عطوني رقم أخصائيه نفسيه

[عذاري المزيونه]

أنا عندي مشكلة متعبتني وايد ؟​

أنا فتاة عمري 24 سنة أكبر وحده في خواتي وعندي خوات اصغر مني بسنه وسنتين وعندي خوات صغار.....​

أنا أحب أمي بس هي ماأعرف إذا تحبني ولا لأ أمي ماتحضني إلا لو صارشيء ​

ولا مره قالتلي أحبش فجأه من نفسها ماتلمس يدي ماتبوسني ماتمسح على ظهري ماتمدحني , انا اسوي كل إللي تبغاه مني وهي بعد تجيب لي كل إللي أبغاه وإللي ناقصني , بس ساعات احس إني خدامه عندها كله تعاملني بجفا كل يوم بدل اسمع منها كلمة حلوه أسمع هاتي ,جيبي ,ودي, نظفي بس هذا الكلام اللي اسمعه منها دايما وبالاخير ماألقى منها غير السب والهواش,​

مره قلت لنفسي بحاول إني أسوي لها كل إللي أقدر عليه مره دخلت غرفتها ونظفتها وبخرتها وغسلت ثيابها سويت كذه عشان كنت بغيتها تحبني تحضني تمدحني هي بس قلت اللي قالتلي ليش تعبتي نفسج بعدين تقولي شاطره بس انا مكان قصدني اني اسمع هالكلمة كنت ابغاها تقولي حبيبتي , احبش ؟​

ومره امي راحت السوق ,وانا كنت قاعده في البيت قالت لي غسلي الثياب و انتبهي على خواتج أكليهم ونيميهم ,​

سويت إللي قالت لي عليه أكلت خواتي ونيمتهم وكنت قاعده عندهم مستنيه أمي تيجي وكنت على أمل إنه قلبها يحن لي بس للأسف لما إجت كانت معصبه لإني مارديت عالتليفون نسيته عالصامت لإني كنت أنيم خواتي سبتني قالت لي انتي كلبه وحماره قلتلها انا مب كلبه ولا حماره قالتلي وحيوانه بعد! انا عن نفسي زعلت وخذت بخاطري لإنه إنتظاري له كان عالفاضي مالقيت غير الجرح وبعدين قالتلي بكل بساطه بكل خلاص روحي حسيت إني خدامه عندها نفس الخدامة لما تخلص مهمتها تقولها خلاص روحي ؟؟​

انا سويت لها كل اللي تبغاه مني وبالاخير تنسى كل هذا ​

وتسبني على اتفه الاسباب وانا اللي كنت منتظرة اني القى منها كلمة حب ​

أنا متضايقه لإنها سبتني على اتفه الاسباب ؟؟​

​

أنا دايما أشوفها تحب خواتي وتحضنهم انا شو ذنبي ماألقى هذا الشيء منها تعبت وانا احاول اني ألفت إنتباها عشان تعاملني مثلهم اقول كلام عشان بغيتها تفهم بس تصدمني لما تشوفني أطالعهم تقولي غيره حره على قلبج هي على نيه تقول كذا بس مادرت انه من كلامها هذا انها تجرحني تعذبني انا اقول في نفسي هذه مب غيره هذا احتياج انا بحاجة لهذا الشيء بس هي تحسبه غيره , ​

ماأدري ليش تسوي فيني كذه ساعات احس انها تكرهني واحس انها ماتبغا تحضني !!​

مره كتبت لها في ورقه بكل اللي في خاطري وشافت الورقة وبكل بساطه جت عندي وقالتلي هذا كلام مسلسلات ؟؟؟​

ألحين الحب والحنان صار كلام مسلسلات ؟!!​

من بعدها صرت ماأصارحها في اللي داخلي ,​

انا ساعات اطالع مسلسلات بس لما اشوف أم تحضن بنتها أتأثر وأبكي أقول في داخلي ليتها كانت أمي ؟؟؟​

قولولي وين ألقى حد تحبني وتحضني من كل قلبها اريد تكون عندي أم تكون إلي لوحدي ماحد يشاركني فيها تحسسني بكل الحب والحنان وتدلعني ؟؟؟؟؟​

مع العلم انه قبل جالتلي حاله نفسيه (اكتئاب ) وقريب اتشافيت من هذه الحاله ​

والحين اخاف لترد لي الحاله مره ثانية بسبب مااكتمه بقلبي !​

أرجو منكم ان تساعدوني في حل مشكلتي إللي تعبتني ؟؟؟​

الى كل من تستطيع في حل مشكلتي تراسلني عبر الايميل : ​

[email protected]​

​

 

[الروح التائهة]

من كثر ضغوط الحياة والمشاكل بدور علي احد يساعدنا

 

[امة الله الحبيب]

ربي يألف بينك وبين زوجك ويزيل عنك الغم والحزن الي في صدرك حبيبتي

 

[فوازr]

وربي احتاج رقم اخصائية نفسيه لاختي الله يوفقك
يشهد الله علي اني صادق ومحتاجه بخليها تكلمها يمكن ربي يفرج لها على يدينكم الله لايحرمكم من الاجر