السلام عليكم ورحمة الله وبركاته
أختي مالي أمل .. أنا ما بزيد على كلام الأخوات .. ماشاء الله عليهن .. كفن ووفن.. بس حبيت أحط رايي في الموضوع إذا سمحتي لي .. بأن أكون أكثر واقعية من الإنغماس في المشاعر والرفق فيج .. فلو كنتي أعز إنسان لي في عالمي .. أو كنتي أختي من أبوي وأمي كنت بقول نفس الكلام .. أتمنى ماتزعلين مني يالغلا.. ترى اللي شفتيه مب شوي ويمكن انج مب ناقصة كلام حد يطيح فيج أكثر عن اللي قالوه لج اللي حواليج ..
عزيزتي ..!
أنا قريت كلام بعض الأخوات الكريمات اللي حطن اللوم على أبوج.. لأنه هو المفروض انه يحميج يوم كنتي في هذيج السن الصغيرة .. وبكل الظروف اللي مريتي فيها .. وهذا يسمونه (عقوق الآباء لأبنائهم) وترى شي رب كريم بيحاسبه على كل اللي سواه في حقج ..!
وبالنسبة لأمج .. ولو انها ما لها أي يد بشكل مباشر باللي استوى عليج .. بس كان المفروض تتحرك فيها غريزة الأمومة ولو انها ماتعرفج من طفولتج .. بس الله انتقم لج منها من دون ماتعرفين ولا هي تعرف .. ان الله نزع من قلبها الرحمة .. وهذي بروحها أكبر عقاب لها .. وما غضب الله من قوم إلا نزع الرحمة من قلوبهم ..
وقال عليه الصلاة والسلام: (ارحموا ترحموا واغفروا يغفر لكم) رواه أحمد
فأدوا ما عليكم يا عباد الله سواء أكانت لله أم لعباده.. ولاتكونوا قساة القلب.
عن أبي هريرة رضي الله عنه قال: سمعت الصادق المصدوق صاحب هذه الحجرة أبا القاسم - صلى الله عليه وسلم- يقول: (لاتنزع الرحمة إلا من شقيّ) رواه أبو داوود..
انتي أدعي ان الله انه يسامح أبوج وأمج .. فعقابهم جليل في الدنيا وفي الآخرة .. وشقائهم في الدنيا قبل الآخرة بيكون عظيم .. اللهم أجرنا برحمتك...
غاليتي..
أنا مع بعض الأخوات في آرائهن.. وقد أختلف مع البعض الآخر .. فالمشاعر في هذي المرحلة من حياتج خليها على صوب .. انتي اتبعتي مشاعرج في البدايات .. وشوفي وين وصلتج ..!
انتي يوم فكرتي تكتبين في هذا المنتدى الطيب قصة حياتج .. ذكرتي فيها اللي ما ينقال للعلن .. وهذي أعتبرها شجاعة كبيرة منج .. لأنج بديتي تصارحين نفسج من دون ماتدرين بالأخطاء اللي كنتي تسوينها ونتائجها عليج وعلى مسيرة حياتج كلها ..!
وانتي بالفعل إنسانة شجاعة وجريئة .. بس ما لقيتي في حياتج اللي يسندج علشان تظهر هالقوة اللي في داخلج (في عقلج الباطن) بشكل صحيح وقويم ..
احنا كلنا تعاطفنا وياج للأخير .. ومازلنا .. وأنا أولهم .. لأنج بنت بلادي .. وللأسف وايد من هالمشاكل حاصلة بس بالظلام والدس والخش محد درى عنها... وأنا ألوم المجتمع وألوم الآباء اللي مايراعون الله في عيالهم .. سواء إناث أو ذكور..
أنا مع الأخت أم النواعم جزاها الله خير .. فكرت بمستقبلج بعد ما اطلعت على ماضيج المؤلم وحاضرج الموجع.. المستقبل مب لج انتي .. بل لعيالج عزيزتي .. هم المستقبل .. لاتشتتينهم من دون ماتحسين بنفسيتج القديمة .. دربيهم على القوة في شخصج انتي.. احتويهم .. عيشي وياهم ولهم .. وأنا بقتبس كلام الأخت أم النواعم إذا سمحت لي ..
[/center]
إبليس لعنة الله عليه .. يدخل الإنسان من مداخل كثيرة .. ويسري في الإنسان مسرى الوريد .. فاستعيذي بالله منه كلما فكرتي بأفكار سوداوية .. ولا تيأسي من رحمة الله .. فرحمة الله وسعت الكون كله .. ولقد أرسل لنا رسولنا الكريم .. رحمة لنا .. لأنه يحبنا ..
وهذا اللي كنت بقوله وما لقيت من الأخوات قالتها إلا القليل منهن .. كلهن تعاطفن وياج وابتعدوا عن اللي تبحثين عنه .. كل الكلام عن الاستغفار جميل .. ولكن انتي محتاية للعمل الفعلي علشان يكون الدعاء مقترن بالعمل .. والعمل اللي اقصده انج تسوين شي ايجابي لعمرج بجانب الأدعية وكثرة الاستغفار والصلاة وكل الأعمال الصالحة اللي ترومين عليها..!!!
عليج مسؤولية .. الله يعينج عليها .. لا ترتجين من بشر انه يوقف وياج .. انتي لجأتي في السابق للبشر دون الله.. لجأتي لصديقة .. لجأتي لغرب وناس ماتعرفينهم .. لجأتي لأمج .. لجأتي لأبوج مغصوبة .. محد فادج ولا بيفيدج غير وجهه تعالى .. الجأي له وايد .. والله إذا حب عبد من عباده امتحنه وزاد في امتحانه ..
إذا كانت عندج وظيفة تمسكي فيها .. وإذا ما كانت لج وظيفة وودرتيها ردي لها أو دوري لج على وظيفة ثانية .. وبمكان راقي وشلي من راسج انج تعرسين والا حد يلفت نظرج والا تلفيتين نظر حد .ز خلي كل همج عيالج وبس .. وإذا كنتي مب منقبة .. تنقبي أفضل لج لكي لايطمع الذي في قلبه مرض..
لاتتريين هذا الزوج .. فوجوده مثل عدمه .. دام ان زوجته واقفة له بالمرصاد .. فما له أي قيمة تذكر .. ادعي الدعاء الأخير اللي قالته الأخت أم النواعم .. ترى المنقذ مب ريلج ياعزيزتي .. انتي اللي تحددين منو منقذج في حياتج .. حاولي وحاولي وحاولي أكثر عن ألف مرة .. ولاتلجأين للعباد .. بل لرب العباد ..
تحياتي لج الغالية .. وفرج الله همج وهم كل مهموم ..
اللهم آمين
[نور البدر قالت ووفت وكل الاخوات 000انتي الامل الحييييييييين كلك امل شفتي كلنا خواتك ومعك لان الله معك يالغاليه 000لا تخلين عيالك يعيشون اللي عشتيه حرام عليك 000تخيلي عيالك مكانك بترضينه عليهم اكيد لا لا لا 000لا تزعلين علي وتقولين قاسيه لا والله اني تعاطفت كثير معك بس انتي مادخلتي هاالمنتدى علشان نتعاطف معاك 00دخلتي تبقين الحل والمشورة الطيبة صح---فاليوم الله الله في عيالك وفي نفسك واللي فات مات ركزي في صلاتك وبيتك وعيالك ---وشوفي الجمعيات الخيرية ماراح يقصرون معك وظيفتك لا تخلينها 000اسعدك الله وبارك لك في حياتك ولك دعوة في ظهر الغيب 00وحنا جاهزين في اي وقت وقلوبنا مفتوحة لك وتقبلي تحياتي0
