فكرة ذكرى ملكتي .. خليته يدور على هديته ما يلاقيها الا في ....؟؟؟....

[روتـــانا]

كيفكم بلقيسيات ...

اليوم جبتلكم فكرة ذكرى ملكتي <<< ذكرى زواج ويلا الخراج خخخخخ

انا احب احتفل بكل شي .. وكل شي اكتبه عندي واودنه وما انساه ..

يعني لو سألتوني قبل 3 سنين زي اليوم كنتي فين والله اقولهم <<< مهوووووووسة ذكرياااااات :31:


الموهم ... نرجع لموضوعنا ....


طبعا التركييييز في اليوم دا كان على كل شي يخص ملكتي .. وما لعبت في البيت كثير ... لعبت اكثر على الهديه وطرية تقديمها ...


بالنسبه للبيت ...

كانت المفاجأة في غرفة التلفزيون ...

اما غرفة النوم .. كنت مرتبتها وفارشه لحاف حلووو ... وولعت الاباجورت اللي على الكمودينه على الخفييف وحطيت شموع على التسريحه والكمودينا ... وشغلت الفواحه وبخرت الغرفه .. كانت هاديه وريحتها حلوة واضاءتها خافته .. وجهزتله البيجاما فوق السرير .... وكان الجوووووو رومانتك .. وشغلت ميوزك في البيت هاااااادي ... وواصل لغرفة النوم وغرفة التلفزيون والبيت كلو..




اما غرفة التلفزيون ( غرفة الجلوس ) ..

جبت كللللل الصور والالبومات اللي تخص يوم ملكتي ... وشغلت في التفزيون سي دي ملكتي كان فيه الصور والزفه وكل شي ...

وكل ركن في الغرفه تلاقي فيه صور ملكتنا وشمووووووع ... ترست الغرفه صور وشموووع.. جنب كل صوره شمعه ... عشان الشمعه تنور الصورة... لان الغرفه ظلااااااام ...

وجبت الالبوم الكبير .. وفتحته زي الكتاب وهو واقف وحطيته جنب الاباجورة ..

وبخرتها وعطرتها ... وكانت رااائعه ..


وحتسؤلوني اش الهديه؟؟؟؟ ...


الهديه يا حبيباتي كانت تيشريت ,, بس تيشريت غييييييييير شكل ... لانه هوا يحب النادي الاهلي سويتله تيشيرت مرسوم عليه شعار النادي الاهلي ... ومكتوب عليه اسمه واسمي (( بس كتبت اسمي بطريقه ما فيهمها الا هو )) عشان يرضى يلبسها قدام اصاحبه <<< ما يحتاج اوصفلكم عن الشماليين ..

(( وللمعلوميه التيشرت عملته عند وحده هنا في المنتدى ترسم عالتيشيرتات ))


دحين جا دوري ..

انا <<< اعوذ بالله من كلمة انا ... كنت لابسه لانجري (( بيتش )) <<< سوري بس ان شاء الله وصلت المعلومة ...

كان لونه احمر واسود ... وسشورت شعري وحطيت ميك اب خفيف واتبخرت واتعطرت وكل كل كل شي ..

ولبست فوقه روب قصير حرير اسود <<< بالعاني اخترته حرير مو شيفون عشان لا يشوف اش تحته <<< ياما تحت السواهي دواهي :31:..

الموهم وجا ابو الشباب ومو داري ان فيه مفاجأة في البيت اصلا ..

فتحتله الباب و ...... طووووووووووط .....

والعاده لما يجي و يدخل غرفة النوم ادخل معاه .. بس المره دي غير .. هو دخل غرفة النوم ... وانا رحت على غرفة التلفزيون وجلست .. طبعا هوا استغرب ... بس لما دخل غرفة النوم فهم :22: ... اخد دش ولبس البيجاما .. وجااااني ... مررررررة انبسط على شكل الغرفه ... سألني اش المناسبه ؟؟؟... قلتله طالع في الصور حتفتكر ... وطالع في الصور .. وحاول يسترجع التاريخ وافتكر :clap:... و ........ طوووووووووووووط......

وبعدين قلتله ما تبغى تشوف هديتك :9: ... قلي كمان فيها هديه ... قلت اكيييييييد فيها هديه .. هو في احد اغلى منك ... بس لو تبغى تعرفها ... قوم دور عليها بنفسك ... اذا كنت تبغاها قوم دور .. واذا ما تبغاها خليك قاعد ... قلي طبعا اكيد ابغاها ... قلي طب ساعديني .. قلتله طيب هي هنا في الغرفه ... ولما تقرب من المكان اللي هي فيه انا حغني ولما تبعد حسكت ... وجلس يدور يدور يدور ... وكل ما يقرب مني اغني وكل ما يبعد اسكت خخخخخخخ.... ولما حسيته خلاص بدأ يكركبلي الغرفه وتعبي حيروح في الهوا ..

ناديته :blush-anim-cl:..

قام طالع فيا :detective2:..

قمت فتحت الروب وفسخته :msn-wink: ((( كنت لابسه التيشيرت تحت الروب )) ... شااااااااافه اتجنننن ... وصار يحضنني :cupidarrow: <<< هوا يحضن التيشرت من انا ههههههههه

ومرررررره عجبه ... قلتله اكيد نفسك تقيسه!! ...

وفسخت التيشيرت :blush-anim-cl:..
عشان اعطيه يجربه ..
وانا افسخ التيشيرت:msn-wink:... عيوووونه اتسمممممممرت عللي انا لابسته وفدددددددغ :nosweat:خخخخخخخخخ ..

ونسي التيشيرت :31:... قمت فتحتله ازارير بيجامته ولبسته التيشرت ... ومارضي يفسخه جلس فيه و..... طووووووووووووووط ......

وتوتا توتا خلصت الحدوتا :22:....


يارب تكوت الفكرة والهديه وطريقة التقديم عجبتكم ..












ا

 

[رحـى]

مساك دلع وشوق,,
الله يعطيكي ألف عافية,,لأن يوم ميلاد حياة روحي قريب,,و ودي أعمله شيء مبتكر,,وفكرتك,,ماشاءالله,,مبدعةومثيرة,,
إلهي يسخرلك زوجك الغالي بكل جوارحه,,ويكفيكي شر قضاء السوء,,ويوفقك بكل ما تتمنين,,اللهم آمين يارب العالمين,,

 

[صغنوووونه]

أبدااااااااااااع والله

نفسي اصير رومانسيه وحركات بس اللي عندي مايحب

ولو اولع شمعات بيطفيها كلها

الله يحفظط ويحفظ زوجك ويسخركم لبعض

 

[الأنثى الجميله]

ماشاء الله فكرتك ناااار الله يعين زوجك ههههههههههه
دوووووووم المحبه بينكم

 

[حبة فريز]

الله يديم المحبة بينكم على طوووول ويجعلكم من أسعد خلقه ويرزقكم بالذرية الصالحة الي تقر عيونكم

 

[*^*^*ReEmA*^*^*]

حركة التي شيرت خطييييييييييييييييرة ماشاء الله.
الله يحفظكوا لبعض..

 

[عاجبني غروري]

راااااااااااائعة

 

[غمووض البدر]

ما شاء الله عليك فكرتك مررررررررررررة خطيرة عجبتني وايد ربي يسعدك ..
شكلي بسويها في ذكرى الزواج بعد شهر خصوصا أن زوجي مجنون في الأهلي بس لوسمحتي كيف حطيتي التيشيرت من قسم المتاجر؟
مع جزيل الشكر..

 

[رنودة**]

فكرة حلوة الله يديم المحبة بينكم يارب

 

[شيخـ الزينات ـة]

يسعدك ربي وربي اسلووووووووووبك حمااااسي تابعات كلامك على الاخر فكره حلووووه واسلوب احلى فديتك وربي يسعدك ويوفقك ويرزقك بالذريه الصالحه الباره

 

[يارب ارزقني طفل]

حلوه الحركه الله يسخره لك

 

[اللمسه الملكيه]

حلوة الحررررررركة بس ياليت تقولين عند مين صلحتيه

 

[روعه الخيال]

رووووووووووووووووووووووووووووووووووووووووووووووعه
الله يديم المحبه بينكم

 

[ام احلى بنت]

وااااااااااااااااااااااااااااااو انا انهبلت على الفكره ماالووومه لوانهبل ودي اسالك زوجك شمالي شرقي مثل بعلي
او شمالي غربي مره مره عجبتني فكرة التي شيرت وطريقة لبسك بس ابيك توضحي وش معنى بيتش؟
وكيف قميص نومك لان ودي اشتري قميص نوم غير شكل وكيف كتبتي اسمك بدون ماينفهم ياليت تردي على استفساراتي زوجي بيسافر عند اهله واذا رجع ودي اسويله يوم حلو مثل الي سويتيه
وبقولك زوجي مايهتم للمباريات وش اسوي له على التيشرت فكري معي ماشالله عندك افكار وابداع شكلك غررررررررررربيه

 

[hug me]

ناااااااااااااااااايس فكرة اجناااااااااااااااااان
بس لو ما اتحطين موسيقى لانها حرام وتغضب الله لو تبدلينها بأناشيد في اناشيد حلوه

 

[تباشير المطر]

للاسف ودي اسوي نفس الحركه بس ما اقدرلان ذكرى زواجنا في ثاني يوم العيد وهو كل عيد يسافر مع اصحابه

 

[ساحرة بس شاطرة]

ماشاءاللله عليك

روووووووووووووووووووعه

الليه يوفقك ياعسل تسلمي



............تحياتي

 

[القمر الخجول]

حلووووووووووووووووووو
كتير
الله يهني كل وحدة تحب زوجها وتسوي له مفاجائات
من جد رومانسية ودلع وحب طمأنينة
عليكم بالعافية يابنات

 

[شرووقه]

ماشاء الله حلوه الفكره

 

[بقايا شوق]

ماشاء الله عليييييييييج
عجييييييييييييييييييييبه الفكره
الله يهنيكم