسن عني بس على رغم هذا كنت اشوفه انه هو الأنسان إلي يكملني وعدني انها اخر مره و انه مجرد غلطه وانها من الماضي يوم كنا منفصلين و هي الي ترد تتصل مب هو​

دايمن الريايل جذيه يحطون الغلط على الحريم هم دايمن ابرياء و نحن الوحوش سبحان الله
سامحته مشت الحياه بديت احاول اتقرب منه بكل شي تتخيلونه غديت الام له و الاخت و الصديقه بغيت اكون كل شي في حياتي مثل ما هو يمثل كل شي في حياتي انا ما شوف اني غلطانه غير في اني كنت غبيه اناإلأي ربعت و راه كان لازم اكون غير بس تقدرون تلوموني شفتوا حياتي كيف كنت اقدر احافظ عليه غير جذيه ؟؟؟؟؟؟؟​

بس صدقوني اكتشت انه مها كنت زينه ما في فايده و الحمدلله رغم المشاكل و الشك و الغيره الي كانت تذبحني بس كانت احسن لي ان حرمته ما تعرف و مفتكين من شرها بس طول المده ونحن نتضارب و نرضى مب عارفين كيف نخلي حياتنا تمشي بدون مشاكل ​

وقت الولاده اثنتين اتصدوقن دخل معاي ما خلاني ابروحي و الله على رغم اني كنت خايفه اتلوع كبده منى بس اكتشفت انه كان يحبني صدق و يخاف عليه و انه حبه لي زاد و انه يحب اعياله بطريقه غريبه قالي انا في حياتي ما حضرت ولادة اعيال الي من حرمته الاولى يوم يوصل تكون ربت كان دوم يقولي انهم غالين عليه وايد وبالأخص و لديه الاول وهو و لله الحمد يحب اعياله كلهم وانا شفت هذا لشي بعيني اهتمامه و خوفه عليهم يخليه يكبر في عيني لان اطمنت على عيالي ان عندهم اب يخاف الله فيهم و يفكر فيهم و يحبهم و يبا سعادتهم و راحتهم واقصد عاياله كلهم لانه مع عيالي عتده سبعه​

و عيالي ما شي مده طويله امبينهم الاول عمره الحين سنه و ثمان اشهور و الثاني سبع شهور فديتهم والله هم و اختهم الي عمرها الحين 12 سنه و الي يشوفنا مستحيل يقول انها بنتي ما شالله اطول عني مره يتني وقالتي( اميه انا ما كنت اتخيلت انه بيكون عندي اخوان انا وايد مستانسه انه عندي اخوان وانج انتي امي ) فديتها والله صيحتني هذي البنت و الله انها عانت معايه في حياتها مرات احس انها حزينه وان السبب واكيد انها اتشوفني كم مره انضؤبت جدامها و كم مره انهنت و تعلوزت وهي بعد فديتها كم عانت اتمنى من الله انه يبارك فيها و يقدرني اربيها و احسن تربيتها و انها تكون عون لي و لخوانها و يكونون عون لها انشالله و يستر عليها بريال يخاف الله انشالله ​

المهم ما خليت طريقه تتخيلون من الي سويته كنت افصل اثياب لحرمته و اشتري هداايا و ثياب و كل شي لها و لعيالها و حتى هدايا العراس الي تحظرهن انااجهزهن الها و هي ما تردي على بالها ريلها عنده ذوق وصدقوني وهذا مب كلامه انها ولازالت ما يهمها غير الماده عادي عنده انه يكلم يسوي الحرام بس ما يعرس لانه يوم يعرس بينقصن افلوسها والله لو انه اييب كلينكس ألا لازم اعرف من وين و كيف وهو يعرف انا اشكثر اغار و يهمني اعرف عنه كل شي و انا عرف ان هذا غلط بس شو اسوي انا وايد صرت عصبيه و شكاكه وما عندي حتى في نفسي ثقه كيف اثق فيه ودي ارتاح بس ما اعرف كيف ​

سويت هذا كله علشان ارضيه و اكون اكبيره في عينه بس هذا و غيره من اشيا ماشفعولي
بخيركم بالي صار عقب انشالله تريوني ولا تنسوني بدعاكن بالهدايه وان يرجعلي امليه ​

اختكم في الله ​
 
الله يكون في عونج وادعيلج في كل وقتي ان الله يسعدج ويصلح شان ريلج لج

وفي انتظار باقي قصتج الغاليه
 
الله يفرج ويوسع عليكي انتي وعيالك ويسخر لك زوجك

باذن اللللللللللللللللله

دعواتي لك...
 
لاتقنطي غاليتي من رحمة الله
الله رحيم وسعت رحمته كل شئ
الله ارحم بعباده من الام بولدها
عليك( بسهام الليل) صلي قيام الليل وادعي الله ان يفرج همك ويرزقك السعاده في الدارين
اكثري من قراءة القران ففي قراءته راحه نفسيه
اكثري من الاستغفار اخرجي المنكرات من بيتك وتذكري ان مايصيبنا من شئ الا بسبب ذنوبنا
تفكري قليلا اي جانب قصرت فيه بادري باصلاحه
حبيبتي
تذكري ان الله انعم عليك بنعمة البصر وجعل غيرك اعمى
تذكري ان الله انعم عليك بنعمة الابناء فهم زينة الحياه وجعل غيرك عقيما
تذكري من هم افضع هما وغما منك يهون عليك مصابك
تذكري ان في الدنيا من عانوا اكثر منك بل تعذبوا أشد انواع العذاب
تذكري اخواتنا في فلسصين فلكم عانو منذ ان فتحوا اعينهم على هذه الدنيا وهم في حرب وقتل وتشريد

اخيتي اللذين ابتلو في الدنيا يوم يدخلون الجنه يتمنون لو قرضوا بالمقاريض في الدنيا من شدة فرحهم بما رأو من نعيم الجنه وبما اعده الله للصابرين
عزيزتي احتسبي واصبري فان الفرج قادم والسعادة آتيه
وختاما تفائلي فان من تفائل بالخير وجده
اختك
دمــــــــوع الصمت
 
ربنا يعينك علي اللي انتي فيه يا حبيبتي ويبارك لك في اولادك ويكون عون ليكي في الدنيا ويعوضك ربنا خير في الدنيا والاخره
 
الله يكون فى عونج ويفرج عنج همج واتذكري ان الله سبحانه وتعالى
يختبر صبر عباده والله يجعل لك بعد كل عسر يسر وبعد كل ضيج مفرج
 

و عيالي ما شي مده طويله امبينهم الاول عمره الحين سنه و ثمان اشهور و الثاني سبع شهور فديتهم والله هم و اختهم الي عمرها الحين 12 سنه و الي يشوفنا مستحيل يقول انها بنتي ما شالله اطول عني مره يتني وقالتي( اميه انا ما كنت اتخيلت انه بيكون عندي اخوان انا وايد مستانسه انه عندي اخوان وانج انتي امي ) فديتها والله صيحتني هذي البنت و الله انها عانت معايه في حياتها مرات احس انها حزينه وان السبب واكيد انها اتشوفني كم مره انضؤبت جدامها و كم مره انهنت و تعلوزت وهي بعد فديتها كم عانت اتمنى من الله انه يبارك فيها و يقدرني اربيها و احسن تربيتها و انها تكون عون لي و لخوانها و يكونون عون لها انشالله و يستر عليها بريال يخاف الله انشالله
​

كررت هذه الفقره اكثر من مرة
ربي يجعلها بنتا صالحة ان شاء الله
انظري ماذا تقول لك ثمرة صبرك
سبحان الله
اللهم ارزق هذه المرأة الخير كله عاجلة وآجله
وبارك لها في ذريتها وقدر لها الخير اينما كانت
اللهم يا مقلب القلوب ثبت قلب هذه المرأة على دينك وطاعتك
اللهم قويها وانصرها وارفع راسها وفرج همها اللهم آمين
نحن في انتظارك
​
 
حبيبتي الله يرضى عليك لي طلب عنك
لوسمحتي غيري الخط وخلك على الخط الاول في الكتابه
لانه اميمتك نظرها مح وصدقيني ما خلصت من الفقره الاخيره
إلا وعيوني كل وحده منهم تسلم على الثانيه الكبر شين يا يمه
كل الشكر والقدير لك​
 
آلمتني حياتك حتى اني احس اني تأثرت بها وكاني اعيش احداثها
كان الله في عونك حبيبتي وابعد عنك الهم والغم
اتمنى لك التوفيق في حياتك الاسرية
 
الله يعينج اختي ما أعرف كيف كنتي عايشة وكيف عشتي بس صدق صدق معاناه بمعنى الكلمة
بس أسمحيلي أقول حسبي الله ونعم الوكيل على ابوج إلي وصلج لهاي المرحلة ومرت أبوج وعماتج وطليقج حسبية الله عليه وعيال الحرام إلي دمرووووج وكل وااااااحد ما يخاف ربة بي يوم بيتذكرون
 
الله يعينج اختي ما أعرف كيف كنتي عايشة وكيف عشتي بس صدق صدق معاناه بمعنى الكلمة
بس أسمحيلي أقول حسبي الله ونعم الوكيل على ابوج إلي وصلج لهاي المرحلة ومرت أبوج وعماتج وطليقج حسبية الله عليه وعيال الحرام إلي دمرووووج وكل وااااااحد ما يخاف ربة بي يوم بيتذكرون إلي سووه

عليييييج بقراءة صورة البقرة عند قيام الليل
 
السلام عليكم ورحمة الله وبركاته يا بسمة أمل:blush-anim-cl:

قصتج ولا الخيال ... بس خلي ثقتج بالله كبيرة:icon26:

وعليج بسهام الليل اللي ما تخطي أبد:idea:

وديري بالج على الكتاكيت فديتهم:clap:

ربي يجعل دربك كله طاعة ومغفرة:nosweat:

وترا هذا كله تكفير ذنوب وزيادة درجات:icon26:

بس لا تطولين علينا...يالسين نتريا منج أخبار سعيدة ان شاء الله:bye1:
 
الحالة
مغلق و غير مفتوح للمزيد من الردود.
عودة
أعلى أسفل