عندك وصفه سهله ولكن مفعولها رائع تعالي اسدحيها هنا

[ام الفيصلي]

موضوع جداً رائع الله يجزاك الجنة ويسعدك


لي عودة بأذن الله ..


ولكن على عجل الزنجبيل شراب طبعاً جيد للقولون


والزعتر البري للسعال ..

هلافيك ياقلبي شكرا لك

بإنتضارك

 

[ام الفيصلي]

موضوعك رووووووووووعة ياأم فيصل

الله يخلي لك ويصلح لك ماعطاك<<<عجيز ههههه

على المفضلة على طوووووووووووول

اممممممم بالنسبة لتجربتي

الله يسلمك ياقلبي الروعه هو تفاعلكم

جربت الفاشكول بالثوم للشعر حلو وطول لي شعري شوي وناوية أستمر عليه حتى أوصل للطول االلي أبغى وصار شعري له لمعة بعد وهبطت الشوشة شوي ههههه

لا ياعمري انتبهي فاشكول بالثوم ماهو بلسم يومي يستخدم مره او مرتين في الاسبوع حار على الشعر
ولا ينحط على جذور الشعر انتبهو يابنات جميع انواع البلسم ماتنحط على الجذور بس على الشعر مع التركيز على الاطراف لان البلسم اساسا مصنع علشان يكون طبقه على الشعر تحميه من اضرار الجو فما ينحط على الجذور وش الفايده تكونين طبقه على جذور شعرك وتسكرين مسامه بالعكس راح يسبب لك قشره بصعوبه راح تتخلصي منها

بنات بالنسبة للحبوب صراحة مدري شسوي فيها تقل تعاند بدت تطلع لي قبل سنتين تقريبا على خفيف و خليتها ماعالجتها ثم صار عندي مناسبة وياكافي التهبت بشرتي بشكل ثم هدت وكل ماصار عندي مناسبة أو عيد طلع لي كم حبة تقهر...المهم عالجت عند الدكتورة 6 شهور وخفت الحمدلله لكن أحيانا يطلعن على خفيف..والحين رجعت السالفة من جديد...


كل هالحكاية أبي فزعة هههههههه إذا تعرفون شيء طبيعي يمنعهن مايطلعن أبد تكفوووووووووووووون علموني..

قالت لي من الشوكليت

لاتأكلين مخلالات ولا شطه ولابطاطس مقلي ولافلفل ابدددد
وعندي لك وصفه انا مجربتها كلمه روعه قليله في حقها وهي سر من اسراري

روحي للعطار وخليه يعطيك عشبه اسمها ازهار الزيزفون

اغلي كوب ماء وحطي مقدار 3 ملاعق من العشبه في علبه زجاج ولتكن علبه نسكافيه
وصبي الماء المغلي موكله بقي في الكاس ربعه
وبسرعه غطي العلبه وحركي الاعشاب مع الماء وخليها لمده نص ساعه
الحين صفي مويه العشبه وخذيها وبالقطنه امسحي وجهك بشكل دائري وخلي وجهك يتشرب الوصفه بعدين احفضي الباقي في الثلاجه ومده صلاحيته 4 ايام

موتغسلين وجهك لا لازم قطنه علشان تتحرك الدوره الدمويه في الوجه

واستمري يوميا مرتين في اليوم وعلى فكره خليه على وجهك الفتره اللي تبين اهم شي لاتقل عن ساعتين

وردي لي خبر بعد اسبوعين من الاستعمال صدقيني راح تنبهري من النتيجه زي ما انبهرت انا كانت كل ماتقرب الدوره نتط وحده وحده او ثنتين في وجهي اما الحين لا وعلى فكره انا ماخذه هالوصفه من منتدى علاج بالاعشاب وهو يقول انك راح تودعين الحبوب للابد بعد اسبوعين وفعلاااا انا ودعتها بس انا استمريت شهر على الوصفه

موفقه

 

[ام الفيصلي]

السلام عليكم ورحمة الله وبركاتة
أختي العزيرة أم الفيصلي
على طول موضوعك على المفضلة:cupidarrow:
صراحة بعد ماجربت خلطتك لتبيض المناطق الحساسة وووواااااااااااووووو روعة خيال ما شاء الله بعد خمس أيام فقط لاحظت الفرق :bigsmile::bigsmile:
صراحة جهدك رائع جزاكي الله خير
وبارك في جهودك:blush-anim-cl:
أحس نفسي مقصرة جدا في حق نفسي لكن من اليوم وطالع رح أحاول أمشي معك على خلطاتك الرائعة:shiny:

هلافيك عزيزتي ام صالح فرحتيييني بصراحه هذي شهاده اعتز فيها الله يسلمك يارب :cupidarrow:

بس لا اوصيك ضروري تعملي للمنطقه الحساسه تقشير مره في الاسبوع فقط اخذي مقشر جاهز بالمشمش او بالفراوله من الصيدليات او خذي نص ليمونه ورشي عليها ملح ناعم ساسا ودلكي المنطقه بشويش بشكل دائري علشان الجلد الميت يطيح وتتجدد البشره

موفقه

 

[ام الفيصلي]

هلابك كلي مزايا خلطتك حلوه يسلموووو

ام الفيصلي ... اتعب اقول عنك مبدعة...
جزاك الله خير ..

هالموضوع بحد ذاته دليل على حبك الخير للناس .. الله يوفقك وييسر امورك

امها دلعتها
تسلمي ياقلبي ربي يسعدك والله اني احتسب الاجر من رب العالمين في قضاء حوائج الناس يمكن ماتدرين بحجم الرسائل اللي تجيني على الخاص استفسارات وكل ما ساعدت احد احس بالسعاده احس ان مني فايده خخخخخ وخصوصا اني كثيرره بحث في النت ومعلوماتي متواضعه لان النت بحر لاساحل له



تعرفين ليش احب الخير للناس لاني انقهر
بصراحه احيانا لما اعرف انه احد عنده مشكله اعطي من قلبي كل اللي اعرفه بس فيه حريم يتكتمن على مثل هالامور مدري هو حسد استففر الله
تخيلي قبل كم سنه
وحده من قرايبي كنا اناوياها دائما نتشكى وندور حل لمسامات السيقان وكنت اشوف ساقها اردى من ساقي وبعد فتره شفت ساقها يجنننننن ماشاء الله وسألتها وبعين قويه قالت لي اساسا سيقاني كذا قمت ابولع بريقي انصدمت صدمه عمري واستحيت اسال مره ثانيه كرامتي ماتسمح لي

وبعدها بحثت في النت ولقيت خلطه طبعا هي للتخلص من الشعر واستخدمتها والحمدلله صار لي عليها سنه والمسامات عندي قلت كثثثير بس مو زي ساقها هي والحين ميته ودي اعرف طيب وش خسرت لوقالت لي وكسبت فيني اجر وهي تدري اني متزوجه واحتاج الخلطه اكثر منهااااا ومن بعدها كرهت هالطبع خلاص اذا حسيت ان احد محتاج وصفه من اقاربي اعطيه من غير طلب وكثيررر حصلت والحمدلله اخرها كان في العيد

واوعدكم راح انزل هالخلطه انتظروني الموضوع طووووووووويل بس نبي روتينكم ووصفات سهله علشان الكل يستفيد


موفقه

 

[ana 6]

الله يعطيك العافيه موضوع اكثر من رائع


وانتي ماشاء الله شكلك تعرفين كثيرر

المهم انا بسألك ابغى شي ينفخ الخدود بشكل واضح بصراااحه طفشت جسمي مليان ووجهي نحيف

تكفوووووووون ساعدوني

 

[الاميره لين]

أم فيصلي الله يوفقك قولي آآآمين
موب علشان الخلطات لا والله
على شان قلبك الطيب الناصح المحب للخير
روحي الله يوفقك من حيث تتوجهي ...

ولي عودة أن اتفضيت لان ماعندي شغالة


انا اعرف اشياء حلوه بس مشكلتي العجز

 

[ام الفيصلي]

بسم الله الرحمن الرحيم

راح نتكلم اليوم عن الروتين الاسبوعي

خصصي لنفسك يوم بالاسبوع تدلعي نفسك وتنظفي جسمك تنضيف عميق ( يختلف عن التنظيف اليومي )
وكل وحده واليوم اللي يناسبها انا يومي الثلاثاء
قبل الحمام بساعه
احط من ها لخلطه (جليسوليد الاحمر متوسط وفازلين صغير وشويه فكس ملعقتين) على الجسم كله حتى الرجول
والبس البدله الحراريه تلقونها حتى في محلات السبورت
__________________________________________________________________________
احط على شعري زبده اذوبها على النار ولماتفتر اضيف لها زبادي ( تنعم الشعر مع الاستمرار ولمعه تهبل وتحمي الشعر من التقصف ) واخليها ساعه
والف شعري طاقيه بعد ما احطها
صار لي عليها 3 شهور ونعمت شعري مرررره وللعلم شعري مو خشن لكن مموج تموجات كبيره
و لما يجف شعري الفه طاقيه مره ثانيه لمده ساعه
يطلع كأنه مستشور
____________________________________________________________________
وجهي ( بشرتي دهنيه)
اول شي غسولي الاسبوعي هو نيتروجينا لمعالجه ظهور الحبوب واستخدم معه فرشاه البدي شوب الصغيره الخاصه بالوجه افرش وجهي بشويش
واللي ماعندها ممكن تستعمل مقشر المشمش
اما غسولي اليومي من كلين اند كلير مكتوب عليه التقشير اليومي للوجه

________________________________________________________

بعدين اطحن الاسبرين ( البندول ) ناعم بالنجر 3 حبات واخلطها مع شوي زبادي واحطها على وجهي ربع ساعه فقط
واللي تبي تعرف فوائد الاسبرين للبشره الدهنيه تكتب في قوقل ( ماسك العسل والاسبرين ) وتقرأهالموضوع
وانا ما حط عسل لان ماعندي
يابنات روووعه هالماسك ومع الاستمرار عليه يقشر البشره ويجددها بلطف اقرو الموضوع من قوقل واحكمووو ا
بس تراه مره في الاسبوع فقطططط
وبعد ما غسل وجهي ابخ عليه ماء ورد

وفيه قناع برضوا يجنن احطه قبل المناسبات ينظف ويقبض المسام راح اذكره لكم لما نتكلم عن استعداداتنا قبل المناسبات
__________________________________

وافرك اظافري ويديني بالليمون مع سكر
____________________________________________________________________________
هذا كله قبل الحمام بكره راح اقول لكم عن طريقتي في الاستحمام الاسبوعي تعبت من الكتابه خخخخخ

 

[ام الفيصلي]

الله يعطيك العافيه موضوع اكثر من رائع


وانتي ماشاء الله شكلك تعرفين كثيرر

المهم انا بسألك ابغى شي ينفخ الخدود بشكل واضح بصراااحه طفشت جسمي مليان ووجهي نحيف

تكفوووووووون ساعدوني

هلافيك قلبي

فيه فرق بين تنفخ وتسمن

ابعدي عن الخميره نهائي هي صحيح تنفخ بس مؤقته وبعدين اذا انفشت الخدود رح تترهل مع كثره الاستخدام

تبين شي يسمن الخدود اكلي تفاح كثير لانه يحتوي على كولاجين طبيعي

ومعاه ادهني خدودك بزيت الحلبه مع زيت جنين القمح بنسب متساويه اخذيهم من شركه وادي النحل اضمن انها اصليه
استمري شهر

 

[ام الفيصلي]

أم فيصلي الله يوفقك قولي آآآمين
موب علشان الخلطات لا والله
على شان قلبك الطيب الناصح المحب للخير
روحي الله يوفقك من حيث تتوجهي ...

ولي عودة أن اتفضيت لان ماعندي شغالة


انا اعرف اشياء حلوه بس مشكلتي العجز [/QUOTE

هلافيك ياقلبي الله يسلمك ولك بالمثل ربي يسعدك :cupidarrow: ويوفقك :shiny: ويحقق لك ماتتمنينه امييييييييين

واحنا في انتظارك ياعسوله

 

[توتة عسل]

الله يسلمك ياقلبي الروعه هو تفاعلكم



لا ياعمري انتبهي فاشكول بالثوم ماهو بلسم يومي يستخدم مره او مرتين في الاسبوع حار على الشعر
ولا ينحط على جذور الشعر انتبهو يابنات جميع انواع البلسم ماتنحط على الجذور بس على الشعر مع التركيز على الاطراف لان البلسم اساسا مصنع علشان يكون طبقه على الشعر تحميه من اضرار الجو فما ينحط على الجذور وش الفايده تكونين طبقه على جذور شعرك وتسكرين مسامه بالعكس راح يسبب لك قشره بصعوبه راح تتخلصي منها





لاتأكلين مخلالات ولا شطه ولابطاطس مقلي ولافلفل ابدددد
وعندي لك وصفه انا مجربتها كلمه روعه قليله في حقها وهي سر من اسراري

روحي للعطار وخليه يعطيك عشبه اسمها ازهار الزيزفون

اغلي كوب ماء وحطي مقدار 3 ملاعق من العشبه في علبه زجاج ولتكن علبه نسكافيه
وصبي الماء المغلي موكله بقي في الكاس ربعه
وبسرعه غطي العلبه وحركي الاعشاب مع الماء وخليها لمده نص ساعه
الحين صفي مويه العشبه وخذيها وبالقطنه امسحي وجهك بشكل دائري وخلي وجهك يتشرب الوصفه بعدين احفضي الباقي في الثلاجه ومده صلاحيته 4 ايام

موتغسلين وجهك لا لازم قطنه علشان تتحرك الدوره الدمويه في الوجه

واستمري يوميا مرتين في اليوم وعلى فكره خليه على وجهك الفتره اللي تبين اهم شي لاتقل عن ساعتين

وردي لي خبر بعد اسبوعين من الاستعمال صدقيني راح تنبهري من النتيجه زي ما انبهرت انا كانت كل ماتقرب الدوره نتط وحده وحده او ثنتين في وجهي اما الحين لا وعلى فكره انا ماخذه هالوصفه من منتدى علاج بالاعشاب وهو يقول انك راح تودعين الحبوب للابد بعد اسبوعين وفعلاااا انا ودعتها بس انا استمريت شهر على الوصفه

موفقه

الله يجزاك الجنة ووالديك..بالنسبة للحبوب ولا شيء من اللي ذكرتي آكله إلا نااااادراً! لكن بشتري العشبة وبجربها وبردلك إن شاء الله<<<حمستيني صراحة..


وبالنسبة للفاشكول انا أحطه بشعري يوم ورا يوم وأول مابديت احطه كنت أحيانا يوميا:cupidarrow:...لي 3 شهور من بديت أستخدمه تقريبا! مدري خفت صراحة رأيك أقلل؟ والمشكلة أررررركز على الجذور :bigsmile:


الله يوفقك وين مارحتي

 

[احبه ويحبني]

راجعه لكم
مع خلطاتي المجربه والرائعة

 

[ام صالح السعد]

السلام عليكم ورحمة الله وبركاتة
أختي الحبية جزاك الله الجنة
حابة أسالك سؤال
أني عندما أزيل الشعر من وجهي وخصوصا الخدود(مع العلم اني ما ازيلها بشكل دائم لانهامو ظاهرة كتير)الاحظ انهاتصبح حساسة جدا وتكون فيها بثور صغيرة وتحكني ؟؟؟؟؟
بماذا تنصحيني يا:icon31:العزيزة

 

[دره الكون]

هلا وغلا اناجربت خلطلتك لبياض المنطقه الحساسه روعه حيل
اسراري الخاصه
انظف جسمي بصنفره طبيعه سكر ليمون زيت زيتون وافرك عدل واغسل بماء واحط حليب جاف وماي واحط ع جسمي شوي جنان نصيحه من فلبينيه بمشغل واحط فازلين ع شفايفي مع حمره سحريه روعه وللشعر احط زبادي وماينوز وزيت زيتون وشوي ليمون واظعه كماسك عشعري
ا

 

[سلمى العمر]

تسلمي عالموضوع الجميل ، لكن وين وصفتك عن النقط السمراء بالرجلين ناطرينك

 

[ام الفيصلي]

تسلمي عالموضوع الجميل ، لكن وين وصفتك عن النقط السمراء بالرجلين ناطرينك

انا ماقلت ان الوصفه موجوده هنا انا قلت راح اكتبها واخصص موضوع للسيقان ركزي معي خخخخخ

الموضوع موبالسهوله اللي انت متصورتها انا ما انقل مواضيع اكتبها لانها مسجله عندي في دفتررررر لان يوم كنت اخذ الوصفا ماكان عندي جهاز خاص فيني علشان اخزن عليه والكتابه تاخذ وقت انتظروني بس ارتب الموضوع في مفكره انزله ان شاء الله
طبعا على حسب فراغي

 

[علكه فسفوريه]

الله يعطيك العافيه..

 

[ام الفيصلي]

ترويشه ملكي .((ترويشه الاسبوع )

وصفه عند الأستحمام الاسبوعي تنعم الجسم وتصفيه وتساعد على تبيضه وأزالة الخلايا الميتة
و سهله جدا ونتايجها معايه رائعة ماشاء الله عن تجربة..
ولازم قبل ماتحطينها على جسمك لاول مره تشغلين البخار اللي عندك بالحمام وبعدها تسوين البخار مره في الشهر فقط
اما الخلطه انا استعملها اسبوعياااااااااا كل ثلاثاء
طريقه البخار والخلطه من وحده اسمها فارسه حواء الله يجزاها الجنه

__________________________________________________________________
طريقه البخار
تجيبين الدافور الصغير اللي يسوون عليه الشاي والقهوة في النزهات وتولعينه وتحطين فوقه أناء كبير
نصه مويه وتخلينه في زاوية الحمام وأنتم بكرامة وتقفلين باب الحمام وتطفين الهوايه وتخلينه يغلي المويه ألين البخار يتصاعد
في الحمام و يملاه بالبخار روووووووعه والله يابنات هذي الطريقة جربتها ممتازة كأنك في حمام بخار عند الكوفيرة
وعادي لمايتملى الحمام بالبخار
________________________________________________

ادخل وابلل ليفه البدي شوب اللي على شكل قفاز بالماء الحار ( تعقيم لليفه )
وابلل جسمي وافرك بالليفه بنعومه
((( لاني حاطه خلطه الجلسيوليد والفازلين والفيكس )) وكل شوي ازيد المويه لحد ماينظف جسمي من الخلطه وهي اساسا تنظف
الجسم وتذوب الاوساخ
_______________________________________________________________

وبعدهااااااااااااااا احط (((( اللي بشرتها جافه جدا مااتوقع تناسب والله اعلم )
خلطة لتنعيم الجسم وتنظيفه ومع الوقت تبيض وهي..
قشور برتقال مجففه ومطحونه طحن ناعم..كاس
شوفان كويكر مطحون نص كاس
نعناع جاف .. مطحون ملعقتين
ترمس مر مطحون غيرناعم كاسين
تطحن جميعا وتوضع بعلبة جافه
وقبل الأستحمام ناخذ منها الكمية اللي تناسبنا
ونخلطها بلبن زبادي (روب) وندهنها على الجسم كله كله مع التدليك ونخليها ألين تجف ربع ساعه بعدين ندعكها بالليفة المغربية
اللي على شكل كيس نبلل الليفة
وندعكها ألين تنظف حتى المنطقه الحساسه بس بشويش بدون ليفه
وتنزل الخلايا الميته بالجسم وبعدين اكمل أستحمام عادي و اغسل بشامبو دوف بالشاي الاخضر وبعدين
افتح الماء البارد جدددددددددا واغسل جسمي ( في البدايه كانت صعبه بس لماتتعودي راح تحبي هالحركه لانها تنشط وتشد الجسم )

__________________________________________________
و اروح اغسل شعري بالمقلوب على المغسله عادي شامبو اطفال اغسل مرتين ورا بعض
وبلسم اطفال

__________________________________________________________________

وبعدين بتكون الاقدام طريه جدا استعمل صنفره الاقدام واصنفر القدم بذمه طبعا من تحت فقط
اما من فوق افرشها بالفرشاه هي والسيقان لما اكون حاطه شامبو دوف


وبكره راح اكمل لما اطلع من الحمام اجلكم الله
سي يووووو

 

[وهذه انا]

بصراحه موضوع رووعه

انا كسوله ومااحب الا الاشياء السريعه ومااحب خلطات

انا اخذت طريقه من هنا انك تحطين نير على رجولك المتشققه لمدة خمس دقايق وبعدها تغسلينها وتحكينها بالحجر بصراحه خياااااال

رجولي ناعمه ناعمه ناعمه ومن مرة وحده واللي رجولهم التشققات عندهم كثيرة اتوقع مرتين بتكفيهم

وبعد اخذت طريق من هنا لوحده من البنات مرطب ومعالج للشفايف اسمه فليكستول رووعه للشفايف لان شفايفي فيها تشققات وماينفع معها المرطبات العاديه

وانا حابه زياده احط عليها زيت بس ماادري اي زيت يصلح للشفايف انتي وش رايك ام الفيصلي؟

 

[وهذه انا]

فيه سؤال حابه اسالك اياه

اشوفك تستخدمين شامبو الاطفال لشعرك

شفيدته وليش مو شامبو الكبار؟

 

[ام الفيصلي]

راجعه لكم
مع خلطاتي المجربه والرائعة

هلابك عزيزتي نورتي

احناااااا في انتظارك :msn-wink: