عزيزاتي..نفذت كلامكم وهذي النتيجه

[اسيرة الحزن2]

حبيت ارجع لكم..واعطيكم اخر مستجداتي..طبعا اللي فاكره مشكلتي اللي طرحتها قبل اسبوع..وخواتي العزيزات اللي شاركوني في مشكلتي جزاهن الله خيرا..نصحوني ببعض النصايح ونفذتها اللي منها..رجعت لغرفة نومي ..ورجعت اكل معاه على سفره وحده..
وقمت اتعامل معاه بهدوء واقدم له الشاي والعصير الفرش اللي انا معودته عليه كل يوم..في مكتبه..وطبعا مستمره في الدعاء والاستغفار..ولكن؟؟؟

 

[دنيا الاحزان]

لكن ماذا اكملي

 

[vdhq]

??????

 

[اسيرة الحزن2]

معليش..توني رديت كنت انيم ولدي للمدرسه

 

[الملاحه]

شوقتينا شو صار؟

 

[ناناسي]

اووووووه بدينا بالمسلسلات المكسيكيه

 

[القوية]

طيب وبعدين اكملي

 

[اسيرة الحزن2]

فكانت النتيجه انه مصرعلى ماهو عليه..الا لاحظت انه مهمشني اكثر..لدرجه اذا بغا شي مثل مويه او العشاء يرسل لي بنتي الصغيره تبلغني يعني مايطلب مني مباشره..اويطلبه من الشغاله يعني بالمره مستبعدني ..حتى اذا دخل من بره مايسلم يمر من جنبي ساكت..وعلى الفراش ابدا مايتقرب مني حتى
لما اكون متلحفه بالبطانيه..يروح ياخذ له وحده ثانيه ولايشاركني في اللي حنا متعودين نتغطى فيها..له الان حول ثلاثه اسابيع مانام معايا..طبعا لما اطلب منه شي مثلا امس طلبت منه اروح للخياطه لان عندي
ثوب جاهز شريته وحبيت اقصره وطبعا رفض.. وكمان مو راضي يسدد فاتوره جوالي لحد الان اتفاجأت انه انفصل وكمان اشتهي اكل من برى واطلبه او ارسل اولادي يقولون له ولا يجيبه ..ويوم الجمعه اخذ اولادي وطلع يمشيهم وخلاني بالبيت حتى ماقلي وانا جالسه بغرفة نومي اقرا قران..وجلسوا اولادي يقولون نبغا ماما معنا وقلهم لا..والمضحك اني لما اقله نودي الشغاله عيادة الاسنان مايرفض ويقوم يلبي هالطلب
مدري هو يبغا يقهرني فيها والا مستحي منها ..لكن مااخبي عليكم ان نفسيتي بدات تنهار ..واصبحت التزم الصمت وماتتخيلوا اليومين هذي الم بمعدتي مستمر بشكل يومي..حتى اولادي اصبحت اعصب عليهم ولا لي خلق اذاكر لهم..فاصبحت خائفه من المجهول القادم..والى متى سيستمر هذا الوضع السيء...

 

[لصبري حدود]

الله يفرج همك ويعينك

 

[خرس النواعس]

هذآ أبتلآآء وأمتحان من الله عز وجل
الي عليك أن تستمري بالدعاء والاستغفار والصدقه
وصلآآة الليل مهمه جدآً وكل الاعمال التي تقربك الى الله
استمري أستمري وسوف ترين الفرج قريبآ بأذن الله

 

[كل كلمه]

. آلله يفرج همك يارب.

اتكلمي معاه طيب؟؟؟؟

 

[اسيرة الحزن2]

حبيت اقلكم ..انه اتشادد معايا امس لانه اختي كانت عندي وجوالها خلص شاحنه ..فارسلنا ولدي الصغير
يستلف لنا حق الحارس تبع العماره فلما جا ولدي يرجعه قال لي ليه تستلفيه قلت طيب عادي قال حتى الحارس ماسبتيه في حاله وانا كنت بالمطبخ واخذ الشاحن من يد ولدي ورماه على ارضيه المطبخ وانكسر
فطالعت فيه نظرات تعجب واستغراب وقام قال لي لاتطالعيني كذا وقام يقلي والله اوريك وراح تشوفين ..وقام يهدد..وقلي خليك انثى والقوه هذي فيك راح اخليك تندمي عليها..لكن عند كذا رديت عليه وقلت له انت شكلك تبغا تسوي مشكله خلاص ابعد عني..والانثى اللي في نظرك هي اللي تميع الصوت وتدردش مع الرجال على النت..لانه صاحب هالسواليف..وقمت اقله رجا ماتتكلم في انا جالسه اادي واجبي وعارفة ربي
واثقه من اخلاقياتي..لكن بصراحه انا اخاف من اسلوب التهديد ومااحبه ومن بعدها حسيت بالم بمعدتي
وتغيير صوتي لصوت تعبان وجلست ابكي ..الله المستعان تكفون ادعوا لي ربي يفرج همي.

 

[هيلينا]

يافلبي عليكي
معليش خيتي والله انه الكل يعاني
احس هسنوات الاخيره صاير في الرجال شي ضاربهم فيوزات
صلي وادي
والله ان ربنا ارحم بحالنا ادع من قلبك وبثقه وادعيلي معك

الله ينصرك عليه
ويرجعه ذليل يتمنى رضاكي

 

[اسيرة الحزن2]

والله حاولت اتكلم معاه لكن مصر اني سبب المشاكل وان نفسه طابت ..غير التجريح وكلام ماتحبي تسمعيه مثل راح اتزوج وانت فيك وفيك بمعنى يطلع عيوب الدنيا كلها حتى اشيا يذكرها طافت عليها سنوات ويخليك ماتسوين شي وانه متحمل وانت متمرده وان صبره نفذ ومن هالكلام..فاحس الكلام معاه يزيد الطين بله,,ويتعب نفسيتي ..فصعب ارجع احاول اني اتحاور معاه وهذا هو مدرب برمجه لغويه ؟؟

 

[اشراقه جديده]

طيب يا الغلا دخلي احد من اهله ولا اهلك حكيم عاقل ويشوف له حل
مووووووووفقه

 

[شرخ وسط قلب]

الله يكون في عونك ويسخره لك عليك بقيام الليل والدعاء والاستغفاروالله يفرج لك ولاتيأسي من رحمة الله
استغفر الله واتوب اليه

 

[جرح الشوق]

كل شده وراج تهون

 

[أجمل عيوون]

الله يفرج همك ويسخره لك
اول شي خليك على يقين ان ربي هو كاشف الضر ومثل ماقالو الاخوات هذا ابتلاء
لما تقفل ابواب الارض فابواب السماء مفتوحه
عليك بالدعاااء وصلاة ثلث الليل
وكل ماهم عليك امر توضي وصلي
والباقيات الصالحات لاتنسيها والصدقه
هاذي كلها امور بتعينك ولك اجر عليها
ثانيه ياقلبي انتي خليك واثقه من نفسك
حبي نفسك
لاتتعبي البسي واكشخي خليه اخر اهتماماتك والتزمي الصمت
عيشي حياتك انتي واولادك وخليك واثقه من نفسك
ثالثا شوفي شو الاسباب اللي خلت زوجك لهالمستوى
شوفي نمطه ؟؟ انتي ثقفي نفسك
وان شاء الله الاخوات بيساعدوك
هذا اللي انا اعرفه
وحاسه فيك يالغلا
وربي بيكون في عونك

 

[الزوجه الثانيه]

لاحول ولا قوة الا بالله
هذا شايل عليك ويبغا يادبك

ليش ويش موضوعك ممكن تحطي الرابط

 

[%Sweet dreams%]

الله يفرج همك الرجااال شكله ماهو ناوي خير بس تجنبيه لا تزيدين الطين بله اسكتي اذا استفزك لا تردين والله انه يدور لك الزله وعليكي بدعاء الخوف من السلطان ((الله اكبر ..الله اكبر...الى اخره
ماني حابه اخوفك بس الرجال طبعه حقود داريه واتقي شره ​