علبة الصبغ

[just a woman]

سلام عليكم
هذي اول مشاركه لي معاكم واتمنى تساعدوني
بنات انا ابغي اصبغ شعري بالبيت فحابه اعرف علبه الصبغ تصبغ اشعر لاي طول
يعني انا شعري تقريبا فوق نص الظهر ومدرج يعني مو نفس الطول تكفيني علبه او اكثر

وتحياتي

 

[**حنين الوجدان*]

لاحبيبتي ما تكفيك علبة ممكن اثنين

وفيه في محلات التجميل كأس بلاستيك مقسم

يبدأمن 30مل ..... 60مل....90مل

هذا الكاس خاص بالأكسجين يعني تحطين 30مل ع علبة و60 ع علبتين ..............

ان شاء الله اكون افدتك

واذا تبغين اقول لك خطوات الصبغ انا حاظرة

محبتك

 

[just a woman]

مشكوره حبيبتي حنين الوجدان للمساعده
بس انا راح استخدم صبغه جارنيه
وياليت تقولين لي طريقه صبغ الشعر لان حابه اتاكد
خليني اقولك عن شعري هو نصه مصبوغ بني مع هاي لايت اشقر ولون شعري الاساسي مو اسود ماخذ على الون البني الغامق

واذا ممكن اي نصحيه لصبغ الشعر اكون شاكره لك

واسمحي لي طولت عليك
تحياتي

 

[**حنين الوجدان*]

معليش حبيبتي اذا اتاخرت عليك

اختي انا ما انصحك غير بصبغة ويللا لانها ممتازة واكثر

المشاغل تستخدمها.. وانت براحتك

الأدوات التي تحتاجينها وقت الصبغ ..

الصبغة مع مكوناتها

فوطة

مشط ذو أسنان رفيعة

عدد 5 من ماسكات الشعر

روب قديم ترتدينه حتى لا تتلطخ ملابسك

فرشاة الصبغ

قفازات

ادهني جبهتك بالفازلين كي تتجنبي اللطخ وهناك طريقة أخرى

وهي بتنظيف الصبغة من

جلدك عن طريق الاسكينول وهو فعال جداً في إزالته

الآن :

قسمي شعرك

الغرة أمسكيها بماسكة الشعر

امسكي الخصلة اللي عند خدك اليمين وكذلك بالنسبة لليسار

يتبقى شعرك من الخلف قسميه بالنصف وبعدين خذي خصله

خصله من السفل للأعلى

طريقة الصبغ :

- بعد تقسيم الشعر

- وبعد خلط الصبغة وارتداء القفاز

- تبدأين بأول خصلة تسحبينها من شعرك الخلفي بعصا المشط

أو الفرشاة تكون الخصلة

رفيعة وتمسكين باقي الشعر لأعلى بماسكة الشعر

- بالفرشاة المغموسة بالصبغة توزعينها بعد ما تبتعدين عن

الجذور 2سم

تمشطين هذه الخصلة بعد ترك الفراشة .

وبعدها تبدأين بالخصلة التي بعدها وهكذا حتى تنتهي من

الشعر الخلفي .

- تبدأي بالشعر الذي يوازي خدك من تحت وبنفس الطريقة ,

خذي خصلة رفيعة من عصا

المشط ثم اغمسي الفرشاة بالصبغة ووزعي ثم مشطي

وهكذا حتى تنتهي من الشعر كله

مع مراعاة الابتعاد عن الجذور.

انتظري لمدة ثلث ساعة بالضبط بالنسبة لصبغة ويللا .. وعلى

العموم كل صبغه ذاكرين وقت ترك الصبغه على الشعر .

ثم قومي بتوزيع الصبغة على الجذور وانتظري لمده

عشردقائق بالضبط .

- اغسلي شعرك بماء فاتر حتى تزول الصبغة ثم ضعي البلسم

الخاص ( عادة يوجد في علب الصبغة كونديشنر خاص )

- انتظلري الوقت المحدد ثم اشطفي بماء فاتر ثم ماء بارد ...

- جففي شعرك وانظري للنتيجة ...

ان شاء الله اكون افدتك اختي

ووافينا بالنتيجة

محبتك:icon26:
​

 

[شوشو الدلع]

مشكوووووووووووره قلبي

 

[just a woman]

مشكوره حبيبتي حنين الوجدان على الشرح الوافي
ويعطيك الف عافيه
مو عارفه شلون اشكرك وفعلا ساعدتيني لشرحك في طريقه الصبغ لان كنت محتاره مو عارفه


عندي سؤال انا شفت صبغات ويلا واحترت ايش اختار لانها عباره عن مجموعات
فاذا عندك خلفيه عنها او ممكن تقولين لي ايش الاحسن فيهم؟
واسمحي لي طولت عليج

ولك تحياتي وشكري

 

[**حنين الوجدان*]

حبيبتي شوفي الكتالوج الموجود عند المحل

عباره عن خصل شعر مصبوغه بكل الالوان اختاري اللون اللي يعجبك

وما اعرف انتي تبغين خصل ولا لون واحد

الموضه اللحين لون واحد

لكن الخصل العودي مره حلوه

 

[ساره من الكويت]

مشكوووره

 

[ثقتي عاليه]

حنين الوجدان شكرا على الخطوات الدقيقه ..

الصراحه انه ما اصبغ شعري دووم من جي ماعرف واايد بالصبغات .. بس نفس ماقالت لج اذا شعرج لين ظهرج 60 مل راح يكفيج .. هالمره استخدمي 60 مل عشان تعرفين هل فعلا يناسبج ولا لا