عندك وصفه سهله ولكن مفعولها رائع تعالي اسدحيها هنا

[ام الفيصلي]

السلام عليكم ورحمة الله وبركاتة
أختي الحبية جزاك الله الجنة
حابة أسالك سؤال
أني عندما أزيل الشعر من وجهي وخصوصا الخدود(مع العلم اني ما ازيلها بشكل دائم لانهامو ظاهرة كتير)الاحظ انهاتصبح حساسة جدا وتكون فيها بثور صغيرة وتحكني ؟؟؟؟؟
بماذا تنصحيني يا:icon31:العزيزة

هلابك عزيزتي ام صالح نورتي

مايصير تشيلين الشعر من غير لا تسكرين المسام :questionmark:

لازم تسكير للمسام علشان ماتتلوث من لمس الايد وتطلع الحبوب

بعد الحف مباشره جيبي قدر متوسط الحجم وحطي فيه مويه و نص علبه حليب بوني ومكعبات ثلج كثيررره وظلي اغسلي وجهك بها لمده 5 دقايق
ولو تقدري تغطي وجهك في القدر لثواني يكون افضل كررري اكثر من مره ورى بعض 10 مرات

لحد ماترجع البشره لوضعها الطبيعي وتتسكر المسام بعد كذا اخلطي نشا مع زبادي
وحطيها على وجهك ولازم تكون بارده يعني تكونين حاطتها في الثلاجه من قبل

وخليها لين تجف وبعدها اغسلي بماء بارد ورشي ماء ورد

وحاول خلال هالثلاث ايام اللي بعد الحف ما تغسلي وجهك بماء حار احذري

وفيه وصفات كثيره بعد الحف للي تتطلع لهم حبوب كثيييره راح انزلها بس يتراوالي ان حالتك خفيفه بس اتبعي اللي قلت لك وردي لي خبر بعد التجرربه طبعااا

 

[ام الفيصلي]

هلا وغلا اناجربت خلطلتك لبياض المنطقه الحساسه روعه حيل

اسراري الخاصه
انظف جسمي بصنفره طبيعه سكر ليمون زيت زيتون وافرك عدل واغسل بماء واحط حليب جاف وماي واحط ع جسمي شوي جنان نصيحه من فلبينيه بمشغل

واحط فازلين ع شفايفي مع حمره سحريه روعه

وللشعر احط زبادي وماينوز وزيت زيتون وشوي ليمون واظعه كماسك عشعري
ا

هلابك عزيزتي دره

اهلابأسرارك الحلوه
الصنفره حلوه بس مره في الاسبوع فقط

واضيفي لخلطه شعرك زبده مذوبه يصييير شعرك روعه

شكرا على مشاركتك ياقمرر

 

[توتة عسل]

وحده من قرايبي كنا اناوياها دائما نتشكى وندور حل لمسامات السيقان وكنت اشوف ساقها اردى من ساقي وبعد فتره شفت ساقها يجنننننن ماشاء الله وسألتها وبعين قويه قالت لي اساسا سيقاني كذا قمت ابولع بريقي انصدمت صدمه عمري واستحيت اسال مره ثانيه كرامتي ماتسمح لي

حبيت أقولك يمكن قريبتك هذي سوت ليزر..لأن كم مرة اقرأ ان الليزر يخلي السيقان:icon30: ويروحن المسامات وكل شيء..

 

[ام الفيصلي]

حبيت أقولك يمكن قريبتك هذي سوت ليزر..لأن كم مرة اقرأ ان الليزر يخلي السيقان:icon30: ويروحن المسامات وكل شيء..

هلابك غلاتي توته
انا كنت احسب انها مسويه ليزر بس فكرت فيها هم ماعندهم امكانيات ماديه ولاهي متزوجه

و يوم جربت خلطه من النت وحلت لي 80 من المشكله قلت في نفسي لا اكيد انها طايحه على خلطه لان فيه خلطات لجميع المشاكل

ان شاء الله احضر موضوع متكامل عن العنايه الصحيحه بالسيقان في مفكره وانزله قريبا

واكيد راح اكتب الخلطه

موفقه

 

[ام الفيصلي]

هلا وغلااافيك عزيزتي

النير على التشققات نفس المفعول لما تنقعي رجولك في ماء حار وملح
لان الغرض واحد هو تليين الجلد على العموم فكره حلوه للمستعجلين يسلموووو ياقلبي

زيت للشفايف استعملي زيت اللوز روعه والفازلين

فيه سؤال حابه اسالك اياه

اشوفك تستخدمين شامبو الاطفال لشعرك

شفيدته وليش مو شامبو الكبار؟

كنت ادور على شامبوطبيعي وكل الصيدلانيين يقولون شامبو الاطفال هو الوحيد الخالي من المواد الكيميائيه وطبيعي علشان كذا احبه وحفيف على الشعر وماينخاف منه ان ممكن يخرب الشعرررر او شي

شكرا على مشاركتك نورتي غلاتي

 

[*الملاذ*]

حبيبتي .
ابي اسالك على خلطة المنطة احساسه انا سويتها بس ما حطيت جلوسوليد لان ما كان عندي حطيت الفازلين الكريمي مو الجل .....

هل تتوقعين تضبط ولا لا ؟؟ انتظرك ياقلبي

ولا تتاخرين علينا في خلطة السيقان.

تسلمين ياقلبي.......

 

[انين روحي]

بصراحه خاطري انشرح حييييييل لمن قرأت موضوعك ام الفيصلي لاني دايم بجرب خلطات طبيعيه وماتجيب معاي نتيجه وحابه كتييير اني اجرب خلطاتك
بس انا اعاني من مناطق داكنه بالجسم مثل الركب والاكواع فياليت حبيبتي اذا تعرفي شي تفيدينا ؟
والله يجزاكي عنا الفردوس الاعلى باذن الله
وتسلميلي دوووووم ياعمري

 

[روز..]

الله يرزق فيصل بااخت

 

[ام الفيصلي]

حبيبتي .
ابي اسالك على خلطة المنطة احساسه انا سويتها بس ما حطيت جلوسوليد لان ما كان عندي حطيت الفازلين الكريمي مو الجل .....

هل تتوقعين تضبط ولا لا ؟؟ انتظرك ياقلبي

ولا تتاخرين علينا في خلطة السيقان.

تسلمين ياقلبي.......

هلابك قلبي

ان شاء الله تضبط بس كثري ماء الورد شويه علشان ماتصير الخلطه ثقيله لان كلما كانت اخف تشربها البشره اسرع

موفقه

 

[ام الفيصلي]

بصراحه خاطري انشرح حييييييل لمن قرأت موضوعك ام الفيصلي لاني دايم بجرب خلطات طبيعيه وماتجيب معاي نتيجه وحابه كتييير اني اجرب خلطاتك
بس انا اعاني من مناطق داكنه بالجسم مثل الركب والاكواع فياليت حبيبتي اذا تعرفي شي تفيدينا ؟
والله يجزاكي عنا الفردوس الاعلى باذن الله
وتسلميلي دوووووم ياعمري

الله يشرح خاطرك دوووم

انا مثلك قبل كل ما اجرب خلطه ما استفيد بس لاحظت كلما كانت الخلطه سهله ومكوناتها مش معقده تجيب نتيجه وصرت اكره الخلطات اللي مكوناتها كثيييير احس تخرب بدل ماتعدل وتاخذ وقت
بالنسبه للركب والاكواع
هذي اماكن احتكاك وجلدها يتجدد بإستمرار

لازم تعملي صنفره مره في الاسبوع فقط
ويوميا تمسحين قبل تتروشين بإسكينول الببايا وترطبي بإستمرار انا ما اعاني من هالشي لان الصنفره اللي استخدمها في الترويشه الاسبوعي حيييل تفتح الركب والاكواع بس لازم ترطيب دااااااااااااائما على شان تحافظي على النتيجه
اتبعي برنامجي راح تودعي السواد كله

موفقه

 

[ام الفيصلي]

الله يرزق فيصل بااخت

هلابك عزيزتي :icon31:

شكرا على الدعوه ولك بالمثل الله يرزقك بالذريه الصالحه عاجلا غير اجل اللهم امييين

 

[ام الفيصلي]

السيقااااااااااااااااااااااااان لاحظت انكم مستعجلين عليها

اول شي السيقان وبالذات اللي سيقانها رايحه فيها تحتاج وقت في العنايه علشان تصير تمام
لا تحسبين انها بين يوم وليله بتصير حلوه لا انا ( اعوذ بالله من كلمه انا )
جلست اكثر من 6 شهور اعتني فيها وبعدين بانت النتيجه

______________________

اول شي ازاله الشعر موعلى كيفك اي وقت تشيلين
لازم بعد الدوره الشهريه لان قبل الدوره بإسبوع تكون الهرمونات مرتفعه والشعرقاسي
ويطلع الشعر بسرررعه واحذري تشيلين الشعر ثالث يوم في الدوره لان فيه بويضه
جديده قاعده تتكون في هالوقت والهرمونات عاليه جدااا
__________________________________________
الان خلصتي الدوره بتحفين سيقانك مو على طول تقشين الحلاوه والا الاله وتشيلين
وبعد اسبوع الا النقط السوداء طالعه واسبوع ثاني الا الشعر نابت تحت الجلد والسبب
ان الشعره المسكينه تبي تطلع والجلد مسكر عليها طيب ماسالتي نفسك ليش !!!
ومن وين جا هالجلد فوق الشعره جاء لان جلدك قاعد يتجدد اسبوعيا
لكن انتي ماقشرتي الخلايا الميته علشان تشوفين الجلد الجديد واللي ياكد مصداقيه كلامي
ان النقط السواء تبدأ في الظهور بعد اسبوع اللي هو الفتره الي تتجدد فيها البشره
_________________________________________________
اله براون متنفعش للسيقاااان لانها تكبر المسام لما تجر الشعر وحده وحده
بينما الحلاوه تشيل كذا شعره فيخف الشد على المسامه الوحده
افضل شي للسيقان شرايح فيت او ميم رول او الحلاوه فقططططط
________________________________________________
روتين لازم تسوينه قبل الحف بيوم هذي البدايه للعلاج

لكن بعدين راح تلاحظي انك ما تحتاجي لها الحركه لانك راح تهتمي
بسيقانك ( راح اكتب طريقه العنايه ) وماراح يطلع الشعر تحت الجلد ولا نقط سوداء

الاغراض اللي تحتاجينها
اسكينول اي نوع _ فازلين _سكين صغيره
_ملح مطحون ساسا حق الاكل
_ليمونه _ مقشر المشمش _ كريم مرطب

اول شي خذي قطنه وافركي سيقانك بالاسكينول بحركه دائريه
بعدين لماتجف حطي عليها طبقه كثيفه من الفازلين سوي مساج شوي
وبعدي استعملي ظهر السكين (الجهه الغيرحاده )
وابدأي من بدايه الساق متجهه بالسكين عكس منابت الشعر وحكي بشويش
ولما تشيلي طبقه فازلين ارجعي ادهنيها على نفس المكان
واستمري على هالحركه الغرض هو اخراج الشعر اللي تحت الجلد وبعدين خلاص
شيلي الفازين كله بالسكين وعلى طول حطي مقشر المشمش كثري
وافركي سيقانك بشكل دائري لمده 3 دقايق بعدين اغسليها و على طول
اخذي الليمونه وقصيها نصين ورشي ملح على كل نص وقشري السيقان
بنعومه بشكل دائري لان هذي هي الطريقه الصحيحه
وبعدين غسلي وحطي كريم مرطب
_______________________________________________

واليوم الثاني تشيلين الشعر (على طريقتي ) انتظروني

 

[ام الفيصلي]

الحين بتشيلين الشعر لازم السيقان تكون نظيفه بدون كريم
اغسليها بأي شامبو وفرشيها بالفرشاه الخاصه للسيقان
واسمها ( راوند براش ) من بدي شوب ونشفيها عدل
_______________________________________
الحلاوه انا ما اعرف لها ولا استعملها
قبل استعمل ميم رول ولكن حاليا الشعر صار خفيف فصرت استخدم
شرايح فيت
اول شي تحطي العلبه في ماء مغلي لمده 7 لاتقل دقايق وبعدين
امشي بالرول بإتجاه نمو الشعر يعني ابدأي من الركبه اذاكانت الطبقه
خفيفه عيدي على نفس المكان كثفيها وبعدين حطي القماش اللي يجي
معها فوق الشمع ورصي عليه شوي بيدك
وبعدين اسحبي القماش بعكس اتجاه نمو الشعر ولكن ماتسحبين على فوق
هذا اكبر غلط ارفعي طرف القماش واسحبي وانت مقربه ايدك من الساق بحيث
كأنك تسفطين القماش على بعضه بس بسرعه يكون السحب
( اتمنى يكون الشرح واضح ) وعلى هالموال تشيلين
لما تخلصين على طول جيبي قطنه كبيره بلليها بماء ورد وامسحي السيقان
وازيلي المتلطخ من الشمع
___________________________________________

الان نجي للخطوه المهمه جدا ( الخلطه اللي وعدتكم )
الخلطه 2*1 تقضي على ظهور الشعر الغير مرغوب فيه خلال فتره بسيطه
وتقضي على مشكله المسامات مع كثره الاستعمال لانها تعمل على تصغير المسامات
وقتل بصيله الشعر ومن اول مره بتلاحضي ان الشعر
بيتأخر حيل على مايطلع وطبعا يختلف من وحده لوحده

الخلطه هي
2ملعقه كبيره نبته السعد مطحونه ناعم
1ملعقه كبيره شبه مطحونه ناعم
1 ملعقه كبيره صبر مطحون ناعم
1 ملعقه كبيره مستكه مطحونه ناعم >>>> انا ما احط مستكه ابدا بس الخلطه كذا
الله يجزا صاحبتها الف خير ويرزقها الجنه
تحطين المقادير في قدر صغير (زبديه) وتحطين كوب كبير ماء وتحطينه على النار واول مايبدأ يغلي
عينك على الساعه واحسبي له عشر دقايق يغلي مع التحريك راح يتبخر بس ماعليك
المطلوب هو الباقي وبعدها طفي النار
وخليه لين يبرد
بعد مايبرد تجبيبين كريم دوف وسط او جليسوليد وسط وتخلطينه مع الوصفه
واحتفضي فيه في علبه مايخرب ولايحتاج ثلاجه


طريقه الاستخدام
بعد الشيل على طول ينحط مو تحطين اليوم الثاني لا
لازم على طول والمسام لسا حار ومفتوح
تدلكين سيقانك بالكريم عدل عدل بذمه صاحبه
الوصفه تقول لازم تستمرين بالتدليك لمده ساعه وتخلين الكريم لمده ساعه ثانيه
وانا كنت استخدمها ولا ادلك وما شفت مفعول حلو لكن لما التزمت بالتدليك انبهرت بالمفعول
جنان يابنات هالوصفه خياااال صار لي عليها سنه قسم بالله راحت المسامات من سيقاني
بنسبه 85% والموجوده الان صغاااااار والشعر قلللللللللللل مره
واماكن الان صلعااااااااااااء وملساء قولوووو ماشاء الله ترى العين حق
وما ابي الا الاجر من رب العالمين


لكن ابي انبه على نقاط في طريقه استخدامي لها لان شعري كان كثيف
1_اللي شعر رجولها كثيييف ويطلع بسرعه من الافضل تستخدمها يومين او ثلاث ايام
ورى بعض
2_ انا كنت انام بالوصفه دايم بعني ما اغسلها بعدساعه ولا ضرتني ولاشي
3_ ممنوع تغسلين سيقانك بماء حار او دافي لازم ماء فاتر



وراح اكتب لكم طريقه العنايه من بعد الحف الى نهايه الشهر ( وقت الحف الثاني )

 

[توتة عسل]

عساك بالجنة

مشكووووووووووورة على جهدك وكل شيء

ألف الف شكر لك أم الفيصلي :icon26:

الله يوفقك ويسعدك

 

[ام الفيصلي]

اليوم شلتي الشعر وحطيتي الخلطه
ريحي 4 ايام ماتسوين شي وكثري من لبس القصير خخخخخخخ
ممكن اذا حبيتي تمسحين بليمون ونشاء وتخلينه نص ساعه
خيرٍ على خيرٍ
بنات يمكن تقولون كل هذا نسويه للسيقان والله شغله
بس انا بقول لكم جربو نظامي شهرين ورا بعض

والله لا القاكم رافعين الموضوع وتدعون لي لان النتايج روعه
وكلمه روعه قليله
قبل فتره رحت لدكتوره نسائيه مصريه وبعد الكشف سألتني امك سعوديه
قلت ايوه قالت اه يا بكاشه طيب امتى حتسيبوا الكدب على الرقاله
قلت لها ليش قالت تنيلوا الساق بالبخاخ والاساس الهي تتنيلو يالسعوديات
ههههههههههه تفكرني حاطه اساس
__________________________________

اطبخي كاس قهوه مطحونه ناعمه
<<وش فيكم تطالعون في الشاشه ايه قهوه العربيه ماغيرها >>
اطبخيها في كاسين ماء لمده 10 دقايق صفي
وخذي القهوه وحطيها في علبه في الثلاجه (القهوه تعالج مشكله المسامات)
ومن خامس يوم تبدين تسوين هالروتين يوميا مع استحمامك اليومي
اول شي تمسحين السيقان بإسكينول بالقطنه وانا افضل الشفاف كلاسيك او بالبابايا
يجنن اللي بالببايا ريحته حلوه ويبيض واكره اللي بالليمون احسه حار
__________________________________
بعدها ترطبين الساق بشوي مويه وتاخذين ملعقتين من مقشر المشمش
وتحطين معها ملعقتين قهوه وتدلكين الساق بشكل دائري من
بدايه القدم صعودا الى الركبه
وهذه هي الطريقه الصحيحه علشان الساق تصير مشدوده والفخوذ نفس الشي التدليك
يبدا من الركبه صعودا
وبعدها لماتحطي الشور جل فرشي السيقان بس بشوووويش الله يخليك
واخر شي حطي كريم مرطب ضروري الترطيب جداااا
يوميا تعملي هالروتين والكسوله كل بعد يومين مش اكثر
ولما تجيك الدوره وقفي هالروتين اول اربع ايام فقط
واذا شفتي لسا فيه شعر تحت الجلد او نقط استعملي اول طريقه ( اللي بالسكين ))
لانه اكيد توك في مرحله العلاج

وبعد الدوره حفي وحطي الخلطه واتبعي الروتين وشوفي سيقانك بعد 6 شهور
الظاهر راح تخافي عليها من العين وماراح تلبسي قصير خخخخخخخ
ابي اكون صريحه معكم السيقان بالذات يبي لها طوله بال والتنايج موسريعه
لكن بتحسين بالفرق بعد شهرين ثلاثه واذكركم راح ترفعون الموضوع
زي موضوع المنطقه الحساسه بعد 3 اسابيع كل البنات رفعوا الموضوع وكتبوا تجاربهم
اتمنى لكم من كل قلبي سيقان جميله لاني عانيت وماودي احد بعد يعاني

وبكذا ختمنا موضوع السيقان

موفقين يارب

 

[ام الفيصلي]

عساك بالجنة

مشكووووووووووورة على جهدك وكل شيء

ألف الف شكر لك أم الفيصلي :icon26:

الله يوفقك ويسعدك

هلابك غلاتي توته :icon26::icon26:

نورتي تسلمي يارب

الله يرزقني انا وياك وجميع المسلمات بحسن الخاتمه والجنه

ان شاء الله تستفيدي

موفقه

 

[روح الصبايا]

يعطيكم الف عافيه ولصاحبة الفكره مليون عافبه .................

 

[انين روحي]

ماشاالله تبارك الله عليك
الله يعطيكي العافيه
ونحنا وياكي على طووووووووووول

 

[*الملاذ*]

مشكورة والله.

بس سالفة السيقان سااااااالفة صعبة حيييل..

توقعتها سهلة..

......

 

[ام الفيصلي]

أميرة ريلي.. أميرة ذهبية

​

رقم العضوية : 46195 تاريخ التسجيل : 11 - 05 - 2008 المشاركات : 122 MMS :

هلا اختي

السلام عليكم و الرحمه

شخبارج ..عساج مرتاحه
المهم ..

قريت ردج بخصوص الشمر انزين جربته اليوم بس بغيت اسألج ..

لما انقع الشمر المطحون بالماي المغلي بعده اشخله و اللا اشربه جي بدون شخل ؟؟​