على حافة الهاويه

  • بادئ الموضوع بادئ الموضوع دااانا
  • تاريخ البدء تاريخ البدء
شوفي انا كنت مثلك لما اطلب منه شي اطلبه بخجل وتردد ومنزله عيوني في الارض من الحيا
لكن بفضل الله ثم هالمنتدى
صرت اطلبه وراسي مرفوع وعيني بعينه وأتكلم بكل ثقه
وعشان يصير الكلام سهل اجهز وش بقوله واذا سألني ليه اجهز الأسباب
طبعا بعد مااقول الي عندي ماالح عليه او أسأله إيه او لا
اسكت الين هو من نفسه يكلمني
 
مرحبا حبيبتي

الطلعه لبيت أهلك لا وألف لا


مشكله بسيطه حليها في بيتك

زوجك عودك وما عودتيه

هذي القضيه عزيزتي

ابدأي من الآن عوديه


مثلا مشكلتكم الفائته

حلو ردك أنا مو سوبر وومن..

وقولي بعد وأنا مو مسؤله عن صلاتك

كل انسان ولاه الله مسؤليته ويالله يالله شايل نفسه.. يشيل هم غيره بعد !!!

الصلاة الجميع يضبط المنبه واللي يقوم أول يقوم الثاني..


لو رفع صوته تجاهليه


وكملي يومك عادي

لو جرحك بالكلام ازعلي وعامليه برسميه


وربي يعينك..
 
عنقود عنب قال:
حياك الله عزيزتي دانة

اطلب منك يا قلبي انك تدخلي على الرسائل الخاصة راح ارسل لك شي

تيحاتي
أنقر للتوسيع...

عنقوده

سمعينا معها

ردودك مميزه أفيدي الجميع بها..

والخاص احذفيه
 
واليوم عادي جلس يسولف وتغدى ولا كان شيء صار
أنقر للتوسيع...


شايفه عزيزتي

لما تعاماتي مع المشكله صح

رجع هو طبيعي

الحل بإيدك بس الحين انتبهتي له
 
ارى من كتابك انك انسانة مرتبة ومنظمة
واحس انك تبدعين
الله يهنيك
فكما استطعت التنسيق في المتابة
فكذالك تنسقي في اسلوبك معه
واقراي الانماط وطبقي
 
الشمالي طبعه يحب المراة القويه خليك قويه بثقتك بنفسك واطلبي حقك بعين قووويه لان هذا حقك وملزوم غصب عنه ينفذه لاتسستحي من طلب حقك
واذا سبك لاتهتمي له ولاتبينين له انك زعلتي لانه الشمالي نفسيه يستانس اذا زعلك لذلك لاتبينين له انك زعلتي منه
واهم شي اذا ماكنتي غلطانه لاتعتذرين له لو يجلس شهر وهوا صاامت اما خرجتك لبيت اهلك ماانصحك فيها لانه ممكن مايرجعك ويطلبك ثاني وتضطري ترجعي له وبكذا رايح يذلك تكثر لانو بيكون عرف انك مارايح تستغني عنه
 
لا تفكري أنك تروحي بيت أهلك
حلي مشكلتك وأنت معاه وبإذن الله مشكلتك سهلة فقط تحتاج صبر وحسن تصرف
أهم شي الحين لما يزعل منك وتكوني أنت مانتي غلطانة وضحي وجهة نظرك وأنك ما غلطتي بكل ثقة ولما يزعل كالعادة ويقاطعك لا تبدي أي إهتمام بزعله ومقاطعته وخليه يحس أنك أنشغلتي عنه بنفسك

ووقت المقاطعة إستخدامي أساليب أنوثة تجذبه لك وتخليه يشتاق من غير ما يحس أنك متعمدة عشان ما يطول بالمقاطعة ويعتاد عليها ويقسى قلبه

والله ييسر أمركم
 
أختي المشكله مو في زوجك
المشكله فيك أنتي
والمشكله الأكبر أنك تعرفين ان المشكله فيك أنتي
بس يبقى عليك تجدين الحل
انتي مرررره طيبه ومتسامحه معه حتى مصروف متهاونه معه ماتاخذين منه ليه ؟
لازم تكونين أقوى
هو عجبه ضعفك واستسلامك له فصار يزيد
لالالالا لازم تتغيرين وتحبين نفسك وتطنشينه
الله يهديه ويسخره لك
 
افهمي زوجك ودوري على مفاتيحة ..

انا بنظري اشوف المشكلة فيكي انتي .. مش لسوء او خطأ فيكي ..

لكن دائماً نقول الرجال مثل الأطفال .. ونجاح بيت الزوجية يعتمد على الزوجة بنسبة 80%

متى مافهمتي مفاتيح زوجك .. راح تجيبي راسه وتنجحي بحياتك ..

ياحبيبتي انسي تعاملك مع صديقاتك .. المخطئ هو الي يعتذر .. لازم اعترف بخطأي .. لازم نعترف لبعض بمشاعرنا

هذي كلها اشياء تدمر العلاقة الزوجية .. اهلا فيكي بعالم الرجال ^_^

حللي تصرفات زوجك .. وفكري ايش التصرف الي يتناسب مع زوجك .. مش التصرف الي يتناسب مع الموقف !!

لمى تتكلمي معه .. لاتردي بعفوية .. فكري بكلامك مية مرة .. وركزي بكلامة لمى يتكلم شوفي ايش الرد الي هو ينتظره .. مو الرد الي انتي ودك تقوليه !!

لازم تراجعي حساباتك كثير .. حاولي تفهميه حطي تحت كلمت تفهميه مليون الف خط !!​
 
السلام عليكم

عيدكم مبارك وكل عام وانتم بخير

فرحت كثير كثير كثير بردوووودكم اللي تجبر الخاطر وتريح القلب
ماخاب ظني فيكم والله

اختي اتجاهلك

سالفه اني اكتب له اللي بخاطري واطنش جربتها بس مافيش فايده
ارسلت مسجات وايملات لكن لما اواجهه يستجيب اكثر من الرسايل
ماقصرتي عالنصيحه


ام احلى بنت حبيبتي
بالضبط استحي :(
يعني اتوقع لو اطلب بيعطيني وهو مبتسم بس انا ما اطلب
لكن من اليوم ورايح بتغير باذن الله وحاطه لي خطه بخصوص هالموضوع
ياحبي لك مشكووره

اختي الواثقة
نورتي موضوعي ولايهونون البقيه

انا ابدااا مو حاطه في بالي ارووح لاهلي
اولا لانو ابي انا اللي احل مشاكلي بنفسي
ثانيا ما احب صورة حياتي الزوجية تهتز في عيون اهلي وتسبب فجوة بينا
ان شاء الله راح اعمل اللي قلتيه
يعطيك العافيه

محبة مكة

يسلمووو كلك ذووق


حجازية ذووق
هههههههههه حبيت كلمتك نفسية من جد
لما شفت نمط الشمالي وانو يحب الواثقه وصاحبة الشخصية القوية
عرفت اساس المشكلة ,, اللي هي انا ماعندي ثقة وقلبي طيب
وبتصرفاته صارت شخصيتي ضعيفه
يعني مثلا لو هو غلطان وزعل مدري كيييف يقلبها علي انا الغلطانه واصدق

لكن باذن الله انا قررت التغييير وجالسه استفيد من هذا المنتدى الرائع

يسلمووو على ردك


قطرة في بحر
الثقة الثقة الثقة والمواجه بقوة ثم التطنيش :) هدفي الحالي
ربي يخليك ماقصرتي

القلب المهجور
كلامك 100% صح :(
سواء من ناحية اني طيبة ومتسااامحه وانو هو عجبه الوضع هذاا
الله يعيييني ويصبرني ويسخره ليي
مشكوورة على دعوتك

سكوون

كلامك عجبني وقريته الف مره لان حسيت فيه من كلام زوجي
لما يقولي فكري في كلامي وركزي فيه وعرفي شنو ابي اسمع بعدها
انا والله احاااول واسعى وان شاء الله مسمتمره في دراسته وتحليل شخصيته
لاني ابي اعيش حياة حلوة
لكن هالشمالي يجنن الواااحد
الله يعيييين



ياليت حد يدلني على مواضيع او كتب تعزز الثقة
يعطيكم الف عافيه كلكم


 
يجب تسجيل الدخول أو التسجيل كي تتمكن من الرد هنا.
عودة
أعلى أسفل