فترة الخطوبة (الملجه)

[الـغـلآ]

مرحبا يا حلوات شحالكم

ابغي خبراتكم عن فتره الخطوبه (الملجه) كيف تكون الرومانسية بس تكون الرمانسيه في الكلامه الهاتفي كيف الزوجه تقدر تدلع وتتغنج لزوجها خلال هالفتره

في انتظار خبراتكم وتجاربكم بفارغ الصبر

 

[الـغـلآ]

38 مشاهده ولا رد
الله يسامحكم

 

[شيخـ الزينات ـة]

عادي اصدقي بكلامك معه خليه شيء تحسيه فيه وقولي له كلام حب وتدلعي بطريقه كلامك قولي له كل شيء يصير بيومك بس لاتحكيه عن فلانه وفلانه والا سوت وحطت لا كلميه بامور عنك وعن نفسك بدون ماتتكلمي بالماضي علميه عن معلومات سمعتيها او قريتها عن الزواج علميه وهو بدوره بيعلمك بس اهم شيء الصراحه

و اهم شيء اذا جاك بالبيت تكشخي له تتدلعي زي البنات الصغار حسسيه بوجوده في حياتك فالر جل يحب ان المرأه تظهر له بين فتره وفتره كيف انها محتاجته وان حياتها اول مدري كيف كانت بدونه وادعي لك وله في وجهه وفي غيابه قولي له الله يخلك لي يازوجي وياحبيب عمري انت مايحتاج احد يعلمك اختي هذا شيء من نفسك تقولينه وتسوينه وعلى حسب النفسيه وقد ايش تحبيه موضوع جدا عادي مايحتاج تسالي بالمنتديات عنه لك ودي

 

[إنتصار]

شقولج غلاااتي
نعمي صوتج ابتعدي عن العصبية
بصراحة فترة الملجة تكون جدا رسمية وكلها مجاملات وبس
كل واحد يخفي عيوبة عن الثاني
وايام الزواج ينكشف المستووووووووووووووووووووووووووووووووووور

 

[يارحيم ارزقني]

اهم شي ..لاتكونين كثيرة السواليف ..

يعني خلية يسحب السالفة منك سحب ..

وخليك قد ماتقدرين رقيقة ..ودلوعة ..

ولاتكثرين الكلام الحلو ..خلية هواللى يبدا ..

وسوي نفسك خجولة ..حتى لو انك ماتستحين..

ولاتدقدقين علية ..ولاترسلين لة رسايل خليك ثقيـــــــــــــــــــــــــــــــــــــــــلة

ترا الرجال يحبون الثقيلة

وزي ماقالولك الاخوات لاتسولفين عن البنات

 

[صدى الاحساس]

طيب الوحدة لو سالها خطيبها ايش تحبي ؟وايش تكرهي ؟
تجاوبوا ولا تكون غامضة تخلي هو يكتشف هذا الشي ؟
يعني ايش الصح ؟؟

 

[غزووى]

نصيحة لكل واحدة مقبلة على الزواج خليكي ثقيلة وقللي الكلام مع زوج المستقبل ولاتدقين الجوال علية الا للضرورة ترى الرجل يحب الثقل ويحب البنت الي تستحي ولا تعطينة اي شي طبعا هذا الكلام بعد الملكة وقبل الزواج ام قبل الملكة لايجوز ان تجلسي معة الا وقت النظرة الشرعية مع وجودمحرم نصيحة ام اااااااااااااااااااااااااااااممممم

 

[تحت زخات المطر]

يسلمو حبيبتي الغلا الموضوع جاء بوقته
وهذي احسها اصعب فتره تمر فيها كل بنت
صراحه احس الملكه ثقيله جدا وتجيب القلق وتتعب النفسيه
في كثير بنات يقولوعيشي حياتك وانبسطي وهي احلى ايام
صح انها حلوه بس من كثر التحذير والتحريص والتشديد
والخوف من اي شي حتى زلة السان يتعب



الله يعديها على خير ويوفق لكل بنت مملكه ويتمم زواجها على خير
وامانه عليكم ادعولي ان زواجي يتم على خير

 

[الـغـلآ]

شيخـ الزينات ـةإنتصار
يارحيم ارزقنيتسلمون على ردودكم
يزاكم الله خير

 

[الـغـلآ]

صدى الاحساس جاوبيه بس باجابه مختصره وقصيره وخليه هو يكتشف انتي شو تحبين وشو تكرهين

 

[الـغـلآ]

يزاج الله خير غزووى الغاليه وان شاء الله بسمع نصيحتج

 

[الـغـلآ]

امين الله يسمع منج تحت زخات المطر
والله يتمم زواجج وزواجي وزواج كل بنت على خير ان شاء الله

 

[جود الحلاوه]

حبيبتي انا من رأيي ان انك تكونين طبيعيه عشان انتي راح تعيشين عمرك كله معاه واكيد التصنع راح يبان في المستقبل فه الافضل ان تكونين طبيعيه عشان ما يشوف تغير مفاجئ بعد الزواج
,,,,,, وانشاء الله موفقين

 

[الـغـلآ]

مشكوره جود الحلاوه لكن اكون طبيعيه مع وجود الدلع والتغنج

 

[الـغـلآ]

في انتظار خبرات باجي العضوات

 

[دفء سنيني]

أنا حاليا مملكة

أنصحك بالصدق معاهـ

وبكثرة الحوار حول أشياء مختلفة أمها ماسيكون عليه الوضع لاحقا

لتعرفي طريقة تفكيرهـ

استمتعي بهذه الفترة فهي فترة وردية حالمة رائعه ليس لأنها غير صادقة

ولكن لأنكما بعيدان وفي البعد يزداد الشوق *_^

 

[الـغـلآ]

تسلمين دفء سنيني ويزاج الله خير

 

[طاطا]

موفقة باذن الله

 

[الـغـلآ]

ان شاء الله طاطا

 

[الـغـلآ]

في انتظار خبرات العضوات