.................!!! غموض

[صوت الصمت]

السلام عليكم ورحمة الله..

ياخواتي قصتي طويلة بس بكتبها في كم سطر..
انا صار لي خمس سنوات متزوجة من شخص أنا وياه كنا نحب بعض من ايام الطفولة..
والحمدالله الحياة السعيدة والحب والاخلاص مازال موجود بينا.. بس
كانت عندي ربيعة من ايام الطفولة بعد حبت زوجي.. لكن هو ماحبها ولا بغاها.. وقالها هالكلام فترة المراهقة انه بيتزوجني لانه يحبني ..ما يحبها.. ومن يومها علاقتي بربيعتي انقطعت.. مرت 4 سنوات واتزوجت أنا .. وألحين مرت 5 سنوات بعد الزواج ومازالت علاقتي منقطعة معاها..
أنا ما يهمني ولا ابي أرجع ارتبط فيها خوفا على زوجي وزواجي..
بس المشكلة هي لحد الآن ما اتزوجت ولا راضية تتزوج..
فهل معقولة بتبقى طول عمرها تحب زوجي.. علما ان الحمدالله الحمدالله انا ألحين حامل.. يعني انا داخلة على حياة الاستقرار التام في حياتي..
بس عايشة بخوف منها ومن رفضها لكل إلي يتقدمو لها..
فهل ممكن هي تنتظر من زوجي انه يرجع لها او يحبها مثلا؟؟

 

[توما]

شوفي اختي دام زوجك ما يفكر بها
تطمني وارتااااااااااااحي

لان الرجال اذا بغى شيء يسويه يسويييه ولا همه احد
وزوجك ما يفكر بها والدليل حسم قراره وقال يبغاك انتي وهي ما يحبها!

 

[غيرهم كلهم]

طالما انتي تحبي زوجك وهو يحبك

ليه الشك يا حلوة

يعني هو اختارك انتي وحبك انتي

يعني لو ما حبها من قبل شو راح يحببه فيها هلأ

ويمكن هي ما جا نصيبها بعد او الشخص المناسب

مش ضروري تكون تنتظر بزوجك

ديري بالك على زوجك وحملك وسيبك من الوساويس

 

[القمر الوحيد]

حبيبتي مو مهم تحبه والا لا أهم شي هو يحبك وبينكم
تفاهم لا تفكرين فيها كثير بعدين تأثر على علاقتك بزوجك
الله يريح بالك ..​

 

[دنيا صغيره]

ياخي اللي ودي اعرفه انك ليه تفكرين فيها من الأساس (يعني عامله لها حساب ولا ايش )

ماعليك منها ولاتحكمين على طول يمكن ترفض اللي يتقدمون لها عشان في بالها واحد ثاني يعني مو شرط زوجك

واذا كان على حب الطفوله صدقيني ياكثر اللي حبوا ايام الطفوله ومانالوا مرادهم

وهي اكيد انها شالت زوجك من بالها لأنو قال لها هالكلام والمرأه ماتحب تفرض نفسها على واحد مايحبها

اذكري الله

و حافظي على زوجك وبيتك وخليك واثقه من حب زوجك ومن حبك

الله يوفقك لما يحب ويرضى

 

[ياربي انصرني]

ابعدي عن وساوس الشيطان وصديقتك ادعي لها بالزوج الصالح00

 

[حرب الأحساس]

الله يسخرلها ابن الحلال وترتاحين -وانت حبيبتي خلك فحياتك ولا تفكرين فيها وكل واحد ياخذ رزقه
ولا تنبهين احد ع هذي السالفة وخلك فزوجك وربي يحميكم