عندك حل ولا مشورة وانا غلطانه بتفكيرى ولا معى حق ؟

[المهره الاصيله]

الله يرزقك با الذريه الي تقر عينك فيها

 

[خلود بكر]

اول شئ اهلين ااختي الله يريح بالك وخاطرك بلي فيه خير ليش تسوي بنفسك كذا يابنت الحلال انا اعرف ان الواحد يتفائل ويعيش نفسه بهذا التفائل وانتي قلبتيها اكتئاب وغير كذا حددتي مصيرك لا ومروضه نفسك للطلاق ياساتر عليك ليييييييييش اول شئ ابغاك تقولي ربي لك الحمد على كل حال وثاني شئ قولي ياكريم فوضت امري اليك لامنجأ ولاملجأ الا اليك فوضي امرك للخالق وغيري نظريتك بلدنيا ولاظلمي نفسك بلدنيا السوداء الي انتي لونتيها بنفسك ليش الكأبه ليش صح الطفل نعمه من الرحمان بس اذا رب العباد مو كاتبها لعبده بهذا الوقت يمكن يكتبها بوقت قريب ماتعرفي وين الخيره بس الي لازم تعرفيه ان ربي ارحم بعباده من الام بولدها يعني ربي مابيقهرك ولا هو ظالمك ربي عادل يابنت الحلال عشان كذا يقول انا عند حسن ظني عبدي بي فليظن بي ماشاء فاهمه ياقلبي يعني تفائلي وقولي امري كله خير ولايهمك كلام الناس اش يعني زوجي اتزوج وانجب اطفال مو اخر الدنيا وبعدين الناس ماترحم يعني في رجال يتزوججوا وعندهم اطفال والله ياقلبي كل امورنا بخير بس الصبر ثم الصبر والدعاء وكلنا بابتلاء واختبار واهم شئ الدعاء والاستغفار والاهم والاول التفاؤل ووكلي امرك للرحمان الرحيم ..............عوذي من الشيطان وغيري تفكيرك وحافظي على بيتك وزوجك وكأنه مو متزوج وبلعكس اكسبيه وخليه يتعلق فيك وانتي اشغلي نفسك اشتغلي وخذي دوات وتحفيظ حاولي يومك يكون مشغول وحبي نفسك اكثر من اول واتركي كلام الناس والله كلام الناس مايخلص ويابنت الحلال ربي خلقنا مو هباء منثور لا ربي خلقنا للعباده والصبر عباده فااصبري من غير ماتنكدي نفسك يعني اصبري وانتي راضيه باامورك كلها والله يفرج علينا اجمعين

 

[Haayaa]

يختي لاتعاتبين نفس ولا شي ...

مهوب انتي اللي خليتي نفسس ماتجيبين عيال هذا الله كاتبه لس

يعني لازم تومنين ان هذا الشي خير لس ...

والله يحبس لان خلال هالسنتين وانتي عند اهلس زوجسس ماطلقس ماقال خلاص عندي مره وعندي عيال خلاص ماابيها مامنها فايده .....

لاتخلين الشيطان يلعب بس ....اطرديه بالوضوء والصلاه والدعاء والصدقه ...

طهري قلبس وفكرس من هواجيس الشيطان

وحبي عيال رجلس فانتي مثل امهم وبكره لما تحمل وتربي ويكثرون عيالها ...

بيرحع لس يبي الراحه عندس والمتعه عندس ...

ادرسي او اشغلي وقت فراغس بس يفيدس ويطورس ....


بقولس قصه وحده من اهلي كانت ماتجيب عيال وزوجها تزوج عليها وطبعا جاله عيال ماشاء الله

وهي من حبها لزوجها حبت المره وعيالها وصارت مثل الام لهم واذا ولدت المره تاخذ العيال وتهتم فيهم لدرجه انهم يقعدون عندها اكثر من امهم مرت الايام وتوفى زوجها ...طبعا لانها غريبه عنهم ارجعت لبيت اهلها بس قدها في الاربعين وتزوحت من واحد من عيال عمها .... تصدقين عيال رجلها للحين يبرونها وللحين يزورونها وياخذونها معهم في سفرياتهم في جميع المناسبات اللي تصير عندها مثل زواجات عيال اخوانها يجون من بلادهم علشان خاطرها واذا زارتهم يتخانقون كلن يبيها تقعد عنده

تدرين ليش كل هذا علشان احتوتهم في صغرهم فاحتوووها في كبرهم ....

امهم اللي ماولدتهم بس ربتهم .....


سووي نفس الشي في عيال رجلس احتويهم وحبيهم وحببيهم فيس ماتدرين يمكن محد ينفعس الا هم


حطي عندس شبس وحلاوه لهم وخليهم يزورونس مع ابوهم تكسبينهم وتكسبين قلب ابوهم

لاتضيعين عليس الفرصه ..... ولا تفكرين وتنكدين على روحس بالغيره والهم ترا الدنيا ماتسوى

ولاتخلين ذا الدنيا اكبر همس عليس بالباقيات الصالحات وانا اختس ​

 

[بدون اسم 1985]

انا من وجهة نظري زوجك لو ماا يحبك وويبغااكي كاان على طوول طلقك لكن شكلة الرجال والحمدالله متعلق بيكي وشااريج لا تخرربين علااقتج بيدج

شووفي بداال مو قااعده مع هالأفكاار السلبية من الافضل انج تبتدين رحلة العلااج وانشااء الله كلهاا شهوور وتكوونين حاامل بأذن الله

والله يسخر لج اياااة ويحببة فيج ياااارب ويسخر لج يااارب يااقاادر يااكرريم

بس نصيحة اختي عاالجي وجيبيلك ولد حاالك من حاالهااا

وابتدي غيري معااملتك ويااة خليكي منبع الحناان والهدوووء والاستقراار فهمتي

الله يووفقج ويرريح باالك