عندي عاملات وابا اعلمهم نقش الحنا .. كيف؟

[اعلامية طموحة]

​

بنات انا بغيت اسألكم عن شي

انا عندي صالون .. وحاليا ابا اكثف نشاطي في مجال الحنا

بس المشكلة مثل ماتعرفوا المحنيات عملة نادرة

بس انا عرفت ان في الامارات صالات الحنا عندهم يدربوا العاملات الجديدات

حد عنده لو فكرة بسيطة عن آلية التدريب

هل اجيب صور ولا اجيبلهم وحده تعلمهم.. وكم ياخذن وقت

بليز فيدوني لان عندي عاملتين اريد اعلمهم .. هم عندهم البدايات بس مش بمستوى

​

 

[*مشاعر مكتومة*]

اهلا وسهلا بكِ غاليتي اعلاميه طموحه .
إن شاء الله يفيدونك بنات الامارات.
اتوقع حبيبتي انه يدربون مع وحدة فاهمه وشاطره افضل وحتى لو تدفعين لها مبلغ وقدره تتفقين معها حتى تدربهم لك صح وان شاء الله تعوضينه من شغلهم لان الحنا ماشاء الله شغلته ناجحه .
وربي يوفقك يالغاليه .​

 

[Magdoleen]

فكرة تجيبي لهم وحده حلوة ​

 

[سمو الطيــب]

ما شاء الله العمانيات شاطرات في الحنا واررررروع النقشات نقشاتهم

خلي وحده م البنات تعلمهم بس اهم شي لازم يكونن سريعات ويتقنن مسكة المعصار والنقش بالممارسه بيضبطنه

وكبداية خليهن يلعبن في أيادي اليهااااال ^_^

وخبرينا شو اسم صالونج عشان نمرج لو سرنا عمان

وبالتوفيج غناتي

 

[دلوعة مملكتنا]

جيبي لهم وحدة شاطرة .. تعلمهم .. لن ممكن تعطيهم اساسيات او اسرار المهنة ..


بحيث بخطوات بسيطة تعطيهم الدرس عدل .. وتدربهم عملي ..

خليهم يحنون باقي العاملات يوميا ويخربطون بايدين اليهال على قولة الاخت ؟؟


الين يتقنون ..

حتى لو تدفعين مبلغ على التدريب .. بس بتكسبين خبرتهم بعدين


وحبيت انبهج على شغلة غاليتي

بعد لما يصيرون فنانين خليهم يدربون عاملات جداد .. حتى لو ماكان عندج ضغط حنا .. ولو كانو ثنتين يكفون ...


تدرين ليش ؟

لانهم اذا تاكدو من اتقانهم يتفرعنون عليج يبون الزيادة .. ويهددون بترك الصالون .. بعد ماكسبو زباين

او يجيهم ظرف مفاجئ
ويسافرون وترجعين لنقطة البداية وتجيبين ثنتين جداد وترجعين تعلمينهم من جديد الين يتعلمون جد خسرتي بعض الزباين ..


واتمنى لج كل التوفيق يارب