على قد ماقريت عن الشمالي ماني قادرة أفهم هالحركة منه .

[زهوووور الريف]

خواتي خبيرات الشمالي :
أولا : أحب أشكركم من كل قلبي على المساعدات اللي قدمتوها وتقدمونها لنا ..
ثانيا :
في حركة جديدة هالأيام زوجي ماسكها صارله شهر تقريبا ومني عارفة كيف أتصرف وياه ...
انا كنت استشرتكم في موضوع ( وكانت أول استشارة لي هنا ) اذا تذكرونه اني ببطل أطلب منه شي
لأنه مايعطيني الا بالحسرة وأشرتوا علي اني أصر على طلبي المهم ... أنا نفذت نصيحتكم وأصريت على طلبي
وهو أني أشتري أغراض مهمة للبيت من زمان محتاجتها وهو يماطل ولو أقول لكم ماتصدقون اشلون فيه حرمة تصبر على نقصها في البيت ... طبعا هو وافق على شي واحد وأعطاني فلوس وقال لي انتي اشتريه ... انا شكرته وبينت له اني فرحانه حيل ودعيت له ومن هالكلام...
المشكلة أنه من ذاك اليوم اللي عطاني فيه الفلوس وهو زعلاااان
مايطالع فيني ولا يكلمني مثل أول
كأني قاتلتله قتيل يالطيف ...
وأنا حاولت ألطف الجو بكل طريقة
أهديته
تقربت له
أسولف أنكت ....
وهو كأن ميت له ميت
آآآآآآآه ياااااااارب رحمتك
مليت منه ومن حركته هذي

بس ابي خبيرات الشمالي يفهموني ايش قصده من هالحركة ؟
وكيف أتصرف معاه
طول فترة زواجنا اكثر من عشرين سنة وانا اللي أراضيه وآخذ بخاطره
تعبت تعبت تعبت
وانا من يراضيني وياخذ بخاطري
فكرت أكلمه وأقول له ان احنا ننفصل اشوف ردة فعله بس والا انا ما أتخيل هذا الشي مو عشانه عشان العيال بس
فكرت أقول له روح تزوج يمكن يشوف انواع الحريم يمكن يحس فيني
معليش خواتي استحملوني
بس حبيت أشوف رايكم بالموضوع
وماندم من استشار ...
**

 

[انثى تعشق رجل]

بما انه شمالي
انصحك تتركيه يرضى لحاله بما انه ماحد زعله ولا داس له على طرف
مصيره يرضى من نفسه
هو يسوي معك كذا الان يعني مسوي فيها بيادبك علشان مره ثانية ماتطلبي شي
انت بالعكس تعاملي معه بشكل عادي وكانك مافهمتي انه زعلان
واضحكي وعيشي حياتك وتصرفي بشكل طبيعي
ولما تحتاجي شي على طول روحي اطلبي منه
واذا بدا يتضايق ويهاوش على طول امدحي وقولي من لي غيرك
ومن المدح اللي ينفخ الراس ولا تخلي طريقته هذي تاثر فيك ​

 

[أحساس امرأه]

طول فترة زواجنا اكثر من عشرين سنة وانا اللي أراضيه وآخذ بخاطره

هذا اكبر خطا ترتكبه زوجة الشمالي ؟ وهوالي مخلي زوجك يسوي فيك كذا ؟
لانه ضامنك مهما غلط انتي تلحقيينة وتراضينة ؟
وحركته هذي علشان يتوبك ولاتطالبين بشي ؟ وانتي رابطة حياتك فيه ؟
الحل اتغيري علشان زوجك يتغييير ؟ هالفترة طنشيييييية ولاتراضينة نهااائي
وخليك مبسوووووووووطة واااااااااخر روقاان بعد ؟ وخليه يرضى من نفسه
ولازم تتغيرين وتغيرين معاملتك معااه ؟
بيلحقك هو يراضيك لكن طول مانتي تراضينة انسسسسي انه يرضيك ؟​

 

[تميميه وافتخر]

حبيبتي خليك طبيعيه معه وعامليه كأنه موزعلان
ولاتحسسيه انك ملاحظه عليه اى تغير
واعطيه حقوقه كامله حتى لو هو ماطلب
وعلى طول امدحيه وقولى له الله يرزقك من اوسع ابواب فضله مثل ما وسعت على واعطيتبى الفلوس

 

[زوجه رائد]

الرجال مثل الاطفال لازم نرضيهم
الله يعيننا عليهم

 

[وصيت قلبي~~]

شكله عارف ان قلبك طيب

وسوى هالحركه عشان ماتكررينها معه


ماعليك منه اشتري اغراضك وانبسطي ولا تلفتي لزعله


حاولى تتعايشين معه بسلام واقنعيه انك افضل امراء في الصرف والتوفير
وانك انسانه تحبي تقدري ضروفه ودك تعينينه على بس الحياه تتطلب


الله يوفقكم

 

[كوب نسكافه]

الله يهديه ويسخرة لك
وانا مع انثى تعشق رجل وفت وكفت في كلامها

 

[دانة الشام]

زوجك مد بوزه ليشعرك بالذنب أنك طلبتي منه.. تصرفي وكأنك لاترين هذا البوز نهاااااائيا.. فرفشي وافرحي بأغراضك التي اشتريتها وعودي لتطلبي منه من جديد مهما امتعض ولاتنسي المديح والشكر والثناء..ربي يختار لك الخير.

 

[احبك حدي]

انتي تعود منك انك ماتطلبيه وماتلحي عليه بالطلب وهو بكذا تدلع واصبح طلبك لضروريات حياتك غلط بالنسبه له لذلك الله يعينك وتصححين اغلاطك وتحاولين تغييره شوي شوي لكن هذا يحتاج منك صبر وطولت بال اهم شي كوني لطيفه ودوده حبووبه معه ولا توضحين انك منتبهه له انه زعلان وخليه يتعود واطلبيه كمان اغراض عشان يحس ان طريقته في تاديبك ماجابت معك نتيجه او انك مافهمتيها وهو من نفسه يرضى

 

[أم ميسوـوـو]

الله يعينك يالغلاااا

زوجك تعود على هيييييك

والعشره بينكم مو سنه ولا سنتين

الله يعينك يارب

~ْ~​

 

[سهام الصمت]

الله يعينك حبيبتي

 

[عطر الكون @]

الله يكون في عونك
البنات ماقصروا

 

[معلمة متألمة]

مع اختي دانه الشام و احساس امرأة....بالضبط

حبي روحج يحبج الشمالي.... مايحب اللي وراااه وماراح يهتم بهالشي ابد .. لانه شمالي وهذا طبعه...

ريبي يسخره لج يااااااارب ياكريم.... ​

 

[رندا كووول]

طنشي ولا تراضينه انتي ماغلطي
وخليك عاااادي ولا كأنه زعلان
وخليه يتعود على مصاريفكم
ولا تفكري في الانفصال او تزوجيه وحده ثانيه
الشمالي هذا طبعه مايغيره...ربي يسخره لك

 

[زهوووور الريف]

الله يرضى عليكم خواتي ويسعدكم ويبعد عنكم كل ضيقة ويفرج لكم كل هم يارب.
ريحتوني بشكل ماتتصورون كيف ...
أحس ردودكم جتني مثل الماء البارد في شدة العطش
الله يريح قلوبكم في الدنيا والآخرة ويجزاكم كل خير .
وردودكم بحفظها عندي عشان ارجع لها كل ما حسيت بضعف وعشان ادعي لكم كل مرة ..

 

[جرحني حبيبي]

اصعب رجل بالعالم هوووووووو الشمالي

 

[الثقة بالنفس]

ههههه بسيطة بس طنشي و لا تراضيه لا تسوي له سالفة
بس طنشيه كأنه مش موجود
و لا تسوين عمرج تراضيه بس خليج جنج انتي بعد زعلانه

 

[واثقة]

التغابي هو الحل

وكأنك لا ترين زعله

زوجك يحتاج أن تروضيه على الطلب


بعد هذه السنين الطويلة من الخضوع له والرضى بكل حال استغرب انك أجبرتيه على أمر أو دفعتيه له

وطبيعة البشر يحاربون أي تغيير ويشعرون بالقلق منه

دعيه وشأنه

وعودي من جديد بطلباتك ولكن بالتدريج


حتى تعوديه على الإنفاق


أعطي نفسك وقت من ستة أشهر إلى سنة حتى تري تغيير في سلوكه


​

 

[زهوووور الريف]

اي والله أحس انه أصعب انسان هالشمالي الله يهدينا وياه يارب

وان شاء الله اني بحاول أعود نفسي و أطنش وأسوي نفسي مو متأثرة إلى ان الله يفرجها من عنده

 

[زهوووور الريف]

أختي واثقة : تصدقين انا اللي يبي لي ترويض موبس هو .
وبصراحة كلامك فرحني من جهة وخوفني من جهة ..
ان التغيير يجعله يشعر بالقلق .. معقوله الشمالي يقلق و الا يخاف ؟
سبحان الله هو عايش حياته ولايهمه شي ولا يخاف من شي
وطمنتيني يوم قلتي لي ان التغيير يحتاج من ست أشهر الى سنة مما يدفعني اني أتحمل أكثر وأصبر
وفي نفس الوقت خايفة ما أدري ايش اللي بيواجهني عقبها
لكن أنا واثقة من خبرتكم ان شاء الله بعد ثقتي بالله سبحانه وتعالى
و أحاول باذن الله إن التغيير اللي بسويه انه مايخرج عن رضى الله سبحانه .


شكرا لكم خواتي مرة أخرى وبارك الله بكم جميعا .