حبيبتي .. أحتاجك
الله يكون في عونك ويفرج همك ويسر لك ماتقر به عينك وترضى به نفسك
حاسة فيك والله ...
قرأت كل الصفحات وحسيت من كلامك إنك حاسة إنك فعلا جرحتيه وبالغتي في خجلك وكأنك تعذريه ..
شوفي ياقلبي هذي حياتك وانتي بعد الله بيدك تحافظي عليها ..
واااااااااضح إن زوجك يحبك ويموت عليك وانتي كمان
نصيحتي لك أول شيء الجئي إلى الله وألحي في الدعااااااااااااء بأن ييسر لك أمرك
صلي في آخر الليل وانطرحي بين يدي الله وثقي بأن الفرج قريب ..
ثانيا استخيري قبل ماتتخذي أي خطوة مهما كانت ...
وأخيرا .. أنا برأيي إنك ماتكلميه ولاتدخلي أحد بينكم
خلي تواصلك معاه بالرسايل
وعندي لك كم رسالة إن شاء الله تعجبك وبإذن الله تأثر فيه وأن مجربتها بنفسي مع زوجي والحمد لله الله جمع بينا مرة ثانية بعد ماكنا على وشك الطلاق ..
إن كان تعذيبي يسرك ويرضيك ..
عطني عذاب وخذ بداله سعاده ..
أهجر على كيفك وزود تحديك ..
وأنا بدال الهجر أحبك زياده ..
لك مني أبكي كل مامر طاريك ..
لين البكى يصبح مع الوقت عاده ..
مهما حصل ماني بناسيك ..
إسمك نقشته دمع فوق والوساده ..
,,,,,,,,,,,,,,,,,,,,,,,,,,,,,,,
طال البعاد ولوع القلب فرقاك
ومن غيبتك صاب المولع مضره
اسهر طوال الليل واعيد ذكراك
وارجع الماضي وبالقلب حره
يذكر زمان فات بالخير وياك
الله يعيده لو بالأيام مره
,,,,,,,,,,,,,,,,,,,,,,,,,,,,,,,
وشفيك لامني بغيتك تهربت ....
وهديت حيلي بالمشي في دروبك ...
لاشرقت رجلي عن الدرب غربت ...
وان اشملت رحت ومشيت لجنوبك ...
وان جيت ألمك من ايديني تسربت ...
وإن بان مشراقك صدمني غروبك...
,,,,,,,,,,,,,,,,,,,,,,,,,,,,,,,
كم تحسفنا عليك ..
ما نبي غيرك نبيك ..
تونا حسينا بغلاك ..
يا تجينا يا نجيك ..
,,,,,,,,,,,,,,,,,,,,,,,,,,,,
الله يصلح مابينكم ويردكم لبعض حبيبتي
ولاتنسين تطمنينا عن أخبارك يالغلا
