@باونتي@
New member
- إنضم
- 2008/10/14
- المشاركات
- 663
السلام عليكم ورحمة الله وبـــــــــــــــــــركاته..
مساااء/صبــــاح الخير..
الى كل زوجه ...الى كل عروس ببداية زواجها ..الى كل زوجه مر على زواجها السنين..وعشرة العمر..ربما قد تكون تجاربي في حياتي الزوجيه فائده عند البعض......
سأذكر مااستفدت منه في حياتي الزوجيه...واتمنى كل زوجه ان امكن تذكر لنا في ردها لو فائده استمدتها من تجربه قد مرت بها في زواجها...
فسيكون بيننا حبل وصل..سيكون بيننا اخذ وعطاء..سيكون بيننا نقاش سليم ايجابي مفيد....
.............................................
الى كل زوجه عروس..
حاولي تعودين زوجك على عادات انتي تبينها ,انتبهي ترخين له الحبل ع الاخر تحت مسمى انا عروس خجوله..هذا حقك بل من ابسط حقوقك ابدي معه بداية صراحه وخبريه ايش اللي تبينه بالحياة وايش اللي ماتحبيه وتستكرهينه ..اتفقي معه على مصروف شهري مبلغ معقووول لامبالغ فيه ولا قليل..وكل سنه يرفع من قيمة المبلغ((اكثر المشاكل الزوجيه بسبب الماديه فانهي الموضوع من بدايته وضعي حلا قبل المشكله))
حاولي توضحين له طبيعتك وطبيعة شخصيتك وطريقة لبسك...وخبريه من البدايه ايش اللي تكرهينه..مثلا...((انا مااحبك تسافر لحالك...حلو نسافر مع بعض:icon30
)((حاول ماتسهر كثير لحد مابعد الساعه 12 لاني اخاف اكون لحالي بالبيت:sad_1
)وابدي عطيه اللي تكرهينه بعدها قولي له وانت كمان ايش اللي ماتبيني اسويه وايش اللي تحبه مني,..؟؟
بداية الزواج....كثيــــــــــــــــــــــــــر من البنات يعتقدون الخجل لازم يكون شئ اساسي لكن انا بصحح لهم هالمعلومه واقول
الصـــــــــــــراااااحه لازم يكون من اول الزوااج..:icon30:
...........................................
.....انا زوجه ساكنه مع اهل زوجي......
بكل اختصاااار..حاولي تطلعين من هذا اللبيت..اذا....بغيتي حياة زوجيه سعيده مستقره مافيها اي تدخلات او مشاكل واذا بغيتي حريه في الجماع والطلعات والخرجات ..
لكن...اذاا كنتي من النوع المضحي وبتضحين بحقوقك وترضخين وبترضين بتدخلات اللي تتطور مع الزمن....اجلسي ببيت الحموله:shiny:
.........................................
...زوجي يبغى يسافر برى..زوجي يحب يسافر برى من دوني ومع اصحابه...
خليه يسافر..بس بشرط..لما يرجع من السفر مايمارس معاك الجماع الا بعد ماييسوي تحليل لدمه انه سليم ومعافا من الامراض..
بنات لاتستهينوون بالسفرياات هذي..ماعليش يعني مو الى هالدرجه غباااء....
اكثر شئ يرغبون فيه الرجال في سفرياتهم الحرااام من زنااا وخمررر الى من رحمه الله(مابي ادخل شئ في ذمتي بس حاجه واقعيه وملمووسه)
واقدر اثبت لكم هالشئ من ايميلات منتشرره هالايام عن شباب يتكلموون عن سفريااتهم للمغرب والبحرين وعن اللي يسوونه هناك..شئ يشييب شعر الراااس..
ياما وياما زوجات شريفاات طاهراات سمعتهم مثل الحليب الابيض وجاهم الايدززز بكل بساااطه بسبة ازواجهم الخونه اللي يسافرون برى من دون ذمه ولا ضميرر يتبعوون رغباتهم وشهواتهم متناسين اللي خلقهم وزوجاتهم واطفالهم..>>وفيه وحده اعرفها شخصياااا جاها وجاء بنتها ايدزز بسبة زوجها الخاين..مااقول الا حسبي الله ونعم الوكيل..
فخيريه امام خيارين...
اماا يسافر معك...
او يسافر واذا رجع يحلل دمـــــــــــــــــــــه
...............................................
....تعبت من زوجي يخونني يخونني يخوونني.....
سبحان الله لما نتكلم عن الرجل على طول يجي ببالنا شهواته ورغباته اللي ماصارت تشبع من مرأه وحده..
خصووصاا المتززووووج..يعني لكم ان تتخيلوا اني والله العظيم لما اطلع لمكان عاام((طبعاا ساتره تماماااا وعبايتي كلها حشمه)) المتزوج يطالعني واللي ماتزوج نهائيا مايعبرني
هذا وش يدل علييه ابي افهم؟؟
قسما بالله في هالنقطه بس عجزت افهمهم هالمرضى..
وش يحسوووووووووون فيه؟؟
ولما فتحت المووضوع هذا مع اخواتي كلهم يحلفون ويقسمون ان السالفه تتكرر معهم من رجال متزوجين ومعاهم زوجاتهم بعد لدرجة ان وحده من اخواتي كانت على وشك انها تخبر زوجته عن وضعه بس خافت من المشاكل......
يعني لاتستغربيييييين اذا كشفتيه خاينك..سبحان الله وكانهم مفطورين على هالشئ....وربما فعلا كانوا مفطورين على هالشئ علشان كذا الشرع حلل 4 لان ممكن وحده ماتشبعه ولا 2 ولا 3
استغفرالله العلي العظيم...بس انا عن رأيي اذا شفتي زوجك يخونك وكشفتيه لاتسكتين..صحيح انا سبق وذكرت موضوع وقلت لاتواجهينه....
لكن من خلال تجربتي اقول لك...واجهيه ثم واجهيه..فالرجل بهالامور يحتاج مواجهه وقووه منك,,واجهيه بشده وقوه منك واعلني انسحابك من هذي الحياة اللي حسستك بالاهانه ومن حياة هذا الرجل اللي ماعرف قيمتك واهانك ..وانسحبي عنه وعن نظره ككل((حتى يجي عندك ويعتذر ويرضيك ويوعدك انه ماراح يكررها)
انتبهي من الرضوخ والسكوت لان هالشئ يعزز الخيانه عنده ويزيد من قوته.....
.............................................
...زوجي مايخليني اشوف اهلي وبنفس الوقت يلزمني اشوف اهله اكثر من مره ...
خذي الامور بالتفاهم مو بالعناد مع زوجك...
وفهميه باسلوب حلو حتى يقتنع..
اهلك لهم حق نشوفهم كل اسبوع مره..لكن اهلي وااااجب علي..هذي امي.....وهذا ابوي....المفروض اشوفهم ضعف زياراتي لاهلك...
..............................................
.....زوجي يضربني.......
لاتسكتين..انتي انسانه مو حمار..اسمحي لي اقول لك حتى الحيوان صار له حقوق (حقوق الحيوان) واي شخص يتعرض لحيوان بالضرب مااعتقد يخلونه..فما بالك انتي يالانساانه..؟؟
راح ترضين وتسكتين؟
روحي لاهلك ولاترجعين بسهوله وبفتره لاتقل عن شهور ولازم يعتذرر ويوعدك مايكررها..
.............................................
تتدخلين بحياة زوجة اخوك...؟؟
بقول لك بكل اختصار..سيبيهم في حالهم..لان الله موجود وبيحاسبنا ويحاسبك...وكما تدين تدان..
انا اخت زوجي تجسست على مواضيعي بالمنتدى من دون درايه مني(ياليتها جتني وقالت لي ياباونتي انا قريت لك كذا وكذا ومااعجبني الموضوع ككل والله كنت بتقبل منها تمامااااااااااااااااااا)
لااا..البنت نشرت سالفتي وكلامي اللي قلته للي يسوى واللي مايسوى..صحيح انا حطيته بمنتدى لكن اللي بالمنتدى يعرفوني باسم باونتي فقط.....لكن انتي نشرتي سوالفي لناس عارفين من باونتي....!
من بعدها علاقتي مع(اخوها المصون) تددهووووورت الله العالم ليش؟
والحين طالبه الطلاق وبنفصل وتبرا حتى من عياله وماعاد يرغب فيهم..انا ماادري كيف هي مرتاحه وهي سببت خراب بيت؟
بس لو كانت بتقرا كلامي الحين اقول لها انا الى يومك ارفع يديني للي اقوى مني ومنك وادعي عليك انه ياخذ حقي منك قريب ان شاءالله
فانتبهوا يابنات من الشئ هذا..لان هالشئ فيه ظلم ودعوة المظلوم مستجاااااااااااااااااااابه..
..................................................
...زوجي سوى لي مشاكل واهانني وخليت عيالي عنده ورحت لاهلي...
انتبهي..اطفالك مالهم ذنب باللي يصير ومحتاجين للام اكثر من الاب..انتي تعاقبين الاطفال مو تعاقبين ابوهم لعلمك..
خليك قويه وصيري انتي الام والاب لهم قدهااا انتي يابنت ابووك..:showoff:
.............................................
...زوجي يسهر كثيرر..
بسلامته..
............................................
..زوجي يطلع مع اصحابه كثيرر ومايطلع معي..
شكلهم صاروا مصدر متعه اكثر منك علشان كذا كمان بقول بسلاامته لاتضايقينه اكثر منما هو متضايق منك
..............................................
..سؤال.كيف اجذب زوووووووجي لي؟؟....
الرجل عموما يبحث في المراه عن الحنان والهدوؤ والدلع والنعوومه
خليك مريحه معه ومسالمه..نهائيا لاتشتكين عنده ولا تذممين..مهما كنتي متضايقه ابتسمي عنده واضحكي وخليك مرحه..انسيه همومه وابهجيه..اذا بغى يتكلم معاك تكلمي وتناقشي بسواليف ممتعه ,اذا بغى يسكت اتركيه بحاله واشغلي نفسك باي شئ اخرر
يعني..(لاتخلين كل حياتك متعلقه بزوجك..وبنفــــــــس الوقت خلي زوجك حياتك)
بما معنى...حبيه واعشقيه مثل ماتحبين نفسك وحياتك لكن بنفس الوقت لاتتعلقين فيه لدرجة انك تشوفينه هو الوحيد حياتك فلكي انتي حياة ثانيه
...............................................
...ام زوجي معاملتها سيئه معي شكلها تغاار مني...
مهما كان هذي بالنهايه ام صعبه تحاربينها ..
اذا مابغيتي تكوني معها ايجابيه فلاتكوني معها سلبيه خليك وسط..
وحاولي تكسبينها بالكلام الحلو والهدايا والتودد مهما سووت
اقتنعي انها اولى منك فيه....هذي امه
.........................................
...زوجي مايسافر بي...
بسلامته..سافري مع اهلك..اعتقد بعدها بيفكر يسافر معاك..:icon30:
..........................................
بالاخير..كذا نقطه مهمه بذكرها..
الزوااج بوقتنا هذا صار جداا صعب..وحتى تعيشي الحياة الزوجيه صح لازم تكوني شخصيه قويه تكوني قد الصعااب اللي بتواجهك..
الزواج ياخذ منك ويعطيك..ياخذ منك اهلك وامك وابوك بس يعطيك اطفالك....فكوني لهم ام واب مهما تخلى ابوهم عنهم..
الزواج مسؤوليه اذا كنتي ماتزوجتي اعرفي مسؤولياتك قبل ماتتزوجين..فربما تنصدمين لو تزوجتي من دون خلفيه عن مسؤولياتك......
عيشي زواجك مستقله عن العالم ..لااهلك ولا اهله تدخلينهم بامورك..عيشيها وكانكم بجزيره بعيده عن العاااالم...
اتمنى اكون افدت البعض..واتمنى اشوف تفاعل حلو من البنات..واذا فيه سؤال ماطرحته ولا اجبت عليه ممكن تسالون وكلنا نتشارك على اجابته.......
اتمنى يكون الموضوع فيه اخذ وعطااء
محبتكم
@باونتي@
:icon26:
