عزت علي نفسي من قسوة زوجي

[عزت علي نفسي]

السلام عليكم ورحمة الله وبركاته
مساء الخير
انا سجلت عضوه بالمنتدى عشان احاول اوصل للدكتوره ناعمه بعد ما ايست من حياتي مع زوجي اللي اقسى منه بهالدنيا مافيه يضربني ويتفل فوجهي قدام اهله وامه ماتحبني وحياتي معه جحيم ويقولي انه يحبني واحيانا يقولي انقلعي لبيت اهلك تحسبيني احبك زي قبل ومن هالكلام اللي يجرح وقد قالي انتي ماتسوين ولا ريالين
انا ابغى اعرف كيف اتواصل مع الدكتوره ناعمه لانها هي الامل الاخير بحل مشاكلي مع هذا القاسي لاني قد سالت شيخ قالي اتطلقي هالرجال هذا مافيه خير
انا من السعوديه واذا جيت الامارات ماراح اقدر اجيلها لانه بيكون زوجي معاي وماعتقد انها بتنبه لايميلي لو برسلها ايميل لان الايميلات اللي بتكون واصلتها كثيره اتوقع كذا ابغى اكلمها كيف؟

 

["هنادي"]

الله يعينك ويفرج عنك
أشتركي بالأستشارات الهاتفيه,,,,أتصلي عالمركز وأسئلي السكرتيره عن طريقة الأشتراك​

 

[أخت_الشيوخ]

الله يعينج حبيبتي ع اللي انتي فيه...ليش صابرة مع ريااال مثل هذا ....و الله ما يستاهلج .....

ان شالله الاستاذه ناعمه اترد عليج ......لا اتحاتين اختي ...ربنا كريم

 

[بنوتة 911]

الله يكون في عونك حبيبتي

 

[لحظات الم]

هل تستطيعي ان تذهبي لأهلك وتوقفي هذه المهزله ولا تعودي إلا وأهلك علموووووووووووه الأدب وحقوق الزوجه أم أن أهلك لن يقفوا معك وضحي أختي
بعدين ماهو ردت فعلك بعد أن يتفل هل تكلميه عادي أم تطنشيه وتلبي طلباته دون ان تلتفتي له فتره طويلة لعله يحس على دمه شوي

 

[كويمسي]

بعدك تقولي زوجي بعد .. لوانا منك لاسمح الله لااخربش وجهه بعد مااسوا ولاريالين بعلمة شلون اللي ماتسوى ريالين وش تسوي انتي لازم لك اختي توقفي عند حدة اهلة مايحبوك بكيفهم بس وين كرامتك اختي .؟ ليش ساكتة ماسك عليكي شي هو ؟ اولاد ولا شي ؟ ليش خايفة ؟انتبهي تطلعين من حربك من غير ماتكوني ماخذة حقك وزيادة شوي يخرب بيتة ليش قاعدة عندة مريض هذا وش مقعدك عندة فعلا مافية خير

 

[عزت علي نفسي]

اخواتي هنادي واميرة القصايد وبنوته ولحظات الم وكويمسي مشكوورات على تفاعلكم معاي بس انتو ماتعرفون زوجي ومعي منه بنت صغيره عمرها عشر شهور زوجي يحب يذلني اذا زعل اويلي اذا مارضيته واذا ارضيته وجيت بضمه يدزني واذا تركته بعدما يدزني جلس يهددني انه بيعاملني اسوا من كذا ليش اطنشه وماحاولت مره ثانيه وثالثه ين مايضى اهانات ومذله حتى قدام العالم
اسهل شي يقوله الله يلعن الساعه اللي عرفتك فيها وانتي تحت الجزمه وراس مالك اشوتك عند اهلك
وكلام والله ياخواتي اني استحي اقوله لانه عيب ينقال ماينقال ولا لبنات الشوارع كيف لي انا بنت الحمايل مقدر اروح لاهلي لانه راح ينتقم مني باي طريقه لاني قد رحت ومارديت عليه يوم واحد فصل الجوال عني ولاني بلا جوال ست شهور
وزادت معاملته سوء
تخيلوا اذا اخطيت بحقه خطا بسيط صارت معاملته معي شزينها ليش؟ عشان بقرصني على غفله مني
اه والله اني ذقت منه الامرين الله يعيني على هالحال
طيب كيف احصل رقم المركز؟
الله يجزاكم خير

 

[الصبوره]

حبيبتي أزاح الله همك وفرج عنك ما فيك.
أختي لابد من تدخل الأهل والمسألة هذه خرجت عن سيطرتك فليتدخل أهلك ويتصرفوا معاه .شو يعني ينتقم إذا فصل الموبايل ما بتنتهي حياتك المهم يحس إن أسلوبه في العقاب ما عاد ينفع وإن لك أهل يوقفون معاك حتى لو وصلت الأمور للطلاق.
حبيبتي صحيح إنت عندك طفلتك الله يحفظها لك ولكن ضعفك مضر لك ولها فالحقي نفسك عزيزتي فهذا فليس بإنسان طبيعي.

 

[زيتونه]

كان الله في عونك غاليتي
كلنا هني وياااج والله يفرج همج ان شاءالله لكن صدقيني اذا بقيت ويااه بهذه الطريقة صدقيني انت بتخسرين وهو في اعتقاده انج انت ما تقدرين تعيشين بدوونه وما تقدرين تزعلينه يعني جي ولا جي اخرته بتردين له وبتذلين نفسج عشااانه ....
لكن قوي نفسج وثقي بالتصرفاات الى بتسوينها ولا تنكسرين جدامه
اولا:- وقبل لاتسيرين عند اهلج سيري لين وليه ابوه مثلا وقوليه عن كل شي بينج وبينه وقوليه اذا ما لقيت حل ويا ولدك ترى الا تلومني اذا تصرفت اي تصرف اخر ترى انا عندي ولي بيسترني وبيخاااف على انا وبنتي بدخل اهلى في السالفة وشوفينه شو بقولج ووكيف بيتصرف

 

[الدكتورة نبضة قلب]

والله يا اخويتي ما اشوف انه نفسج عزت عليج
يقولج بشوتج وانتي ما تسوين رياليين وقاعدتله في البيت
ما قهرج هذا وقهرج انه جوالج قطعه عنج 6 شهور!!!
اختي اصحي
انتي عايشه بال 2007 مو العصر الحجري
لو منج انتحر ولا اقعد عنده دقيقه
لا تقولين عيب الحرمه تتطلع من بيت زوجها
لا تقولين عيب الوحده تيلس بيت اهلها
العيب انه الوحده ترضى واحد مثل هذا يدوس على طرفها

اختي فعلا انتي ما تسوين عند زوجج ريال
لانج انتي تروحين تضمينه بالرغم من اهانته لج
كيف ؟ كيف ؟

انا مو مستوعبه انج قادره تصبرين لليوم؟!
وتضنين انه بيتحسن وانتي تنخين له اكثر واكثر
وتظنين انج بتكونين مفخره وقدوه لبنتج وانتي تنطقين ويتفلون على ويهج؟!!!!

والله لو منج جان شليت اغراضي وتفلت على ويهه وقلتله اعلى ما في خيلك اركبه


اسفه على دفاشتي بالرمسه بس من القهر على حالج !!!!!!!!!!!!!!!!!

 

[بيونه]

ردو عليها بردو قلبها تراها حرقت قلبي ... كان الله بعونش ياعمري .... والله لن انساكي بالدعاء ..
أستاذتنا موزه او الدكتوره ناعمه أفيدوها ولكم جزيل الجزاء من عند الله

 

[خادمة الفرآن]

ان ابغض الحلال عند الله الطلاق ولكن فى حالتك دى لو انتى هتقدرى تعيشى معاه مع الاهانه دى وتقدرى تستحملى انتى حرة ولكن الاول هل عندك من يعولك انتى وبنتك بعد الطلاق؟ ولا لا؟يعنى انتى وزنى امورك وادعى الله وربنا يعينك

 

[الشرقية]

والله يا اخويتي ما اشوف انه نفسج عزت عليج
يقولج بشوتج وانتي ما تسوين رياليين وقاعدتله في البيت
ما قهرج هذا وقهرج انه جوالج قطعه عنج 6 شهور!!!
اختي اصحي
انتي عايشه بال 2007 مو العصر الحجري
!

صح كلام اختي

لو انا مكانج اخلي علاقتي فيه سمن على عسل واجهز جنطتي بدون لا اقوله واروح عند
اهله >>>>>>>>>>>>>>>واشيل جنطتي وامشي ابسط شي يرد جزء من كرامتك

 

[عنقود عنب]

اختي ..عندك امل ان هذا الرجل بهذه الاخلاق ممكن ينصلح حالة ؟؟


والله اشك ...وراح تضيعين عمرك معهاه ...

عيدي حساباتك ... بنتك ما راح تضيع

راح تتعقد مع اب بهذه الصفات

الله يعينك

 

[حنين الارض]

الله يفرج همك ويعينك ياااارب
بس اياك وهذا الشي اللي انتي فيه ترا سلبيتك تخلقلك المشاكل اكثر واكثررررر

اشكي لاهلك ولاخوانك لابوك لازم يحس ويعرف ان وراك ظهر

 

[كويمسي]

حبيبتي الله يفرج همك يارببس انتي بتعيشين بة ومن غيرة لاتخلينة يحس انك ميتة علية ولاخايفة منة وش يعني بيقطع راسك ؟ اتحداة ولو ضربك خربشي وجهه وبان عليك اثار الضرب على طول اقرب مستشفى وعلى الشرطة يعني مافية احد يردة انتي بنت ناس اختي وشلون بيحترمك بعدين اصلا هو ماحط لك اعتبار من البداية شوفي لازم توقفية عند حدة روحي لاهلك اشتكية سوي اي شي وسقطع الجوال ولا يقطع مصارينة بقريح مو مهم المهم بنتك لو هددك فيها اياكي تخافين خليكي بايعة قولي خذها ماراح ياخذها صدقيني ولو خذاها كم يوم بيرجعونها محد يبي عيال احد ارمي وبيعي وشوفي لو بيراضيك يعني لسى يبغاك ولو لا حلو عرفتي نهاية مأساتك بس انتي قوي قلبك لا تخافين ولا يهددك بشي اوكي حبيبتي مردة لك لو فيه خير مافية خير بقريح انتي تستاهلين اللي احسن منة

 

[الكناري]

:icon28::icon28::icon28:

وااااااااااااااااي شبت فيني النار وانا اقرا مشكلتك حتى ماكملت ردود الاميرات

حبيبتي نفسك عزيزه عليك ليش ترضين بالمذله على نفسك :shutup::shutup:
المكتوب ينعرف من عنوانه صح وهذا اللي اسمه زوجك عنده عقده نفسيه شنو ناطره بعد يسببلك عاهه مستديمه والعياذ بالله او تنطرين بنتك تكبر ويزيد باهاناتك جدامها
هو جدام اهله والناس مو قاعد يحشمك شنو ناطره :icon28::icon28::icon28:
حبيبتي ماللصلايب الا اهلها روحي لاهلك ولاتطالعين وراك عديه تجربه فاشله مريتي فيها وفكري بنفسك وشلون تداويين جراحك من هالوحش
خليه يولي وانقذي نفسك قبل ما يحطمك اكثر واكثر
انتي في بدايه الطريق لاتندمين على شي خليه وراك وردي بيت اهلك هالوحش مامن وراه فايده

اخيرا اسأل الله العلي القدير ان يفرج همك ويبرد على قلبك :icon26::icon26::icon26:

 

[ضياء القمر]

الله ىيعينك على هالبلوة

بس بصراحة هالزوج ما يستحمل بالمرة شلي ايخليك اتعيشين مع انسان ابهالمستوى

وين الدين والاسلام الي قدس المرأة واحترمها وضمن لها حقوقها؟؟؟؟؟


اسمحلي لي اختي ---------بس كفايه سلبية

استخيري الله واخذي قرارك!!!!!!!!!!! نعم اتخذي قرار والبنت لها الله

اصلا لو تربت مع اب قاسي ابهالدرجة راح تتعقد

 

[أخت_الشيوخ]

حبيبــــــــتي ...أنا أعرف انج بنت حمايــل بس وينهم عنج ...حشى ما أعتقد أهلج بيرضونلج المهانه....على ايد واحد مثل هذا جاهل و متخلف و يباله تربية من أول و يديد...جي شوووو في عصر الجواري نحن ...أونه أشوتك قوليله ..أنا بشوتك و بشووت طوايفك بعد لي ما عرفوا يربونك....هذا قدر الحرمة ..هذا قدرهااااا...اشحاااال لو امك بعد حرمة .الله كرم الحرمة و خل الجنة تحت اقدامها شو من الحثالة انته عشان اتحط من قدرهااا....مالت بس مالت و الله العظيم قهـــر

اقولج الغاليه ...و الله العظيم لو انا مكانج و الله لأشرشحه ..و اطلع من البيت و لا اردله إلا عقب ما يغير نفسه و يتعالج من عقدته النفسية المقززة.......عندج بنت عمرها 10 شهووور شو يعني.....اللــــــــــه فوق ..
" إن الله عنده علم الساعه و ينزل الغيث و يعلم ما في الارحام و ما تدري نفس ماذا تكسب غدا و ما تدري نفس بأي أرض تموت إن الله عليم خبير"
" و ما من دابة في الارض إلا على الله رزقها و يعلم مستقرها و مستودعها كل في كتاب مبين"
" قل لن يصيبنا إلا ما كتب الله لنا هو مولانا و على الله فليتوكل المؤمنون" صدق الله العظيم

حبيبتي رزقج انتي و بنتج مكتوب عند رب العالمين...لا اتحااتيــــن أبد ....خلي ايمانج بالله قوي و لا اتخلين بنتج اتكون نقطة ضعفج هاي البنت الله يحفظها باجر بتكبر ....بتعيش العذاب اللي انتي اتعيشينه....كيف تتوقعين حياتها بتكووون مع واحد مثل بعلج الكريم......

اتمعني في هاي الآياااات عدل .....و الله يجعل لك من كل هم و غم و حزن و مصيبة مخرجاً بإذنه وحده تعالى......

قوي ايمانج بالله ...ولا ترضــي بالمهانه ...و اللي يابلج ريلـــــج اييبلج اللي احسن منه و أشرف منه.................

و السموحه وايد معصبة على حالتج ....الله يعينج

 

[مرجانة]

الله يفرج همك ويعينك يارب