عضوه جديده وثقتي بك قويه بعد الله عز وجل

[بحياتك من اكون]

السلام عليكم ورحمه الله وبركاته

اتمنى تفيدوني وتقولولي كيف اتصرف

بنات انا متزوجه من سنه وشهر 10 ذا اتم سنتين وعندي بنت الله يحفظها لي
زوجي مطلق وعنده من زوجته ولد وولده يجينا من فتره والثانيه

عموما زوجي الان بدوره مدتها 6 شهور
ومرات يجي بعد مرور اسبوعين ومرات يقعد شهر ويجي ويخلص م دورته شهر 1 الجاي على خير انشاءالله

المهم توه جاء من دورته اخذني من بيت اهلي وصعد الشقه شوي وطلع ورجع على 12 بالليل وجاء الساعه 12 المهم وصار الحق الشرعي وطلع الساعه 3 الفجر تحت عند اخوانه بالديوانيه وماجاء الا 6 الصبح
وعلما ان مدت قعدته 10 ايام بس المهم جتني الدوره باليوم 2 وقام من يقعد من النوم ينزل يتفطر ومايجي الا الصبح او احيانن على الفجر يوميا هذي حالته
المهم يوم اللي بيسافر فيه
هنا السالفه
اتصلت عليه وكانت الساعه 12 بالليل قتله شخبارك فلان وش مسوي وكذا وبعدها قال بجي بعد ساعه او ساعه ونصف قلت اوكي
تكشخت ولبست ونطرت لمن جت 2 دقيت قال عند الربع شوي واجي

وانتظرت وجت 4 ونصف الفجر طفشت رحت غسلت وجهي ولبست بجامه وجلست على التلفاز جت 6 الصبح طفشت قلت بروح انام وهنا تضايقت
ودخل البيت 6 ونصف وانا كنت اشرب بنتي حليبها

اول مادخل سال صليتي قلت اي من زمان
ثم قال تاخرت حيل ولا شوي جان اقوله تاخرت مو حيل الا بزود وتاخرت عن الحد الطبيعي
وبعدين دخلت الفراش وتعطيت به وعطيته ظهري وهو يقول سولفي معي شفيج قتله تعبت من الجلسه وراسي يعورني بنام مليت وانا انطر

جان يقول انا متضايق الاني بسافر باجر زهقه وماوياي احد ويتغشمر ويبي يضحكني جان يقول سافري بدالي وانا طفشان

جان اقول لو طفشان ليش تعبت نفسك جان ماجيت جان جلست عند ربعك
مارد علي وقال لفي علي انا اكلمج قلت ماابي الف انا تعبانه

المهم يوم قعدت الصبح سويت الغدا وانا اتغدى جاء وتغدى معاي ويقول شحلوج اليوم صايره بيضه وكذا انا ماعجبني كلامه احس بس كذا يبي يشوف نفسيتي
مارديت عليه وقال تبيني اوديج ولا تروحين انتي
قلت ودني بيت اهلي قبل لاتروح المطار قال اوكي
ووداني بيت اهلي ولمن جت الساعه 1 بالليل دز مسج ويقول به انه وصل انا مارديت عليه المسج ولاتحمدت بالسلامه الا بعد مادز باليوم الثاني فلانه شفيج ماسالتي عني
دزيته مافيني شيء والحمدالله على السلامه
ومادز شيء ...

وانا حاز بخاطري انه كل وم يتاخر وحاط ربعه كل وقته يعني ايامك محدوده بالديره وبعدها بتسافل اهلك اولى من ربعك وحتى لو كان مو مسافر اذا يبي حقه الشرعي جا بدري واذا مايبي سهر للفجر
وانا بالتعامل هذا احس انه مو حاطلي اعتبار

بنات شنو اتصرف تتوقعون هو حاس انه حاز بخاطري شقول لو دز مسج يسلم او اتصل ارد بنفس ولا شسوي

علما انه لو اقوله يافلان حاز بخاطري انه وقتك حله عند ربعك وكذا بيقول تتحكمين فيني ولا تبين تمشين كلامج علي وتحددين متى اطلع ومتى ارد ومن هالكلام

وعلما ان انا كتومه ولو زعلني ماابين له واتبع اسلوب مثل اللي سويته الحقران

الان احس ان عزت نفسي ماتسمح مااحب احد مايحطلي اعتبار وهالشيء يجي منه هو مو مني
شسوي لو دق او دز مسج

هو صارله 3 ايام مسافر الحين وللحين ماتكلمنا مع بعض الا بالمسج اللي دزه ودزيته بس

شورو علي ياخواتي يابلقيسيات


واسفه على الاطاله\\


دمتم سالمين

 

[بحياتك من اكون]

يابلقيسيات وينكم

 

[حرب الأحساس]

فعلا هو غلطان ويبغاله لفت نظر من ناحيتك
وزوجك انت أدرى في الأسلوب الي يناسبه
وخير الأمور الوسط مو تطنيش جامد ولا مسامح مررة
وربي يسخره لك

 

[بحياتك من اكون]

ماقصرتي حبيبتي على الرد وجزاج الله خير

اتمنى النصيحه بكل دقه ومشوره

دمتم سالمين

 

[الورده الشرقيه]

طيب ليش يسوي كذا معك هو من الاول كذا يعاملك
اذا هالشيء جديد يمكن من الدوره اللي اخذها بعدته عن ربعه ووناستهم
فاشتاق لهم ويبي يعوض الايام اللي راحت
انا اذكر رجال اول نص الوقت بالشغل وربعه مع زوجته والربع الثاني لاخوياه والديوانيه
اما الحين ثلاث ارباع وقتهم لاخوياهم وربعهم سبحان الله مايملون منهم ابد
انتي تصرفك زين خليه يحس بغلطه
وخليه يتندم على اللي سواه انتي لك حقوق منه مثل ماهو له حقوق منك ولابس يتذكرون اللي لهم وينسون اللي عليهم
وثلاث ايام اتوقع انها كفيله بانه يحس بغلطته لانه من قبل يسافر وهو حاس بغلطته تلقينه الحين ينتظر متى تتصلين عليه
ادحري الشيطان ودقي عليه وكلميه واسالي عن اخباره
والدنيا ماتسوى
والله لو يصير له شي كان تتندمين بسم الله عليه والله يخليه لكم ولا يحرمكم من بعض
هو الحين بامس الحاجه لك بس الشباب كلهم كذا طولي بالك وكلميه ومايصير الا الخير
موفقه

 

[طيف الروح]

الله يعينك

الله يفرج همك ويسخره لك

السهرات مشكلتهااا مشكله

تح ـيآتيـ؛]

 

[بقلاوة]

الله يعينك بس لو دزين مسج تقولين فيه انك ماخذه ع خاطرك منه وووو.......
يعني عاتبيه ودلليه بنفس الوقت

 

[بحياتك من اكون]

حبايبي مشكورين على الرد

صار تفاعل وتفاصيل
دز مسج وقال كتالي
قوه حياتي شلونج وشخبارج

رديت هلا فيك تمام وانت شخبارك

دز تمام الله يسلمك
وابشرج الاسبوع الجاي عندنا اجازه
دزيت على خير انشاءالله وحياك الله

دز تبيني اجي او لا

دزيت اكيد ابيك تجي وابيك لي بروحي ماشبعت منك مو كل وقتك لربعك ماشبعت منك

جان يدز هههههههههههههههههه انشاءالله ومايصير خاطرج الا طيب

شرايكم
استمر بثقلي وكلامي الرسمي لمن يجي