غغغغغغغغغغغغغرب من الخيااااال!!!!!!!!!!!!!!!

[دفى يدينك]

مساء الخير عزيزاتي .........عبرالايميل وصلتني هذي الاستشارة .....ولا ادري هل هذا الكلام واقع ام من نسج الخيال .......وللعلم المرسلةصديقة طفولة لي منها اكثر من عشر سنوات .......
عني انا وقفت مذهوووولةومارديت عليها باي رد.......ولن اطيل ساسردقصتهاباختصارلانهاطويييلة........تقول{ قريبتي متزوجة اخو زوجة اخوها.....وعاشت معاه قصة عشق خرافية بعكس اخوها وزوجتة اللي كانت حياتهم جحيم بالرغم من وجود طفلتين ........المهم طقت كبد الاخ وتزوج على حرمتة ام البنتين وبعدها طلبت الطلاق واخذت البنات وبعد حوسة اخذهم ابوهم لانهم عدوا السبع سنوات .......فأهل زوج صاحبة القصة

اجبرو زوجها يطلقها غصب عنه ورموا عفشها في الشارع ومضاربات مع اهلها كانتقام لبنتهم.........المهم انتهت العلاقات بين العايلتين بقلة الخير هذي وتفاصيل كثيرة مؤلمة ماحبيت اذكرها......... الجزء الغريب والمؤلم هي ان الزوج المطلق العاشق{زوج البنت صاحبةالقضية}ؤزارهافي المستشفى بعدماتدهورت صحتها من فراق زوجها الغالي بدون ذنب...وجلس يحلف لها باغلظ الايمان ان اللي جرى كان غصب عنه وانه لن يواجه الحياة بدونهاووووووووو...........الخ حتى رضيت .....وهي اصلا مازعلت لانها تحبه لحد الجنون...وبعدهابدات المكالمات بينها وبينه بالسر طبعا ثم طلعت معاه وهي مازالت في العدة......وفي احدى الطلعات..صار لقاء خاص!!!!!!!!!!!وبذلك رجعت لعصمته...وبرضى منها في لحظة ضعف..!واستمرت لقاءاتهابزوجها كلماوجدت فرصة...ثم تفاجأت بأن اهل زوجها يطالبونة بالزواج من بنت خالته ولما رفض مرضت امه ودخلت المستشفى......وبعد الاكراه تزوج بنت خالته ........وتحلف انه ليلة زواجه بعد ما وصل عروسته الفندق راح لزوجته الاولى وبقي يترجاها تطلع معاه حتى طلعت وبقي معاها حتى الفجر في احدى الشاليهات ........
واستمر المسلسل العجيب حتى افاقت هي وهو على حملها اللي ووصل للشهر الثالث بدون مايحسون.!!!!!!!!!!
والان تسأل ماذا تفعل.......لانها راحت المستشفى خلسة مع سواقها اللي يوصلها للجامعة ورفضت الدكتورةتماماان تنزله اي تجهضه..{ليش مدري؟؟؟؟؟؟؟}
زوجها عرض عليها ياخذها ويهاجربها لاي مكان خارج البلد لكنها رفضت لانها تعلم عواقب ذلك ........فماذا تفعل.........
احد عنده جواب ؟؟؟؟؟؟؟؟
والله ماعندي اي اجابة.......ولاحول ولا قوة الابالله.......

 

[شيخـ الزينات ـة]

لا تعليق هي زوجته وبالعده وراجعها(حلال) ومافي شيء غلط بالموضوع حتى لو ماحد درى !!!!

 

[شيخـ الزينات ـة]

مدري بس اسالوأ اهل الذكر اذا كان يهمك الموضوع

 

[رواق الخريف]

أشعر أن الأم جداً قوية ومسيطرة عليه ولكن كما ردت أختي مادام عاشرها في العدة


قد تكون رجعت له ولكن يشهد شاهدين ويكتب ورقة بتاريخ الرجعة ..وإذا كان يخاف من

أهله يرجعها دون علمهم ويشرح ذلك لأهل الزوجة ويخبرهم أن ذلك مؤقت حتى تهدأ الأمور

ويعامل بنت خالته معاملة حسنة حتى يكسب رضاء والدته ..وبأذن الله سترجع الأمور

إلى ماكانت عليه ..ولكن المطلوب الصبر والدعاء والله سبحانه قادر على كل شيء..

 

[دفى يدينك]

مافيه تناقض ياعزيزتي ....... اهل البنت مايعرفون ابدا انها تطلع ومعاه ولايدرون باللي سوته ولابرجعتها لزوجها .........وانا ادري انه الحمل بالحلال مو زنا لكن اهلها خاصة ثم اهله لويدرون يمكن ......مدري وش اقول
انا تركت تفاصيل كثيرة في القصة تبين الوضع المستحيييييل الصععب جدا اللي وصلت له العائلتين منها ابو البنت هذي طلق امها بعد عشرةعمرها معاه لانها كانت سبب في زواج بنتها من هذا الشاب...........ومنها اخوها ضرب اخو زوجته اللي طلقها ضرب مبرح لما حاول انه ياخذ البنات في غيبتة عن البيت..........
شكرا لمن ردوا وعفوا على الازعاج.........

 

[فلاسيه وبس]

اختي الغاليه هي زوجتة في الحلال والحمل حلال .. حرام اتنزل الجنين .. يمكن ايكون فاتحة فرج لهم :cupidarrow:
لازم اوجهون الاهل بالتي هي احسن
او يدعون الله ان يفرج عليهم كربتهم:fish:

 

[بنت السنافيه]

اذا القصه حقيقيه مادري ؟زوجته وين المشكله يروح لاهلها ويقولهم وانتهى الموضوع

 

[أحاسيس مجروحة]

أصلا هي زوجته فهي طلقت منه وصارت تخرج معه وراجعها ما المشكلة وحملت منه بالحلال ما المشكلة أصلا المطلقة طلقة أولى وثانية في الدين والشرع ما تطلع من بيت زوجها أصلا فإذا كانت هي عندما طلقت جلست في بيتها فسوف يحدث الذي حدث أصلا أنا أبغى أعرف وين المشكلة

 

[قلب ناعمه الطيب]

الله يعين وش هالقصص الغريبه وبعدين انا ضد ان الرجل يقول غصب عني غصب عنك ايش ؟؟؟
الله لا يبلانا شوفي يا حبيبتي الرجال لازم يكون صارم وش ابي بالرجال اللي حرمه تمشيه حتى لو كانت امه ليه ما له شخصيه ..... ما أقول إلا الله يعينها ويفرج لها يا كريم

 

[عنقود عنب]

زوجها انسان مسلوب الارادة والشخصية

في اشياء تعقل انه ينفذها ليرضي اهله

لكن مثل هذا الموقف ..خله يطلع شوي مرجلة ويعترف انه ارجع زوجته

ما في حل ثاني

 

[ice girl]

مرحبا عزيزتي : انا رأيي انهم يواجهون اهلهم لان الحمل صار بالحلال وهي زوجته...:dunno:

 

[عطرالزمان]

وين المشكله الحين هي زوجته حلاله
والف مبروك الحمل

 

[ميرال2009]

لاحول ولاقوة الا بالله والله انها عورت قلبي الله يكون في عونها وضع جدا صعـــــــب

 

[الاسطورةالمحطمه]

الله يفرج هم كل مهموم يارب وينفس كرب كل مكروب يارب

 

[حرب الأحساس]

يحبها يردها ويحافظ على حملها مو ينزلونه

 

[ذكرى أحباب]

لا أختي لا ينزلونه يحاولون يواجهون اهلهم ويبينون لهم شقد هم متعلقين ببعض ويخلي الثنتين ع ذمته مب بيده حرام بعد يظلم بنت خالته ، ومثل ما قالوا البنات يحتاج زوجها يقوي شخصيته شوي ويقول لهم ابغي زوجتي وبحاول اعدل بين الثنتين ويمكن هالبيبي يكون فال خير وهو اللي يجمعهم من يديد


والله يفرج همها يارب

 

[احلام المستحيل]

لاحول ولاقوة الابالله ... الله يهدى سرهم ويجمع بينهم بخير

 

[دفى يدينك]

شكرا لكل من رد...........واعتذر مجددا على الازعاج لاني والله مارديت لها ولوبكلمة........ وبالنسبة للاخت اللي تبارك بالحمل الله يسعدك والله اني ضحكت الله يوسع صدرك...
المشكلة واضحة للي تشوف ان مافيه اي اشكال وهي موبس مشكلة بالعكس تقدرين تقولين طااامة لو لا قدر الله وضعتي نفسك مكانها...........صح هي زوجته والحمل حلال........لكن من يقدر يواجه الاهل خاصة ابوها اللي مطلق امهابسببها واخوها بعد زي ما ذكرت في قصتها تضارب مع احد اخوة زوج هذي البنت حتى اشرف على الموت .وبقيت الشرطة عندبيتهم تحسبا لاي شي ممكن يستجد........صراحة تفاصيل كثيرة صعبة ومؤلمة جبت انا زبدتها حتى ما اطيل ....وصاروضع العائلتين صعب جدا فكيف لويدرون بعودتها وحملها وحالتها..........
انا احملها مسؤلية اللي صارلها وغلطهابحق نفسها بغض النظرعن اي اعتبار آخر من كون زوجها ماله حيلة او الحب اللي بينهم او انها مالها علاقة باللي صاربين اخوها وزوجته .مفروض قفلت هذا الباب لان فتحة مستحيل وصعب وهي الخسران اولا واخراولايمكن ترجع العلاقات بعد كل هاللي صار فليش تورط نفسها هالورطة وايش ذنب هذا الطفل اللي ماحسبت حسابه بأخذ مانع اواي سبب اخر بعد ارادة الله...المهم صاراللي صار وانتهى كل شي
ولو هذي القصة حقيقية فهي كابوس ارجو من الجميع ان يسامحني على كتابتها لانها آلمتني واحسهابدون حل الا من حل مأساوي والله اعلم........لكن شدتني بقوة لماقراتتها فعرضتها عليكم........واكررشكري لكم ودمتم بخير

 

[رنودة**]

لا تعليق هي زوجته وبالعده وراجعها(حلال) ومافي شيء غلط بالموضوع حتى لو ماحد درى !!!!

مؤيدة كلامك يا غالية:icon30:

 

[تجرح وتداوي]

الله يعيينها ويردها لزوجها بدون مشاكل وضعها صعب وبقوووووه خصوصا من ابوها واخوانها راح يقولون ليش تطلعين من ورانا لاكن الكلمه بيد زوجها هو المفروض اللي يواجه اهله واهلها الله يفرها عليهم