فزعتكم يابنات

[النور المنتظر]

السلام عليكم اخواتي في الله،



في البداية اشكر لكم تعاونكم والحقيقة لمست شي بهالمنتدى مالقيته بمكان ثاني

اخواتي عندي تحدي كبير بحياتي وابغى مساعدتكم.... انا متزوجة من اكثر من 15 سنة وحصلت الخيانة من طرف زوجي قبل فترة واكتشفت.. صارت مشاكل كثيرة ماله داعي اذكرها لاني تجاوزتها ولله الحمد



المهم يابنات اكتشفت ان زوجي متعدد علاقات وتصل علاقاته للزنا والعياذ بالله... قررت اتمسك فيه عشان الاولاد وعشان لو اخترب بيتي الكل بيتضرر وانا واحدة الضرر علي كبير

بنات انا احب زوجي موووووت وهي يحترمني جدا ويحبني وهذا اللي مو مصدقته شلون شخص انا على راسه من فوق ويحبني بس يخوني؟؟؟ بس لما اكتشفت انه متعدد الحين فهمت كل الاشياء اللي شفتها وربطت الخيوط ببعض طلع قبل لايتزوجني متعود بس الله ساتر عليه لحد ماانا اكتشفت وبالغلط



المهم انا قدرت اتعايش مع الوضع ومن يطلع من البيت وانا ادري انه يطلع لهالغرض اتعب فاتجه لله بالصلاة والدعاء.. عايشة حياتي عادي مع صديقاتي واولادي وحياتي وانشطتي



بس..... اتحسر وبقلبي الم على كلمة حلوة اسمعها منه لاني من واجهته صار مايقولي ولاكلمة احسه ينتقم لاني احب الرومانسية حدددددي

صار يلعب على وتر الجنس اللي حارمني منه وطبعا بالصريح قالي انا ماابغى لاتغصبيني فخليته براحته بعد ماوضحت له ان هالشي من حقي بس هو رافض



اللي اطلبه منكم حبيباتي: شلون اقتل هالرغبة عندي ,,,,,,ومو اقصد ......بحد ذاته كثر ماهو قربه وممارسة الحب وياه، ايه يابنات اشتاق لقربه والج..... الشي الوحيد اللي يقربني منه

شلون اشيل من بالي هالفكرة: انه حارمني الحب والغزل والجنس ويعطيه لغيري؟؟؟ والله قهر اتعب ويبين علي الحزن ولولا اللجوء لله مااصير زينة



ايش احسن طريقة اعامله فيها,, هو شمالي غربي ويحقرني اغلب الوقت ومايكلمني الا اذا انا صرت قالبه بوز عليه ومو معطته وجه وصدقوني جربت الطريقة الثانية اني اغرقه حب وكلام ودلع لكنه مايتحمل بس الحقران افضل لانه يحاول يسولف لما يشوفني بهالحالة



يعني يابنات ابغي شي يخفف حبي له والافضل يقتل شوقي له بحيث لو ماقربني خير شر مااهتم له؟؟



فزعتكم

 

[فتـو]

اولا اله يفرج همك ي اوخييتي ..
بأنصحك لوجه الله..
غيري من شكلك وروتينك
يعني ادا ككان شعرك طويل درجيه او قصيهه شوي وقصي خصل وادا امكن اصبغي ..
غيري طريقه مكياجك وملابسك .. غيري عطورك
اهتمي بنفسك داخليا وخارجيا ..كوني زوجه غير عن المرات اللي قبل..
غيري اسلوبك معه طريقه تعاملكك له هيئي له اجواء روخمانسيه بعيده عن المشاكل وصلي كل يوم ركعتين بالليل وادعي له بان ربي يسخره لك ويسخرك له..

وصدقيني ربي م يرد اححد خايب..
يمكن زوجك من النوع اللي يحب التغيير ع طوول

واالله يهديه ويبعد عن كل ححرام ..

 

[قمررري]

شوفي حبيبتي هذا الدواء بايدك انت انا كنت زيك في البدايه اذاماقرب مني اتعب بس دحين ولاهمي
عادي دايما كنت الجا الى الله وادعي انا ربي يخفف من حبي له مااقدر اقولك قد ايش كنت مجنونه فيه ودايم افكر فيه بس دحين الحمدلله احس صرت اهتم في نفسي انا بس وهو موجود قمت بواجبه مو موجود عشت حياتي في بيتي واولادي ونفسي يعني اشغلي نفسك باي شي وادعي الله دايما انه مايكون في قلبك الا حب الله وبس وبعدين حتعرفي طريقك وتحلي مشاكلك بنفسك والله معاكي ويسخر لك زوجك يارب ويبعد عنه بنات الحرام امين يارب:32:

 

[البتول11]

الله يبعدنا عن الحرام
غيري من شكلكي نفس ماقالت اختي الي قبلي
ثاني سبب وهو الاقوى اشكي لله وحدة وادعية دوما فصلاة الليل تبيض الوجوة
فهو سبحانة الي يكشف الهموم

 

[*الحلا كله *]

اذا هو شمااااااالي احقريه ولا تعطينه وجهه كنه ماصلح شي سووااء حنان جنس الى اخر

يعني وضحي له انك ماااحر تموتين من دووونه ولالالالالالالالالالا تكلمينه


الصمت ثم الصمت

خليك بغرفتك اذا مو عاجبه عخليه يطلع

هو عرف نقطة ضعفك

علشاان كذا مستغلها

بعدين ليه تصراحينه

اللحين شي طبيعي اللي يسويه زي انه يادبك مااعد تبحثين وراءه الله يعينك


تقبلي مروري

هاذا اللي عندي اذا ماتحسين ينااسبك لاتسوينه

 

[اعشقك موووت]

الله يعينك
والاخوات ماقصروا ولاعندي شي غير الا كتبوه
واهمها الدعاء والاستغفار
والله يبارك لك في حياتك

دعواتك
لاختك
اعشقك موووت

 

[أميرة واثقة]

الله يفرج همك ويرد لك زوجك رداً جميلا

أخيتي أنصحك باللجوء لله في جميع أموك

وأنصك بهذا الدعاء
أكثري منه وردديه في كل وقت
ولاتسأمي أبداً



(((حسبي الله ونعم الوكيل)))

وأستشعري معنى هذا الدعاء وما فيه من التسليم لله والتوكل عليه وتفويضه
فهو ولي ذلك والقادر عليه



وصدقيني سترين مايسرك بإذن الله

 

[النور المنتظر]

فديتكم والله ماقصرتوا خواتي.. الشكل ولله الحمد دلع رشاقة جمال من رب العالمين واغير بشكلي باستمرار ومن قبل لااتزوج وانا الكل يتكلم على جمالي واناقتي ورقتي واجتماعية وعندي صداقات بكل مكان وجنسيات متعددة وثقافات مختلفة وعندي من العلم ولله الحمد

انا اللي ابغاه كيف اطلع حبه من قلبي شلون يصير عادي لو ماقرب مني شلون
انا دوم الجأ للصلاة والدعاء وهالشي مريحني ويخفف علي بس احياناوقد يكون للحظات او دقايق اتضايق واتعب من الموضوع ان بالحلال مايعطيني ولغيري بالحرام من كلوه

الحمد لله على كل حال

اظن استراتيجية الصمت هي افضل شي وياه بس انا اتكلم عن شي اسويه مع نفسي ولنفسي

يالله يريحنا ويعطينا على قد صبرنا ياكريم يارحيم

 

[مدمنة صبر]

حلك سهل وبسيط

علقي قلبك بالله يعني كل شي تسوووينه لله فقط والله العظيم يصير بالنسبه لك عادي لان الفراغ العاطفي اللي عندك امتلاء بحب الله والرسول

بس واجباته قومي فيها

 

[انثى صوفيه]

الله يفرج همك ويحقق امانيكي.علقي قلبك وفكرك بذكر الله والصلاه على النبي اللهم صل وسلم وبارك عليه

 

[النور المنتظر]

بارك الله فيكم خواتي،، إيه نعم كل شي لله ولوجه الله أسعدتني هالكلمات جعل قلوبنا مشغولة بحبك يارب العالمين وبحب رسولك الكريم محمد صلى الله عليه وعلى آله وصحبه وسلم

جزاكم الله الف خير... بعد أخواتي اللي مجربات ايش الاستراتيجيات اللي اتبعتوها افيدونا

 

[أم عيالي]

اول شي الدعاء بعدين اشغلي نفسك بوظيفة او تسجيل في دار تحقيظ أو دورة وراح تنشغلين عنه الله يهديه ويسخره لك

 

[الجده الصغيره]

مااا ألومه لو سوى فيك اكثر من كذا..........

يدري انك تدرين عن مصايبه وزناه وارتكاابه للحراام وسااكته...خطأ عظييم وقعتي فيه....

(الزاني لاينكح الا زانية او مشركه.).......​

 

[دانة الشام]

اعذريني: ولكن كيف استطعتي أن تأخذي دور النعامة التي تدفن رأسها في الرمال وتتظاهري وكأن شيئا لم يكن ؟؟؟!!! إن كنتي شبه متأكدة من خيانته بأبشع أشكالها والعياذ بالله فأنتي من يجب أن ترفضي أن يقترب منك خوفا على نفسك من الأمراض ..!!! قد قرأت مثلا شعبيا هنا في المنتدى وأعجبني << عزي نفسك تجديها >> زوجك بحاجة لأن يتأدب .. أدبيه بقوة وحزم كي يعرف أن الله حق .. وكي يعرف قيمتك .. حسبنا الله ونعم الوكيل.

 

[درب عسير]

السلام عليكم ..

الحل : أحبي نفسك فقط , و اتركيه ولاتأسفي عليه , كيف تشتهين رجلا ينام مع الزانيات ؟؟
تخيليه وهو يقبل إحداهن , تخيليه وهو يدخل فيهن مايدخل فيك ؟ كيف تشتهين ؟؟
كيف تحبين رجلا لم يقدر ذاتك ؟
أحبي نفسك وأعطيها ما تستحق من الاحترام , العفيفة للعفيف والطاهرة للطاهر وازانية للزاني !!
مادام أن الهجر جاء منه فهذا خير عظيم , وإن لم تصبري فاخلعيه لابارك الله فيه ,,

 

[رازيا]

لا تزعلي مني بس انت انسانة غريبة
يعني تقولين واحد يزني وينام بالحرام
مع نسوان غيرك كيف لك نفس تعيشين
معاه عن جد الله يفرج عنك امين
انا مع دانة الشام نفس الكلام

 

[ام اسارين]

الله يعينك على مصيبتك يااخيتي
بس وشلون ترغبين برجل زاني والعياذبالله
والله سبحانه يقول (الزاني لاينكح الازانيةاومشركه)

 

[سنكرس]

حبيبتي :
إن كنت متأكدة أنه يزني فالأجدر بك أنت أن تكرهي قربه ومعاشرته وتشمئزّ نفسك منه لا أن تطلبي منه ويصدّك هو !
أعطيه حجمه الحقيقي وقولي له أن الله تعالى يقول
الطيبات للطيبين والخبيثون للخبيثات وأنا طيبة عفيفة لا يستحقني سوى طيب عفيف مثلي وأنت خبيث وسأدعك للخبيثات أمثالك وإن كانت ظروفك وأبنائك لا تساعدك على الانفصال فقولي له إنا أعيش معك فقط لأجل أبنائي
وخلاف ذلك لاحقوق لك علي لأنك نقضت الميثاق الغليظ الذي جعله الله بيني وبينك .
أمّا بالنسبة لمحبته بقلبك وتمني قربه فالوحيد الذي يستطيع أن يخلصك منها هو من خلقك وخلقه فارفعي يديك آخر الليل واسأليه أن ينزع محبته من قلبك ويهديه ويعصمه عن كل مايغضب وجهه الكريم ويعيده لرشده وصوابه ويسخره لك ولبيته وأبنائه .

 

[خلود بكر]

الله يريح بالك وييسر امورك

 

[النور المنتظر]

اشكركم اخواتي على الرد وفي الحقيقة خلوني اسميها الردود الشرسة بس بطريقة ايجابية لان بعض شخصيات الزوجات لاتنفع معها الا مثل هذه الردود وانا اقدر لكم ردودكم اللي تدل على حرصكم على ان الواحدة محافظة على كرامتها وماء وجهها مع زوجها
بس اخواتي انا ماحبيت اعطيكم تفاصيل بس كانت لي ردة فعل وياه من ضمنها الانفصال لعدة اشهر لحد ماقرر من نفسه يرجع البيت وقرار رجعته اكيد لشي تغير في نفسه وبعد رجعته قايم بواجباته اتجاه البيت والاولاد ومن قبل كان هامل كل شي
وهالتغير بالنسبة لرجل ليس بالقليل وانا اقدر له هالشي حتى لو اخطأ في حقي بالعكس انا اعتبره انتصار لي وشوي شوي بيرجع لي اكيد وهذا الشي حصل بعد نقاشات بين الحادة واللينة وتدخل اهلي اللي يتصفون بالحكمة

غير انه يحاول يسفرنا ويطلعنا وهذا مو شوي ابدا... انا بينت له اني واثقة فيه وان اللي راح راح وانتهى واحنا بادين صفحة جديدة وحتى وانا ادري انه يخون مبينة اني مااعرف شي على اساس اني اتغير كل يوم بشي في شخصيتي وهو ملاحظ هالتغيير وعلى اساسه يحاول يتقرب لي بس انا اقولكم قربه ليس جسدي او بكلام حلو بس يتقرب بطرق ثانية انه يساعدني مع البيت والاولاد ويطلعنا ويقولي بالصريح اذا تعبانة وتحبي تغيري جو انا باجلس اهتم بالاولاد

لهذا اخواتي انا اقولكم انا عديت مراااااحل وياه ولله الحمد ومااطلب بين يوم وليلة يترك علاقاته مع اني اتمنى هالشي

انا اللي ابغاه شلون ابعده عن قلبي واخفف واقتل الشوق له والله تصدقون بعد ماكتبت الموضوع حسيت اني مااشتاق له مثل قبل.. هل له دور اني كتبت اللي ابغاه؟؟؟ يمكن

ادري كثرت كلام بس انا اخذ استشارات مع اخصائيات مركز مملكة بلقيس وهم مؤيدين كل اللي اسويه بس من باب حبي للاطلاع وخصوصا من الاخوات اللي مارين بنفس التجربة ان كل واحدة تفيد الثانية وتعطيها افكار

ولكم جزيل الشكر حبيباتي وبالاخص من تشرفت بردها علي

احبكم في الله​