عطوني حل خلاص تعبت

[عروس قمر]

السلام عليكم بنات شخباركم كأپيكم تساعدوني أنا متهـاوشهـ مع ريلي السبب البلاك بيري يوم الخميس اشتري جوالين بلاك بيري واحد لي واحد له وقاعدين إمستانسين أونظبط شالجوال المهـم يوم الجمعة أنا رحت بيت جدي اشوي الا متصلي يقولي أنه راح المحل وحط مخفي على شاشة البلاك بري فقلت له أنا بعد أبي قال لا انتي ممنوع فقلت له ليش قال بس انتي لا قلت وأنت ليش حاط علشان شنو قالي بس جذي قلت لا مب جذي علشان ما تبيني أشوف مع من تسولف وتكلم بدينا قالي مالج خص ولا بسحب منج الجوال قلت خذه عادي ما بموت لوخذته مني المهـم خذا الجوال مني بصراحه انا گاتبه الموضوع اني گرهـته بعد هـاي السالفة وحاقده عليه ومش واثقه فيه وحاط رقم سري على الجوال قولوا لي شسوي لا تقولون ليش ما تثقين فيه بقولكم إني صايدته أگثر من مره مره يگلم بنات ومره عنده جوال ثاني خاشه ومرهيشوف افلام وصور اباحية وألحين بلا ك بيري ورقم جديد اسبشل مشتريه 7000 اهـو يوم الجمعة ماگان يگلمني وأنا بعد مطنشه والعب مع بنتي ولا گأنه موجود وثاني يوم يحاول يگلمني ويسولف معاي وانا اتگلم بس قد الحاجه ومطنشه حتى وقت النوم متعود إني ارقد بنتي وبعدين نقعد نسولف ونضحك ونلعب ونسوي كل شي اهـو يحاول بس مب قادرهـ اطنش هـاي المره ولا اضحك معاه مثل قبل شايله في قلبي مش عارفه عطوني حل شسوي

 

[مهتاب]

عزيزتي
بالنسبة للموبايل صدقيني ما يحتاج تزعلي من زوجك بسب شي ما يستاهل
أما بالنسبة للإنك صايده أكثر من مره يكلم بنات ويشوف أفلام إباحيه، حبيبتي إذا هو عنده وقت فاضي لهل الأشياء ليش ما تستغلي أنت وقته وتكلمه كعشيق لك يعني قول له أنا بروح غرفة العيال وانت خلك في غرفة النوم واتصلي عليه كانك بتكلمين عشيقك مش زوجك وتكوني حليتي مشكلة المكالمات مع غيرك
اما الأفلام الإباحيه وفري لزوجك كل ما يحبه يعني صوت وصوره وخبري قولي له شو رايك نسوي فلم أنا وانت وعلى شرط يكون فلم إباحي يعني قولي له يكون شوي جريء .
واتمنى أكون قدمت لك شئ مفيد والله يوفقك إنشاء الله .

 

[ام لــودي]

انا اقولك الحقي على نفسك وحاولي تخلينه يبيعه
لان انا زوجي يوم شرا البلاك تغير علي بالمره عنده مليون بنت
عاد على حسب زوجك لايحط رمز عنك اهم شي اذا كان ماوده يبيعه

 

[ماليزيا]

شوفي حبيبتي الحين كلهم بلاك بيري الا من رحم الله ,لا وبعد توقعي بيتفرج على كل شي
الحلو والـــــــــبطـــاااااااال ,بس انت غلطتي كان يوم قالك حط مخفي كان طنشتيه ولا اهتميتي يعني بروووود
بكذا هو ينقهر ,
عاملي زوجك كأنه صديقك والله ترتاحين نصيحه لأنك لو راقبتيه من اليوم ورايح
راح تجينا الله لا يقدر عليك بعد فتره وتقولين بتجيني الجلـــــطــــــــه
اهتمي بصحتك انت وكتكوتك الله يحفظها لك

 

[بنت الخ ــليج]

يعني المشكلة مب البلاك بيري أختي
ريلج فيه أكثر من جانب سلبي
بس يبيلج الصبر و الحكمة
كيف تملكينة و ينجذب لج
كيف لمن يكلم وحدة يتذكرج و يحس بتأنيب الضمير
كيف يحس بيج كزوجة و حبيبة مب الجلاد
لأن أحين معظم الرجال جي إلا من رحم الله
و الحكيمة تعرف تتصرف بعقل
اقعدي على رواقعة
و فكري من وين تبدين
بذكاء و عقل ....

ولا تنسين تدعين الله و تلجئن له
والله يوفقج أختي
​

 

[فطوش2]

صباح الخير

صباح الخير شوفي اختي غيرك كثير والله يعينك والله لا يوفق هولاء البنات صح بنات الحرام ماخلو لبنات الحلال شي خليك زي ماانتي طنيشيه وطنيشيه الين مايجي عندك وبيسالك اشبك ذيك الساعه واجيهيه وقولي كل الي في خاطرك وانشاء الله ينعدل

 

[المــهــا]

ربي يفرجها علي وعليك وعلى المسلمين ياحي ياقيووم

 

[مستشار]

تفكيرك بالموضوع يزيد همك

خليه مصيره يرد

ضغوطاتك عليه بتنفره منك وبيزيد عناده

وانتي الي بينقهر

لذالك حاولي ماتفكري بالموضوع وفتره بيطفش وبيرجع لأن مثل هالامور والله ماتدوم

مايدومله الا زوجته خلي الايام تعلمه

واحتسبي الاجر

 

[*..الحلوة..*]

والله لو مكانج بدون ما اتكلم بروح وبحط مخفي بدون ما اقوله وبحط قفل على موبايلي ويوم توصلني رساله بضحك بصوت عاااااااالي ولا ببينله اني عرفت شي عنه وبحاول اهتم بنفسي ازيادة واكشخ واكون وحدة غير في شخصيتي واكون غامضة شوي يمكن هو يعرفج ويحس انتي عادية عشان جذية يخون الرجل يحب المراة القوية والجريئة والغامضة