عمتي بكـت وابكتني أريد حلا

ا

البحور الهاديه

New member
إنضم
2009/06/13
المشاركات
93
عمتي تشكي لي همها وانا لاأستطيع مساعدتها فوعدتها ان اجد حلا لها
زوجها مدرس ولكن من الجيل القديم يعي شايب مايحب شي عن الحريم دايم ينتقصهم واهي مو مقصره معه ومداريته بس اذا زعل من برى البيت يزعل عليه وحتى طلبات البيت تزعله واذا زعل يجلس بالمجلس ويتلطم بشماغه ويسوي مناحه يعني اذا جت عنده يقوم واذا جلس بالصاله عالتلفزيون وجلست معه يطفي التلفزون ولا يحاكيها ابد كأنها اهي الي مزعلته ولايحب تجمعات الحريم حتى لو انهم خواتها وربي تبكي وتحاكيني وانا مره تضايقت وقلت مالي الاانتم واهي اول مره تشكيلي وكسره خاطري ابي نصايح على هالشايب تقول انا ماأقدر اغير بعد هالعمر بس ابي ارتاح نفسيا .:tears:
 
نسيت أخبركم انها تقول لاتقولون روحي يمه وهو رايق وأساليه وش فيك وش مزعلك علي .هالأسأله تثيره ويعصب وبعد تقول اذا حاكيته عن مشاكل اولادي يقول انتي ماتجيبين الا الكلام الي يرفع الظغط وعليا حتى بناته مايطلبون منه اي شيء كله انا اكلمه والاغلب انا أوفره لهم مع ان بناتي واولادي من المتفوقين الله يحفضهم وامه مي بالبيت وربي مو مقصره معها بس مدري ليه يعاملني كذا وهو دايم صامت مع انه على قدر من العلم ويتأثر بكلام زملاءه بالعمل في انتقاص المراءه ويقول عشانها حرمه رايها ناقص .تكفون لا تدخلون ولا تواسونها وتعطونها حل من جد تكفون ساعدوها الله يرزق اللي تفرحها كل ماتتمنى اجلا غير اجل ودمتم بخيييييييييييير
 
الله يعين عمتك

لكن اذا جا زعلان من برة

خلها تتركه ولا تكلمة

لانه راح يطول الزعل

خليه يسوي مناحة ...يمكن ترتاح نفسته ويرجع الى طبيعة اسر من انها تجي وتحاول تعرف وش فيه

والله يساعدها
 
كان الله في عونها شكل عمتك لازقه ورى زوجها لازم تتعلم الرزانه مو تقعد تجري وراه تخليه براحته وتشوف النتيجه بيصير هو يجري وراها بس تعامل معاملة الزوجه الناجحه
 
ياقلبي والله عمتي مو لزقه بس يرفع ظغطها بتصرفاته مو لاقيه حل معه واهي الحين سافهته ماعليها منه بس الوضع مو معجبها .يمكن فكره تغير حياتها وتدعيلكم
ارجوكم ساعدوها واعطوها حلول
 
الله يعينها قولي لها طنشيه ليمن يهدا وبروحه بيكلمها
 
تتركه بحاله لين يطيح مابراسه ولاتوقف عن خدمته يعني تحط له الاكل او القهوه وتطنش سواء اكل او رفضه

لانه قاعد يتزعل عليها طالما مب عاجبه انها تلصق فيه وتحاول تعرف شو فيه

شياب اخر زمن وربي !
 
اذا شافته زعلان تطننننننننننننننننننننشه وتبين له انها مو منتبهه انه زعلان
زعل يوم يومين راح يرضى من نفسه
وخلها تعيش حياتها وهو راح يبطل زعل
بعض الرجال اذا شافو الحرمه تسالهم وش فيكم يعصبون عليها ويحقرونها ويطولون الزعل

واذا حقرته يركض وراها
***************

اتذكر مره زوجي كان زعلان مني وانا اللي كنت الغلطانه قمت اراضيه وهو يصد عني بقوووه ويعصب بعدها قلت له برااااحتك زعلت يوم يومين شهر شهرين برااااااااااااااااااااحتك راضي نفسك بنفسك
تدرون بعدها بساعتين جا وكلمني ولا كانه صاير شي
 
ماقصرو الاخوااات يعطيهم العافيه وخليها
تكثر الدعاء والاستغفااااااار يفتح الاقفااال
 
لا تعطيه وجه اذا دخل زعلان ومتأكدة انها مش السبب في زعله ...اتعامله عادي ولاكنه زعلان لأن اللي يزعل بروحه يرضى بروحه
 
اكيد بعد هالعمر والحياة الزوجية بينهم إنها عارفه طبيعة زوجها عليها بس إنها تفكر شوي وتتوكل على الله سبحانة وتعالى ومثل ماقالو الأخوات تطنش مرة وتهتم مرة ثانية مع القيام بكل واجباتها وماتهمل زوجها ابداً
 
ماكسبتم منها الا الدعاء ومازدتوها الا سرورا وجزيتم خير ياأغلى اخوات ربي يحفظكم ويحقق امنياتكم
وشكرا
 
الله يهديه يمكن عنده مشكله ماتدري عنها
 
لالالالالالالالالالالالالا تكلمه ابدا بس تلبس قميص نوم بنطلونات وجلابيات فخمه وتتعطر وتتبخر وتتمكيج وتتعدل وتتمشى قدامه وهي رايقة وتشغل نفسها بأي شي تتفرج على التلفزيون أوتسمع شريط دق واذا جا يكلمها تكلمه بكبرياء وعزة نفس وتتقهوى الين يجي لها زحف
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل