غموض زوجي اتعبني

[حورية فاتنة]

السلام عليكم
يابنات ياليت تنوروني بدون ماتشيشون راسي على زوجي
نبغى هنا نصلح الأوضاع مو نخربها

المهم ياغاليات
مافيه شخص كامل اكيد زوجي فيه اشياء حلوة ولله الحمد بس هالموضوع متعبني بقووووووووة حتى نفسيتي تصير تعبانة لاني كاتمة ومااقدر اخذ واعطي معه في هالشيء


السالفة ومافيها
انا لسى متزوجة من كم شهر وزوجي من ايام الملكة يقول الراتب بيكون تحت يدك وماراح اقصر عليك ووووووو وكلام كثير ماكان يعني لي شيء وقتها
اول زواجي عرفت طبعه اللي في جيبه يصرفه ومايجي آخر الشهر إلا مفلس الأخ <<<< يعني مو بخيل
مو هذي المشكلة

المشكلة أني حتى الآن لسى ماطلبت منه شيء خاص فيني يادوب يجيب مصاريف البيت
والآن لي طلبااااااااااااااااات وشكل الأخ تعود أني مااطلب أو بمعنى اصح تعود اني مقدرة ضروفه لأن راتبه يادوب يمشينا
اقترحت عليه يكون لي مصروف بس شكله ماوافق وانا ماحنيت بزيادة استحيت بصراحة
واقترحت نعمل ميزانية وانا اديرها وبرضه مااقتنع الأخ !!!!!

المشكلة الي قصمت ظهر البعير
مواقفه معي خلال هالشهر
مرة سألته لأننا كنا نسولف عن المصاريف وغيره فسألته كم باقي من الراتب ؟!!
قال : 15 ريال
أنا تفاجأت ومع ذلك سكت وصبرت
اليوم الثاني طلعنا مشوار وكان معنا ولد اخته وسأله ايش تبغى قال شبس وجاب له مو حبه لااااااااااااا
كرتووووووووووووون والحساب كان 13 ريال
بالعافية بس قلت مابقى من ال15 إلا ريالين وباقي 10 ايام على نهاية الشهر
طبعا انا طبع فيني ماعلي فيه يجيب لأهله اللي يبغى مااتدخل ابدا او حتى اعلق
المهم هو طول الوقت يقول تبغين شيء وانا ارد ردي المعروف شكرا
في الأخير قال اجيب عشاء ؟
بيني وبين نفسي اقول : من وين يجيب وماعرفت اسئله
فقلت : شكرا بأكل اي شيء في البيت

المهم اللي حصل انا فتحنا الموضوع مرة ثانية فقلت والله كان نفسي اشياء في السوبرماركت بس ماحبيت اثقل عليك
قال: ليه ماطلبتي قلت : لاني عارفة انه مابقى لك غير ريالين
قال : لا باقي عندي 15
قلت : ماخلصت ال15 !!!
سكت

المرة الثانية طلبت على آخر الشهر اغراض اضطرارية للبيت يعني مو خاصة فيني
وطلب مني لأنه ماعنده ولاريال وانا بصراحة استحي يطلبني ومااعطيه خصوصا اننا على اخر الشهر <<<<<< باقي يومين على الراتب
الحاصل انه جاب اغراضي بفلوسي وبعد كذا جاب اكله من برى
سألته عندك فلوس ؟
قال : ايه 10 الاف !!
طبعا رد بنبرة حادة وفيها هباله
قلت له لاترد علي بهالطريقة وكان باين في صوتي الزعل <<<<<<< حساسة الاخت
بعدين قال تسأليني وانا آخر الشهر اكيد ماعندي
قلت انا ماسألت إلا لما شفتك جبت أغراض معك ، وانا احب الأنسان يكون واضح معي لأن ملاحظة أني إذا طلبتك ماعندك وإذا تبغى شيء يكون عندك وتجيب <<<< مادري كيف تجرأت وقلتها
سكت ومارد علي

إيش رايكم بالله ؟!!




انا مراعية ضرووووووووفة لابعد درجة والله نفسي في حاجات
بس مااطلب اقول خلينا نوفر احسن ، بس اكتشفت اني اوفر له هو وحقي انا مهضوم

المهم انا مقررة على الشهر الجاي
اطلب منه مصروف إذا اعطاني خير وبركة
مااعطاني بقوله ابغى السوق وبشتري بدون مااحسب حساب لميزانيته
وكذلك مفكرة اكتب له رسالة ودودة وابين له حاجتي لمصروف

إيش رايكم حلولي سليمة او لا ؟!!
واللي عندها حل خطة تفيدنا من خبرتها

للمعلومية زوجي انسان حساس وعاطفي اكثر من انه عقلاني واحسه يتضايق لما افتح مواضيع الفلوس معه يباااااااااااااااااان عليه

على فكرة انا مو موظفة

 

[حورية فاتنة]

على فكرة هو ماخذني من بيت اهلي وعارف كيف ان طلباتي كانت مجابة بدون ماتكلم هالشيء كان واضح بديل ايام الملكة يسألني من وين تشترين ؟وبكم ؟ ويقول ماحقصر معك
ومع ذلك ماضغطت عليه وقدرت ظروفه فليش هو مايقدر تضحياتي ؟!!

 

[norahmed]

حلك الثاني حلو... ولو بغيتي شي ومعه اطلعي واشتري ولو انتي معك شي قولي مامعي لأنه لو شافك من البداية متساهله معاه وماتسألي بإحتياجاتك بعيطيكي طاف.. هذول هم الرجال.. ماتستحي من حقك وربي يسخره لك يارب

 

[الحب والعطاء]

نصيحت اخت اكبر منك في العمر وفي الحياة الزوجية انت غلطانة ة لا توفرين الرجال بذات لشي انت نفسك فية الي تبيانة هاتية وبعدين لا توضحيلة زعلاك وانت استخدمي كيد النساء انا والله ابروح السوق فية اغراض ناقصتني وروحي انا عطري خلص ابي عطر وانا مشتهية الشكلاتة جيب معاك مع تحديد النوع ابي عشاء لا تفكرين مهاة اولا لانة ما فكر انة انتي وفرتية هذا مو تحريض او هدام لحياتك ابد وراكي ان شاء الله عيال ولساء المسؤلية ما كبرات فكري للبعيد لا تفكرين في الحب والمشاعر والتضحية والتوفير الرجال علي حسب ما عودتية والولد علي حسب ما ربيتية حبيبتي الله يوفقكي يسدد خطاكي وينور بصيرتكي

 

[أنا والهم]

الحال من بعضه يا أختي .... أنا لي اربع سنوات متزوجة والحال على ماهو .... لا تغلطين غلطي ... حلو أنه الوحدة تقدر ظروف زوجها بس المصروف بعد من حقك ومع تنازلك عنه الحين ومع الوقت بينسى وبشيل من حسابه أنه فلانه لها مصروف....... فكرة أنه تكتبين له رسالة بأسلوب حلو فكرة حلوه الله يوفقك فيها​

 

[منووو أم بوبو]

نفس الحكايه معاناتك بتزيد إذا رزقكم بأطفال الله يعينك
نصيحتي لاتسألينه إذا جاب أغراض
::من أين لك هذا؟::
خليه يتصرف رجال
واجب يصرف عليك
عليك من أكل ولبس و
طلعات
بعدين أقتصدي
يعني أطلعي بمكان
ماكو صرف زي
الحدايق والأصدقاء
وإذا طلعتي لسوق
خليها بأول الشهر
أحسن
ومو شرط كل شهر
على حسب الحاجه

أما سالفة المصروف
سايسيه قولي أنا متعوده كان أبوي يعطيني حق السوق
كل شهر
عشان أجمع لي أسهل
وأوفر لك
نصيحتي لاتقولي
شكرا قولي اللي بنفسك وأشكريه
بعدها ربي يوفقك

 

[حورية فاتنة]

شكرا حبيباتي ماقصروتوا ويااااااااااااارب اقدر الحق عليه واغير طبعه معي

 

[*رونق الحياء*]

يقلبي انا نفس قصتك في الملكه
لكن انا نفسي غيرة الوضع لما تزوجة
يعني اتقفة انا كل بداية الشهر لين يستلم
لزم يكون لي راتبي الخاص مهما كانت الضروف
انا براعيه في الضروف الصعبه اني اخذ اقل لكن مو يقطع المصروف
لا وزيدك من الشعر بيت اني شرطة عليه لين يوسع الله عليه يعطيني ههههههه يعني اعوض ايام السابقه
حلوه انك اتراعي الضروف لكن انتبهي مو كل مره
تر الرجال يتعود خخخخخ ( وبكذا اتفقنا )
الله يوفقك مع زوجك اويرزقكم الرزق الحلال :32:

 

[دمعة الغيمه]

والله غلطانه اطلبي كل شي وكل يوم ليش توفرين؟؟؟؟

 

[لمار القمر]

نصيحت اخت اكبر منك في العمر وفي الحياة الزوجية انت غلطانة ة لا توفرين الرجال بذات لشي انت نفسك فية الي تبيانة هاتية وبعدين لا توضحيلة زعلاك وانت استخدمي كيد النساء انا والله ابروح السوق فية اغراض ناقصتني وروحي انا عطري خلص ابي عطر وانا مشتهية الشكلاتة جيب معاك مع تحديد النوع ابي عشاء لا تفكرين مهاة اولا لانة ما فكر انة انتي وفرتية هذا مو تحريض او هدام لحياتك ابد وراكي ان شاء الله عيال ولساء المسؤلية ما كبرات فكري للبعيد لا تفكرين في الحب والمشاعر والتضحية والتوفير الرجال علي حسب ما عودتية والولد علي حسب ما ربيتية حبيبتي الله يوفقكي يسدد خطاكي وينور بصيرتكي

انا اتعامل مع زوجي نفس الشيء ونصيحة لا تسأليه كم باقي من الراتب هو رجال ويتصرف

 

[*gada*]

لاتقصري على نفسك ابدااااااااااااااااااااا وبسسسس عن تجربه

 

[ابتسامه مهجوره]

فيه مثل يقولونه اهل مصر(ابنك على ماتربيه وجوزك على متعوديه)نصيحه لا تراعين ولا غيره اطلبي وخحذي اللي تبين نصيحه انتي تقولين اغراضه يجيبها له وهو مامعه الا عشره وشو يلعب عليك نصيحه لا تعودينه تعطينه فلوس وتقولين جب لي اغراض لا لا اذا انتي تبين شي خاص اشتريه وانتي عند اهلك ولا تقولين له انك شريتي والله بعدين مايتندم الا انتي صدقيني لا تغلطين غلطتي

 

[مايصحش هالحتسي]

لاتوفرين لرجال اي شي تبينه اطلبيه
ولاتسئلينه كم بقى معك هو ابخصص

 

[الماسه باخلاقي]

نصيحه مني لا توفرين الرجال دائما يقولون مامعي انا اول زواجي كذا وكان مايعطني كنت معي المكافئه والله اصرف منه واصدق انه ما معه واكتشفت انه معه والله الى جلسه اهله هو الي مفصله واذ جاب للبيت جاب لا هله وهو يقول مامعي بس علشان مايصير معي مصروف معي واذا ناقشته قال اوفر علشا ن تستانسين فيه وصرت والله اخذ منه الحين لقال مامعي قلت ودن للمسجد اشحد والحين بدا يعطين والله جلست سنه ونص تقريبا وحنا جهاد عند المصروف حتى فاتوره الجوال كان يقول قولي لابوك يسدده بس الحين بدا يعطين اول قبل مايحدد لي مصروف شهري كنت اروح معه للسوق واشري ثم حددلي يوم شاف مافيه مهرب منه بس شوي صبر وحكمه لايضيق صدرك كل الرجال اول الزواج كذا بس انتبهي لا تعودينه ياخذ منك فلوس والله تتعبين عقب انا ندمت اني علمته اني عني حساب بالبنك الله يوفقك

 

[حورية فاتنة]

مشكورين يابنات ادعولي بس وإن شاء الله اجي ابشركم