***عـــــــــالم الشمــــــــــــــــــــــــالي الغـــــــــربي****

[&Athari&]

أنا جنوبية شرقية وزوجي شمالي غربي في بداية خطوبتنا(ملكتنا) كنا معظم الأوقات نختلف على أشياء بسيطة وتافهة وكنا نتحدى بعضنا البعض في اي شيء سواء وقت المزح او الجد وكنت كثيرة الالتصاق به ,اتصالاتي كثيرة تواجدي معه تقريبا كل يوم وكان يقول لاأحد يفهمني أما عندما تزوجنا كنت في حالة احباط ويأس لانني لم أستطع ان أحلل شخصية زوجي وكلما فتحت معه موضوع يناقش حياتنا الزوجية تجدينه يغلقه قبل ان لايبدأ النقاش ............ لي تجارب كثيرة مع زوجي منها السلبي ومنها الايجابي ولكن أعترف انه انسان خلووووووووووق وملتزم وطيب وحنون ويعتمد عليه ولكن اذا زعل من شيءتلاقينه مطنش ويضعك في حالة نفسية متعبة من كثر الانتقادات . ولي عودة.

هلا ومرحب نورتي
حساسيه الجنوبيه
وبالذات الشرقيه
فعلا تورطها مع الشمالي الغربي
ننتظرك​

 

[&Athari&]

معذرة أخواتي لم أعرف كيف إدراج الصورة في التوقيع
أين خصائص :blush-anim-cl: وكيف أجيب رابط الصورة
ممكن شرح أوفي لإني لست خبيرة في النت

ياقلبي
تسوين اقتباس على مشاركتي اللي حطيت فيها التوقيع
لما يفتح لك
تضعين على الصوره الفارة الايمن راح يطلع لك خصائص
تنسخين الرابط

تروحين للملف الشخصي حقك

تختارين تعديل التوقيع

تضغطين على الصورة اللي زي الجبل لونها اصفر
اللي هي اضافه رابط صوره


وتلصقين الرابط


وتسوين حفظ التوقيع
وسلامتك​

 

[&Athari&]

بصراحة بنات لازم تشكرون عذاري athari على مجهودها الرائع

شكرا عذاري​

و بما أني بعد شمالية غربية *علشان جيه أحب عذاري d: * أقولكم الي متزوجه شمالي غربي فأنت محظوظه جدا لأنه رجل راااااااائع بكل معنى الكلمة *مداح نفسه يباله.....................................بوسه!!!*خخخخخخخخ​

لكن الي متزوجة ش\غ متطرف أو متسلط فأدعيلج الله يصبرج -_-!!​

وأي سؤال حاضرين!​

هلا ومرحب ونورتي
وعفوا
ننتظر تجاربك
اذكري مشاكل تجاوزتيها معاه

والعلاقه الخاصه
ننتظرك​

 

[&Athari&]

مشكورة اختي مغامرة وخيوتي عذاري على المجهود الجبار وفعلا في جعبتنا الكثير من الأسئلة التي تدور في أذهاننا وبحاجة الى تفسير ومنها زوجي احيانا يقول لي انت تعرفين شلون تكونين حلوة بتصرفاتش وشلون تكونين نكدية يعني مايبيني أعصب او اتنرفز او اتناقش معاه في اي موضوع سواء عاجبنه او لا وطبعه ملوووووووووووووول شنو تفسير ذلك وشلون اتعامل معاه؟؟؟؟؟؟؟؟؟؟؟؟؟ ويسلمووووووو

لانك جنوبيه شرقيه
تتدققن على التفاصيل وتفلسفين المواضيع
والشمالي غربي بطبيعته منفتح وملول
ومايحب التفاصيل
يعني هو يسوي تصرف تجلسين انت تفكرين فيه الف مره
وهو يكون نساه
او حتى ماانتبه انه ضايقك
خصوصا ان الجنوبي شرقي فيهم سوء ظن
وشك وغيره

اسمحي لي اسفه اذا ضايقتك بس هذا الصدق

رايي
انك تاخذين ريلكس
وتحطين ببالك ان الشمالي الغربي اسهل مما تتوقعين
وانه مايفكر ولا بواحد بالميه من التفكير اللي براسك
واحيانا كثيره ماينتبه ان الموضوع مزعلك
غير كذا الانتقادات مرفوضه مع الشمالي الغربي
حتى لو كان معاك حق
لاتنتقدي
ركزي على ايجابياته وامدحيه عليها بتوازن

استعملي السلاح الفتاك معك
وهو الانوثه والبراءه والنظرات البرئيه
خصوصا انك جنوبيه

وريه انك مثقفه وعندك اهتمامات انشغلي عنه

انتبهي تتنقدين مره وحده
حبه حبه عدلي تصرفاته بدون ماتجرحينه او تنتقديه
لا بالحكمه والهدوء والاسلوب الحلو
الشمالي غربي المعتدل ضعيف قدام الاحترام والاسلوب اللبق
وايضا
جيبي ورقه وقلم واكتبي عليها الاشياء اللي تزعلك منه
وحطي لك خطه في كيفيه التعامل معاه وتجاوز اخطاءك السابقه
والهدف منها
انك ماتزعلين على كل شي!!
خلي لك اسباب مقنعه وقويه للزعل
عشان مايتعبرك نكديه
اختاري الوقت المناسب للحديث معاه
لاتتتكلمي معاه بل النوم او بعده او وهو جاي من الدوام
تعاملي معاه بببساطه

تحياتي​

 

[&Athari&]

تصدقين يا راعية بيتها قصتك نفس قصتي بس والله متعبه نفسيتي عصبيته الزايده احس نفسي ببعض الاحيال ايئس وازهق وامل ونفسيتي تتعب حييييل وهذا ماثر علي واااااجد خصوصا انا انسانه ما احب المشاكل واحب استانس بحياتي واخذته عن حب بس ما عرفته كذا
بس صراحه حيرني هلرجال
اذا سولفت معاه قالي راسي يعورني واذا سكت يقولي زعلانه وساكته واذا قمت اسولف واندمجت يقعد يصارخ على السواقين بلسياره ويعصب عليهم وصراخ يفزعني وعلى شي تافه ولما قلتله انا قاعده اسولف معاك شفيك خرعتني وقمت تصارخ قام عصب بزياااده وقام يصرخ ويغلط بلكلام ويضرب السياره بيده من كثر العصبيه( وفوق انه عمره ما دلعني وقالي كلمه حلوه او حتى جابلي هديه)
وانا يومها زعلت ودخلت البيت نمت وجا اعتذر مني بس انا طفشششششت والله قاعده ادعيله واااجد
الحين صار يومين كله ساكته ولا كلمه معاه سالني جاوبته غير كذا انا نفسيتي حييييل بالحضيض ما ابي كذا حياتي تصير وهذا القلق والله ماثر فيني واااجد الدوره عندي متلخبطه وقاعده اعلج علشان الحمل وزياده الوزن المفاجاه والحبوب اللي انا اخذه بعد تتعب وهلرجال يتعب بلد وما ني عارفه شسوي

اولا هلا والله فيك
ثانيا بسم الله الرحمن الرحيم:flex::flex:
مسكين هالرجال
كل مشاكلك الخاصه بيدفع ثمنها
وش ذنبه بالدوره ولا وزنك ولا مزاجك
باختصار انت نفسيتك تعبانه
ولازم تشوفين حل عشان كذا
وتاخذين الموضوع بجديه عشان مايمل منك ويعتبرك نكديه
ثانيا عصبيه الشمالي بالسواقه شي طبيعي وكلهم كذا
مااعتقد انها مشكله خطيره انه عصبي لما يسوق
عادي
اذا ساق لاتكلمي معاه الا اذا فتح معاك موضوع
ااذ قال ليه ماتكلمين
قولي سولف انت
وشغلوا اناشيد او قران وانتم ماشيين بالسياره
والله لها مفعول عجيب
خصوصا الصباح
بس
ان شاء الله مافي مشاكل
توكلي على الله
وحسني نفسيتك
لو تسشيري دكتوره
واستفيدي من التمارين اللي فوق
نصيحه لاتدخلين زوجك بمشاكلك الخاصه
ولا تقوليها له
تحياتي​

 

[&Athari&]

عذاريييييييييي
اليوم ضبط معاي الكمبيوتر أنه يكتب بالعربي وقدرت ادخل اسمي

عذاري انت مثل المخدر صرتييييييي ما نقدر نستغني عن نصايحك حبيبتي
والحمد الله نصايحك ما تتخيلي كم غيرت كم حياتنا وطورتها وعمرتي بيوتتتتت يا عذاري
شكرا لك يا رائعة

انا الحمد الله احس نفسي صرت احسن مع زوجي لكن يا عذاري بالنسبة للحديث وفتح مواضيع اوكي احس حالي احسن حتى احيانا احس ما له نفس يرد على سؤالي لأنه يكون تعبان من شغله وهو قالي مشاكل بالشغل

يا عذاري المشكلة الحين ما يقرب علي معقول من شغله او باله مشغول هو من البيت للشغل والعكس
لكن يحب رحلات الصحارى مووووووووت والخميس الماضي تركني وراح على الصحراء وبس قلت له احب نمضي الإجازة مع بعض قالي وين تريدي تروحي بالإجازة قلت له اي مول اي مكان قالي زحمة كتير وكل آخر اسبوع يا اخته تمضي عندي بالبيت يا احنا عندها قلت له شو كل اسبوع نفس الشي قالي شو بيت اختو تتمسخري قاعدة قلت له ما اتمسخر لكن اريد اغير جو وماقال شي وراح مع الشباب الصحرا ونام فيها ليلة ورجع تعبان

شو رأيك هذا الشي عادي خصوصي انه غرامه وعشقه الصحراء

شكر لك على الاطراء
الجانب الغربي بالشمالي يخليه يحب الخيل والبر والبحر
والطبيعه
والتنويع والسفر
اندمجي معاه بالاشياء هذي عشان يحبك اكثر
اركبي خيل معاه روحو البحر
لاتصيري نكديه
الشي الثاني
احذري احذري
اذا قال لك الشمالي وين تبين تروحي
تقولي اي مكان؟؟؟؟
لا ياقلبي
لازم تتشرطي
ويصير لك اماكن معينه تحبيها وتشاركينه الاشياء اللي يحبها

انت اللي خليتي نظام انك مره عند اخته او هي عندكم يمشي
لانك ماعندك اماكن معينه ولاعندك تخطيط
فلا تلومينه
ماراح يخطط بدالك
اذا ماقلتي له ايش تبين بالضبط
ماراح تاخذي شي منه

لاتصيري نكديه​

 

[&Athari&]

انا يقول لي إللي مجننه اني ذكية واعرف استخدم ذكائي مع كل الناس إلا معاه
والله ضيعني

العبارات والايحاءا ت السلبيه
ممنوعه بالموضوع هذا​

 

[&Athari&]

يا زوجات الشمالي الغربي


بصفتي زوجة ل رجل شمالي و لكنه يتارجح بين الشرقي و الغربي ...


فانني استطيع المشاركة في ملفكم و في ملف زوجات الشمالي الشرقي ...



نصيحة أخوية مني ...

اتقوا الله في ازواجكن ...

الشمالي الغربي شخصية راااااائعة جدا و متعاون و خدوم ...

يجمع بين الحزم و الرقة و حب الانوثة ...

الشمالي الغربي يحب الجمال الانثوي الرقيق ...

يحب العفوية و يكره التصنع ...



لكل من تزوجت شمالي غربي أستطيع أن أقول أنك محظووووظة ...

لأن هذا الرجل عندما يحب ... يحب بكل جوارحه و يقدم كل شيء من أجل حبيبته ...

لو كانت زوجته هي حبيبته يعني انه ملك الدنيا و ما فيها ...



يوجد في جعبتي الكثير الكثير لهذه الشخصية ...

و بالرغم من الصفات الحسنة بهذه الشخصية فهناك صفات سيئة كثيرة ...

الرجل الغربي يميل للغرب بكثرة ...

لا يستطيع ان يتقيد بعاداتنا ... فيحاول التحرر منها بصورة كبيرة ...



و لكنه باااااارع جداً في التوفيق بين الغرب و الشرق لأنه شمالي!

و الشمالي انسان غيور لأبعد الحدود و يحب التملك كثيراً ...



سأحاول التواصل معكن ...


و لكني لا أعدكن بحل المشاكل لأن حلها ليس من اختصاصي ...

و نصيحتي ... اعرضي مشكلتك بقسم الاستشارات الزوجية و باذن الله ستساعدك الأخوات هناك ...

هلا وغلا نورتي
نبي تجربتك
انتظرك​

 

[&Athari&]

عذاري سامحيني كل شوي اتذكر شي واكتبه وهذه عادة سيئة فيني

بالعكس زينه مع الشمالي الغربي
انك تنسين سلبياته​

انا ما عدت قادرة افهم نمطي انا
الإختبار والصفات كلها تقول اني جنوبية غربية لكن قريت الشمالية غربية لقيت كمان الكثير من الصفات
انا الحين ضايغة

عصبية فوق ما تتخيلي احس احيانا بدمي يغلي وكفوف يدي تصير مثل النار من العصبية خصوصي على ابني المسكين الي اصب كل حرتي فيه
صوتي إللي مو قابل يوطى دائما عالييييي احاول اوطي صوتي بس احس نفسي مب طبيعية او ممثلة
احيانا احس عندي ثقة بنفسي احيانا لأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ
من قرائتي للمنتدى صرت اشغل نفسي مرة النادي مرة صديقتي وحتى طريقة الطلب احيانا احيانا صار فيها نوع من الثقة لكن اكثر الأحيان اكون غير طبيعية لما اطلب
لما اكون قدام حماتي اكون مش طبيعية ومتسرعة ولما زوجي يطلب مني شي اكون مش طبيعية وسريعة وممكن توقع مني الأشياء
سريعة احب اخلص كل شي بسرعة بعد ما كنت بااااردة
نرفوزة على اتفه الأسباب
حساسة حساسة حساسة

لا شكلك جنوبيه غربيه
العصبيه مالها دخل بالنمط
حتى الشمالي ممكن يكون هادي اذا كان ابوه وامه مثلا هاديين
يعني العصبيه اللي تكلمت عنها ماهل دخل بنمطك
شوفي اختي اي عصبي هو انسان سريع
واي هادي هو انسان بطي
والشمالي يجذبه الانسان الهادي والثقه
والمتزن
واللي له جاذبيه وبرستيج
استفيدي من التمارين اللي ذكرتها فوق عن العصبيه
والجذب
لازم يكون عندك هدف ذاتي بالتخلص منها
اشتري اشرطه استرخاء
او دوري بالمنتديات
وسوي التمرين ثلاثلا مرات باليوم لمده ربع ساعه

اذا عصبتي عاقبي نفسك
بدفع مبلغ مالي
او اي عقاب
الظاهر ان الضروف اللي مريتي فيه افقدتك ثقتك بنفسك
ومن اليوم لازم يكون همك ذاتك
واستعاده ثقتك فيها

وايضا اسمحي لي اتوقع انك خوافه
لذلك فيه اشرطه لصلاح الراشد بعنوان
كن مطمئنا
وكن ايجابيا
وكن شجاعا
اشتريها واسمعيها
ااذ تبين تحافظين على زوجك

تحياتي​

 

[&Athari&]

شكرا اختي عذاري على اهتمامك السالفه اني قلت له قبل رمضان خلينا نسافر بعد رمضان قال السالفه في بالي بس لو فتحتي الموضوع مره ثانيه راح اكنسل الفكره تماما لانه مايحب تكرار الطلب ابدا والحين ساكت وشكل ماعنده نيه واخاف افتح الموضوع ويعصب علي لانه اذا شافني متحمسه للشي انسي انه يسويه لي وشكرا لك

شكلك جنوبيه غربيه
لا تفتحيه معاه حتى لو كنسلها وش يعني؟؟؟
اهم شي انت وذاتك
بعدين المفروض ماتسمحي له يهددك زي الاطفال
المفروض انه يستمتع بالسفر معاك
م تغصبيه عالسفره
من كثر ماتكرري طلباتك شاف نفسه عليك
لاياحبيبتي
قلنا الاميره شلون تتصرف!!
الخوف ممنوع
واذا عصب ايش يعني
خليه يعصب لين مايشبع انت هاديه
وماراح تتاثري بكلامه
صح ولا لا؟؟؟​

 

[&Athari&]

احلا
ذكرتي ان الشمالي الغربي غيور ويحب التملك
انا اتوقع عشان زوجك بين الشرقي والغربي
فيه الصفه ذي
لكن مو كل شمالي غربي
ماادري هذا رايي​

 

[(A7LA)]

احلا​

ذكرتي ان الشمالي الغربي غيور ويحب التملك
انا اتوقع عشان زوجك بين الشرقي والغربي
فيه الصفه ذي
لكن مو كل شمالي غربي​

ماادري هذا رايي​

الشمالي غيور جداً جداً ... و يحب أن يكون الشخص الوحيد بحياة من يحب ...

كما ان ذلك يرجع للعادة و التربية و البيئة المحيطة ...

بالرغم من ان الغربي متحرر فالشمالي منضبط و حازم بالكثير من الأمور ...

و ردود الفعل تختلف بين الشرقي و الغربي ... انما الاحساس قد يكون واحد !!

و أنا لا أتحدث عن زوجي ... فأنا أعرف الكثير من الشماليين و معظمهم غربيون ... و الغيرة عندهم كبيييييرة

 

[اتحدى]

مشكورة يااخت عذاري عالموضوع المفيد جدا
انا جنوبية شرقية وهو شمالي غربي ابي مشورتك مع زوجى
اكتشفت انه متعدد علاقات من قبل زواجنا؟وبعد 8سنوات تزوج من بلد عربي بالسر ولما اكتشف كان مر عليه سنه و طلبت طلاقي واخذت الاولاد
وفهمته انه لايمكن احد يشاركنى فيه؟ فالله يعلم انى لا اطيق ذالك..وبعد مرور سنه طلقها ورجعت بجاهه وشروط الا انه
رفض شرطى بخصوص السفر وبما انى اقرأ عنهم فهمت ان السفرمهم للشمالي الغربي فوافقت شرط انه يسفرنى بعد مايسافر مع ربعه؟؟
والمشكلة بعد ما رجعت له لقيت بجواله مسجات لحريم يواعدهن هناك؟وصور ربع جمالي مايجن؟؟شسوى خصوصا انه مايقدر يقاوم انوثتى ودلعي وبالعلاقه يعترف بحبه لي مع انه عمره ماقالهالي؟ليش متناقض؟

 

[maha samra]

الف الف الف شكر يا عذاري وربي انك صرتي فاهمتنا وحده وحده ماشاء الله عليك وكانك تحسين فينا
كلامك صحيح بس بودي لو هو يقدر نفسيتي
بس تدرين اقولك وبصدق انه يصير زي البركان وبس يطفى ويهدى يجي يعتذر بسرعه
الحمدالله على كل حال
والله يوفقك ويهنيك بحياتك يا عذاري والله احس انه همي يروح لما اشكي لك

 

[&Athari&]

الشمالي غيور جداً جداً ... و يحب أن يكون الشخص الوحيد بحياة من يحب ...

كما ان ذلك يرجع للعادة و التربية و البيئة المحيطة ...

بالرغم من ان الغربي متحرر فالشمالي منضبط و حازم بالكثير من الأمور ...

و ردود الفعل تختلف بين الشرقي و الغربي ... انما الاحساس قد يكون واحد !!

و أنا لا أتحدث عن زوجي ... فأنا أعرف الكثير من الشماليين و معظمهم غربيون ... و الغيرة عندهم كبيييييرة

اتمنى الاخوات يعطون رايهم
هل فعلا الشمالي غربي غيور

يعني لو من درجة عشره كم تعطونه بالغيره
وحل الامتلاك​

 

[(A7LA)]

اتمنى الاخوات يعطون رايهم​

هل فعلا الشمالي غربي غيور​

يعني لو من درجة عشره كم تعطونه بالغيره​

وحل الامتلاك​

غاليتي عذاري...

نقطة رائعة للحوار و تبادل الخبرات ...



و نصيحتي لكل زوجات الشمالي الغربي ...

اقرئي قصة أم الوليد فأبو الوليد شمالي غربي ...

و انظري كيف يغار على زوجته ... و كيف يحب ان يكون محور اهتمامها حتى لو تزوج عليها ...



فكما ذكرت سابقاً ... الأمر يرجع للبيئة و التربية ...


تقبلي تحياتي

 

[روعة أنثى]

أعتقد أن الغيرة صفة موجودة في جميع الرجال اللذين عاشور في الشرق .........وهي صفة نابعة من الدين في المقام الأول ..........وهي محمودة عندما تكون بحدود معقولة .​

 

[النواعم]

احلا

ذكرتي ان الشمالي الغربي غيور ويحب التملك
انا اتوقع عشان زوجك بين الشرقي والغربي
فيه الصفه ذي
لكن مو كل شمالي غربي

ماادري هذا رايي​

بصراحة زوجي مو غيور مرة ..غيرته بسيطه ..يمكن لأنه عاش بمكان منفتح قليل ..وأنا عشت ولله الحمد بمكان محافظ..

 

[بسمه الحلوين]

شكرا على الرد والله يوفقك انشاء الله انا شماليه شرقيه بنتيجه البوصله وللاسف دايم هذا اسلوبه اسلوب التهديد واذا طلبت الطلب بغض النظر عن السفر لازم يخليني فتره طويله علشان يتنفذ واذا كررت ياجل اكثر وانسي انه يقترح طلعت مطعم اوتغيير بس يحب الطلعه لربعه واذا تشادينا انا وياه وصار مشكله يطلع ويخلي البيت ولا يسال عني ولا عن العيال سبحان الله بالرغم ان شخصيتي بين الناس واهلي قويه وواثقه والكل يحترمني الا ان هذا الشي فاقدته عند زوجي والله يجزاك خير قولي لي في هالمواقف كيف اتصرف واقولك بعد اني سبحان الله مااتحمل زعله ابدا

 

[ماسة وحيدة]

اتمنى الاخوات يعطون رايهم
هل فعلا الشمالي غربي غيور

يعني لو من درجة عشره كم تعطونه بالغيره
وحل الامتلاك​

اولا اقدم لك جزيل الشكر لأهتمامك بمشكلتي

وانا الأن افكر بالتنفيذ

ثانيا بالنسبة للغيرة اعطي زوجي واحد من عشرة عشان ما اظلمة

​