عطوني رايكم الحين ضروري تكفون

[حلا الترك]

مساء الخير طبعا مشكلتي تقدرون تدخلون عليها لأني الحين ابغى اعطيكم اخر التطورات وهي اني أمس كتبت لزوجي رسالة بكل الامور الي صارت منه بالتفصيل الممل ومعرفتي انه يشوف مقاطع وصور وتركته في البيت ورحت بيت اهلي لكن على طول أول مافتح الرسالة جاء وخذاني من عندهم ويقول وش السالفة أنا ماقريت الا أخر الرسالة قلت ماكتبت عشان أتكلم قال لازم تقرينها وقريتها وتناقشنا فيها كلام واجد الزبدة أنه قام يقول ليه تفتشين وراي خليني اتنفس الكل يشوف وهذي موخيانة انا ما اهنتك بشي ولاقصرت عليك حتى قدامك مااحسسك المهم انطاكيت رافضة مبداه وقلت ابغى اعيش معك مثل الاخوان وخذ راحتك خلاص مالك شغل فيني قال لا هذا الكلام مايصير انا احبك واحترمك ومستحيل اتركك واذا يرضيك انا بامسح كل البرامج اللي عندي وصدقيني انا مومتغير عليك عشان البرامج انا عندي ضغوط ماتعرفينها قلت خلاص باجلس لكن لاتطالبني أكون زي اول على طول أحتاج وقت قال لا خلاص هذا احنا تناقشنا وانتهى الموضوع لكن انا اصريت انه يخليني على راحتي قال خلاص المهم توني راجعة البيت لكن موعارفة كيف اتصرف بالضبط يعني أكون رسمية ولااتكلم معه ولا انام في نفس الغرفة ولاكيف عشان يعرف اني جدية في زعلي ولا يأخذ اللي صارلى انه موقف عادي تكفون عطوني رايكم بأسرع فرصة

 

[الحياه وقفات]

خليك رسميه معاه وهاديه قدر الامكان ممكن تنامي عند اطفالك وخلي الحزن يبان على وجهك حتى ادا جاء يتفاهم معاك حطي النقاط على الحروف الله يسخر لك زوجك ويهديه

 

[يالوردي]

لا انتبهي تخلين غرفتك
عشان زوجك مايتعود على بعدك وبكل مشكله كبيره
اوصغيره يخلي غرفتك وينام برى
نامي بغرفتك بس خلك ثقيله وصارمه معه

 

[ساره الدمشقيه]

زوجك انسان فاهم وباين يحبك وحذف كل البرامج عشانك اظن هاذي نقطه تنحسب له اختي الله يهدي بينكم ترى الرجال ما يحب كثره الزعل

 

[نونه الحنونة]

لا تروحين بيت اهلك و لا تطلعين من غرفتك ,, لا تعودي زوجك على الجفاا بالذات ان سالفته فيها مقاطع و صور هذا معناته ان محتااج جنس و برضو لان حرام تردين زوجك اذا طلب منك هذاا الشي ..

انتي اذاا رجعتي لا ترجعين طبيعيه خليكي جادة معاه شوي بس بدون فضاضه ,, و اذا صاار و طلب منك جنس صريح لا تردينه لانه اكيد حااس انه غلط و يبي يصلح الامور ,, و تأكدي انه ممكن تكون آخر محاولة منه لمصالحتك ^^

و الله يهديه و يسخره لك ياا رب ..

 

[حياتي بناتي وبس]

لاتكبرين السالفه ولاتطولين بالزعل بس خليك واضح انك انصدمتي فيه

والله ييسرلك يارب

 

[الاميرة سنفورة]

عاملييه برسميه لحد ماتحسي انو صاادق ترى بسهااله ماينفع علطاان يتحمل حتى لو مسسحها

 

[omraid]

زوجك بيحبك ومبين انه طيب لاتكبري السالفه وتنامي مع الاولاد
لاتلجئي لهذا الحل ابداا حتى لو مشكله كبيره لانه بيتعود على
الجفا والهجران....وبعدين زوجك صادق ليه تفتشين وراه الان
اوراقه انفضحت قدامك فما حيكون يحس انه في شي خايف
منه وكمان يحس ان مكانته اهتزت عندك فيمكن يزيد يعاند
بس مبين عليه انه طيووب...
الان المطلوب منك تعامليه ولا كأن صاير شي وزيدي جرعات
الدلع له ساويله مساج وسويله اكلات يحبها
واهتمي بنفسك اكثر واهم شي الابتسااامه
خليكي طول الوقت مبتسمه في وجهه زوجك جنوبي هذا
اللي ينفع معاه يعني سايريه مثل الطفل ولاتروحي لاهلك مره ثانيه ...
والحمدلله انه رجعك لو واحد ثاني كان كبر السالفه
وعملك مشكله عويصه غويصه
يمكن مره ثانيه يعاندك ومايرجع لك ويتعود على فراقك
زوجك جنوبي ماينفع معاه البعد والا انتي الخسرانه بعدين
خلاص لاتفتشين وراه لان يمكن يرجع
يشوف بس من وراكي لان اي شي ممنوع مرغوب
انتي رجعيله ثقتك اللي اهتزت فيه
قليله انك واثقه فيه ومن هالكلام حتى لو شفتي عنه شي رجاااء
عشانك مو عشاني لاتوسوسين وتقهري نفسك وتجلسي
تراقبيه هذا كله ماله داعي ...بس اهتمي بنفسك اكثر وبيني له انك
واثقه فيه ومش عارفه باللي يسويه يعني طنشيه بس دلعيه بنفس
الوقت...واشبعيه جنسيا....بعدين هوه بنفسه بيمل ويبطل
بس لاازم تصبري عشان تخليه يبطل وعليكي بكثرة الاستغفار والله لما اكون
فيني هم الجا للاستغغار والله ان همي يتحول الى
سعاده والى راحه عجيبه...ادخلي ملف الجنوبي واستفيدي اكثر
الله يوفقك ويبعد زوجك عن الحرام