عمـــي .. فجع لي مرارتي .. تعبت نفسياً ..

[aso0ola]

بسم الله الرحمن الرحيم
​

السلام عليكم ورحمة الله

اليوم لماقعدت من النوم عالساعه 1 ظهرا شفت عمي ابو ريلي
سلمت عليه ورحت سويت لي سندويج
قال لى عمي
ريلج تريق الصبح
قلتله وانا اعرف انه يبا يستفزني لانى وايد ارقد ومانش الا الظهر
قتله لا
قالى ليش
قتله لان ريلي مايحب اول ماينش يتريق
وهذا شي صدق فريلي دايما أسأله تبانى اسويلك ريوق يقول لا حبيبتى ماحب من الصبح
بعدين فالدوام بطلب وبتريق
اقووله اوكيه
وطبعا ريلي يداوم من 7 الين 3
وانا اتم راقده لين وحده وماخب اتغدا عيش وهالسوالف
اكل شي خفيف
بعدين رد سألنى انتى ليش ماتسوين لريلج غدا وعشا وريوق
طفففربي
قلتله لما يكون شي فخاطر ريلي يقولى واسويله
والغدا الخدم وعمتى مسوينه
والعشا انا مسويته البارحه
قال اها
انزين ليش ماتتصلين فريلج لما يكون فالدوام
وانتى ليش ترقدين للظهر
وليش
وليش
وليش
وليش تروحين بيت اهلج
وليش وليش
ومابنخلص من هال ليش؟
وعمرى ماشكيته عند ولده الا لانه طفربي اليوم
اول مارجع ولده من الدوام
تميت اصيح فحظنه
وقلتله ابووك كل يوم كالع لى بسالفه
انا اريد بيت بروحي ماريد اجابل ابوك
قالى ليش هو سبج
قتله لا ولاعمره سبنى اصلا هويحبنى
بس صاير وايد يزعلنى
ويقول انى مقصره
وانى ماسوي
يا زوجي وحبنى عراسي وقالى انت مش مقصرة معي فشي
اناتميت اصرخ
قتله وابوك ليش يدخل مبينا
وليش يقول انى مقصره
وانى وانى
وكل يوم يطلع بسالفه
حرام عليكم ارحمونى انا هالاسبوع مخلصه اجازة وهو استلمنى
كل يوم طالعلي بشي
ياترقدين وايد
ياماتسوين ريوق لزوجج
ياتروحين بيت هلج وايد
يا إما كلى هالأكل ولاتاكلين هذا الى انتى تاكلينه
انا مرتاحه فأكلي
شو يخصه ؟؟
اناتعبت منه

قال زوجي خلص انا رح ارمسه
ولين الحينه مارمسه
وحتى لو رمسه ماريد عمى يقول عنى فتانه
بس شسوي والله قاهربي
مايخلينى فحالي

عفكرة عمي طيب وايد يحبنى ويحترمنى وانانفس الشي
بس مزودها مع هاليومين

قبل كان يقولى بس مايزودها لانى كنت ادرس ونادر مايشوفنى
بس الحينه صار مجابلنى 24

اتمنى تعطونى الحلول المفيده
نفسيتى تعبت ​

 

[المداوية بسيفها]

اختي الله يهديج كبرتي السالفة على مايوسى ترا ، هو ريااال عوود في السن يعني الحنة عاادية ترااا

روحي قولي حق ريلج مايقووله شي وانتي خلج عااااادي الله يهديج بس مسكين دامه مايسوي لج خلاص

ترا حدددده عاادي الموضوع

 

[دلع ملكة]

والله يااختي مشكلتك سهل حلها
وكمان انتي قلتي هو يعزك ويحبك ويحترمك
ايش يعني لو قلك كذا اعتقد انو ماغلط
لاتزعلي بس انتي غلطانه
المفروض تسوي فطور لزوجك سوي من دون تسئاليه
وكمان تصحي معاه لمن يخرج وبعدين ارجعي نامي
وقومي روحي ساعدي ام زوجك مافيها شي اساليها
وعمك مو قصدو شي بس خايف عليكي وعلى ولده
هو مايدري اللي بينكم بس هو ماتكلم الا لمصلحتك
مااعتقد شي يزعل لو امك ولا ابوكي قالولك هذا الكلام راح تزعلي
وماكان لو داعي تقولي لزوجك لاتسوي مشاكل
والله لو تشوفي مشاكل غيرك كان قلتي مشكلتي تافه
لاتكبريها وهي ماتستاهل
ان انتي مره متضايقه اتكلمي مع عمك وبينلو انك ان شاء الله مو مقصره مع زوجك
وعندي فكره حلوه كل اللي قلك عليه سوي قدامه
زي سوي فطور لزوجك وخلي يكون قدامو وكلمي زوجك وتطمني عليه في العمل قدامو
خلي يقتنع عشان ترتاحي
وبطلعي تسوي مشكله من لاشي
الله يوفقك يالغلااااااااااااا

 

[كبة مقلية]

كل الكبار بالعمر هيك يصيرو
بدخلو وبسألو كثير لانهم يكونو يقارنو بينا وبينهم ايام شبابهم
وما يتقبلو الفرق والتغير اللي صاير
لا تبيني قدامه انك زعلانه لانهم يكونو حساسينت زي الاطفال
سايسيه ولا تدخلي زوجك مهما كان يحبك لا يمكن يرضى على ابوه

 

[محبة الجنان]

حبيبتي هو يحبك عشان كذا خايف ان ابنه يحس بتقصير منك ويروح لغيرك ما قال هذا الكلام الا من معزتك

 

[سهام الامل]

الله ييسر امورك

 

[أميرة قصري]

توني قاعدة ارد على مشكلتج الاولانيه وانج تبين تحبين ريلج .... وهالحين مع عمج .. بكرة مع عمتج .. اسمحيلي اختي
اقولج عقلج واااااااااااااااااااااااااااااااااايد صغير سيري بيت اهلج كبري واعقلي وتعلمي الحياة الزوجية وثقفي وقري جميع المواضيع الخاصة كيفية التعامل مع الحيااااااااااااااااااة الاجتماعية الحياة مدرسة .. بعد سنتين ارجعي لريلج وانتي لابسة نظارة هههههههههههههههههههههه امزح لا تزعلي مني طنش عيشي واشربيها تتنتعشي .

 

[حرب الأحساس]

ماني شايفه مشكله !!!!
ياليت عندي أحد كبير يحبني ويسأل عني
تراك بنعمة الله يسهل حالك

 

[aso0ola]

كل الكبار بالعمر هيك يصيرو
بدخلو وبسألو كثير لانهم يكونو يقارنو بينا وبينهم ايام شبابهم
وما يتقبلو الفرق والتغير اللي صاير
لا تبيني قدامه انك زعلانه لانهم يكونو حساسينت زي الاطفال
سايسيه ولا تدخلي زوجك مهما كان يحبك لا يمكن يرضى على ابوه

لانهم يكونو يقارنو بينا وبينهم ايام شبابهم

ترى هذا اللي احس فيه انه يقارن ايام قبل والحين


والحمدلله انكم افدتووني وحسستونى ان مشكلتى صغيرة

 

[نزف]

يا اختي ....المشكله ما تسوى
اعتبريه مثل ابوك...وسايريه
الله يسعدك

 

[aso0ola]

تسلموون حباايبي ..

 

[مايصحش هالحتسي]

الله يهديك رجال كبير كبر ابوك خليه يتكلم الكلام ابلاش انتى سمعي وطنشي الي يقوله

ولاتخلين رجلك يكلم عمك عشان ماتستوي سالفه عوده وتطحين من عين حمولتك

ولا انتى تبينه منه عشان تطلعين بيت بروحج هههههههه

 

[*غير الناس*]

بصراحه ماله داعى تقولى لزوجك وبعدين كلام عمك صحيح يبغاكى تهتمى اكثر بزوجك وهو لو ما يحبك كان انتقدك عند زوجك لحد ماتصغرى بعينه مو ينصحك لوحدك هذا دليل انه يبغاكى تكونى افضل الله يهديك

 

[عذبتني]

انتي قلتيها زودها هاليوومين

تحملينه يابنت الحلال شايب مايخالف

بس يوومين ماقدرتي تصبرييين ؟ بترجع الدراسه وخلااص ترجعين زي اول

 

[ام ميار]

لااااااااااااااااااااااااا تعليق

 

[aso0ola]

الله يهديك رجال كبير كبر ابوك خليه يتكلم الكلام ابلاش انتى سمعي وطنشي الي يقوله

ولاتخلين رجلك يكلم عمك عشان ماتستوي سالفه عوده وتطحين من عين حمولتك

ولا انتى تبينه منه عشان تطلعين بيت بروحج هههههههه

ولا انتى تبينه منه عشان تطلعين بيت بروحج هههههههه
ممكن هالشي ..

ولامابي اطيح من عينه خلص قلتله لايكلمه

 

[aso0ola]

بصراحه ماله داعى تقولى لزوجك وبعدين كلام عمك صحيح يبغاكى تهتمى اكثر بزوجك وهو لو ما يحبك كان انتقدك عند زوجك لحد ماتصغرى بعينه مو ينصحك لوحدك هذا دليل انه يبغاكى تكونى افضل الله يهديك

صح كلامج وماقصرررررررتي

 

[aso0ola]

انتي قلتيها زودها هاليوومين

تحملينه يابنت الحلال شايب مايخالف

بس يوومين ماقدرتي تصبرييين ؟ بترجع الدراسه وخلااص ترجعين زي اول

أوك ..

 

[مادونا]

انا انصحك تدورين لك وظيفه وتتوظفين عشان تلهين وهم يرحمونك لأنك موظفه وتعبانه

 

[الهوى اشرقي]

انتبهي دخلين زوجك في امورك مع اهله نصيحه لوجه الله