الموضوع رائع استفدت جدا من مشاركات الاخوات
لكن لي تعليق بسيط على بعض الردود
هالاسلوب ماينفع مع كل الرجال انا صار لي متزوجه 13 سنه ...وللاسف قبل 7 سنوات صرت اطبق هالطريقه مع زوجي بناء على نصائح قريتها في منتدى نسائي
ماكنت اعرف انها بداية اذلالي من زوجي
والله العظيم بدا يحسسني اني خدامه وصار يقولها صريحه وانه لازم اسوي له كذا حتى لو انا مريضه ...ووصلت انه صار بالليل يقومني من النوم ( وانا حامل بالشهور الاخيره )حتى اخدمه باشياء تافهه يقدر يسويها وهو مستلقي على السرير
مثلا ...ادهن يدينه..اجيب له مويه..اجيب الكماده..اغطيه!!!!
وصار ما ياخذ الشيء مني على طول يخليني شايلته وواقفه عنده وقت طويل
مثلا غترته ماياخذها يروح يتعطر ويسوي أي شيء ولو انزلها او اعلقها يقول ليه؟؟؟ بزعل
انتي وش وراك انتظريلين اخلص..
والله العظيم حتى صار يمد رجله ويخليني امسح جزمته وهو لابسها...ويرمي الاوراق اللي مايبغاها بالارض ويقول لي شيليها باسلوب امتهان وهو يطالع..
كل هذا ولا كلمة شكر او ثناء بالعكس صار يهزئني اكثر ولما انشغل عنه يزعل ويهزء
لحد ماتعبت وانهكت جسديا و نفسيا
ولما اعترضت على اسلوبه معي صار يقول اللي جابك يجيب غيرك!!!!!!!!!!!
شفتوا شلون انا ذليت نفسي بنفسي
لكن وقفت عن كل شيء كنت اسويه وبينت له ان عندي مشاغل غيره وحسسته اني ماني ملزمه بهالاشياء واني مو خدامه
حصل زعل كثيييير بالبدايه لكن تغير
من صرت احترم نفسي ...صار يحترمني
وصار يشكرني على كل شيء
اختي سوت مثلي وللاسف زوجها مثل زوجي ماقدرها نهائي ومعتبرها خدامه وانها ملزمه بكل شيء تسويه
وللعلم زوجي وزوج اختي شماليين ...يمكن نمطهم مايناسبه هالتعامل..
حبيبتي اقري ردي السابق
دلعي زوجك وعلقيه فيك بطبخك ...بنظافتك ونظافة البيت ..باسلوبك ...باشياء معنويه..
ولا تتدخلين باموره الخاصه اللي كل الناس تسويها بنفسها وماتحتاج مساعده من احد مثل تجهيز ملابسه .استحمامه.
كلامك سليم 100%
خليك قويه لكن لاتستغنين عنه