على اتفه مشكله روحي بيت اهلك

[ام نونتااا]

السلام عليكم
لي 7 سنوات متزوجه حصل بيني وبين زوجي طلقه وحده ورجعت فتره العده
طبعا انا كنت من طلب الطلاق لاني تعبت من تصرفاته خيانه واهمال وعدم مسوليه الخ
في الاخير فكرت ببنتي وقلت اصبر عشان بنتي ورجعت مع العلم ان ابوي رافض الراجعه ورجعت وابوي مو راضي
لكن للاسف بعد الرجعه بسنه اصبح زوجي دايما يردد كلمه روحي بيت اهلك على اتفه مشكله
على انه تعب يقنع ابوي عشان يرجعني وجاب ناس تدخل وتقنع ابوي عشان يوافق يرجعني

قبل فتره صار مشكله وقال رىحي بيت اهلك ورحت وكنت حامل وقال بطلق
وبعدها ب 3 اسابيع كلمته واعتذرت منه وانا اصلا مو غلطانه وقلت برجع
ورجعت ومازالت الكلمه تتردد وتتردد وفي كل مره انا اتنازل واهدي الموضوع الآن انا ما احس معه بالامان نهائي

قبل كم يوم قال لي روحي لاهلك وذي الفرصه الاخيره راجعي حساباتك وانا اصلا ماغلطت

المهم هديت الموضوع ونسى

الحين انا احس اني مجروحه من كثر ماتتكرر هالكلمه وغيرها من الكلام الجارح واحس كرامتي انهانت
من كثر ماعتذر وانا ماغلطت ومن كثر ما ابادر واهدي الموضوع

الحين افكر اروح بيت اهلي بدون مايقول روحي وازعل عليه واجلس عندهم وماستقبل منه مكالمات عشان يتادب
ابيه يفقدني ويراجع نفسه واذا سال بقوله كرامتي انهانت من كثر ماتقول روحي
لكن اخاف يطلق

من تايد كلامي ومن عندها طريقه ثانيه تخليه يتادب ولايقول روحي بيت اهلك

حبيت اذكركم انا يوم طلقني ابوي رافض ارجع يوم اصريت اني ارجع قال ابوي لاترجعين بلاش قولي ابي رضوه وماقلت رجعت بلاش
عشان كذا اتوقع انه قاعد يتمادى لانه يعرف روحتي ورجعتي ببلاش

 

[دانسميز]

هل يصر على الذهاب رغما عنك ...أم أنه مجرد كلام

 

[ام نونتااا]

اذا ذهبت احيانا احس يندم ويكلمني يسال عن البنت لكن مايعتذر ويقول بمر اخذكم وياخذنا ولا كان شي صار

 

[ام نونتااا]

مرتين اصر على الذهاب مره ذهبت
ومره قلت لا ماني رايحه هذا بيتي واصر اكثر واكثر وقال بكلم ابوك ياخذك
لكن اعتذرت وانا ماغلطت وعطيته كم كلمه خلوه وهدى

 

[راجيه الرضا]

حبيبتي اذا اراد يكلم اباك فدعيه.اعتقد أنه لا يستطيع فعل ذلك.وفضلا كفي عن الاعتذار

 

[راجيه الرضا]

الاعتذار باستمرار يجعله يتمادي فخذي موقفا فضلا.

 

[Sarorasarah]

اختي اول شي شو نمط زوجك
شو الاشياء المستفزة له تخليه يقولك هالكلام
احس ان زوجك عصبي وبيقول كلام ما يقصده

ماتفكرين بالكلمة بحد ذاتها او جرح مشاعرك بالنهاية زوجك ومافي كرامات بين الازواج

اشوف انك تحتاجين تغيير اسلوب تعاملك معاه والله اعلم

 

[راجيه الرضا]

كما قالت ساروره معرفه نمطه مهم ولكن اعتذارك باستمرار خطأ .طالما ترين انك لست مخطئه

 

[راجيه الرضا]

ادي حقوقه.افعلي ما يرضيه لكن اذا كان دائم العصبيه من لا شيء فتجنبيه وقت عصبيته حتي لا يقول روحي

 

[راجيه الرضا]

ولمحي له بهدوء أن اتصاله بابيك لن يجلب سوي ذهابك بلا عوده. واعتقد أنه لا يزال يتذكر التجربه السابقه

 

[راجيه الرضا]

حبيتي عليك بالاستغفار والدعاء والتضرع لله تعالي فلن يكشف غمك. الا هو

 

[رهف 88]

اول شي اعرفي نمطه لتعرفي كيفية التعامل معه
ثاني شي لا تعتذري عن خطأ لم ترتكبيه .. هالاعتذار الأعمى هو اللي يخليه يتمادى
حبيبتي لما تعرفي نمطه فستعرفين كيفية التعامل معه بكفاءة .. ابحثي عن نمطه

 

[ام نونتااا]

اختي اول شي شو نمط زوجك
شو الاشياء المستفزة له تخليه يقولك هالكلام
احس ان زوجك عصبي وبيقول كلام ما يقصده

ماتفكرين بالكلمة بحد ذاتها او جرح مشاعرك بالنهاية زوجك ومافي كرامات بين الازواج

اشوف انك تحتاجين تغيير اسلوب تعاملك معاه والله اعلم

نمطه جنوبي شرقي
مافيه شي مستفز ولا فيه مشكله كبيره سوء تفاهم بس وخلافات بسيطه مافيها اي استفزاز

كنت اقول مافيه كرامه بين الازواج لكن هالكلمه غلط ماضيعني ووصلني هالمرحله الا هالكلمه
فيه كرامه حتى بين البنت وابوها
لكن ممكن الواحد يتنازل صح لكن يحافظ على كرامته

 

[ام نونتااا]

ولمحي له بهدوء أن اتصاله بابيك لن يجلب سوي ذهابك بلا عوده. واعتقد أنه لا يزال يتذكر التجربه السابقه

اعتقد والله يعلم ان عشان يخوفني واكثر من الاعتذار والترجي
لاني اعرف ان ذهابي بلا عوده

 

[اسوميي]

ادا كان مجرد كلام يقولك هو طنشيه لو م يبغاك كان طلقك من زمان
واظا لي مشاكل تغاضي عنها وانسي سالله كل م صار شي رختي لاهلك
انا انصحك لا تروحين لان م راح تستفيدي شي لاكن عامله بواجباته فقط عيشي لنفسك وبنتك واكيد ادا تغاضيتي عن المشاكل م راح يجي يقولك روحي بيت اهلك بدون سبب لا تجادلين معه بالكلام
اصلا خروجك من بيتك غلط تخرجي للضروره ضربك ولا اهانك اما كلمه روحي بيت اهلك بيقولها عصبيه او ادا صارات مشكله
هل يعتذر منك زوجك !!

 

[ام نونتااا]

لا مايعتذر
واذا زعلت وصديت يفتح موضوع نقاش ويركبني الغلط وفي الاخير عشان انهي النقاش لايكبر اعتذر عن الاخطاء اللي ركبني اياها

 

[ها أنا ذا]

حبيبتي لما الرجال يقرر انه مايبي زوجته،،

راح يتخذ قرار حاسم وصارم وفي نفس اللحظه بيطلقها لو مهما صار،،

لكن واضح جدا ان زوجك ماخذ فكره انك ماتقدرين تتخلين عنه او تبتعدين عنه وماخذ فكره ان شخصيتك ضعيفه عذرا،،

غالبا تهديده مجرد تهديد، يعني مو جاد

الحل انك تطنشيه كل ماقال هالكلام وهو بيمل مع الوقت اذا شاف انه مايأثر فيك

يعني لما يقوله اعتبريه ولا كأنك سمعتي شي وناظريه بثقه وعزه نفس وبصمت ولاتنطقي ولاكلمه،،

وخليه يرضى من نفسه لما يطيح راسه بدون اعتذار انتبهي تعتذرين له الا ان كنتي غلطانه فعلا، ،

واذا كنتي غلطانه اعتذري منه مره وطنشي رضى مارضى بكيفه،،

لما تطنشينه وماتعطينه اي اعتبار لما يزعل راح يحااول بالبدايه يضغط عليك بقوه عشان يجبرك ترجعين زي ماكنتي وتحت تصرفه

لكن لما تكوني صامده راح يتعود بالنهايه على اسلوبك الجديد،،..

 

[عصر الوهم]

النساء العربيات يعانن في كل مكان.. ربي يفرج عليك

 

[أنثى بعطر الورد]

انا مع كلام البنات ...ركزي في كلامهم ..
اللحين نبي الحل ونمشي عليه ..
اوك ..زوجك عصبي ..يتكلم بكلام احيانا او ممكن مو قاصده ..وانه يأمل ترجي لأبوك عشان يرجعك ورجعتي بهدوء ..مو مشكلة ..
بس ..الأهم انت ترا مو زوجك في القصة ..
سلاح المراءة كيدها ...هو سندها هذا واقع ...والله هههه ..
انك تتنازلين وتعتدرين له ...مو بالشيء الكبير زوجك عادي لانه عصبي لا تخلي الموضوع يأثر في نفسيتك ..وايد ..
لان زوجك محتاج منك انت انك تاذبينه مو اهلك ..
اهلك يندم بس ويوقفون معاك بطريقة ..بس يدخلوا وينظموا حياتك وزوجك هذا واجبك انت ..
انت خلاص تزوجتي والمفروض نضجت ..هذا الكائن اللي عايش معاك لازم يتنظم ..ويتعالج ..الرجال أقوى منا وعنادهم قوي ..جدا جدا فتضيعي معاهم والله ..الرجل عشان يمشي صح لازم يكون في قائد يمشيه ..والتاريخ والقران وضح ان المراءة حكمت رجال ..ممكن هي رساله للمراءة انك ممكن تكون قائدة للرجال ..
اوك حبيت أقولك هالكلام عشان أحط في قلبك الثقه في نفسك وأنك تعيد صياغة حياتك ...
انت محتاجة علاج مع نفسك ..زوجك حاس بعد ثقه في نفسك حاس انه مسيطر عليك واثبتيه برجوعك له ..هو اللحين يربي فيك ..ترا هو ما راح يتصرف باي شيء طالما انت تتاسفي ياذب فيك ..عشان تضعفين أمامه ..زوجك شاف كيف ابوك ماعنده كلمه معاك وضعيف أمامك فحابب انه يجرب انه يضغط عليك وانت تروحين لبيتكم فيتعصب هو ..ويقول انه بيطلقك وبما انك تعودتي انك تتنازلي راح تتنازلي عشان بيتك ..وأبوك راح يتأسف له ويطلب منه انه مايطلقك ..ويكون أسد ويستعيد كرامته اللي هدرها لما رجعك ..لك ولابوك ..المهم ما نبي نتعصب ونقول كلام نخسر به اكثر ..ونحاول اننا نرجع الأمور للأول عشان تنصلح اللي انكسر ..اقولها لك ماراح تستفيدي شيء لانه ماراح يسترجيء احد انه يرجعك ..لانه صار عنده مناعه ..من هذا الموضوع لان بالاول كان جديد عليه اللحين لا عرف كيف العلاج ...
اذا ما هو الحل الانسب ..الحل بيدك انت ..عشان تكسبين ..
اوك ..العبي عليه ..بالاول قلت لك عن القائد وان الرجل لازم يكون له قائد ويحترمه ..اوك ..وعشان تكوني انت القائد لازمك الكثيييييير من الأمور اللي لازم تعالجينها مع نفسك ..بالاول ومع زوجك بعدين ...

 

[أنثى بعطر الورد]

كان المفروض انك لما رجعت لبيتك من الأيام الأولي سويتي عزومه لأبوك ببيتك ...عشان اولا ترطبين قلبه و انك بخير وعشان تحسسين زوجك مكانة ابوك حتى وان خالفتيه عشانه ..ما تقوليها بالكلام بل بالافعال وهو راح يحس ..هذا ...الرجال يتعاملون بالمقابل ..
ويفهمونه ...وتعطيه الإحساس انه يخاف من ابوك وما يعيدها ..
بس اللحين خلاص ..انت في لعبه لازم تنهيها ..
الاول ثقتك كأمراءة لازم تزيد ..لما ثقي في نفسك كامراءه بقدراتك بامكانتياتك الجسمانية راح يعجبه زوجك وراح يضعف أمامك ويخاف انه يخسرك ..لانه مستمتع ..ومرتاح ..تعلمي ..وراح تشوفي انه مهما فتح انه يطلقك او يتزوج عليك ما راح تهتمي ..وراح هو يحس انه كلامه ما اثر فيك ..لان اللي يشوفه امراءة حقيقيه فعلا هالكلام ما ياثرها ..بس اذا قعدتي كما انت بس تتجاهلي او تدافعي بكلمات راح يقول مسكينه تقاوم في نفسها ..
زوجك علاجه انه يخاف منك لازم يخاف من خسرانك ..هذا فقط اللي يمنعه ويتعالج من حركاته ..معاك ..
وانت لازم تنظمي حياتك ..انت امسكي زمام أمور حياتك في بيتك ..لازم يثق فيك ..فيسمع كلامك ..