معلومات حسنة النوايا
- إنضم
- 4 مارس 2010
- المشاركات
- 15
- مستوى التفاعل
- 0
- النقاط
- 0
- العمر
- 39
- الإقامة
- في دنيا فانية
- الموقع الالكتروني
- www.s-oman.net
فديتكن أبي مساعدة أسرع من البرق
السالفة ومافيها انه بعد4 أشهر من زواجنا فتحت تلفون زوجي وحصلت مسجات من صياغتها اكتشفت انه المرسل بنات وحصلت رقمين مختلفين ومسجلنهم طبعا بأسماء شباب...المهم أنا سكت عن الموضوع وبعدها بشهر حضرت دورة للمبدعة ناعمة الهاشمي وواصلت مراقبة تلفون زوجي وخصوصا لما يروح يصلي الفجر وبعد 9 أشهر من زواجنا كان راجع من صلاة الفجر ودخل علي فجأة وأنا ماسكة تلفونه وكنت وقتها حامل في نهاية الشهر السادس المهم تضايق من فعلي وسألني عن الأشياء اللي شفتها وأنكرت وقتها وقلتله اني كنت ماسكة التلفون عشان اشوف الساعة بس ووقتها صدقني لأنه كان ما يحط باسوورد للجهاز..المهم أنا سكت عن الموضوع تماما رغم الأشياء والبلاوي اللي شفتها..وبعد هالموقف بفترة بسيطة حصلت في سيارته فاتورة لعطر نسائي مع العلم انه ما هداني في تلك الفترة وتضايقت وواجهته بالأمر ورده انه الفاتورة لصديقه اللي كان راكب معه لما كانوا بالسوق ونسيها بالسيارة وطبعا انا تظاهرت اني مقتنعة بالرغم من عدم تصديقي للمبرر أبدا أبدا.. وقبل شهرين ماأعرف شو صارلي وواجهته بالحقيقة وبالأسماء المستعارة طبعا هو تفاجأ وضحك وقال دامك شفتي كل شي ليش كتمتي في صدرك؟ وبررلي انه كان يتواصل معهم بحكم العمل بس لا غير..وكالعادة سكت بس هالمرة كان سكوتي فيه شي من الإقتناع ..القهر اليوم بعد مارجع من الدوام كلمني وقال اريد اعترفلك بحاجة مهمة وطبعا انا ع طول شكيت في الموضوع..وسألني اذا كنت اذكر الأسماء المستعارة للبنات وطبعا انا تذكرتهم ع طولالمهم قالي انه هاذي البنت كانت تشتغل في الكلية اللي كان يدرس فيها وبحكم انه كان يراجع عندها عشان التسجيل والنتائج عرفت رقمه وبدت تتقرب منه لدرجة انها تعلقتبه وسألته اذا كان متزوج أولا وهذا كان في فترة ملكتنا وهو جاوبها انه ما متزوج وازداد تعلق البنت به بس هو حسب كلامه انه كان يعتبرها اخته وواجب عليه النصيحة والإرشاد لها...لحد ما جا يوم ما اعرف شو اللي صار واعترفلها انه متزوج واستمرت الإتصالات والمسجات بينهم وطبعا كل هذا بدون علمي بس كان عندي شك..والخلاصة اليوم زوجي يريدني اتعرف عليا ومصر على هذا الشي لأن ينظر للموضوع على أنه انقذ انسانة ووصلها لبر الأمان لحد ما الآن قريب تمتلك واصراره للتعرف عليها حتى اواصل العمل الخيري لهذي البنت لأنها من عائلة غنية وبنفس الوقة تايهة ماتحصل أحد ينصحها ويريدني انا أحل محله لنصحها وع فكرة هي اللي طلبت منه ان تتعرف عليانتوا يا خواتي شو رأيكم؟؟انا رافضة الموضوع تماما فأتمنى من الخبيرات ينصحوني وع فكرة زوجي تميل شخصيته للجنوبي الغربي وانا شمالية غربية وصارلنا من تزوجنا سنتين و7 أشهر
اسم الموضوع : فديتكن أبي مساعدة أسرع من البرق
|
المصدر : الأستشارات الزوجية العامة