علاج الحاجة العاطفية و.......
السلام عليكم ورحمة الله وبركاتة ارجو المعذرة منكم اخواتي ان كثرت مشاكلي او استشاراتي لكن والله اني ارتاح لما اكتب لكم مشكلتي وافضفض واخذ آرائكم طبعآ من العنوان ممكن تعرفون ايش مشكلتي مشكلتي اني لي سنة ونص متزوجة لكن كأني متزوجة لي 15 سنة بسبب الجفاف العاطفي والحرمان الجنسي من زوجي يعني مايحاول يتقرب لي بأي طريقة أو بأي شكل من أشكال لاتقولون الشمالي الغربي يعبر عن حبو بالعطاء المادي وتنفيذ الطلبات طيب تتوقعون هذا كفاية في غياب العاطفة والجنس جلست تكلمت معاهـ يتعذر بأعذار مالها وجود واحيانآ يعصب واحيانآ يتهرب بادرت وتقربت منه عاطفيآ وجنسيآ صار يتجاهلني ويتهرب مني واحيانآ يتجاوب معايا جنسيآ ب عشان يفتك مني بعدت عنو واستقليت بذاتي وبنفسي وانشغلت في دوامة العلم والدراسة بعد عني زيادة وصار مرتاح مني للاخر مو عارفة ايش اسوي غيرت من نفسي وكثير وتحولت 260 درجة لإنسانة هادئة وناعمة وعاقلة وارتحت بالنسبة لي بس هوا مو شايفني ولا حاس فيني بتقولون اقري عن نمط زوجك والله قريت وقريت وقريت وطبقت وعملت كل ماهو مطلوب وللآن زوجي مثل ماهو سنة وهو مجافيني وحارمني بحجة إن الحرمة ماتنعطى وجه وإن الحرم اذا ريحتها في الجنس تتمرد عليك واللحين طالع لي بعذر ثاني إن الرجل اذا عاشر زوجتو ينقص من عمرو نص يوم طيب اللين متى انا بعيش هذي الحياة كأننا أخوان في البيت مايغرية شي لا للبس ولا مكياج ولا عطر ولا رقص ولا جرئة ولا خجل ولا كلام ولا لمس ولا نظرات ولا غمزات ولا احضان ولا شي ياربي لو انو جدار كان تحرك فية شي للعلم هذا وضعو من قبل احمل بعد ستة شهور من زواجنا تعبت معاهـ يادرت بالكلام الحلو واتبعت كلام الله في قوله تعالى لن تنالو البر حتى تنفقوما تحبون والحمدلله احتسبت الاجر عند الله لكن كان الرد قاسي فكينا منك ومن نفاقك ولاعاد ترسلين لي كلام حلو للعلم ان كلامي مو نسخ ولصق لا كلام مني انا بادرت في الحنس لدرجة اني اسوي كل شي وهو ولا يحرك فيه ساكن وفي الاخر ياخذ حقو ويتركني ويروح بعيد غرفة ثانية واحيانا يسألني اذا كنت ابغى حقي والا بينام ويسد نفسي حتى لما نطلع مع بعض يكون مستعجل وعلى اعصابو ويهدد ويخاصم بدون سبب وفي الاخير لما سألت وجاوبني يقول انتي معايا في البيت كمان اطلع معاكي ملل طبيعي يجيني ملل منك يجيك ملل مني وانا معطيتك حريتك في البيت ما أسألك عن شي لا وين تروح ولا وين تجي ولا عن اي شي يخصك لاني عارفة الرد تعصيب وطولة للسان حتى ما اجلس معاهـ في نفس الغرفة كثير عشان مايتضايق من وجودي واذا جلست اشغل نفسي بكتاب او اكتب او اتفرج في جوالي يعني ابد مو خانقتو في البيت لاتقولون الشمالي كذا طبيعتو انا اشوف كثير شماليين بس غير عن زوجي مدري احترت معاهـ واللحين ماشاءالله علية يهددني كل شوي مثلآ قولت لو ابغى كسوة الشتاء قالي لا ودايم كلمة لا على لسانو ولاعاد تفتحي دا الموضوع معايا والا بوديك بيت اهلك كل ما طلبت شي قالي بوديك بيت اهلك يعني ياطويلات العمر زوجي يأكلني ويشربني ويوديني للجامعة ويوديني سهراتي وبس هذي حياتي حتى لو فكرت اتمشى معاهـ مستحيل نكمل تمشيتنا لوحدنا يعني في نص الطلعة يعزم اصحابو وحريمهم او في نص الطلعة يرجعني البيت عشان يروح مع اصحابو اللي مو متزوجين او مثلآ عشان يسكتني يطلعني من العصر للمغرب وهو يطلع مع اصحابو من العشاء للفجر والله ماعندي مشكلة لو اني في بيتي لكن دا كلو وانا في بيت اهلي او اهلو والآن بفكر اني اروح بيت اهلي بدون مشاكل عشان شوي يحس لازم يراجع حساباتو المشكلة انو متعود على بعدي من اول زواجنا يعني انا قضيت ثلاث ارباع وقتي بعد الزواج عند اهلي وطبعآ هذي مشورة عماتو وجدتو حسبي الله عليهم ومرة قالي كلمة انا احبك بعيدة واذا جاء يا بنات يكون مجافيني يعني حتى لو مشتاق ينتهي شوقو مرة وحدة بس في الجماع وبعد كذا يرجع لوضعو تقولولي يخونك او يعرف غيرك بقولكم لا لاني دورت ووراهـ خصوصآ ان جوالات زوجي دايم معايا وفي السيارة مالقيت شي برغم اني ماخليت فيها مكان انا وخالي واختي الا دورنا واصلآ مو واضح علية الخيانة طيب ايش الحل اروح بيت اهلي والا اتبلد عاطفيآ واترد من مشاعري وارتاح المشكلة لما اجلس معاه او اذا حب يتكلم زوجي اغلب سواليفو عن الجنس بس مو عني ولا معايا عن بنات في السوق او في الحديقة او في التي في او في الجوال بس ابد ابد مو معايا ولا عني يعني فيه مشكلة طيب انا فاهمة مود زوجي وايش يحب وايش يكرهـ ومهتة جدآ في المنطقة من حيث الافرازات والضيق والوسع والرطوبة والجفاف ومنبهه جدآ وحذرة ومثل ماقالت ناعمة الهاشمي كوني مستعدة دايم طيب ياستي للآن مستعدة بس مافي اي نوع من انواع المشاعر يمر علينا شهر مايلمسني يمر شهور مايعبر عن مشاعر شوف اي شي لو بكلمة والله يابنات ما ابالغ حتى وقت النوم يعطيني ظهرو ويشغل فيلم في الجوال اللين ننام وجات فترة اول ما انام يصحى وثطلع من غرفة النوم واذا صحيت دخل في غرفة النوم يمام وانا تعبت وانا طاردو بس الاكيد انو مستحيل كل واحد فينا ينام في غرفة وهذا بصغط مني انا عليه والا كان كل واحد فينا لحالو تتوقعو ايش المشكلة وايش حالها
اسم الموضوع : علاج الحاجة العاطفية و.......
|
المصدر : الأستشارات الزوجية العامة