عصبية زوجي وعناد طفلي

[ليتني اموت]

مساء الخير للجميع

احترت وين احط موضوعي وفي أي قسم اكتبه
وفي الأخر قررت اكتبه هنا
و إن شاء الله يكون قراري صحيح
و ألقى تفاعل منكم وحلول تساعدني على القضاء على مشكلتي مع زوجي وطفلي


أنا امرأة متزوجة من أربع سنوات ونص ولي طفل عمره سنتين وأربع شهور
عمري أربعه وعشرين سنة

مشكلتي وبااختصار
قبل سنة تحديدا قرر زوجي السفر بعيدا لتحسين مستواه الوظيفي
و كان عمر طفلي ذاك الوقت سنة و نص
و كان متعلق كثير باابوه ومايستغني عنه ابدا

بس لظروف خارجه عن ارادتنا
ماقدرنا نرافق زوجي في سفرته
فجلست أنا وطفلي عند اهلي لمدة سنة تقريبا

طول السنة اللي كنت فيها عند اهلي
كانت نفسية طفلي تعبانه مره
وكان دايم يسأل عن ابوه وخاصة إذا تضايق
بصراحة
وضعه في بيت اهلي
ماكان مريح ابدا
بسبب فقدانه لأبوه
وبسبب غيرة اختي الصغيرة منه
فكان مضطهد من قبل اختي الصغيرة
و كان ينضرب دايم من اختي
وأي حاجه في يده تتأخذ منه بالقوة

هو شخصيته هادية وخجول جدا
ومايدافع عن نفسه
و كنت اتعب كثير وأنا ادافع عنه
وكانت حالتي و وضعي سي
وأنا اشوف طفلي يعاني هذيك الفترة

بس الحمد لله بعد مرور سنة
تسهلت امورنا وتسهل لنا موضوع السفر
و الحمد لله أنا و طفلي الأن مع زوجي مغتربين

بصراحة
أنا توقعت إن امورنا بتتحسن بمجرد سفرنا
و توقعت إن احوالنا بترجع مثل ماكانت واحسن
بس توقعي كان خاطئ

لأن نفسية ولدي زادت تعقيدا واختلفت كثير عن قبل
فصار طفلي عصبي وعنيد ويغار علي كثير وخاصة من ابوه (زوجي)

وصارت مشاكلنا أنا وزوجي شبه يوميه بسبب طفلي
و أحيانا افكر بالطلاق عشان ارتاح و اريح

فزوجي عيبه إنه عصبي كثير ومايتحمل اي ازعاج
وخاصة الفترة الأخيره بسبب ضغوط عمله
و طفلي للأسف يعانده و يجلس يصارخ و يبكي
و يستخدم اساليب مختلفه في إزعاجه
و ماأدري ايش السبب في ذلك

أنا اللي حارق اعصابي الأن
إن أغلب المرات زوجي مايتحمل طفلنا و يعصب بسرعة وعلى اتفه حاجه

فيبدأ يضربه عشان يأدبه
لحد ماصار ولدي يقلد تصرفات ابوه و يستخدم معانا نفس اساليب العقاب من تهديد وضرب


أنا ضد الضرب وتحديدا في هذا العمر
لأن توه صغير وما ينفع نضربه
وأكثر من مره اكلم زوجي واشرح له
إن الضرب ماينفع ابدا وماهو اسلوب تربية صحيح
بس رد علي وقال
إن العصا ماخرجت إلا من الجنة
و انه بيربيه احسن تربية

هذا غير
عن النقاشات الحادة اللي حصلت بيني وبين زوجي
واللي كان ختامها ضربي بالعصا امام طفلي
و حصل هالتصرف مرتين وبحضور طفلي

و أنا متأكده إن هالشئ كان له أثر كبير على نفسيته
لأنه الأن إذا سمع أي صوت عالي مني وأنا مع ابوه (زوجي)
سواء ضحك أو سواليف
يجي يركض بسرعة و يضرب ابوه طوالي
و صار يشد على اسنانه و يطلع صوت احتكاك من اسنانه
و في النوم يحلم دايما و يقول ماما ساعديني

بصراحة
أنا نفسيتي تعبانه كثير عشان طفلي
و أخاف اخسره او افقده في يوم من الأيام
أنا ماانكر إن ابوه (زوجي) يحبه و يحاول يلعبه و يهتم فيه
بس لما يعصب احسه ينعمي ويبدأ يضربه
وبعد وقت بسيط يجلس يتندم و يبدأ يبرر اعذار لتصرفاته
و في الغالب يلقي باللوم علي


لدرجة إني كرهت الحياة وكرهت الزواج وكرهت كل شي
حتى إني صرت احس اني مااستاهل طفلي ومااستاهل اكون ام ابدا
و أشوف اني ظلمت طفلي باإنجابي له

والله العظيم
إني صرت اتمنى الموت لي عشان مااشوف ولدي بهالحال
فلا هو اللي ارتاح ببعده عن ابوه وعيشته عند اهلي
و لا هو اللي ارتاح بوجوده مع ابوه وعيشته في حضن والده و والدته

و اوقات اتمنى الموت لي ولطفلي
لأن الموت في نظري ارحم لنا من الحياة هذي


ياليت أحد فاهم وعنده خبره بهالمواضيع
يقول لي ايش اسوي وكيف اتصرف واحل المشكلة هذي


دعواتكم لي
أم عبدالله


دمتم بود

 

[مايصحش هالحتسي]

شلون سمحتي لزوجك يمد يده عليك!!!!!!!

وبخصوص ولدك الصغير سايسيه ولاتتهاوشون انتى وابوه قدامه هذا ياثر على نفسيته

والله يعينك

 

[nada9090]

الله يكون في عونك اختي .مالك الا الصبر ومع الايام يكبر ويتغير

 

[يفداني بقلبه]

اختي تعوذي من ابليس وانسي سالفه الموت وتمني الموت
استغفر الله ما يجووووز
انتي مؤمنه بالله بالقضاء والقدر وان هذا ابتلاء من رب العالمين
عشان يشوفج تصبرين وتحتسبين الاجر والا تجزعين
فوضي امرج لله وتوكلي عليه
وغيري من اسلوبج وحياتج
واذا بتتناقشين انتي وزوجك روحي غرفتكم مو قدام الولد
يضربك موزين عشان نفسيته
وحرام يضرب الولد وهو صغير اذا زوجك جاي من العمل تعبان وفري له جو هاديء ومناسب
حولي تنومين الولد قبل جيه ابوه من العمل
والله يوفقكم
كل شي له حل لا تفكرين ان الموت هوالحل فتره وتعدي

 

[زوجةاسير]

بالنسبه لاطفلك الاطفال تطلع شقاوتهم فجأه حاولي انك تكونين معه اذا بداء بااسلوب العناد طنشيه او لهيه بشيء يحبه وكذا مره عن مره ينسى حركاته ان شاءالله اما بالنسبه لزوجك شكله من النوم الحاااااااااار وهذا يكون طبع مايتغير حاولي انك ماتثيرين غضبه واذا غضب لاتراااادينه مهما كااان اذا هداءت نفسيته ناقشيه وطلعي اللي قلبك بس بااسلوب والله يسخر لك

 

[ياربي انصرني]

انصحك تقرئين كتب الشيخ علي الشبيلي المستشار الاسري والتربوي 000يوجد له محاضرات في اليوتيب

جدا قيمه ونافعه ابحثي عنها 00يعطيك خطط واساليب تتعاملين فيها مع طفلك بتستفيدين ان شاء الله

الشيخ هذا مفكر وتفكيره واطروحاته اكثر من رائعه000

 

[ازهار يانعه]

الله يعينك ويصلحلك ابنك
الزوج لا يحب زوجته تعطيه اوامر او تخبره وتعلمه كيف يسوي وكيف يربي او اي ثاني يجعلها كانها اكثر خبره منه لانه كذا يحس انه ضعيف والازواج مايحبون يكونون ضعاف عند زوجاتهم
واذا بغيتي توصلين له معلومه خليها بطريق غير مباشر
وحاولي تستغفرين كثير كي يفرج الله همك

 

[البنت وامها]

حبيبتي الله يعينج
اقرا قصتج كاني اقرا قصيتي لان حالي من حالج
الله يكون بعون الجميع
انا عندي ولد وبنت والحين صار لعبهم اهو الضرب والكل صار يتضايق منهم لان ابوهم دايما معصب واذا لعب معاهم يلعب بعنف
الله يفرجها عليج وعلي وعلى الكل

 

[أحلى مدام]

االله يهديك كيف تدعين على نفسك وطفلك بالمووت حراام ما يجوز ,الله يهدي زوجك ويحنن قلبه عليك وعلى ولدك ويصلح طفلك ,,ادعي ربك في صلاتك واستغفري كثيير

 

[موازي81]

الله يهديك لاتتمنين الموت لأن لكل شي حل مشكلتج بسيطة جدا بس حاولي تلقيلها حل بأي طريقة كل شي بالهداوة له حل أولا زوجج من النوع العصبي فهذا النوع مايناسب انج تعصبين معاه لانه مابيتغير يوم بتتناقشين معاه في الغرفة بدون وجود الولد .وحاولي تبعدين الولد في الفترة اللي يكون فيه الاب تعبان ومضايق وعليج بالاستغفار والدعاء
والله يسهل امورج وطمنينا عليج

 

[ليتني اموت]

شلون سمحتي لزوجك يمد يده عليك!!!!!!!

وبخصوص ولدك الصغير سايسيه ولاتتهاوشون انتى وابوه قدامه هذا ياثر على نفسيته

والله يعينك

ماسمحت له ولاحاجه
وفي المرتين كنت أنا الغلطانة من وجة نظر زوجي
فالمره الأولى
ضربني عشاني رديت عليه و عاندته وطلبت منه الطلاق وهو كان منفعل
و المره الثانية
ضربني لأني قررت انهي حياتي وافتك
لاحد يقول ضعف ايمان مني لأن ربي وحده اعلم باايماني
صح غلطت بتفكيري بالإنتحار
بس من جد ضاقت علي ومن كل الجهات
و احس اني مااقدر اسعد ولدي سواء يوم كنت عند اهلي أو يوم صرت عند زوجي

 

[ليتني اموت]

الله يكون في عونك اختي .مالك الا الصبر ومع الايام يكبر ويتغير

أي صبر احس اني وصلت حدي
و ماعاد اتحمل أي شي
الله يفرجها بس

 

[ليتني اموت]

اختي تعوذي من ابليس وانسي سالفه الموت وتمني الموت
استغفر الله ما يجووووز
انتي مؤمنه بالله بالقضاء والقدر وان هذا ابتلاء من رب العالمين
عشان يشوفج تصبرين وتحتسبين الاجر والا تجزعين
فوضي امرج لله وتوكلي عليه
وغيري من اسلوبج وحياتج
واذا بتتناقشين انتي وزوجك روحي غرفتكم مو قدام الولد
يضربك موزين عشان نفسيته
وحرام يضرب الولد وهو صغير اذا زوجك جاي من العمل تعبان وفري له جو هاديء ومناسب
حولي تنومين الولد قبل جيه ابوه من العمل
والله يوفقكم
كل شي له حل لا تفكرين ان الموت هوالحل فتره وتعدي

يعطيك العافية اختي
أنا عارفه إني غلطانه بتفكيري بالموت وبتمنيه لي ولولدي
بس صدقيني هالحاجه غصبا عني
و بسبب الضغوط وكثرة المشاكل من كل صوب
صرت اشوف الموت ارحم لنا من الحياة

من ناحية زوجي
فهو أغلب الوقت مشغول بعمله حتى في البيت
فمافيه وقت يكون فاضي ومرتاح
و يادوب نشوفه وقت الأكل وإذا اخذ وقت بريك من العمل والدراسة
فهل احبس ولدي أو اخليه ينام طول اليوم عشان ابعده عن ازعاجه لزوجي

بصراحة
أنا تحسفت إني سافرت ولحقت بزوجي
بس كلها واحد وهنا أو عند اهلي طفلي ماكان مرتاح

الله يعيني و يصبرني

 

[ليتني اموت]

بالنسبه لاطفلك الاطفال تطلع شقاوتهم فجأه حاولي انك تكونين معه اذا بداء بااسلوب العناد طنشيه او لهيه بشيء يحبه وكذا مره عن مره ينسى حركاته ان شاءالله اما بالنسبه لزوجك شكله من النوم الحاااااااااار وهذا يكون طبع مايتغير حاولي انك ماتثيرين غضبه واذا غضب لاتراااادينه مهما كااان اذا هداءت نفسيته ناقشيه وطلعي اللي قلبك بس بااسلوب والله يسخر لك

جربت استخدم كل حاجه
جربت انصحه ومافاد وقتها يقول لي صح وايه بس يرجع لعادته بعد كذا
وجربت اسكت واطنش
و اتهمني بااني ام مهمله وإن الخطأ كله بسببي
اما من ناحية طفلي
فاأنا عارفه إن سبب نفسيته وعناده وعصبيته مشاكلنا بس ايش الحل
اخاف هالمشاكل تأثر عليه مستقبلا
أو يجي يوم وافقده

دعواتكم لي

 

[ليتني اموت]

انصحك تقرئين كتب الشيخ علي الشبيلي المستشار الاسري والتربوي 000يوجد له محاضرات في اليوتيب

جدا قيمه ونافعه ابحثي عنها 00يعطيك خطط واساليب تتعاملين فيها مع طفلك بتستفيدين ان شاء الله

الشيخ هذا مفكر وتفكيره واطروحاته اكثر من رائعه000

يعطيك العافية اختي
راح اسوي بنصيحتك
و يارب تنحل اموري

 

[ليتني اموت]

الله يعينك ويصلحلك ابنك
الزوج لا يحب زوجته تعطيه اوامر او تخبره وتعلمه كيف يسوي وكيف يربي او اي ثاني يجعلها كانها اكثر خبره منه لانه كذا يحس انه ضعيف والازواج مايحبون يكونون ضعاف عند زوجاتهم
واذا بغيتي توصلين له معلومه خليها بطريق غير مباشر
وحاولي تستغفرين كثير كي يفرج الله همك

ويفرج لك همك
مشكوره حبيبتي على نصايحك

 

[ليتني اموت]

حبيبتي الله يعينج
اقرا قصتج كاني اقرا قصيتي لان حالي من حالج
الله يكون بعون الجميع
انا عندي ولد وبنت والحين صار لعبهم اهو الضرب والكل صار يتضايق منهم لان ابوهم دايما معصب واذا لعب معاهم يلعب بعنف
الله يفرجها عليج وعلي وعلى الكل

الله يعينك ياقلبي و يسخر لك زوجك و يصلح لك اطفالك

 

[ليتني اموت]

االله يهديك كيف تدعين على نفسك وطفلك بالمووت حراام ما يجوز ,الله يهدي زوجك ويحنن قلبه عليك وعلى ولدك ويصلح طفلك ,,ادعي ربك في صلاتك واستغفري كثيير

يعطيك ألف عافية ياأختي
ومشكوره كثير على دعواتك لي

 

[ليتني اموت]

الله يهديك لاتتمنين الموت لأن لكل شي حل مشكلتج بسيطة جدا بس حاولي تلقيلها حل بأي طريقة كل شي بالهداوة له حل أولا زوجج من النوع العصبي فهذا النوع مايناسب انج تعصبين معاه لانه مابيتغير يوم بتتناقشين معاه في الغرفة بدون وجود الولد .وحاولي تبعدين الولد في الفترة اللي يكون فيه الاب تعبان ومضايق وعليج بالاستغفار والدعاء
والله يسهل امورج وطمنينا عليج

و يسهل لك امورك
بس قهر لما تعرفي اسباب المشكلة اللي تواجهك وماتقدري تحليها

والله العظيم اني كتبت هنا
عشان الاقي حلول لموضوعي

زوجي طيب و يحب طفلنا كثير بس مشكلته عصبيته
و ولدي هادي و يسمع الكلام بس إذا ابوه في البيت يصير العكس تماما

فاأنا كل همي اعرف ايش سبب التقلب في شخصية ولدي
و هل لزوجي تأثير عليه باأي طريقه كانت
و ايش الحلول مع طفلي وزوجي

احس ان طاقتي انتهت وماعاد ادري ايش اسوي

الله يفرجها وبس

 

[أريج الذكريات]

يالغاليه اول شي بسم الله عليك من الموت والله يخليه لك ويخليك له ويخليلكم زوجك
اول شي طلبتك غيري اسمك وحطي اسم إذا شفتيه يونسك وينسيك
ثاني شي ترى والله محد مرتاح بهالدنيا وكل بيت وفيه مليون مشكله , عندك انا مثلا مستحيل تمر 24 ساعه بدون ما اصيح من عيالي بس اقول في نفسي انا في جهاد وكل حركه انا مأجوره عليها وربي يبتليني
أنا عندي خمس اطفال اكبرهم مراهق واصغرهم رضيع وكل واحد له مشكله شكل
الكبير علاقته مع ابوه سيئه نوعا ما ومايحب الدراسه وعصبي ويرفع صوته وصاير هجومي
الاوسط طيب وخدوم ولعاب ويوسع الصدر بس على طول يضرب اخوانه الصغار ويجلد فيهم ويصرخ عليهم لين تعلمو منه كل الحركات
الاصغر يدرس باول ابتدائي وما يكتب ويذاكر الا وهو مطلع روحي وبدون مبالغه من الساعه 12 الى 8 بالليل وانا معاه عشان يكتب ويذاكر
والاثنين الصغار تعالي شوفي الغيره الي بينهم والمضارب والصياح والتخريب
والله يعظم اجرنا لا وكل هذا وامي تقولي ما شفتي شي اصبري يكبرون ويصيرون يسوقون ويطلعون كل شوي
مالنا الا الدعاء والاستغفار
وانت الي زاد المشكه عندك التوتر مع زوجك
خليك على الصامت طول ماهو معصب
الله يسخر لي ولك