:):):) فضفضة عفوية...بلهجة عاامية:):):)يا هلا بالجميع...

[ام بشرالقعقاع]

السلام عليكم ورحمة الله وبركاته

يا هلا ويا حيا الله
وسعوا يا جماااعة
افتحوا الباب
الدار داركم
والبيت بيتكم
وعلى راي المتل
بيت الديء......بوسع ألف سديء

هاي احلى كاسه شااي بنعنع
او ازا حبيت ناااي بشعشع
كلوه ماااشي
المهم
زي ما بئولوا ....المعنى بئلب الشاااعر

اتفضلوا حبايي البي
فضفضوا....وطلعوا اللي بئلبكم
شو ما يسير بحياااتكم
فرح ...حزن.. معلومات بتحب تنئلها مفيدة
احداااث..يومياات
بس....وئّف لحظة
بلهجتك العااامية
وازا حاااب تحط فيها شوية فصحى
مش غلط
بس بدنا نعيش حياتنا زي ما احنا
بدون مجاملات رنانة
وحكي فاااضي...هع هع
احكي من البك....
خلي الحكي يوصل....لصمصومة الالب
هلا فيكم

فضفضتي خليط من الاردني والفلسطيني والشامي
يعني كوكتيـــــــــل
هههههه ما بدنا نزعل البابا والماما والحبايب


هـــــــــــــلا عمي........
​

 

[سليلةُ الصّحابة]

السلام عليكم..

الله يجزيك الخير إم بشر ع المو(ظ)ــوع النايش قصدي النايس..

مواظيعك من الآخر..

 

[سليلةُ الصّحابة]

يللا شو حابتنا نحكي؟؟...

بس شكلو الشعشع مش مكثريتو..

ليش؟؟ عارفة إني بحبو كثيييييير فطنشتي..

 

[ام بشرالقعقاع]

يالله يا جماعه الخير
اتفضلوا شمروا
وانزلو هبد بالمناسف
بس خلوا الرااس بعيد عني
ترا بموت خوووف منه
بس حطولي صحن
واهم شي خبز شرااك وشويت صنوبر ولوز
وديروا شوية لبنية بس ما تعبوا الغلاية
سموا بالله
عشان تشبعوا بسرعه

​

​

 

[سليلةُ الصّحابة]

بتعرفي مو عارفة شو بدي إحكي بس ماني مسدئة ويجي الأربعا منشان نستئبل التيته..

بس والله إزا ما جابتلي هدية...........................

ما رح كمل خلص..الأربعا بتشوفو

نياهاهاهاهاهاهاهاهاهاهاهاهاهاهاهاهاهاها

 

[سليلةُ الصّحابة]

شووووووووو هااااااااااااااااااااظ أم بشر حرام عليكي من ملوخية لمنسف والله مصاريف زيادة...


بعدين ما في أسكى من اللسانات والمخاخ والمصارين..


بس الراس الله وكيلك جامعهن كلهن ليش بدكيش إياه؟؟..

 

[ام بشرالقعقاع]

وهااد الاكل
للي ما بحب المنسف
شايفين كيف انا كريمة
وبحب الكل ياااكل
يالله
صحة وعوافي

​

 

[سليلةُ الصّحابة]

​

يا خيستي ما أليقو​

ع شو بتتوقعي بيظحك؟؟​

 

[ام بشرالقعقاع]

سليلة
حياك والبيت بيتك
انزلي على الاكل اللي بتحبيه
ونادي شوئي والمهاجرة
ولا تنسي تجيبي البسس معك
حرام يشموا الريحة وما ياكلوا

​

 

[سليلةُ الصّحابة]

والله البساس نازلات بكوس بعظهن ع نتفة بيظ..:a049:

هاظ كيف لو شافن اللحمة والله ليوكلني ويوكلن السدور معهن..

 

[سليلةُ الصّحابة]

الله يجزيكي الخير ما بتقصري..

بس هاي خليها تنو يجي أبو الشباب ليوكل الشاشة...

 

[ام بشرالقعقاع]

يالله يا سليلة
انا بدي اصلي
الضهر أدن
وما لازم نتاخر عن الصلاة
وبعدين عندي شوية شغل بالبيت
وراجعه ان شاء الله
عشان افضفض بلهجتي
الخارجة عن نطاااق المألووف

​

 

[سليلةُ الصّحابة]

شوفي أنا ما رح أرضى حلويات غير من تحت إيديكي..

بعدين ظلت ببالي وظليت أحلم فيهن..

 

[سليلةُ الصّحابة]

وأنا والله ماما بتنادي عليّ منشان أصلي..

وراااااااااااااجعة..بالإزن

 

[سليلةُ الصّحابة]

شو قصدك بالخارجة عن نطاق المألوف..

ترى إنتي نهفة بحالك.... هههههههههه ...

 

[نزف اليراع]

مساء الفل والياسمين
ما أجمل من الفضفضة العفوية
تدرين لما شفت المنسف عدت بالذاكرة إلى سنوات طويلة عندماذقته عند عائلة اردنية فلسطينية على قولتك
كوكتيل وااااااو ما أنسى طعم ذلك المنسف كان لذيذ ...ذهبنا إليهم في ذلك البستان الجميل
......
راائعة يا أم البشر ...بارك الله فيك​

 

[سليلةُ الصّحابة]

أهلاً وسهلاً بالفاضلة والنوّارة​

نزف اليراع​

نورتيتنا وشرفتينا يا قلبي​

:a200:​

 

[سليلةُ الصّحابة]

يا هلا ومرحبا بالجميع يا هلا يا هلا ..





يللا إم بشر وين المناسف وين الأكل يللاااااا كريمة وبنت أجاويد..

خلصيني بدي أعمل حالي أنا اللي جبتهم..

 

[سليلةُ الصّحابة]

الزوار الآن

سليلةُ الصّحابة, رشيقه هانم, دانا ام فرح, شوقي للقياهم, ام بشرالقعقاع​

يلللااااااااااا يا حماعة
شاركونا
والله بتنورونا وبنتشرف فيكم​

 

[ام بشرالقعقاع]

مساء الفل والياسمين
ما أجمل من الفضفضة العفوية
تدرين لما شفت المنسف عدت بالذاكرة إلى سنوات طويلة عندماذقته عند عائلة اردنية فلسطينية على قولتك
كوكتيل وااااااو ما أنسى طعم ذلك المنسف كان لذيذ ...ذهبنا إليهم في ذلك البستان الجميل
......
راائعة يا أم البشر ...بارك الله فيك​

نزف الحبيبة
المنسف عنا رقم واااحد بالعزااايم
يعني مافي الو منازع
بس عن جد طعه كتير لزيز
ويا ريت تيجي السنه عالاردن نضيفك احلى منسف
من تحت دياتنا مع جميد
ويا ريتو صحة وعوافي...
ترى احنا بنتشرف بضيافتك
الله يحييكي بيننا​