فترة نقاهه ناجحه كيف؟؟؟

[شتات]

مرحبا ياحلوات
بصراجه حابه استشيركم بموضوع واتمنى تساعدوني
انا وزوجي مرت علينا فتره من الضغوطات تعبنا فيها نفسيا
وحابين ناخذ فترة نقاهه
مدتها ماراح تكون طويله 10 ايام فقط عشان ظروف عمل زوجي
فحابه بهالفتره نرتاح فعلا
حابه تكون فتره غير بعد ايام كنت فيها قمه بالعصبيه
فايش اقتراحاتكم واللي عندها فكره حلوه اوبرنامج طبقته وضبط معاها حابه اكون وحده ثانيه
طبعا بنسافر هالفتره وبدون العيال

 

[المستبدهـ]

الله يوفقك حبيبتي
أهم شي أنسي كل شي كان مزعلك في الماضي وسبب عصبيتك وعاهدي نفسك ما تجيبين طاريه طول هالفتره
تذكري الاشياء الحلوه بس انتي وياه
استغلي كل لحظه وكل ثانيه في اسعادكم
ولا تخربين على نفسك بالغيره اذا كانو بنات البلد الي بتروحون لها حلوات
كل يوم اذا رجعتم الفندق تسبحو واملي البانيو مويه وخذي معاك زيوت عطريه وورغوات استمتعي بوقتك معاه في البانيو
سويله مساج كل يوم من وقت للثاني
خذي معاك لانجريات جديده
واشتري عطر جديد لا يدري عنه عشان يحس انك وحده ثانيه
بس بشرط انك تخلين لكل شي وقته
يعني مو تسافرين تضيعين وقتك كله في تسليته وانتي تنسين نفسك
أي شي تسوينه خلي في بالك انكم الاثنين بتتسلون
ولا تتنازلين عن حقوقك بس بسياسه مو بصياح وترجعون متهاوشين وكنك يابو زيد ما غزيت
والله يوفقك

 

[قمة التحدي]

شتات
شكرا على الموضوع القيم
أنا بعد أحتاج له والله كثير
بعد فترة بسيطة
بطلع
بعد​

ودي أنسى الدنيا و مافيها
و ابدا من جديد​

المستبدة
تسلمس على الإقتراحات المميزة​

يالله بنات
ساعدونا بإقتراحاتكم و أفكاركم​

جزاكم الله خير​

:icon26:​

 

[شتات]

مستبده شكرا كثير حبيبتي على الافكار الحلوه
فوز العفو حبيبتي بس ان شاء الله يساعدونا البنات ويقولون لنا كيف ننبسط بجد
اعجبتني كلمتك ابدا من جديد فعلا هذا مانحتاج اليه البدء من جديد
تاج الاحزان اسعدني مرورك ياقلبي

 

[حزن عميق]

والله حبيبتى ما عندى فكرة إن شاء الله البنات يفيدوكى

 

[حلم العمر]

أختي شتات أحس أنك جاتك فرصه ولازم تستفيدي من كل لحظه فيها علشان ترجعي أنت وزوجك بنفسيه مرتاحه ،يجب ان تستعدي من الناحيه النفسيه بنسيان كل ما يكدر خاطرك وخاطر زوجك وكأنكم في أول مره لوحدكم ولا تتكلموا ابداً في الماضي لأنه سيأتي لك وله بالمواجع والضيق والضغط ،أما من الناحيه البدنيه والجنسيه فيجب أن يكون لها أهتمام خاص مثلاً لو رحتي الفندق وأنتي خارجه أي مشوار روحي قولي للإستقبال أنك في شهر العسل وأطلبي منهم تجهيز غرفتك غرفة عرسان سترجعي بإذن الله من بره تلاقي الغرفه روعه من ورود وحركات يحطوها .
وممكن اليوم الثاني تأخذي معاكي لعبه من الألعاب الزوجيه الجنسيه وتلعبوها في الليل مع الدلع والتمايع .......
ويوم خليه يوم يكون هو الملك واكتبي له بطاقه وحطيها على المرايا (أنت اليوم ملك ) وكل طلباته مجابه تفطريه وهوعلى السرير مع الجلوس عليه وتدليعه أثناء الأكل والحركات اللي هيه وتسبيحيه وقبلها تدليك وفي الخروج من الفندق ترتب الرحله في أماكن شاعريه وفيها خصوصيه...
ويوم تأخذي معاكي بدلة رقص وترقصي على أناشيد الأفراح وفيه أناشيد مصريه بالدفوف حلوه وتخرجي له بالبدله والحركات ...
ويوم تقولي له أنت شيلني ووديني الحمام وسبحني أدلعي عليه تلاقيه زي المجنون ..
اعملي بطاقات صفيره مقاس رخصة القياده واكتبي عبارات غزل وحب وفرح وشوق واثناء السفر حطي بطاقه كل يوم في مكان مره المحفظه ومره السياره ومره جيب البنطال ولما يلاقيها يفرح مررره ..
وأحلى شيء لو صليتوا ركعتين قصيره في الليل بعد نهار طويل جماعه تزيد والله من الحب والموده ..
ويارب تكوني استفدتي من كلامي وتكون إجازه سعيده لكي وله وترجعوا بنفسيه ثانيه وحياة جديده كلها حب.