فرج الله هم كل من ردت علي

مشكورين كلكم على تفاعلكم والله يسعدكم دنيا وآخرة لكن لو ارجع له اهله مايدبرون شي ومافيه احد يرده عن الشر ويمكن يرتكب فيني جريمه من شدة ضربه وهو اللحين حاقد علي مرة عشاني فضحته عند اهلي واهله لانه دايم يقنعني ان الحريم مهانات والحرمة لازم تضرب وتحرم من اهلها عشان مايخربونها لان ابوه كان يضرب امه حتى صار عندها يأس من الحياه ومايخليها تطلع لأحد ولايصرف عليها ويوم شكيت لها قالت عادي كل الحريم كذا ينهانون وانا ماخطبتك الا عارفة انك عاقلة لان ولدي عقله صغير .. كيف اصبر على ذا العائله المضطهدة .
 
وزيادة على كذا مشاكله كثيرة مع الناس وياخذ فلوسهم ومايرجعهاو يطعن في شرف بنات الناس ويكذب وامه تصدقه والكل عارف انه كذاب بس اهله يحطون اللوم على الغير و يسبب مشاكل بين الموظفين بعد ماتوظف وجلس 5 شهور مايكلم ابوه لانه متهاوش معه
 
اختي فرج الله همك واعانك ووفقك للصالح من القول والعمل انا ارى ان لابد من عرض زوجك على طبيب نفسي لأن وجودك عنده قد يشكل خطر عليك نفسيا وجسديا وبصراحة نحن النساء نصبر الى ان نجد انفسنا وقد لعبت بنا الهموم حتى لايقال لنا مطلقة او حتى ندع ازواجنا يتزوجون لأنها علاج في بعض الاحيان لأنه عيب فيك اذا تزوج زوجك والرجل كامل لاينقصه شى والله قمة التخلف ولم نطبق ولو جزء بسيط من تعاليم ديننا لكي نسعد آه هذا غيض من فيض ولكن لاتفهمي من حديثي لك اني احثك على مايبغضه الله كلا وحاشا ولكن حاولي حل الوضوع بطريقة ترضيك وترفع من قدرك لأنك انسانة تستحقين لاتنزلي من كرامتك لانسان اعطيتيه وحرمك بل لاافراط ولاتفريط وكوني حازمة ولا يهددك ببنتك لان الحضانة لك مادامت تحت سبع سنين ولا تنسي الصدقة بنية علاج المشكلة والدعاء الدعاء الدعاء اخيتي والله قلبي معك كفاك الله شره وجعل بيوتكم من بيوت السعادة وهداه الله وشفاه لاتنسي الأبتعاد عن المعاصي ان وجدت اللهم اسعد اختي في الله موظفة مكافحة واجعل لها من كل ضيق مخرجا وارزقها من حيث لاتحتسب آمين آمين آمين
 
البدرانية قال:
اختي فرج الله همك واعانك ووفقك للصالح من القول والعمل انا ارى ان لابد من عرض زوجك على طبيب نفسي لأن وجودك عنده قد يشكل خطر عليك نفسيا وجسديا وبصراحة نحن النساء نصبر الى ان نجد انفسنا وقد لعبت بنا الهموم حتى لايقال لنا مطلقة او حتى ندع ازواجنا يتزوجون لأنها علاج في بعض الاحيان لأنه عيب فيك اذا تزوج زوجك والرجل كامل لاينقصه شى والله قمة التخلف ولم نطبق ولو جزء بسيط من تعاليم ديننا لكي نسعد آه هذا غيض من فيض ولكن لاتفهمي من حديثي لك اني احثك على مايبغضه الله كلا وحاشا ولكن حاولي حل الوضوع بطريقة ترضيك وترفع من قدرك لأنك انسانة تستحقين لاتنزلي من كرامتك لانسان اعطيتيه وحرمك بل لاافراط ولاتفريط وكوني حازمة ولا يهددك ببنتك لان الحضانة لك مادامت تحت سبع سنين ولا تنسي الصدقة بنية علاج المشكلة والدعاء الدعاء الدعاء اخيتي والله قلبي معك كفاك الله شره وجعل بيوتكم من بيوت السعادة وهداه الله وشفاه لاتنسي الأبتعاد عن المعاصي ان وجدت اللهم اسعد اختي في الله موظفة مكافحة واجعل لها من كل ضيق مخرجا وارزقها من حيث لاتحتسب آمين آمين آمين
أنقر للتوسيع...

بارك الله في عمرك واسعدك وكفاك الشر ....اسلوبك رائع لكن هذا الرجل لايطاق ومستحيل يتغير أو يقتنع بالعلاج وتصرفاته تصرفات شخص لايخاف الله لانه حلف في المصحف 3مرات ان يتأدب لكن يرجع في نفس اليوم ويبدأبالاستفزاز وكنت اصبر عليه ولكن استغل هذا الصبر وصار كل يوم يزيد حى وصل لمرحلة الضرب اللي صرت اتألم من راسي دايم واليوم رحت للمستشفى من شدة الالم الطلاق راحة لأني هالفترة حسيت بالفرق . لكن قلبي محروق ليش اهله يخدعوني فيه ويمدحونه ويوم شكيت قالوا عادي هذا طبعة من زمان مشكلجي ومفشلنا عند الناس ليش يخدعوني حسبي الله عليهم والله لهم بالمرصاد الله على الظالمين .
 
أختي في الله أسمعي كلأم مجرب عليك باثلث الأخير من اليل وكثرت الإستغفار فأنهما الفرج السريع إما أن يهديه الله لكي أويبعده وشره عنك بأذن الله .........وألحّي في الدعاء فليس هناك من ينقذك إلا سواه...................وفرج الله همكي وهم كل مسلم ومسلمة
 
مرحبا اختي العزيزة موظفة

شوفي واضح ان زوجك اناني
ويحبك بس هاذي طريقته في التعبير
ويحب نفسه أكثر

بدليل خوفه يفتضح امره جدام اهله انه يضربج

يعني لو تهددينه بانج بتعلمين هله
تصيرين وكأنك سابته!!

شتسوين؟؟

الحل انك تحقرينه
وماتعطينه فلس
لو شيصير!! ولا تنتظرين منه شي

الا بالعكس صرفي على روحج وعلى ولدج وبس
خليه يحس على دمه :busted_red:

لأنك لو عطيتيه بيطالبك كل مرة تعطينه ولو قطعتي عنه مرة بتصيرين غلطانة
لأنج علمتيه من البداية!!

الحين غيري اسلوبج

خلج قوية وقلبج بارد
صرفي على نفسج وولدج وبس!!!!!!!!!!!!!!!!
 
صادقة ياروح الورد لكن يوم عاملته زي ماقلت صار مايوديني لاهلي إلا إذا سبب مشكله وصرت ابكي وداني و صار يضرب ويبي يقنعني ان هالشي عادي وكل الرجال كذا ماابي ارجع واتحسف دام مامعي إلا واحد وانا موبحاجته وكارهته ولو ارجع بيصك علي هو واهله ومحد بيدري عني لو ضربني وذبحني لانه قد هددني وقال ماراح ارتاح إلا إذا ذبحتك لان اهله عادي عندهم ضرب المره تدرين انه يقول لابوي وشفيها كلها كم كف عطيتها وابوه يقول انتم مكبرين الموضوع واذا طقها عادي هذي عائله منحطه ماراح ارجع لهم .وعلى فكره اهله يعرفون اني اصرف على نفسي وولدي وماهمهم مستغليني عشان مايطلب ولدهم شي لانهم ابخل ناس في العالم
 
انا اشوف انه مخادع وغير مسؤؤول طاااائش ( اعتقد انه صغير بالعمر اذا ما كنت غلطانه )

من رائي ترجعين بعد ما تحطين شرووط مكتوووووووبة ,, اكتبي شروطك ويوقع عليها ويكون فيه شهود

اول شرط يلاقي وظيفة
وثاني شرط تسكنين في بيت لحالك ( عشان يكون عندك خصوصية وتبعدون عن اي تدخلات )

اشرطي ان فلوسك ما يسأل عنها ابدا ولا حتى يدري كم عندك ,, واشرطي انه ما يحرمك من وظيفتك ( لانه اذا شرطي عليه ان راتبك ماله دخل فيه يمكن بعد ما ترجعين ويشوف ان فلوس لك لحالك يضغط عليك ويطلب منك تستقيلين لانه مو قاعد يستفيد من فلوسك )

طبعا الضرب لازم تشوفين له حل

زوجك انسان للأسف من النوع اللي ما يجي الا بالعين الحمراء يعني بالقانون بالقوووووة عشان كذا لازم تكتبين الشروط

الله يهديه لك ويصلحه
 
نسيت اقولك بعد

اشرطي عليه يعطيك مصروف شهري وحددي المبلغ في الورقة لك ولبنتك

ولا تصرفين ولا فلس لا عليك ولا على بنتك بعلمه ( يعني عادي اشتري اشياء بدون ما يدري عادي ) بس خليه يحس انك ما تصرفين شي


واذا انت تشوفين انه انسان لا يمكن يتعدل ولا تقدرين تعيشين معاه فهذا شي انت تعرفينه اكثر مننا بس فكري عشان بنتك

الله يفرج همك يارب
 
وينك عن قيام الليل والاستغفار لأن الله هو القادر على كل شي
 
اختي الغاليه زوجك مليون بالميه تصرفاته غير سويه بس ماقلتيلي ابد عمره ماصار حنون عليك مافي اوقات خلاك تحبينه فيه انتي حاولتي تغيرينه بانك تعوضينه عن طفولته بحنيتك واسلوبك
 
حبيبتى الله يفرج همك يارب قلبي معاك اتركيه واجلسي عند اهلك وشوفي تقدرين تستغنين عنه قد اااش سنه سنتين انت اصبري عند اهلك واذا شفتيه ميت يبغاك ارجعي بس بعد مايتوظف ويجلس في وضيفته مو اقل من 3 اشهر وخليه يصرف على ولده
واذا حسيتي الحياه من غيره افضل استخيري والله يختار لك الطيب
 
الله يفرجلك من عنده ..صراحتن بعد تعليق الدكتور مادري ايش اقولك ايش رائك

تعطيه محاوله اخيره ليس عشانه بل عشان اطفالك ..’’

ان نفع وحس ع دمه كان بها وان استمر ع ماهو انسيه وعيشي حياتك ’’

هذا ماراه وفقك الله
 
موظفة مكافحة قال:
صادقة ياروح الورد لكن يوم عاملته زي ماقلت صار مايوديني لاهلي إلا إذا سبب مشكله وصرت ابكي وداني و صار يضرب ويبي يقنعني ان هالشي عادي وكل الرجال كذا ماابي ارجع واتحسف دام مامعي إلا واحد وانا موبحاجته وكارهته ولو ارجع بيصك علي هو واهله ومحد بيدري عني لو ضربني وذبحني لانه قد هددني وقال ماراح ارتاح إلا إذا ذبحتك لان اهله عادي عندهم ضرب المره تدرين انه يقول لابوي وشفيها كلها كم كف عطيتها وابوه يقول انتم مكبرين الموضوع واذا طقها عادي هذي عائله منحطه ماراح ارجع لهم .وعلى فكره اهله يعرفون اني اصرف على نفسي وولدي وماهمهم مستغليني عشان مايطلب ولدهم شي لانهم ابخل ناس في العالم
أنقر للتوسيع...


الله يعينج ويعوضج خير
مدري شاقول لج بس مشكلته صعبة
حبيبتي هاذي الساس خربان!!!!

اقول لج اشتري كرامتج،، ترا مافيه شي اغلى من كرامتج
هاذي لو ميته عليه من افعاله ما يخلي الحرمة تحبه.
اقول لج مثل ماقالت الاخت استخيري رب العالمين
والله مابينساج
بيعوضج اللي احسن منه:tears:
 
عزيزتي .....
مشكلتك ذكرتني بمشكلة بنت عمي الغلط في البداية كان منها درت انه ما فيه خير لا هو ولا اهله مع ذلك اصرت تاخذه...
كان مضطرب نفسياً يضربها من غير سبب واهله عادي عندهم تزعل وترجع له بعد ما يهددها بياخذ بناته منها ... المهم كان يضربها ضرب غريب قدام بناتها كأنه ينتقم منها يعني ممكن يضربها بالكرسي لين ينكسر شيء عجيب ومره ضربها وهي حامل في السابع واهله بخلة كانوا يقفلون عنها الثلاجة وهي ما كانت تشتغل وما عندها إلا الثانوية المهم اخر مره ضربها كان في نص الليل من غير سبب لدرجة انها حست انه خلاص ناوي يخلص عليها وقاموا بناتها 2 و3 سنوات على صراخها تخيلوا انها من حلاة الروح نطت من فوق سور البيت بلبس البيت على بيت الجيران و خلتهم ياخذونها بيت اهلها المهم اليوم الثاني راحت سوت محضر اعتداء بالضرب أخيرا
لأنها حست انها بتموت على يده فكرت في بناتها من لهم عقبها وهذا ابوهم
المهم طلبت الطلاق وبعد ما داخت معاه طلقها ....
بس حبيبتي صدق هي تطلقت وبناتها في حضانتهالكن لا زالت تدفع ثمن صبرها عليه بنتها الكبيره تعاني من خلل نفسي لأنها كانت شاهدة على ضرب امها مأثر عليها لين الحين ( صف رابع)
ترى انا ذكرت القصة عشان اقول يا جماعة الطلاق حلال مو حرام الحرام ان المرأة تتحمل الذل و الضرب والإهانة من شخص ما منه رجى و مايستاهل التضحية بسلامة نفسية الاطفال و مستقبلهم وترى الطفل احيانا ابرك له طلاق ابويه إذا ماكانوا متفاهمين ودائما في عراك أي جو هذا اللي بيعيش فيه... حطي شروط لزوجك وعطيه فرصة اخيرة وكوني جادة..... واستخيري إذا احترت ما خاب من استخار
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل