عمري ماتخيلت أكون كذا...فعادي أتقبل تجريحكم.....

[غيرتي جنون]

قبل لا أتكلم هذي صدمة حياتي على هالرابط:
http://www.niswh.com/vb/showthread.php?t=307******
انكسرت يابنات ما أدري وش جاني
مو بس انصدمت في زوجي وفي حبي وفي إخلاصي
لااااااااااااااااا انصدمت في نفسي
أهلي ربوني كويس على الأخلاق والدين
أبوي حتى صلاة الفجر يصحينا ويعلمنا الدين
ما كان ببيتنا دش
ولا كنا نسمع أغاني
وكنا مبسوطين أنا وخواتي بالعكس كنا ننقد على إللي يسوون أشياء غلط
ونحمد ربي على نعمة الحشمة وحسن التربية
والله كنت بالمتوسط وغايبه الصبح وفتحت التلفزيون كان تطلع أغنية فلت خلني أسمع
ولما رفعت الصوت اقشعر بدني وتذكرت إن ربي بيصب في إذني رصاص
والله ماكان عندي أحد غير ربي وطفيت التلفزيون
طبعا" كبرنا وصرنا نشوف ونسمع بس فيه وازع ديني
وتقدملي ولد عمي وحبينا بعض سنة كاااااملة
لكن إللي صار كان صدمة خلتني أفكر بيني وبين نفسي في لحظة غضب والشيطان شاطر
ليش أنا أصون نفسي عشانه وهو مايستاهل
ويفضل علي هالأشكال القذرة
وش ناقصني
عمري مارحت لمكان زواج أو مسيار أو مناسبة إلا وألفت الانتباه
وكثير أنخطب وأنا أرفض
ومن المرات خطبني ضابط وشبت أمي ليه ترفضينه؟؟؟؟
كنت أعرف إن ولد عمي يحبني قبل لا يخطبني بس كنت مغرورة
مستحيل أقول أو ألمح
كنت أشوف كان يودي أخته المدرسه وهو يتلفت كيف يقدر يشوفني
وأضحك في داخلي وأستلطف حركاته
ولما تقدملي وهو لسا متخرج وافقت عليه
حبيته بإخلاص
كثير يهملون أنفسهم بعد الزواج وأنا كنت أزداد تألق
لدرجة عندي ولد بزواج إخوي تقولي اخت زوجي:
العالم يكبرون وانت تصغرين
(ما خفت رغم إنها ماقالت ماشاء الله لأني كنت أواضب على معوذاتي)
مهتمة في بيتي وأولادي ونفسي
ومهتمه فيه كثير سنوات زواج ولازال قلبي يفز لا شفته
والنهايه
.
.
.
خاني زي ماشفتو في الرابط
وللآن ما اعترف ويحلف مو له الأشياء إللي لقيتها!!!!!!!!!
بس قلبي مايكذب
صاير لطيف
شرالي آيباد
هه بينسيني الجرح إللي للحين ينزف؟!
وكان خاطري في البلاك بيري
رفض يقول بيشغلك عني
وشرالي إياه بهدوء يقول بمناسبة يوم زواجنا؟
إللي كنا نحتفل فيه وفجأة بعد زواج سنتين صار حرام
أشوف رجع حلال
قال بيسفرني أي مكان أغير نفسيتي بشرط ماناخذ الأطفال قلت طيب
وسافرنا عمرة وبعدها رحنا جدة 3 أيام
كلللللل هذا مو مشكلة
المشكلة غير إني ماعاد أثق فيه أبدا" وكل حركة منه تخليني اتخيل قصة
أنا ما أدري وش صارلي يابنات
صرت احس غني لازم اجرب غللي جربه
بشوف وش المتعه الرجل يخون زوجه جميلة ماقصرت ولا أهملت
صانت وربت وضحت
أول شي قلت بشتري عبايه عباتي صارت قديمة
وتفاجا لما وداني السوق إني أقلب في عبايات الكتف
بس ماعلق لأنه مو مصدق
لكنه إنصدم بدون ما آخذ رأيه زي ما عودته
إني أحطها على الكونتر وأقول للبايع أبي هذي حطها بكيس
وهو متعود أستشيره وأقوله حبيبي أبي هذي
عسى سعرها مناسب لميزانية هالشهر
طلعت الميزانية تمون لغيري
طبعا" ماتكلم وحاسب بصمت مسوي زعلان
ليش أعجبته وحده بعباية كتف حتى أنا أقدر ألبس ويطلع جسمي أحلى
سافرنا وأنا استغفر الله ناويه شر
كنت أطوف حول الكعبة وأنا أستغفر وأبكي وعارفه إن تفكيري بالانتقام بهالشكل غلط
بهالرحلة صرت ما أطلع إلا وأنا سنقة عشرة
المكياج والكعب العاااالي
وعباية الكتف شبه مخصرة
كنت حابه أحرق قلبه زي ماحرق قلبي
لكن يابنات صرت أنبسط من نظرات الإعجاب
وأنبسط أكثر لا شفته متضايق
خله يجرب غيرتي وإللي نهايتها حرق قلبي
بالمجمع:
مممممم شوي بدخل الحمام...
شدعوة توك مصليه المغرب أمداك؟!
لا قلبي بعدل نقابي ...
عقد حواجبه وقال:
آهاااااا مممممم طيب أنتظرك
بهدوء:
لا لا تنتظرني روح اتمشى بأي محل وأنا بلحقك
انقلب وجهه وهو يقول:
لا بانتظرك
..........
كنت ما أدخل بحجة تضبيط النقاب
وأقوله حبيبي خايفه أطلع وما ألاقيك تعرفني أخاف أمشي بالحالي
وانصدم من ردة فعلي بس صدمته كانت تبررررد قلبي شوي
وطلعت لقيته مرتز عند الباب
ولما وصلتله قلت يووووو تأخرت عليك؟
قال كل هذا تعدلين نقابك
قلت وأنا أمشي
لا عدلت مكياجي يرضيك حبيبتك تمشي ومكياجها متلخبط
قال ماتلاحظين النقاب وسيع حيل شوي وتطلع أرنبة أنفك
قلت بدون ما ألتفتله
عاد بتنصدم لو أقولك نص أنفي باقي جوه
قال آهااااا
تصدقين إللي يشوفك يقول إنك خويتي!
قلت باستهزاء:
عاد إنته أخبر ...
وساد وقت وهو على الصامت
واحنا نشرب كوفي مر واحد ومانتبهت إلا وزوجي يقول:
الرجال مارفع عينه عنك
قلت بلامبالاه:
مو مشكلتي
قال بعصبيه:
...... إنت تراك متبرجه
ناظرت فيه باحتقار وقلت وكأني انتظرته يقول هالشي
أنا متبرجه؟!!!
عالأقل مو خاينه...مو قدامك بوجه ووراك بوجه
واحمد ربك للحين مالبست لثمه ..
عصب وقال:
رجعنا للطير يلي
خلاص إنت عقلك في راسك
وياكلمة ردي مكانك
ابتسمت باستهزاء وكممممممممملت عااااادي
جاني برود فضيع
ماأتخيل قبل سالفته لو قالي متبرجه وش كنت بسوي!
وأذن العشاء ودخل يصلي وأنا أنتظره برا
وشفت واحد رايح وجاي من عندي
ليش لا
هماني حاطه رجل على رجل
والكعب مغري
والمكياج ملفت
بس رغم كذا خفت الصراحة
وزاد خوفي لما شفته يوريني ورقه في يده
أول مرة يصيرلي كذا!!!!
قمت بسرعه ووقفت جنب المسجد والله خفت لأنه لوقرب مني مدري وش بيجيني
ولما طلع زوجي علمته بلعاني
وهو لما شاف زوجي على طول لف وهرب
وأنا أقول في خاطري ياترى وش تسوي زوجته ألحين؟
تلقينها تزبطله العشاء وتنتظره مسكينه
وكل مادقت عليه قال مشغول وهو يفرفر بالمجمعات
آآآآآآآآآآآآآآآآآآآآآآخ من حال الرجال
نمت ذيك الليلة دمعتي على خدي
تذكرت كيف طاحت عيني والسعودي إللي يبيع جوالات يتأمل يدي
أضافر طويله ومناكير وخاتم يلمع
بكيييييييييييييييييييت
والله كنت متضايقة كيف وصلت لهالمرحلة
ليش نزلت للمستوى هذا؟
وأنا أكتب إللي قاعدة أتكلم عنها مو أنا
عادي لوموني...
جرحوني بالكلام....
ماراح يكون شي جنب غضب ربي
حسيتني قطعة حلى مكشوفه عرضه للوساخة والأتربة
بس وقتها كنت أفرح لا زلت ألفت الإنتباه
أحسن خله يحس إني لسا جذابه
بس تضااااايقت زيادة وأنا أتذكر كيف كنت وكيف صرت
رجعت من السفره هذي
وصرت أنبسط لا تكشخت ورشيت العطر
وحسيته يبني وما أسلمه نفسي
عادي بقرارة نفسي خله يطفش ويخوني وأكشفه بقدرة قادر
مابي أخسر ديني لأني برجع العفيفة المصونة
عباتي فوق راسي أصون جمالي
وحياتي معاه صارت جحيييييم
مافيه ثقه .. مافيه اطمئنان...
مااااااافيه راحه
حتى ربي من الصدمه عصيته
خلااااااااص عافته النفس
وبقد الحب صار الكره
قلتلكم هالشي لأني متعوده أفضفض
وماهقيت بفضفض لوحده تعرفني لأني خجلانه من تصرفاتي
​

 

[أعشقه بجنون]

سبحان الله وبحمده... ياأختي مايسوى أنك تضيعين دينك عشان رجال...أدري أنك مصدومه بس الشيطان شاطر وخلاك تنغريين والرابط مافتح معي عشان أعرف فصتك ياأختي أنتي عارف الالتزام وراحته واستقرار النفس فكيف تبيعينه وتصير من المتبرجات والله انتي فيك صدمه قويه بالله عدلي الرابط

 

[غيرتي جنون]

http://www.niswh.com/vb/showthread.php?t=307******​

 

[جروح انسانه]

:,(

والله كلامج عوووور قلبي ربي يهديج ويهديه

الله يهديكم ويسخرلكم لبعض ولا يفرق بينكم

الله يفرج همج ويسر امورج
الله يفرج همج خيتو بس اللي سويتيه غلط
وانتي ادرى وربي يغفر لج ويهديج
ويهدي زوجج ويبعده عن الحرام

والله اتمنى لج كل السعاده والحب اللي بينكم يكبر وتكملون حياه سعيده ولا يفرق بينكم الشيطان

السموحه طولت عليج

دعواتج الغاليه

 

[غيرتي جنون]

http://www.niswh.com/vb/showthread.php?t=307******
هذا الرابط لموضوعي الأول وعساه يفتح هالمرة

 

[@ادعولي بالرزق@]

الله يهدي بالكم انتقمي منه في حدود البيت وبس

 

[شربات]

اهم شي التوووووووبة
ربنا كرييم و غفور ورحييم
و اهم شي بعد ان قمتي من الغفلة
الانتقام لله سبحان و تعالى مو للبشر
لا تنتقمي من اي احد و لاي سبب كان
عليج بالاستغفار و الدعاء
وربي يبرد على قلبج
ومافي احد يتنفس معانا من غير ذنووووب
بس لا نقعد من غير تووبة​

 

[doonat]

نفس المشكله الربط مانفتح معاي سوا الاول او الثاني بس نصيحتي لك ارجعي لربك وادعي لزوجك بالهدايه مهما لعب مع غيرك انتي الاصل وانتي الحبيبه الاولى والاخيره ان شالله له000بتصرفك فرحختي الشيطان فرحتين فرحه الابتعاد عن ربك وفرحه زعلك من زوجك تعوذي من ابليس ورجعي المياه لمجاريها قبل يفوت الفوت ويصير قهرك قهرين الرجل بطبعه يطوي الى حد معين بعدين والله لو تحبين رجوله مانظرك00

 

[حمرة الخجل]

كلامك يقطع القلب والله اني حاسة بحسرتك والمك ورغبتك بالانتقام "رغم اني الحمد لله ماجربت الخيانة بكل اشكاله بس فيه مواقف تجرح حيييييييييييييييييييييييييييييل واتمنى اني ارد الصاع صاعين ولا اقدر"

بس ياختي من هو الرجل الي اعصي ربي عشانه ؟والله الي هذي فعايله مايسوى ذرة تراب مو سيئات تجر بعضها "يعني واحد شافك وهو مو متزوج وافتتن وارتكاب محرم عليك وزره او وحدة شافت لبسك وطريقتك وعجبتها وسوت مثلك عليك وزرها كل ما لبست عبايتها ........................الخ "

ياختي خلي حقك عند ربك هو أرحم واحكم وارجعي لأصلك ومعدنك الطيب الي ماأحد يقدر يمسك بكلمة
الله يفرجها علي وعليك وعلى كل مجروح

 

[انثى تعشق رجل]

غاليتي

لا تضيعي نفسك اكثر راحتك ورضاك في رضا ربنا عنك
لا تسلمي نفسك للشيطان علشان انسان زايل ودنيا زايلة وحب زايل
انت تصرفاتك حرقته
لانك طنشتيه وماعدتي متعلقة في مثل اول
بس خلي هالشي في حدود طاعة الله
وصدقيني الحرمة اللي تلفت انتباه الرجال بالسوق مو حلوه ولا محبوبة
بالعكس رخيصة ولعبة يلعبو فيها ويرموها
وانت ماترضي كذا على نفسك وماترضي كذا على عيالك واهلك اللي تعبو عليك
زوجك عاقبيه بنفس الطناش لكن ماتخالفي ربنا على شانه

 

[شربات]

غيرتي بجنون
نسيت اقول لج شغلة
انتي تعصين ربنا عشام خاطر منو ريلج ؟؟
يسناهل تدشين النار عشانه ؟؟؟
عليد بالتوبة و الاستغفار و كثر ما تقدرين تعبدي و استغفري وادعيله بالهداية
و ربنا يعوضنا بالآخرة
اش كثر نعيش احنا
مهما طال عمرنا ماراح نعيش شي
المهم بعدين
على كثر اعمالج راح ترتاحين
وانتي من داخلج نظيفة و مؤمنة ولا جان ما تحسفتي و ندمتي
ردي مثل ماكنتي و احسن بعد وايدنا بايدج
وربي يسقيج من ماي الجنة

 

[perfume]

حبيبتي بارك الله فيج انتي انسانة ملتزمة وأحسن من ملايييين المسلمات ويمكن أحسن مني أنا بعد ليش لا
بس زعلتيني يوم صرتي شوي شوي تنسين تربيتج واللي كنتي عليه بس الحمدلله انه الله ردج لعقلج
حبيبتي ردي لدينج ولاتفكري الا بمراضات ربج وربج ان شالله ماراح يخلف وعده فيج يوم قال (ان الله مع الصابرين) اصبري واحتسبي الأجر وادعي ربج انه يهدي زوجج وتشوفيه الانسان الصالح اللي تتمنيه

 

[أعشقه بجنون]

http://www.niswh.com/vb/showthread.php?t=307******&highlight=%DB%ED%D1%CA%ED+%CC%E4%E6%E4&page=2



هذا الرابط بس اذا المشكله هذي مودليل قطعي وأنتي اللي أخطيتي وتراك يمكن باسلوب انتقامك ربي يضاعف عليك أثمه أنتي أنك متخوفه من قصة بنت خالتك هي اللي مضيعتك من زمان انتهت وأنتي يتنهيين بيتك وعصيان ربك عشانها
أستغفري وتوبي لربك....

 

[hadifa]

أسأل الله أن يفرج همك ويهديك ويبعدك عن الحرام

لو كل واحدة خانها زوجها تنتقم منه لخربت كل البيوت

أنت قلت تربيت على الدين والأخلاق لكن مجرد ماانصدمت فقدت أهم شيء وهو الصبر عند الصدمة الأولى​

 

[تشكرات]

لا حول ولاقوة الا بالله العلي العظيم ..
كلامك واسلوبك خارج من قلب محروق ومقهور ..
بس ياليتك >> ماأنتقمتي منه لنفسك بهذه الطريقه ..وكان تركتي الانتقام ( لله وحده ) فهو بصير وعليم بما يفعله الظالمون ...وانتقام الله له >> يبرّد قلبك ويشفي غليلك ...لأن الله ( عادل ) بالحكم على عباده >> يعني >> هل من المعقول >> تكوني انسانه محترمه وتحفظي زوجك بالسر والعلن ..والله سبحانه >>ماراح يكافئك ؟؟؟ لا طبعآ مو معقول ..لازم تكافئي في الدنيا قبل الآخره ....
على العموم >> ماأحد راح يلوم شعورك المحروق وصدمتك الأليمه ..لكن اللوم كلّ اللوم >>على ردّة فعلك الغير سليمه والغير مجديه ...فأنتي بهذا التصرّف >>أنتقمتي لنفسك ولكرامتك فقط ...لكن السؤال اللي يطرح نفسه >>هل زوجك راح يتعدّل ويتوب ؟؟؟ أكيد لا ....لأنك خلاص أنتقمتي ..ولكن بطريقه خاطئه جدّآ ....تقدري تنتقمي منه ( داخل بيته ) و( تقهريه جوّات نفسه ) بالعقل والحكمه والكيد المدبّر ....وبالتالي >>تصيري انتي الكسبانه >>أمام >>الله وأمام >> نفسك >>وأمام زوجك .....
أسأل الله وحده لاشريك له أن >> يهدي لك زوجك ويعفّه عن الحرام وأن يجعلكي قرّة عين له وأن يجمع بكم على خير ...
أكثري من الاستغفار والدعاء وصلاة الليل والناس نيام ...

 

[دانة الشام]

صدقيني عزيزتي لازوجك ولامليووووووون رجل يستاهل تغضبي وتعصي ربك من أجله....عودي كما كنت ...عودي لذاتك واكسبي آخرتك وزوجك استودعيه ربك والله حسيبه....ربي يطمن بالك ويحسن خاتمتك وينور بصيرتك ..

 

[انثى تعشق رجل]

غاليتي قريت قصتك الاولى

حرام عليك بنفسك وبزوجك
غاليتي انت بدل ماتصلحي الامور بتخربيها
وزوجك بيطفش منك سواء بريء او خاين وبيدور غيرك حلال او حرام
وانت لا تعطيه هالفرصة وتضيعي بيتك وعيالك
غاليتي بالقصة الاولى ماثبت عليه شي فما تخسري وبنفس الوقت تطيحي من عينه

 

[سنكرس]

حبيبتي :
أسأل الله أن يغفر لك ولي ولجميع المسلمين .
ووصيتي لك : أرضي ربّك ثمّ أرضي ربّك ثمّ أرضي ربّك وسوف يُرضي عنك خلقه ويسخّر لك زوجك فاسألي من بيده مفاتيح القلوب
ومن قلوب العباد بين إصبعين من أصابعه يقلّبها كيف يشاء أن يعصم زوجك عن كل مايُغضب وجهه الكريم وأن يطهر قلبه ويحصن فرجه ويقيه شر فتنة النساء ويحفظ دينه وخُلُقَه وجميع جوارحه.

 

[خيوط ملونه]

ربي يسخرلك بس لاتضيعين أخرتك عشان دنياك

 

[وهم79]

دوري بالنت قصه الاستاذه ناعمه
ام بسمه وام وليد ورح ترتاحي لمنك قريتيهم