حبي وسام
New member
- إنضم
- 2008/06/28
- المشاركات
- 6,030
يبان فـي عينـي فعايـل زمانـي
بالله وش بـك يازمانـي علـيّـه
غاب الفرح عني وحزني كسانـي
ودموع عيني فـوق خـدي هميّـه
لا نيب مطلـوب ولا نيـب جانـي
ياحظـي العابـس ترفـق شويّـه
ابي تفرحنـي ولـو هـي ثوانـي
وحيـا مـع العالـم حيـاة هنيّـه
غرقان في بحر الرجـى والامانـي
والحلم ماهو ياعـرب فـي يديـه
غريب في دنيـاي مالـي مكانـي
وشوف كل(ن) مهتني مـع خويـه
اصفق بكف كف وشكـي وعانـي
وش حيلة اللي ذاق مـر الأسيّـه
خل(ن) عطيته كل حـب وحنانـي
واجزلت له يااهل الهوي في العطيّه
راح وتنكـر لـي اظنـه نسانـي
معـاد لـه طـاري ورب البريّـه
ماجيت يمـه ميـر قلبـه دعانـي
قلت احتمي من حر شمـي بفيّـه
علـق فـؤاي فيـه ثم(ن)رمانـي
ما كنت اظن يفعـل بقلبـي كذيّـه
هـذا قـدر ربـي وربـي بلانـي
حيل الله اقوى مـا تفيـد الحميّـه
تقبلوا تحياااتي
حـــــــــبي وســــــــاااام
منقووول
