عيون عزيز في مأزق !!!!

عيون عزيز ترى دوامج طويل كنت اشتغل في مؤسسه 8 ساعات تطلع روحي فيها اهملت عيالي وايد كله عصبيه واهملت نفسي وغير مشاكل العمل اللي ماتنتهي شوفي نفسج قادره تتحملين البيت والريل والعيال مع الشغل مستحيل راح يكون هناك نقص وتقصير

واحسن شي تستخيرين وتتوكلين على الله
 
الله يختار لك الخيره الحسنه ---وان كان في هذه الوظيفه شر لك الله يصرفها عنك وان كان فيها خير لك الله يوفقك فيها

ولاتنظرين للمميزات اللي بالوظيفه فقط ولكن فكري في استقرارك الاسري بعد سنين ربما تحصلين كل مبتغاك من الوظيفه ولكن لاتعلمين عن الايام القادمه 000 لذلك اسئلي الله الخيره واستعيني بالله
والله المستعان000
 
سلة فواكه قال:
اختي انا قاعده امر بنفس وضعج اشتغل في بنك وشغلتي فيها ناس انانيين وحقودين وقلبهم اسود لكن دوامي مريح وانعرض علي شغل من 8 الى الساعه 5 مثل ما تقولين كانج تتكلمين عني لكن بوزشن اعلى وفرصه التطور اكبر
انا تركت بنكي الاولي مع انه معروف والناس تتمنى تشتغل فيه وداومه حلو ومريح قط شفتي دوام بنك 6 ساعات بس حشى مدرسه وبروح للدوام الثاني المتعب مع اني نفس حالتج والفرق ان عندي طفل صغير يبي رعايه
بس اختي الحياه صايره جذي , انتي نامي عالجانب الي يريحج يعني دام زوجج راضي وعندج خدم يبردون القلب عاادي رجعي من الشغل وتقدرين تكملين يومج
انا لو مكانج اتوكل على الله واروح بالتوفيق
أنقر للتوسيع...


ايه والله يا سلة فواكه ,,,,أنا اللي باط جبدي انه الحياة عندنا في قطر وااااايد غالية ,,,,يعني لو بتم في وظيفتي الحالية ماراح أتحرك خطوة لجدام ....ماعاد في وظايف مريحة عندنا أبد ,,,,الله المستعان ومشكورة على ردج ...
 
الخط الفاصل قال:
أختي انا ماقرات جميع الردود

ورأيي ما أنصحك بهذه الوظيفة لأنك بتفقدين احلى شئ بحياتك (الحميمية والترابط الأسري)

وزيادة الفلوس ماوراها إلا البلاء..

خليك قنوعة وراضية واسألي الله البركة فيما أعطاك..
أنقر للتوسيع...

حبيبتي والله اني قنوعه بس وظيفتي الحالية مقيدتني ,,,,لو تميت فيها مقدر أسوي أشيا وايد منها دراسة أطفالي بمدارس خاصة ,,,,أختي الكبيرة ما شاء الله منصبها عالي ومدخلة ولدها مدرسة خاصة ب50000 ألف فالسنة !!! أما أنا لو تميت في وظيفتي صعبة وايد أدخل عيالي هالمدارس الا أخذ قرض ربوي وهالشي ما أبيه ,,,,هاي الميزة الوحيدة اللي مخليتني أتعلق فهالوظيفة ...خاصة اني عندي أهم شي العلم ,,,وايد أحاتي دراسة عيالي ,,,والدولة بتتكفل برسوم دراستهم ,,,يعني فرصة مابي أفرط فيها ,,,
 
الامل السامي قال:
مبروك مقدما .....وموفقه أحس أنك تسألين لا لأنك محتاره بل حتى نؤيدك على أختيارك........ مرة أخرى مبروك......الله يكتب لك الخير....
أنقر للتوسيع...

عدل كلامج ,,,,,وصج أنا أحتاج حد يأيدني في رايي غير ريلي ,,,,زوجي لو أقول له خل نهاجر الصومال بيقول يالله!!!
عنده ان كل اللي أسويه صح !! وأنا مابي هالشي ,,,أبي الناس تحط روحها مكاني ,,,هل بتوافقون أو لأ ,,,,عادي تضحون بجزء من حياتكم الأسرية مقابل أشيا مادية ضرورية !!!
الله كريم حبيبتي ومشكورة على ردج ...
 
الغلا انت متميزة

لا تضيعي فرصة تبني لج تميزج بصورة أكبر وأجمل ورتبي حياتج مع زوجك بتقدين تعرفين ليش لانك متميزة

والمتميز دائما يحقق انجازات بس من ترجعين اهتمي بزوجك وااااااااااااااااايد هذا اهم شي
 

يا اختي ذي فرررررصه عمر ماتتعوووض مثل مايقولون ..
عيالك بيدعون لك العمر كله ..


وبالنسبه لزوجك حلوو انه يشجعك ومأيدك ..

لذلك وافقي وانتي مغمضه مع أخذ عهووود و مواثيق على زوجك أنه
ما يتأفف من شغلك بعد ما تستمرين فيه .. و لايقولك طفش ملل .. حقي وحق عياالي وينه ..

لأنه هو اللي وافق من الاسااس ..
وانتي الله يعينك تحملي الكرف عشان خاطر العيااال و ابوهم ..

















 
اذا تفضلين المال على الحياة الاسريه والاستقرار توظفي بدون تردد
لكن اذا تبين زوجك وبيتك واولادك نصيحه لاتتوظفين
ماجت مشاكل العشيقات الا بسبب ان الحريم يلتهون بجمع الفلوس عن ازواجهم ويوفرون فلوس الرجال ويصير يفكر كيف يونس نفسه وانتي بعيده والا تعبانه
الله يوفقك
 
امممم..حاولي تلاقين لج وظيفه ثانيه...ماادري احس خايفه عليج ومومطمنه..لخمس ونص يعني مافي حياه اسريه...اولادج اكبراستثماربحياتج...
 
وافقي..عشان ما تندمي...ولا ولو ما ارتحتي غيري دوامك...
.رغم اني ما احب المرأة تشتغل...
 
صــدق الموضـوع يحير لكن في الأخيــر انتي اعرف في حيــاتك
الله يقدرك على الي فيه خيـــر
 
الأستخاره ...الأستخاره
الأستخاره ...الأستخاره
الأستخاره ...الأستخاره
عن تجربه والله يوفقك
 
وافقي وخصوصا اذا فيه اجازة اخر الاسبوع..يومين...
بيكون حلو مثل دوام الاطباء عندنا...
 
من الخطأ ان اقدم أي شي على حياتي العائليه..وانت بهالوظيفه بتقصرييييييييين بحق عيالك وزوجك...وربك إذا طرح البركه في شي ما يخلص..لو ان الراتب شوي بس مكفيك والحمد لله...

فكري زييييييييين حياتك وسعادتك اهم من أي إغراءات...
 
بصراحه انا من قطر واشوف انها كل يوم تزيد الايجارات والله المعاش يادوب يكفي
يعني يمكن بس اغراض الجمعيه تكلفج 3الاف واشيا بسيطه بصراحه صارت صعبه الوحده تعتمد على معاش زوجها
ابصراحه اللي يخليني أييدج انها قريبه من بيتج يعني ان لاسمح الله صار شي او احتجتي شي ماتعوقج الزحمه
انتي توكلي على الله واذا حسيتي انج تعبتي منها طلعي من الوظيفه وشوفي غيرها
وعلى فكره زوجي يشتغل من 5ونص الصباح الين 8 فالليل لان المكان وايد بعيد عنا والله فالبدايه كنت اتعب نفسيا واللحين حاولت اتاقلم لاني ربة بيت يعني ان شالله زوجج بيعود نفسه وعيالج بعد
 
مراحب حبيبتي 00اول شيء تسوينه استخيري كل يوم وعدة مرات بااليوم والله سبحانه بيكتبلك اللي فيه مصلحتك00

ثاني شيء النتائج اللي بتصير من عملك كلها بعلم الله ولااحد يقدر يتنبئ فيهاا00 يمكن يمل زوجك من هالوضع 00يمكن انت تشوفي نفسك عليه ويمكن تهملين اولادك ويمكن 0000فانا لو مكانك مستحيل اوافق لان العمل هذا مايصلح للرجال كيف الحرمه اللمتزوجه 00
لانه بعد الساعه خمسه حتكوني متعبه ولازم تنامي على الاقل للساعه 7مساء ولازم ايضا تنامين بدري علشان تصحي بدري فما فيه وقت لزوجك وعيالك 00لو زوجك مايجلس بالبيت مشغول اقول ممكن لكن دامه بيتوتي صعب 0وانا اتوقع بعد فتره من دوامك بيدور على شيء يشغله ويعوضه عن غيابك الله اعلم وش بيكون 00زين او شين 00حتى زوجك يبغاك تتوضفي علشانه هو يبغى الواجه الاجتماعيه والسفروالفلوس وبس مافكر ابدفي علاقتكم 00
اخيرا اقولك انت راح توافقين على الوظيفه لانها داشه مخك مهما احد عارضك انا متأكده 00لكن جربي وأسأل الله ان يكتب لك مافيه صلاحك واتمنى لك التوفيق 00
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل