عنـديـ مرضـ ...بيخرب علي حياتيـ...

[@@الجوهره@@]

السلام عليكم ورحمة الله وبركاته
مساء الخير لكم جميعا

خواتي والله تعبت نفسيا من هالمرض منكد علي حياتي مخليني بس اجلس بيبيتي ولا ابي احد
اذا احد كلمني على الجوال او الثابت يستغربون اذا رديت عليهم لانهم يعرفون ان هالمرض مايخليني ارد على احد
واللله تعبت ودي اصير طبيعيه ونشيطه ومافيني خمول ولا كسل واهتم اكثر بيبيتي وزوجي
بس وربي مو مخليني هالمرض اسوي شي

تدرون وش مرضي...































النووووووووووووووووووووووووووووووووووم:tears::tears:



كثير نومي اذا نمت مااحس باحد خلاص كاني ميته حتى الجوال احطه على العام يدق مايدق كله واحد مااحس
ينفجر شي يطيح شي يصيح ولدي مااحس
انام باليوم تقريبا بدون كذب 16ساعه:tears::tears:
يارب وش هالحاله الناس ينمون 7او 8 وانا انام كل هالوقت
سويت حجامه تبرعت بالدم سويت كل التحاليل كل شي زين

بس عجزززت اخفف من نومي

احس مليت من هالحياة:tears:

حتى من كثر النوم وحبي له مستحيل اقوم الصبح واشغل نفسي او اروح ادور وظيفه:busted_red::busted_red:

ويوم السعد والهنا عندي اذا قال زوجي بطلع للبر مع الشباب يصير كل اليوم نوووووووووووم



تكفون طلبتكم اللي قد صار لها زيي وتعدلت تعلمني وش سوت

وانصحوني وش اسوي

والله انه غصب عني هالنوم مو بيدي مو بيدي:tears::tears:



والله يرزق كل وحده ترد الذريه الصالحه ويسعدها بالدنيا والاخرررره


محبتكم
الجوهره:blush-anim-cl::blush-anim-cl:

 

[آصآآيل]

الله يفرج كربك

 

[حنانوو]

والله مدري شاقولك
بس لازم تصحين وراك صلاة وراك اشياء اهم وراح يمل زوجك كذا
قبل ماتنامين اقري الاذكارونامي ع وضوء
واستغفري كثيروان شاءالله ربي يصحيك

 

[موسي فراوله]

ممكن يكون فيك عين ماتدرين جربي الرقيه وسورة البقره00

 

[قمر_ الامارات]

ودي انام مثل ما تنامي عطيني شويه من نومك
اكثري من الحجامه في حجامه شهريه يعني كل شهر تتحجمين
انتي عندك اطفال؟؟؟؟

 

[كرز توت]

انا كنت مثلك قبل الزواج وبعد ماتزووجت


بس بعد ماجت اطفااال تغييرت تصدقين مالاقي وقت انام فيه لان عندي هم ومسؤليه هالصغار

والله احيانا انام 3 او 4 ساعات بس


اذا تشوفين ان نومك مايعطلك عن مسؤلياتك ناااااااااااامي وكبري المخده بعد

 

[@@الجوهره@@]

تسلمون ياقلبيي على ردودكم
ودي اتعدل مرره
وانا ياقمر عندي ولد عمره 5شهور

 

[الوضيحيه]

الله يشفيك ان شاء الله ..

بس احس انه حسد ويمكن حد مسولج عمل لانه رقاد 16 ساعه شي مو طبيعي ..

إذا تقدرين سيري عند اي حد من المشايخ عسب يقرا عليج او روحج اقري سورة البقره كل يوم والله يبعدج عن كل عين

 

[@@الجوهره@@]

هههههههههههههه كرز توت ضحكتيني
زوجي مايقول شي بس والله بيجيه يووووم يمل ويهزني عااارفه هالشي


وانا ماانام اللي بالاوقات اللي يكون فيها خارج البيت وهو اغلب وقته بره البيت
لانه يداوم دوامين من 7 الصباح الى2الظهر
والثاني من4العصر الى 10الليل

 

[@@الجوهره@@]

يسلمو الوضيحه على ردك بس معقوله حسد ابد ماجا في بالي والله

 

[حمرونه]

الله يصلحك الصلاة ,,,

قال رسول الله صلى الله عليه وآله وسلم : ​

من ترك صلاة الصبح فليس في وجهه نور و من ترك صلاة الظهر فليس في رزقه ​

بركة و من ترك صلاة العصر فليس في جسمه قوة و من ترك صلاة المغرب فليس في​

أولاده ثمرة و من ترك صلاة العشاء فليس في نومه راحة ​

الصلاة .>.من ترك صلاة العصر فليس في جسمه قوه< ​

الله يصلح احوالنا اجمعين​

 

[homar]

جايز تكونى حامل ومش عارفة

 

[@@الجوهره@@]

حمرونه اصلي الصلاه بوقتها والله
بس عااادي ارجع انام ماعندي اي مشكله اقوم اصلي واكل وارحط راسي على طول انام بدون حتى تفكير ماافكر بشي

 

[قمر_ الامارات]

اذا ولدك بكى كيف اتحسين فيه ؟؟؟ الله يعينك يا اختي ويشفيك يارب

 

[@@الجوهره@@]

لا مو حامل

بالعكس لما كنت حامل بولدي ماانام هالنوم ابد

 

[سلامي26]

والله انا كنت مثلج قبل لا اتزوج
وكنت اذكر امي دايما تقولي (( حبيبتي النوم ماهوب بخبز تشبعين منه ))) فهمتي المقصود

يعني النوم كل مانمتي اكثر كل مازاد خمولج حاولي تنظمين وقتج ومع الايام بتتعودين

الله يفرج همج

 

[@@الجوهره@@]

مشكوره ياسلامي
وبحاااااول اعدله والله

انا ادري انه الخمول اللي عندي من هالنوم

 

[بداية غير]

حبيبتي
اتوقع انها حالة مرضية وهي تكون مزمنة والعلاج طبعا لازم يكوون تحت اشراااف طبي لانه لازم من العلاااج لانه اذا تطورالوضع يكون خطير يؤدي الى الوفاااة لاسمح الله
حبيبتي انا ماابغا اخوفك بس من كلامك احس انه الموضوع مزمن لديك والا انا غلطانة
خصوصا اذا كانت صحتك تمام فالمشكلة لابد من تدخل طبيب في الوضع
اتمنى اني فدتك مو خوفتك
والله يعطيك العافية والصحة
محبتك
بداية غير

 

[ام شوق1]

حااااااااااااااااالة غريبة اللة يشفيك يا رب

 

[@@الجوهره@@]

بدايه غير سويت كل شي ماافاد الحجامه كل الناس نصحوني فيها مافيه فايده
امي بتنهبل من نومي خاصه ان عندها وحده من خواتي نفس حالتي


ام شوق مشكور ياقلبي على ردك