عندي مشكلة بس بالله عليكم حطي نفسك مكاني وقولولي ايش اسوي

[خواطر امراة]

والله يابنات ترددت لاحد ماكتبت الموضوع
ومادري مالقيت قسم مناسب لموضوعي
سبحان الله مشكلتي مو مع زوجي مشكلتي مع اهل زوجي وخاصة ام زوجي
انا انسانة مسالمة وخجولة ماضر احد بس ام زوجي حاطتني في راسها باستمرار تنتقدني وتفسر الامور على كيفها لمى اوضح لها سبب الشي اللي صار تسكت بس بعدين اسمعها من الناس
كنت في البداية ساكتة على اساس انها ماتعرفني بعد بس بعدين تطورت السالفة وطنشتها عندت اكثر وصارت عدوانية علي اكث ماتحترمني ولاتحترم اهلي وتنتقدني وتنتقد اساليب اهلي قدام الناس تتعمد تجرحني وتحرجني
طلعتني بصورة فضيعة امام الناس والمشكلة بناتها معها والله مايستحون
بالله ايش اسوي اقول للوالد يحل المشكلة اصلا جاني وماحد عبره واحرجوني
والااطلع واقول وايش جاك مني بس راح تقلبها لصالحه وبتقول جات تتعذر مني
والا اكلم بنتهم الكبير ة وهي متزوجة والله مادري المشكلة اني ساكنة في نفس المبنى اللي هم ساكنين فيه
والله مادري ترانا متقاطعين مانزور بعض

 

[عرش قلبه]

اختي اهم شي طنشيهم .. وعامليهم بمآ يرضي الله
يعني هم بيتكلمون وبيتكلمون لين متى ..؟ بيي يوم وبيتعبوون
اهم شي ان زوجج مايسمع كلامهم .. وعيشي بسلام ولاتضايقين

 

[أحبه ولكن]

الله يكون في عونك ..

 

[سندرلا بلقيس]

صبري الحل الوحيد


وعايشي الصبر بكل شي


يعني حاول تتعودين عليه

 

[ياغيابه]

ههههههههههههههههههههههه


عااااااااااااادي وانتي وش رافع ضغطكـ سوي اللي يرضاه ربي وبس وبس وبس وبس وبسسسسسسسسس

كانكـ تتكلمين عن اللي عندي لكن وربي انها كل يوم تكتشف اني غير وانها تغلط في حقي وانا لي 7 سنوات فمابالكـ في حالكـ ؟؟


روووووووووقي وصلحي حلا وروحي وبوسي راسها مو اعتذار بس احتساب لوجه الله وكان ماشي صار ولما تتمشكل اسكتي لاتساعدينها على التمادي اكثر ساعتها بتنفجر لان بخاطرها كلام انتي ماساعدتيها على انها تقوله وتهاوش .


وارضيها باللي واجب عليكـ واللي غير اما فضل منكـ او طنشي ..

 

[قهوه سكر]

عيشي حياتك بما يرضي الله ثم زوجك اعتبريهم جيران لك واذا سمعتي كلام طنشي ثم طنشي ثم طنشي وربي ان تنطق قلوبهم وعيشي حياتك ما كأنهم موجودين لاتحسبين احد بيدور لك السعاده ويقدمها لك اذا ما اسعدت نفسك محد بيسعدك والله يأاهل الزوج لو تشعلين اصابعك العشره شمع لهم ما يقولن شكرآ الا من رحم ربي
ماعاد احد يقدر واذا كانوا ما يقدرون ابوكي فهذا قدر وجيهم وعامليهم بالمثل
انا حبيبتي ولدت وبعدين سويت عمليه وبعدين احترق بيتي واحترقت واستأجرت فترة 3 شهور شقه قريب منهم والله يالبعيد انه دق يسلم وان ام زوجي ما دقت ولا سألت عننا وتتعذر تقول مافي سياره واذا بغت السوق لقيت 10 سيارات ولما سكنت بنتهم فالمنطقه اللي انا فيها ما زرتها وطنشتها ورفضت اروح وراح زوجي لوحده يزورهم ومن ثاني اسبوع يدقون ع زوجي وانواع السب لكن زوجي قال لهم هذا سلفكم عندها والحين ترده

اهم شي زوجك اكسبيه وبس

 

[امي في عروقي]

روووووووووقي وصلحي حلا وروحي وبوسي راسها مو اعتذار بس احتساب لوجه الله وكان ماشي صار ولما تتمشكل اسكتي لاتساعدينها على التمادي اكثر ساعتها بتنفجر لان بخاطرها كلام انتي ماساعدتيها على انها تقوله وتهاوش .


وارضيها باللي واجب عليكـ واللي غير اما فضل منكـ او طنشي ..


وعليك بسورة البقره

 

[ندوووووووووووو]

الله يعينك حبيبتي طنشي واحتسبي الاجر واهم شي زوجك وهم ماعليك منهم ياخذون ذنوبك وتاخذين حسناتهم

 

[كيلوباتره]

الله يعينك حبيبتي وينصرك عليهم

 

[رواق الخريف]

لا تغفلين عن سهام الليل فهي لاتخطيء

أدعي ربي أنه يسخرها لك وتكون معك وليس ضدك وكرري


كل ليلة في صلاة الليل وبعدها خذي هدية


وأذهبي وأخبريها أن الدنيا فانية ولا يبقى إلا العمل


الطيب وياليت تخبريها ببعض القصص التي أثرت بك

عن من غادروا الدنيا وبقي أثرهم الطيب ودعاء الناس لهم .

 

[الدمعة ونيسي]

الله يصبرك ويعينك

طنشيهم اختي مرده الحق بيبان

 

[خواطر امراة]

والله اني طنشت وعاملتهم بمى يرضي الله بس زادت اكثر ترى تفكيرهم غلط مافي شي اسمه لله والله لي ست سنوات ابغى اتذكر شي حلو سوته لي مافي والله العظيم مافي
بس ماعليش للي قالو اطلعي بهدية وبوسي راسها ماينفع ولاراح اسويها لانها اجرحتني كثير كثير وخربت سمعتي وهي سبب وحدتي
حتى زوجي تبغى تقلبه علي بس ماقدرت وتظن اني ساحرته وودوه عند مشعوذ علشان ان كان فيه شي يفك سحره والله العظيم اني صادقة وربي يشهد

 

[شخصية]

اختي الغالية .. لا تتأثرين بكلامهم .. هم اصلا ميتين قهر لأن زوجج يقدرج و يبغيج .. انتي طنشي و عيشي حياتج و آخرتها بيملون .. أو تجيهم مرت ولدهم الثاني و بينشغلون فيها عنج .

 

[ياغيابه]

اعوذ بالله
​

 

[ورده رومنسيه]

الحال من بعضه بس انا مشكلتي مع سلفاتي والا ام زوجي الله يرحمهااا ياليتها كانت عايشه
والحين اناما اشوفهم الا بالمناسبات ولا نسلم على بعض
بس عايشه حياتي بالطول والعرض ومو شايفتهم قدامي مع ان بيتي مقابل بيتهم
والمصيبه زوجي واخوانه من قاريبي وكمان زوجت اخوهم الكبير بس ماكأني اعنيلهم شي

 

[مانا الدلوعه]

الله يعينك

 

[mahymm]

طنشيهم وما ليكيش دعوة بيهم واللى يعاملك بشئ عاملية بمثلة أهم حاجة فعلا زوجك يكون فى صفك ومقدر وشايف اللى بيتعمل فيكى علشان يكون معاكى أكسبى زوجك وما يهمك أى حد فى الدنيا لا أهله ولا الناس اللى بيتكلموا عندك وحش قدامهم

 

[مكاني بقلب زوجي]

الله يكون بعوونك

 

[نصف القمر1]

احتسبى الاجر فى عندالله ما يضيع شي وعمليها كانها امك