فقدت السيطره على بنتي الكبيره واخوانها التوأم

[ضاع الوفا]

السلام عليكم ورحمة الله وبركاته ...

مشكلتي مشكله ... بختصرها فبنتي اللي عمرها 4 سنوات .. عنيده .. وعنيفه واااااايد ويا اخوانها .. ونقلت هالعنف لخوانها التوأم سنتين ( بنت وولد) آخر جريمه صارت من اسبوع .. بنتي الكبيره عضت اختها اللي عمرها سنتين في منطقه الجبهه !!!!!!!!! وبأظافرها عملت خريطه محترمه في وجه اختها .. لدرجة انه صادف ان بنتي التوأم مرضت بالحمى والتهب الجرح اللي كان في الوجه .. تصدقون !!!!

- او انها ... تدفعهم من مسافه انا اعتبرها قاتله بس الله عليهم كلهم ...
- فالمدرسه ماكانت تتكلم ابدا وعنييييييده لمده شهرين لدرجة ان المعلمه اتصلت فيني وتسألني هل بنتي تتكلم فالبيت ولا ساكته باستمرار لأنها احتارت معاها ....

بس جلست مع المعلمه وشرحت لها شخصية بنتي والاسباب اللي دفعتها لهالاسلوب الوحشي مع ان قلبها وااااااااااايد طيب والله وحنوووووووووونه .. ما تحب تشوف حد مريض لا انا ولا ابوها ولا اي حد غريب .. واذا كلمتها بهدوء ترضى مع المطالبه بالدلع ( ماما قوليلي حبيبي بسمع الكلام!!!)

يمكن لأني قبل لا احمل بالتوأم كانت مدلله من ناحيتي وكنت واااايد اخاف عليها لأن المشاكل اللي كانت تحصل بيني وبين زوجي كانت فوجودها ... كان في تعدي بالضرب من زوجي لي وكانت فالنص تشوف كل شي .. مع اني انبهه ان هالشي غلط ... بس عقليه بايخه من هالناحيه والشرح فيها مطول ... انا اللي يهمني الحين عيالي وبس لأن نفسيتهم جدا تعبانه ... وكون اني ساكنه في بيت اهل زوجي اللي ما احبهم بالمره لأنهم معاديني 24 ساعه فما اروح عندهم ولا اسلم عليهم وعلاقتنا جدااااااااااا مكسوره للآخر ومستحيل تتصلح . ولا تطلبون مني هالشي لأن الاسباب مطوله .. واذا كان الحل في بيت مستقل ففالوقت الحااااااااااااااااااااالي مستحيييييييييييييييييييييييييييييييييييل جدا جدا :tears:


بالنسبه للتوأم متفقين احيانا واحيانا لا .. والضرب بينهم من الحلاوه :shutup: وعندهم اسلوب مين اللي يغلب:sadwalk: وانا مع الصراخ المتواصل لتهدأة الاوضاع ولكني افشل احيانا إلا اذا استخدمت وسيلة الضرب ولكن الغير مبرح ... في خوف بس قليل ... وزوجي مش مساعدني في تهدأت نفسيتهم ابدا ... اذا سمع لهم صوت على طول يضربهم ..


للعم نحنا عايشين فغرفه كبيره بس بالنسبه لي انا وعيالي .. كوخ صغير :sadwalk::tears: ملل .. وتعبت نفسيا .. مب قادره اركز فأي شي .. ومب قادره انظمهم ...

ارجع من الدوام ... وابوهم على طول (( يالله نووووووووووووم وبدون صوووووت)) نفس واحد . ضرب على طول ... ينامون مع انهم صايحين قريب ... أكلهم مش صحي ... مايرغبون لأني اكل نعمله .. كون اني ماقدر اطبخ لهم لظروف قاسيه من ناحية اهل زوجي ... فاظطر اني استعين بخدامتي واحيانا اعطيهم الاشياء السريعه ومع ذلك مايرغبون بالأكل اطلاقا إلآ نادر ...


كيف ارتب نفسي معاهم ... :tears:

 

[ضاع الوفا]

أزيد من الشعر بيت ..

الالفاظ القبيحه حدث ولا حرج .... كل اهلي يعرفون ان هالالفاظ مستحيل تطلع منّي ...

اهل زوجي الله يسامحهم يلقنوننهم في غيابي متعمدين لأنهم يعرفون اني ما احب هالألفاظ ... حتى بديت استحي اخذهم معاي لأي مكان من هذي الالفاظ ...

المكان الوحيد اللي يطلعون فيه طاقتهم ... لعبة البيت الآمن المنتشره في المراكز اللي فيها كور والبيت كله من الاسفنج والربل .. ان شاء الله عرفتوه ^ــ^

 

[أ.نجوى ناجي]

إطلعي على هذه الاستشارة ان شاءالله بتفيدكِ ..

http://www.niswh.com/vb/showthread.php?t=40423

 

[ضاع الوفا]

مشكوره الغاليه على الرد ... والحمدلله ارتاح بالي .. وخاصه ان ابوها مسافر وبقدر شوي اتحكم فيها بهدوء ... مع العلم اني من طرحت الموضوع حسيت اني تلقائيا بديت اغير من اسلوبي قبل لا أٌقرأ الرد ^ــــــــــ^ والله فرحت اني أقدر ان شاء الله اني اغيرها شوي ...


بس هل تنصحيني اني ادخلها مركز صيفي .. او احاول انا اشغلها بنفسي وبمعرفتي ... علما بأن المدرسه اللي فيها يهتمون ب نفسيت الطفل قبل كل شي ... فأني عندي المدرسه كأنها مركز صيفي


شو نصيحتج اختي .. وجزاكي الله الخير الكثير

 

[أ.نجوى ناجي]

لامانع من المركز الصيفي فهو يملأ وقت الفراغ ويقوم شخصية الطفل للأفضل إن شاءالله لو انتقينا الأنشطة والمكان بالإضافة إلى إختلاف نفسية الطفل بالإنشغال