م ب ع ث ر ة
New member
- إنضم
- 2010/07/02
- المشاركات
- 13
السلام عليكم ورحمة الله وبركاتة
اخواتي انا متزوجة من 3 سنين ونص ومشكلتي مع زوجي بدت من اول ايام حياتنا
هو كان متزوج قبلي وطلق ولما سألنا عن سبب الطلاق عرفنا ان زوجته غير قادرة على الأنجاب فقط لاغير
استخرت وتوكلت على الله ووافقت بعد الملكه بدء يجهز البيت وكان عنده بعض الاشياء من بيته الأول مثل صالون وثلاجة وفرن واشياء غيرها
قالي هالاشياء جديده وما استخدمت الا شوي بس بعد الزواج بغيرها لك شوي شوي عشان لا اضغط على نفسي قلت اوكي مافي مشكله
وبعد الزواج اكتشفت ان هالاشياء كلها قديمة وخربانه ولاهو ناوي يغيرها اصلا بسبب بخله سكت وقلت مع الايام الله بيهديه ويقتنع ويغيرها
ولقيت ان الامور تسوء ما تتعدل يعني صار يبخل بكل شئ حتى بمونة البيت اذا حبيت اختار شئ يهاوشني ليه تأخذين هذا وفي المنتج الفلاني أرخص منه ويسوي سالفه وحتى اذا بغيت اشتري اي شئ ازين فيه بيتي يرفض وسطت ابوي قعد وتفاهم معاه ومافي فايده الا زاد عند وكبر وصرت أحس أني مالي اي حق ببيتي وغير كذا عنده هوايه تصليح الاشياء والتركيب وخلا غرفه بالبيت لمعداته غير مفكاته ومناشيره المنتشره بالبيت يعني كأني عايشه بورشة مهمل ببيته لابعد حد
ولقيته يهمل في صلاته ما يصلي الا قدام الناس والله يمر الشهر واكثر ما صلى جمعه وحده
نصحته مافي فايده
وعايش معي ولاكأنه موجود دايم عند الكمبيوتر او البلاي ستيشن واذا كلمته ما يرد او طالع يلف بالشوارع مع اصحابه وحابسنا وحارمنا الطلعة واذا ضغطت عليه نطلع نلعب البنت يطلع معصب ومعبس ويهاوشنا قدام الناس ادري بتقولون يمكن الغلط منك والله حاولت الفت انتباهه بلبس ما فاد صرت ادلك كتوفه ورقبته وهو يلعب برضوا مافي فايدة اقطع الفاكهة والحلا وأكله بيدي مافي فايده الين زهقت وبطلت كل شئ
فكرة بالطلاق اكثر من مره بس عندي بنت وخفت عليها وحاليا انا حامل بشهري الاخير
كنت تعبانه من الشهر الخامس اعاني من وجع شديد فى الظهر بسبب نزول المشيمه طلبته اروح ارتاح عند اهلي ورفض بحجة انه ما يقدر يعيش لحاله قلت جيب شغاله رفض بحجة انه مايبي احد غريب ببيته صبرت شهر زاد وظعي سوء وصرت اهمل بنظافة بيتي وجاني فقر دم سبب لي دوخه صرت حتى الطبخ ما اقدر اطبخه لاني ادوخ مع الوقفه كلمته مره ثانيه رفض وهالمره قالي بتروحين روحي لحالك وبنتي عندي صبرت شهر صار بيتي وصخ ونأكل من المطاعم ولا يجوعنا ويعيشنا على نواشف والله اني احياننا اترجاه يجيب أكل من جوعي ويرفض لا يرحمني ولا يرحم بنته يقول انتي تدلعين هذي مو اول مره تحملين حتى الدكتورة صارت تعطيني محاظرات بسبب سوء التغذية لان وزن الجنين قليل وبعدها جتني حساسية حمل صرت ما انام منها ليل ولا نهار من حرقتها واتعبتني نفسيا ومنعني الدكتور من أكل البيض والحليب ومنتجاته والتونة وبعض أنواع الفاكهة يعني الاشياء اللي كنت عايشه عليها الحين مقدر أكلها و قررت اني اروح لاهلي سواء رضي او رفض وبالفعل رحت بس اخذ بنتي مني وحرمني منها يومين لا اشوفها ولا اكلمها ما قدرت اتحمل ورجعت
واعطاني ابوي فلوس وقالي اشتر ي فيها اللي تبين الين الله يفرجها عليك وصرت اكل من هالفلوس عشان ما يذلني لانه اذا جاب اكل يرميه على ويقول لا تتوقعين اني بأكلك كل يوم من المطاعم او ادفعلك 40 او 30 يوميا والله لجوعك
صرت أكرهه وأكره بيته وصابره ابيه يوديني لبيت اهلي أولد وماني راجعه لان الزواج موده ورحمه والموده انتهت والرحمه ما ضنيت بقلبه رحمه بس اللي ذابح قلبي اني كل ما شفته يلاعب بنته انهار لاني بحرمها من ابوها بس انا ما اقدر اعيش بهالحرمان والهم ومن حقي يصير لي بيت زي الناس مو ورشه
سؤالي هل أنا غلطانه في قراري واذا انتوا مكاني بتتصرفون زي لاني احياننا أحس اني أنانيه وما فكرة الا بنفسي واني بظلم بنتي بس انا عارفه نفسي مقدر اعيش معه دام كرهته وكذا بظلم نفسي وبظلمه لاني مقدر اعطيه حقوقه بسبب كرهي له
ياليت تعطوني نصايحكم
اخواتي انا متزوجة من 3 سنين ونص ومشكلتي مع زوجي بدت من اول ايام حياتنا
هو كان متزوج قبلي وطلق ولما سألنا عن سبب الطلاق عرفنا ان زوجته غير قادرة على الأنجاب فقط لاغير
استخرت وتوكلت على الله ووافقت بعد الملكه بدء يجهز البيت وكان عنده بعض الاشياء من بيته الأول مثل صالون وثلاجة وفرن واشياء غيرها
قالي هالاشياء جديده وما استخدمت الا شوي بس بعد الزواج بغيرها لك شوي شوي عشان لا اضغط على نفسي قلت اوكي مافي مشكله
وبعد الزواج اكتشفت ان هالاشياء كلها قديمة وخربانه ولاهو ناوي يغيرها اصلا بسبب بخله سكت وقلت مع الايام الله بيهديه ويقتنع ويغيرها
ولقيت ان الامور تسوء ما تتعدل يعني صار يبخل بكل شئ حتى بمونة البيت اذا حبيت اختار شئ يهاوشني ليه تأخذين هذا وفي المنتج الفلاني أرخص منه ويسوي سالفه وحتى اذا بغيت اشتري اي شئ ازين فيه بيتي يرفض وسطت ابوي قعد وتفاهم معاه ومافي فايده الا زاد عند وكبر وصرت أحس أني مالي اي حق ببيتي وغير كذا عنده هوايه تصليح الاشياء والتركيب وخلا غرفه بالبيت لمعداته غير مفكاته ومناشيره المنتشره بالبيت يعني كأني عايشه بورشة مهمل ببيته لابعد حد
ولقيته يهمل في صلاته ما يصلي الا قدام الناس والله يمر الشهر واكثر ما صلى جمعه وحده
نصحته مافي فايده
وعايش معي ولاكأنه موجود دايم عند الكمبيوتر او البلاي ستيشن واذا كلمته ما يرد او طالع يلف بالشوارع مع اصحابه وحابسنا وحارمنا الطلعة واذا ضغطت عليه نطلع نلعب البنت يطلع معصب ومعبس ويهاوشنا قدام الناس ادري بتقولون يمكن الغلط منك والله حاولت الفت انتباهه بلبس ما فاد صرت ادلك كتوفه ورقبته وهو يلعب برضوا مافي فايدة اقطع الفاكهة والحلا وأكله بيدي مافي فايده الين زهقت وبطلت كل شئ
فكرة بالطلاق اكثر من مره بس عندي بنت وخفت عليها وحاليا انا حامل بشهري الاخير
كنت تعبانه من الشهر الخامس اعاني من وجع شديد فى الظهر بسبب نزول المشيمه طلبته اروح ارتاح عند اهلي ورفض بحجة انه ما يقدر يعيش لحاله قلت جيب شغاله رفض بحجة انه مايبي احد غريب ببيته صبرت شهر زاد وظعي سوء وصرت اهمل بنظافة بيتي وجاني فقر دم سبب لي دوخه صرت حتى الطبخ ما اقدر اطبخه لاني ادوخ مع الوقفه كلمته مره ثانيه رفض وهالمره قالي بتروحين روحي لحالك وبنتي عندي صبرت شهر صار بيتي وصخ ونأكل من المطاعم ولا يجوعنا ويعيشنا على نواشف والله اني احياننا اترجاه يجيب أكل من جوعي ويرفض لا يرحمني ولا يرحم بنته يقول انتي تدلعين هذي مو اول مره تحملين حتى الدكتورة صارت تعطيني محاظرات بسبب سوء التغذية لان وزن الجنين قليل وبعدها جتني حساسية حمل صرت ما انام منها ليل ولا نهار من حرقتها واتعبتني نفسيا ومنعني الدكتور من أكل البيض والحليب ومنتجاته والتونة وبعض أنواع الفاكهة يعني الاشياء اللي كنت عايشه عليها الحين مقدر أكلها و قررت اني اروح لاهلي سواء رضي او رفض وبالفعل رحت بس اخذ بنتي مني وحرمني منها يومين لا اشوفها ولا اكلمها ما قدرت اتحمل ورجعت
واعطاني ابوي فلوس وقالي اشتر ي فيها اللي تبين الين الله يفرجها عليك وصرت اكل من هالفلوس عشان ما يذلني لانه اذا جاب اكل يرميه على ويقول لا تتوقعين اني بأكلك كل يوم من المطاعم او ادفعلك 40 او 30 يوميا والله لجوعك
صرت أكرهه وأكره بيته وصابره ابيه يوديني لبيت اهلي أولد وماني راجعه لان الزواج موده ورحمه والموده انتهت والرحمه ما ضنيت بقلبه رحمه بس اللي ذابح قلبي اني كل ما شفته يلاعب بنته انهار لاني بحرمها من ابوها بس انا ما اقدر اعيش بهالحرمان والهم ومن حقي يصير لي بيت زي الناس مو ورشه
سؤالي هل أنا غلطانه في قراري واذا انتوا مكاني بتتصرفون زي لاني احياننا أحس اني أنانيه وما فكرة الا بنفسي واني بظلم بنتي بس انا عارفه نفسي مقدر اعيش معه دام كرهته وكذا بظلم نفسي وبظلمه لاني مقدر اعطيه حقوقه بسبب كرهي له
ياليت تعطوني نصايحكم
