عندي مشكلة

[نسايم غامد]

السلام عليكم ورحمة الله وبركاتة

اولا: انا كنت مخطوبة لمدة سنة
وقبل الملكة رفضتة بشدة لخوفي (ولخوفي سبب اخر افضل يكون على الخصوص لمن تتبرع وتقف بجانبي) الشديد من الزواج ومااعرف اتعامل مع الرجل بالذات
المهم
وأهلي مو عارفين سبب الرفض بس فهمو انه انا متعقدة من الزواج
الخطبة تقليديه
اخواته شافوني في زواج المهم همه مايقربون لنا
بعد اسبوع جو وشافتني امه عن قرب و
وبعدين ابويه سأل عنه طلع انسان كويس ومافيه شئ ينعاب
وافقت في البدايه بعدين لمن طولت الخطبة خفت وقلت اقطع الخوف وارفضه طالما اني في البر

بس اهلي ماسمعوا ابدا كلامي قالوا اذا سمعتي عنه شئ بطال احنا رح نوقف معاك بس خلاص انتي وافقتي وانتهى
شبة اجبرت بس بعد قناعة مني شخصيا ولا انكان ماوفقت ابدا

صارت الملكة والحمد لله
وكنت خايفة ايضا ماذا سيحصل بعدها ..؟

بعد شهر ارسل ليه رساله تدل على انه وصله موضوع اني كنت رافضه بس من مين مااعرف

بس كل يوم اكتشف انه ماخذ موقف من ابويه

طبعا هو طلع انسان رائع جدا يحبني لدرجة قال الحمد لله اني اخذتك

والله بس المح عالشغلة مايبخل عليه فيها

المشكلة وين .... طبعا فيه وفي ابويه .....

ابويه في البدايه .... جابرني عليه لانه حبه

واللحين كارهه لدرجه انه يتريق عليه قدامي

انا انقهر بس ماارد

وزوجي لمن يقولي انا وانتي ماقد اخذنا راحتنا في الملكه كله من ابوك
كنت حذرة جدا وارد رد يهدي الطرفين بالكذب

عشاااان مااحب المشاكل

اللحين في الوقت الراهن اجهز لحفل الزفاف

المشكلة الثانيه : انه انا انتهيت من الدراسة الجامعية
وجالسة عند اهلي
بس زوجي يقول مرح يقدر ياخذني معاه للمدينه للي هو فيها عشان اصلا كارهها
واهله واهلي في في المدينه اللي انا فيها

بس هو الي بعيد وظروفه ماتسمح على ايجار هنا وهناك
وهو اصلا يقول انا مو عاجبني وابغاك معايه بس ايش اسوي

طبعا رفضت وبشده واقوله لازم تأخذني معاك
يقول الظروف ماتسمح ابدا طيب وقت الاجازات وين نسكن .؟؟

للتوضح اكثر هو في مدينه نائية
وانا واهله واهلي طبعا في مدينه ناهضة جدا

الايجار اللي بياخذة في المدينه اللي انا فيها

طول الاسبوع اكون عندي اهلي
وهو ربوع وخميس وجمعة يجي ونروح شقتنا


هل موقفي صح ولا اعتبر اننانيه

في طلبي

انا اتكلم واهلي لسى ماعندهم خبر لو عرف بابا رح يزعل وممكن يأجل الفرح لين هو يستقر ويأخذني معاه وزوجي شايف من وجهة نظرة عشان عارف ضروفه انه كذه انسب

اي استفسار رح يكون عالخاص

الحل جزاكم الله الف خير احس نفسي من بدايه الملكة وانا في حرب ضروس

بس زي موضوع السكن شئ ما يتخبى على الملا رح يكون والرفض رح يكون من اهلي
وانا في الاصل مو موافقة على رائة

لااريد المشاكل احاول جاهدة تفاديها ولا احب اني اتنازل عن شئ فيه سعادتنا
وهو يقول اشوف الموضوع بعدين ارد عليك



؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في انتظار ارائكم حبيباتي

 

[شـغـف]

لا تتنازلي أبدا عن السكن!!

وحاولي تهدي والدك هدية وتقولين له أنها من زوجك.. وأن تخبري زوجك أن والدي يمدحك دائما..

والكذب جائز في الصلح..

وفقك الله..

 

[عزيزة نفس]

السكن اولا وبعدييييييييييييييييييييييييييييييييييييييين الزواج

 

[سر الوجود]

اذا ما حصلتي سكن من البدايه
ماراح تحصليه طول عمرك
وهذا شرط اساسي من شروط الزواج

 

[نسايم غامد]

اشكرك اختي / اميرة محمد
على الرائ الذي اراحني جدا
جزاك الله الف خير وجعلة الله في موازين حسناتك اضعاف مضاعفة

واشكرك اختي /عزيزة نفس
للحماس النابع من صدقك في العبارة
جزاك الله الف خير وجعلة الله في موازين حسناتك اضعاف مضاعفة

واشكرك اختي/ سر الوجود
كنتي حكيمة ( الكتاب مبين من عنوانه )
جزاك الله الف خير وجعلة الله في موازين حسناتك اضعاف مضاعفة

لي عودة
...................؟

 

[بنت الرمال]

انا رايي من راي الاخوات السكن قبل الزواج