فترة الملكــــــــه ..ماأعرف كيف أتصرف؟؟!!

  • بادئ الموضوع بادئ الموضوع o.c
  • تاريخ البدء تاريخ البدء
O

o.c

New member
إنضم
2008/04/16
المشاركات
19
السلام عليكم..
صبااح الخير للكل...

حبيت آخذ نصايحكم بخصوص هالفترة لأن جد محتاااره شاللي المفروض يكون فيها وشاللي

المفروض اسووويه واقوله غير أني احترت مع خطيبي...طبعا اللي بيني وبين خطيبي مكالمات

مايزورني للبيت بس مكالمات..

أنا شماليه غربيه وهو جنوبي غربي..ماادري يمكن هالشيء يفيد في نصايحكم لي..

بس انا عندي مشكله مع خطيبي ماأحس يهتم كلش ويتصل على طول حده اتصال ومايقل عن 10

دقايق واذا كثر نص ساعه حتى مسجااات قليل من وين لو ين ...وكله مع ربعه واذا اتصلت فيه

وهو مع ربعه مايرد هالشيء يضايقني..ولما اقوله المفروض ترد علي واذا ماتقدر دز مسج يقول

اوكي بس ماااشوف شيء مره طنشته اسبوعين ومع كذا ماكان يحن بالاتصالات والمسجات

يتصل يوميا بس مره في اليوم لين بعدها قلت له انا محتاجه اكون مع نفسي هني اصر ارد عليه

ورديت وصارحته باللي مضايقني فيه وبرر لي وانه مايقصد وحتى من ناحية الاهتماام يقول اهتم

اشلون مااهتم انا مااشوف شيء اسمع لكن اشوف مافيه شيء يثبت لي اهتمامه..جد احترت معاه

والله هالفترة المفروض تكون حلوة مب علامة تعجب على راسي..مشكلتي خااطري يعيف الشيء

بسرعه يعني اذا ماسوى شيء من خاطره مااحب اقوله يسويه بخصوص الاهتمام طبعا..

ماادري حاليا هذي اللي مضايقني وشو رايكم؟؟

أنا في البداية كنت احس اني اهتم فيه واشتاق له بس حب للحين بس بعد ماشفت طريقته

تحطمت صح يهمني بس للحين مااحس اقدر احبه..احس اسوي امور عشان انه زوجي وبس وانه

لازم يصير كذا..
 
نسيت أقولكم اي شيء يضايقني منه ترى صارحته فيه يعني ماخليت بخاطري...وفيه نقطة ثانية انا للحين مااحس

انه زوجي احس علاقتي فيه مثل اخواني بكل شيء بالسوالف والكلام حتى كلام اللي على قولتهم حلوو وعسل

يقولونه اخواني لي واقوله لهم عاااادي كلامه مع اني صار لي معاه 3 شهور..

تدرون مااحسه هز في داخلي شعور كلش...ماادري مني والا منه!!
 
احس انك مندفعه كلش له وبقوة اصبري لحد الزواج والله يوفقك انشاءالله ....
 
اشلون مندفعه ؟؟؟انا اكلمه عاادي بس اشدعوه الوحده تنتظر اهتماام بهالفترة يعني مايبي يعرف من هالبنت

اللي بياخذها؟؟مافيه فضووول يدفعه مو شرط حب..
 
هلا حبيبتي كم عمر خطييييييبج.؟؟
يمكن فارق السن هو السبب .. وانتي لاتضغطين عليه واايد توكم 3 شهور يمكن ماتحسين بمشاعر الحب والاهتمام ولاتنكدين عليه دايما.. وحاولي تبادرين بالاهتمام يعني مثلا عطيه هديه ورساله شوق + عتاب وشوفي هل اثر فيه ولا لاء وردي علي.........

والله يوفقج وترى هالفتره حلوه واااااااااااايد ... وان شاءالله بيقولج الكلام الحلو بس انتي لين احين ماتعرفين شخصيته وشلون طرييقه تفكيره صبري وشوي شوي لين تعرفين ليش يتصرف جي..
 
اختي ممكن تثقلي عليه لا تردين عليه اذا دق خليه يدق كذا مره ولا ترجعين تردين عليه الا بعدها بكم ساعه وتعذري دائما باي اسباب مثلا كنت نايمه كان الموبايل على الصامت وغيره
يعني جربي الثقل معاه ولا تتصلين انت مده طويله حتى ما يتعود انك انت اللي تتصلي دائما عليه ولا تبينين اهتمامك الزايد به خصوصا في هذي الفتره او بداية الزواج
والله يوفقك والحب بيجي مع العشره صدقيني طالما انت تحسين بشوق لسماع صوته او تهتمي بداخلك له هذا دليل اول الخير
وبالتوفيق ومبروك مقدما
 
حبيبتي انا وخطيبي قد بعض بالضبط عمرنا 23...صار بينا هدايا ..

ماادري هو واااجد طيب بالعكس احسه لين اعاتبه يعوره قلبه وينقهر مني اشلون مااحس انه يهتم بس هو صج

مايهتم يعني الحين اتصل له..مايرد طيب دز مسج لو مشغوول انا مو واحد من ربعك يمكن ابي شيء ضروري

مو يطنش الاتصال..اصلا الويك اند انسي يكلمني الا مره ومايطول واوقات مايتصل..يعني يتصرف تصرفات تعطي

مؤشرات عدم اهتمام لين اقوله ليش مارديت علي يقول ماانتبهت للاتصال اشدعوه ...شيء يقهر..

ماعرفت له بصراااحه طيب بخصوص تحليل الشخصية فيه حل معااه؟؟
 
بلقيس والله سويت كذا معه بس بعد مانفع..الحين انا مااتصل الا اذا شفت اتصاله..ومو على طووول واسكر منه

مااطول...بس صج هو عنده فكره اني ماعندي شيء يشغلني لاني مو متوظفه ومااطلع دوم ماادري اشلون حس

بهالشعور مع اني مااقوله شيء عن يومي..حتى لو قلت مشغوله مايصدقني..يقول اش عندج تنشغلين؟؟
 
يا أختي لا يمكن حصر النصائح في رسالة او اثنين..
منتدانا رائع ويضم لك ما يفيدك انشالله من الموضوعات حول ما تحتاجين له

وترى نصيحتي حلو الانسان أن يكون على طبيعته ولكن لا مانع من التثقف والأخد بنصائح الغير ما دامت من مصادر موثوقة
لا تقلقي والله بسعدك انشالله
ودمتم بالمحبة،،،
 
انا ماالومج اختي ..بما انج توج مالكه ماصار لج الا 3 شهور..
معناته لين الحين ماعرفتوا بعض..انتي مثل اي بنت في فتره الخطوبه..تكون مندفعه بشعورها لان تكون عندها احلام وخيالات قبل الزواج ان الزوج لازم يهتم فيني ويحبني ومايقصر علي ودوم يسأل عني اذا ماتصل يرسل مسج ويدخل علي بورده حمرا ومن هالكلام..
هالاشياء مب غلط لا بس لانها خيالات وانتي ودج بها وخاطرج ان خطيبج يسويها لج..بس الواقع ان خطيبج مايهتم لهالاشياء اول شي لانه ماعنده خبره في الحريم وشعورهم ومتطلباتهم يعني تفكيره يختلف عن تفكيرج ولاتستعجلين في الحكم عليه مادام تقولين انه طيب وحنون ومو مقصر بشي..ان شاء الله هالاشياء كلها جايه انتي توج لاتحاولين تضيقين على نفسج بهالاشياء ولاتحاولين دايما تبينين له انه مقصر ومايعبر عن شعوره ومن هالكلام ترى هالشي بعد يخليه ينفر شوي من الاتصال لانه يقول الحين بتصل بتقعد تعاتبني وتم متضايقه لاني مارديت عليها مساعه او لاني ماارسلت لها مسج ..بالعكس ردي عليه بكل حب وبيني له انج مشتاقه له ولصوته وتكلمي سأليه شلون قضى يومه وشعنده وترتيبات العرس يعني حاولي تخلينه مشتاق انه يكلمج دووم ..
والله يوفقج وايسر لج :)
 
والله مشكلتج نفس مشكلة اختي فترة الملكة ... كانت دايما تتشكى انه زوجها لو ما تتصل فيه بالاسبوع ما يتصل فيها لكن استحملت واتزوجته وما شاء الله تبارك الله عايشين حياة سعيده وعندها 3 عيال ولين الحين اتقول كلام الحب عنده جدا جدا قليل لكنه طيب وهذا اهم شي ...

اتمنى لج التوفيق والسعادة ان شاء الله ....
 
عادي أنا ملكة تسع شهور< تخلق فيها الجنين وولد> وزوجي كلامة كان معي رسمي جدا ....................بس بعد الزواج ابدع وتفنن لدرجة اني كنت مصدومة من نظرات الاعجاب والاهتمام بي ومساعدتي في البيت ............... وكنت اراه انسان ثاني مختلف جدا ومازال زوجي مثالي الله يبعد عنا الهموم والمشاكل لذالك لا تنتظري الكلمة الحلوة منة أبدأي انتي الرجل بعد عشرة من زوجته اذا سمع منها كلمة حلوة أو لمس منها تصرف يحبة يفرح كالطفل فما بالك في هذه الفترة والله اني متحسفة اني ماكنت أسمع زوجي كلام حلووأعيش الاحساس هذا كنت أنتظرة لاكنة لم يكن يعرف يعبر عن مشاعرة .
لاكن أكتشفت بعد الزواج ان الرجل كالطفل عمرة سنة لايعرف يعبر عن مشاعرة فكوني انتي المبادرة وطيري به حبا وعشقا وشوقا .................................................................وتقبليني صديقة لك .
 
اهلين اختي اثقلي عليه وخليه هو الي يتصل لوتجلسون اسبوخ كل واحد ما سمع صوت الثاني لا تتصلين ولا ترسلين خليه هو الي يتعود انه يكلمك والله يوفقكم
 
حبيبتي واضحة مثل الشمس الاجابة على حيرتك بس انتي لو ركزتي قليلا في كلامه لقيت الحل الحل بسيط هو جنوبي يعني يحب المرأة صاحبة المكانه المرموقة اجتماعيا ويحبها ويسعى وراها ويطلب رضاها يعني ببساطة اذا انتي ماعندك مؤهلات للوظيفة ادخلي نادي ادخلي دورات ارقي بنفسك وابعدي عن عالمه كوني اجتماعية متالقة تطوعي في جمعيات نسائية اي شيء يجعل لك بريق وانت شمالية يعني الموضوع موصعب عليك بس يبغى لك تلميع ويصبح لك بريق أخاذ راح يبهره ولاتنسين تطلعية على جدولك اليومي الحافل بالانجازات ,لانه الان مايحس انه عندك جديد مالك اي انجازات ومافي يومك شيء يجذبه للحديث المطول معك . صدقيني حطي لنفسك خطة وطبقيها بحذافيرها بعدين راح تحطين جوالك على الصامت من ازعاجه , وعلى فكرة كلامي عن تجربه , واعذريني على الاطالة .
 
كلام الأخت اليوم وبكرة..

ممتااااااااااااااااااااااااز جدا..

خذي فيه :)

الله يوفقج يا رب..
 
تسلمين حبيبتي اليوم وبكره بسوي كلااااامج...والله يوفق الكل وميرسي ع النصايح..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل