عصبية زوجي ومزحه الثقيل ادخلو يابنات الله يستر عليكم

[ام حماده السكر]

السلام عليكم كيفكم عزيزاتي مشكلتي اني مره حساسه زوجي من النوع الي يحب يمزح وفي اشياء اي زوجه ماتحب تسمعه من زوجها وهي الحرمه الثانيه ومزحه عن الحريم الي معاه في العمل بحكم عمله مختلط وامس كنا طالعين انا وياه ونتكلم في موضوع قلي ادعي الله يهديني عشان هو يعصب كثير وانا حساسه ودايم تسير بيننا مشاكل بشكل مو طبيعي مع اننا نحب بعض كثير المهم نكمل لكم قلي ادعي الله يهديني ويهديك وادعي الله يزوجني فانصدمت وطالعت فيه بس مارديت وقاعد يضحك وقلي على طول زعلتي ويضحك قلت له ليش مو مرتاح معايه قلي من ناحية الشكل والجنس ممتاز ميه ميه:20: اما من ناحية الراحه النفسيه ماشي حاله :busted_red::busted_red: انا عصبت يعني حتى واحنا مبسوطين يقول كيذا كيف لو كنا متزاعلين ومره تزاعلنا عشان مشكلتنا تافهههههههههههههههه بس عشاني حساسه وغيوره وهو عصبي للعلم انه شمالي شرقي وانا جنوبيه تخيلو قلي انا متحسف على الخمس سنين الي عشتها معاك :tears: كلامه لمن يعصب والله والله يهد الصخر يسير اقسى رجل بالعالم ومايهمه انجرحت ولا لا كرهت كل الشمالين واذا بكيت ليش تبكين انتي نكديه وووو ويجلس يعدد عيوب العالم كله ويحطها فيني طيب ابكي من كلامك الجارح انا انثى مااتحمل اسمع هذا الكلام يفسر عاطفة المراءه انها دلع ونكد ايش اقول بس كيف اتعامل معاه لاتقولو رابط ومو رابط قريته وان شاالله اطبقه بس الي ماله حل هو كلامه عن الحرمه الثانيه خلاص طفشت لاتقولون طبيعة الرجال انا كرهت الطبيعه هاذي حتى احنا الحريم طبيعتنا مانحب نسمع سالفة الزواج من حرمه ثانيه لا ويقول 99 في الميه من الرجال فكرة الزواج من حرمه ثانيه عندهم حلوه بس التنفيذ صعب عندهم :30: بس انا ماابغى انا اصبر عليكي انتي وعيالي طيب ليش ليش ليش يحسسني اني مو زينه بس صابر عليها انا مو ناقصني حاجه بشهادة كل من شافني والله لو اقوله هذا الكلام ينجرح جرح مايعلمه الاربي بس لاني احبه ومالي عيني والله ياما شفت رجال فيهم جمال ووسامه وشيك بس عندي انا ولاشي ديكوووووووووووووووووووووووووور وهو لا يحبني اكيد زوجته وام عياله بس يعشقني لا ماليه عينه اكيد لا ليش ماادري اه اه قولولي كيف اخليه يبطل كلامه هذا كيف اقهره لمن يقولها عشان مايكررها مره ثانيه ردوا عليه عسى مثواكم الجنه امييييييين:39:

 

[دلع قلبه]

عزيزتي
هذا الزواج مسؤوليه وتحمل رجل يختلف تفكيره عنك كاانثى

لو افترضنا انفصلتي عنه بحثنا عن رجل
لايتحدث عن الزواج بااخرى!!
او رجل همه الوحيد ان يطلب رضاك وكلامه معسول!!
انا اقولك ابقي عزباء واسالي الله الجنه فهي اسهل بأمر الله تحقيقا
من وجود رجل مثالي يحمل الصفات السابقه!!!

(سمعت امس كلام مخيف لدكتور صالح الدقله استشاري اسري ومتخصص في علم البرمجه واحسبه والله حسيبه رجل صالح
المهم انه تكلم عن شخص عاش 10 سنوات يخاف من ان يصاب بالسرطان!!
فلم يستمتع طوال سنواته العشر المعافى فيها بهذه النعمه
يقول الدكتور اخشى والله ان يبتلاء حقا بمرض ليعلم عظيم النعمه التي كان فيها
وليعرف حديث الرسول اللهم صلي وسلم عليه
(انا عند ظن عبدي بي ان خيرا فله وان شرا فله)
فمن تتوقع السيئ والاسوء وتخشى وتخاف وتهدر عمرها فلاتشكر ولاتستمتع بما لديها من نعيم
تتحمل مايحدث لها من سوء ظنها بربها سبحانه جلا في علاه.

 

[ام حماده السكر]

دلع قلبه شكرا لردك ويشرفني وحده خبيره مثلك ومشرفه على هذا القسم ترد عليه والحمدلله على كل حال بس فيه رجال مايتكلمون عن الحرمه الثانيه وانا اعرفهم يعني مو كلهم كيذا وهذا الشئ يؤلمني وانا كتبت مشكلتي للفضفضه وللبحث عن حل التعامل مع الزوج الي يجرح حرمته بالكلام وشكرالكي مره اخرى

 

[-موج-]

حبيبتي اتوقع ان زوجك يحبك والدليل صراحته والا اكثر الرجال خبثاء وكتومين بحيث لا تعرف زوجته بماذا يفكر وكيف ولماذا؟؟الا ان زوجك يتحدث لك عن رغباته او افكاره وبالتدريج تستطيعين ابتكار طرق وديه تقنعه ان يكف عن الكلام عن زميلاته بالعمل واستمري بالاعتناء بنفسك وعطورك ومكياجك...ودائما اكسبيه بكلمات الود والحب لان الشمال يحب اسرته ويعمل المستحيل لهم ولسعادتهم وابعدي وسوسة الشيطان عنك ولا تغضبي او تعلي صوتك وانما دائما كوني لطيفه وبشوشه بوجوده وصوتك هادئ وواطي وعندما يخرج ابدأي واطلقي العنان لحبالك الصوتيه هههه...

 

[ام حماده السكر]

شكرا على ردك حبيبتي موج وان شاالله اعمل على نصيحتك وربي يوفقك ويصلح ولدكي لكي

 

[Ro0o7 AlWard]

ما اعرف اختي شو ارد وانصحج فيه لاني اعاني تقريبا من نفس مشكلتج
فالله المستعان

 

[تؤام روحي وقلبي]

اااااالله يعينك حبيبتي ويسهل عليك

 

[دمعتي عاخدي]

لايزعجك كلامه كل الرجال من ها لنوع انا زوجي يصبحني ويمسيني على هالكلام واليوم اللي مايتكلم فيه صرت اشك فيه لان الرجال اللي يتكلم عن الزواج بالثانيه مايسوي شي لاكن الرجال الكتوم هو اللي ينخاف منه والله يسخرلنا لزواجنا قولوا امين

 

[hadifa]

أكيد أنت تعرفين ماذا تفعلين مع الشمالي الشرقي

قوي ثقتك بنفسك وقولي له الشرع أباح أربع وابتسمي

وان شاء الله تكونين المرأة الوحيدة في حياته

 

[آحلآم طفوليه]

في وحده من الاهل كان يلعب معاها وهو صغير وذاكر شكلها منيح ودايم يكلمني على الزوجه الثانيه
ويذكر لي هالبنت والله ياني كرهت البنت هذي وانا ماشفتها غير مرتين بحياتي ولا جلست معاها
قلت له اذا تبيها وتحبها روح اخذها بس لا تقعد تقهرني بكلامك انا واثقه من نفسي ماقصرت معاك بشي
والحمدلله انا جميله ماناقصني شي
مع اني متأكده ميه بالميه انه يحبني ويموت فيني ولا يقدر ياخذ غيري
والي يطمني اكثر انه ماعنده امكانيه انه يتزوج ثانيه
لما يقول لي كذا اقول له روح اخذ الثانيه
بس انتبهي تقولي له روح اخذ الثانيه وانتي عارفه انه عنده امكانيه ياخذ الثانيه
ولازم تكوني متأكده من حبه لك ميه بالميه

 

[جمانه222]

ياعمري ليش مزعله نفسك....الرجال تسليتهم الوحيد الكلام عن الزواج الثاني!!!
زوجي شمالي شرقي ودايم يتكلم عن الزواج وانه يرحم العوانس والمطلقات وبيساعد في الحد من العنوسه....الخ
يعني هذي سالفتهم يبون يغيضونك ويشوفون غيرتك عليهم...
انا اذا قال كذا احيانا اضحك واقوله تراي حالفه عليك ماتتزوج ولاتقطع حلفي ههههه
واحيانا اقوله مايخالف تزوج بس قبل كذا طلقني اشوف نفسي واتزوج غيرك...واحيانا اقوله ماتلقى مثلي....ومن هالكلام يعني المسأله عندهم تسليه وانتي تسلي وبيني غيرتك وثقي بنفسك.
واللي تقول انا واثقه عشان مامعه فلوس انا مو معك في هالكلام لان الرجل اذا يبي يتزوج بيدبر نفسه خصوصا الحين الحريم يبن زوج فقط من دون مصاريف!!
يعني الرجال ماينضمنون بس ندعي الله مايشوفون غيرنا.

 

[zio0od man]

شوفي يالغلا دايم اللي يتكلم كثير بتزوج بتزوج تلقين كلامه خرررررررطي
والساكت هو المصيبه
انتي لو قال بتزوج لا عاد تتحسسين سوي كنه عاادي
امزحي قولي الله يبشرك بنفتك منك واضحكي على طووول عشان يعرف انها مزحه
لاتقعدين تتببكين ماعنده فيك وبيشوف نقطة ضعفك ويقعد وراك
اذا عصب دايم اسكتي
واذا بكيتي نصيحه نصيحه نصيحه لاتبكين قداااامه ابكي لوحدك بغرفه
الشمالي مايحب المرأه الضعيفه نهائيا
يحب القويه اللي واثقه من نفسها وماتنهد

الله ييسر لك

 

[ام حماده السكر]

شكرا على ردودكم اخواتي وهو فعلا يحبني بس تسير بيننا دايم مشاكل ومره وصلت لاهلي واهله كبرت المشكله كانت بتؤدي للطلاق بس ربي ستر يقول لو اني ما احبك ماصبرت عليك خمس سنين لاني انا حساسه واتضايق لمن يتكلم في المواضيع الي تزعلني يقولي انتي نكديه اوووووووووووووووف ماني عارفه ايش اسوي الله يعيني

 

[نفسي طموحة]

طنشيه ولاكانك سمعتي
وعامليه بالمثل لايان انك متلهفة عليه وانه يقدر بكلمة بسعدك ويشقيك
سعادتنا نحن ننسجها تنبع من ذاتنا وشكل زوجك من النوع الكتوم اللي يبدي مالا يخفي والعصبية عادي مافيه رجال ماهو عصبي نادر الهادئ في زمنا والحرمة الثانية والله ياشيخة ان ربي كتبها بتصيير بس انتي ادعي ربك انه يخليك الاولى والاخيرة بحياته وعيشي حياتك لاتموتين الف موته على سالفة الضرة اللي يزوج ربك احسني الظن به

 

[3afraa_33]

ثقي تماماً ان الشمالي ما يقصد ولا كلمه وقت زعله وان الي في قلبه شي ثاااااااااااااااني بالمررره

واقتنعي بهالشي وصدقيني بترتاحين


الزواج من ثانيه سالفة تضايق بس مو لهادرجه ان حتى مزح ما تقبلين كذا انتي ثقتك في نفسك زيرووو

هوني على نفسك حبيبتي واذا قال خليه يقول وش صار ... اما لو قالها جد ازعلي خلي لزعلك شوي قيمه .

وعلى فكره ترى الشمالي نادر ما يتزوج ثانيه

لا يغرك دقيق وملاحظته قويه ويشوف هذي وذيك ويحسسك انك عاديه ولا مو ماليه عينه على حد تعبيرك

الشمالي ماله في الثانيه ... طنشششششششي

وطالبي بكل الي تحتاجين لا تقصرين على عمرك .

 

[3afraa_33]

أكيد أنت تعرفين ماذا تفعلين مع الشمالي الشرقي

قوي ثقتك بنفسك وقولي له الشرع أباح أربع وابتسمي

وان شاء الله تكونين المرأة الوحيدة في حياته

غلط تعزيز هذي الفكره في رأسه . الأصل واحده .

 

[ندى الأزهار]

الله يعينك

 

[ليــــــــــان]

حبيبتي عيشي حياتك ويومك ولاتفكري في شي ماصار يمكن ميصير كمان الواحد مايضمن عمرة في الدنيا

 

[RedRose]

انا شخصيا اشوف ان الرجل اللي يتكلم مع زوجته بهذه الطريقة ويمزح معاها بهذا الشكل , يحبها ومستحييييييييل يتزوج عليها

شوفي ياقلبي الشمالي يعامل زوجته كأنها صديقة ,, يتكلم معاها عادي جداا وما يحب انها تنكد وتسوي الموضوع كبير بالعكس جربي اذا قال بتزوج تضحكين وتقولين له كييف تقدر تتزوج على حبيبتك ,, ومرة تقولين ييييييي بتنخدع فيك مسكينة ,, مرة كذا ومرة كذا خذي الموضوع بمزح وردي بضحك وشوفي الفرق , شوفي كيف رح يرتاح معاك اكثر وما يحس بالنكد

دائما اذا مزح لا تزعلين ابداااااااااا ,, كملي المزحة معاه وتجاوبي ,, ورح ينبسط وتنبسطين وشتوفين كيف مع الوقت يشيل فكرة انك نكدية من راسه

الشمالي يحب المرأة تكون امرأة ناضجة عقلها كبير , تفكر زين ,, انثى ,, بس ما يحبها تزعل كثير وتنكد وتصير عاطفية لانه ما يفهم العاطفة ما يحب الدموع ابدااااااااااا ,,, جربي لا تبكين فترة طوييييييييييلة وخليه ينسى دموعك ,, وشوفي كيف رح يهتم اذا شافها مرة ثانية , لانه بيحس بقيمتها ويعرف انك ما بكيتي الا لسبب قوي ومو بس عاطفة ودلع

خليك اقوى , وخلي شخصيتك شخصية امرأة ناضجة واثقة من نفسها متزنة ,, في نفس الوقت ناعمة وكشيخة وتهتم بشكلها
وابعدي عن العواطف لا تتكلمين عن مشاعرك دائما ,, ولا تقولين له احبك وما احبك بطريقة مباشرة الا نادرا عشان يحس بقيمتها ,, وما تصير شي عادي ماله طعم

والله يخلي لك زوجك ولا يشوف بالدنيا غيرك​

 

[لهب]

الله يسخره لج ان شاء الله حبيبتي اذا قدرتي تتحكمين شوي بحاسيتج الزايده بيكون احلى .. يعني مثل ما يحب المزح مزحي وياه بس لا تتجاوزين شراته .. قالج ادعي لي بالزوجه الثانيه .. قولي له ان مت سو اللي تباه حبيبي .. بس اذا بعد عمر طويل .... ف ظنك بتزوج؟؟؟؟؟ طبعا لا لانك الاول والاخير.. بسم الله عليك..