فترة النفاس ونتي وحيده ابي مساعدتكم

[ام مجاهد]

يابنات انا في غربه وحامل وحاسبه الف حساب للولاده او بالاصح لفترة النفاس كيف اقضيها وابي اكون قويه واعتمد على نفسي عندي طفلين ومهتمه فيهم وشغاله بس ابي الفطور اقدر اسويه من الليل مثل الحنيني وحطه بحافظه والصباح اكل منه ..........الصعوبه بالفطور؟؟ الغدا اقدر اجيب من برى والعشا وايش الاكلات اللي تقوي وتسمن وتفيد النافس من المطاعم اعرف المعصوب بالعسل والقشطه والتمر كويس ابي اكلات غيره .......الشغاله ماتعرف تطبخ بصراحه يابنات ابي اهتم من اول يوم ولاده والله حالتي حاله :tears:الوحده صعبه
بس لازم نقهر الضروف وقشر القهوه سؤال مهم هل هو منبه مثل القهوه وكيف طريقة عمله
والله لدعي لكل وحده تجاوبني بذمه لاني مالي غيركم استناكم

 

[روح ميمو]

الله يعينك صراحه أحس صعب تولدين لحالك
بس يالله ربك كريم
ما أعرف شي للنفاس ............بكريه
اعذريني

 

[ام مجاهد]

اول مره اكتب في قسم الحوامل ولا وحده تعرف اي شي ؟؟؟؟ ليش يابنات ردو بلي تعرفوه تراني محتاجه

 

[خيالة الشرق]

شوفى يا قلبي
اذا دخل شهرك سوى لك مصابيب اذا تعرفينها هى من البر والبر زين للنفاس
بتصير اقراص حطى لك باكياس قرصين او قرص انتى اخبر بنفسك وخليهم بالفريز وحلى شغالتك تطلع من الليل كيس عشان بعد الفجر تاكلينه مع كاس حليب ساخن بالزنجبيل والفلفل وهذا فكه الريق
مليت من المصابيب ممكن تسوين فريك او حنين وبنفس الطريقه خليه بعلب وفرزنيه يصير يوم كذا ويوم كذا


بعد سوى لك تمر مع فلفل وسمن ان وجد وحمسيه على النار لين تفوح ريحته وخليه بعلبه وهذا التمر اكليه مع قهوة الضحى او الظهر والقهوة قشر القهوة مرة مفيده وكمان بعد المغرب اذا ما يجيك ضيوف
الغداء يفضل يكون عندك لحم مقطع قد اللقمه وفرزنيه وخلى الشغاله بس تحط مويه وبصل وشويه كمون طبعا غداك مرقه لحم وها اللحم مع قرصان ان حبيتى او مع سلطه بس ما يكون فيها طماط
الغداء ممكن تنوعين مرة مرقه لحم ومرة مرقه دجاج ودجاج مرة مرقوق مع لحمه ومرة (قبوط)مع لحم وممكن رز

العشاء ما تيسر بس ابتعدى عن الحوامض وممكن قبل النوم كاسه حليب مفلفله

خلى الشغله تسوى لك كل يوم من الصباح ترمس مكوناته(قرفه زنجبيل شويه حلبه قرنفل )عشان تشربين منه طول اليوم
واهم شى للنفاس الراحه النفسيه وما عليها لو تحركت بهدوء وشغل خفيف جدا يعنى بامكانك انتى تسوين حاجاتك بعد عشرة ايام من الراحه التامه
والله يهون عليك

 

[هند بنت عتبة]

شوفي حبيبتي انا بقولج عن الي امي الله يخليها سوته لي


اول شي كثري من اللحوم ووو اكلي رهش لانه يدر الحليب بكثره وعن تجربه وبخصوص الرضاعة حلمة الصدر اذا تقطعت في كريم اسمه بيتادين على ما اظن تحطينه وووو طبعا اذا عندج كراسه من النوع اليابس اذا تعرفينهم لفيه بغتره زوجج ولفيه بطنج عليه روووعه للبطن وووو تقدرين قبل لا تطلعين من النفاس ب 10 ايام اتييبين لج دهانه تدلك جسمج .. ووو صح كثري من اكل العجين يعني عجين بالمرق مثل حراق الاصبع اذا تعرفينه


ووو لا تنسين الاعشاب عشان تنظيف البطن بس ماعرف شو امي تسويلي كانت اذا تبين بسالها وبعطيج بالتفصيل عن الاعشاب


وبس هذا الي اعرفه​

 

[النآعسـه]

حتى انا مثلج بولد بغربه بس قلت لأمي تجي عندي

ادري انها بتتعب وكبيره بالسن بس شسوي هذا بكري

واول مره احمل الله يعين بس​

 

[عيون حربية]

الله يعينك ويقومك ويقومني وجميع الحوامل بالسلامة ...
بأسألك فين زوجك .. يعني ممكن يطلع منه فايده أو بتاخذين همه من كثر مايعتمد عليك..
والله أعرف وحده وأهلها بيتهم قريب منها جلست في بيتها... وزوجها يسويلها القرفه واللحم مقلقل والقرص وكل ما يخطر ببالك ما شاء الله عليه.. ويسويها مستانس ماتقولين غاصبته ... لأنه ماشاء الله الطبخ شغلته في الطلعات ... وعندك جارتي أهلها بعيد وولدت فجأة بعملية ورجعت لبيتها وزوجها عشان مايجيب شغالة يسويلها كل شي حتى شغل البيت ... الله يخلف علينا برجالنا هذولا اللي مامنهم فايدة:detective2:... ​

 

[ام مجاهد]

كل اللي ردت على موضوعي وافادتني جزاها الله خير بس حبيت اسال عن قشر القهوه هل هو منبه لاني اكره المنبهات وهل ينضاف عليه هيل جاوبوني بليزززز

 

[OM NoOorA]

الله يهون علي وعليك وجميع بنات المسلمين يارب....
أنا ماني بعيده عنك من ناحية الغربة !!! ومسويه جدول من كتاب اسرار الحريم كاتبلك كل شي يخص النفاس وتكلم عن قشرة القهوه من مقاله( قهوة النفاس رائعه للتضييق وتنظيف الرحم ,وهي قشرة قهوه+كمون+ورق زعتر جاف+نونخة)يؤخذ مقدار ملعقة صغيره تغلى وتشرب والدكتور جابر القحطاني مدح قشرة القهوه ) يعني ماتحطين هيل ومن ناحية انها تنبه او لا فهي ماتنبه لاني مجربتها في نفاسي قبل ولا كانت تسهرني غير كذا انتي سهرانه سهرانه لامحال:nosweat: .... ونصيحه قلبي اذا تبين تطهرين بسرعه خذي الصباح على الريق تمر معه رشاد هاذا مره يطهر وينظف الرحم .
والله يكفينا شر النفاس يارب.