عروس .. في شهر العسل وبضيقه


يا سلام يعني بتشوفينه كل 3 اساابيع !!

اسكنو بالشرقيييه مكان دوااامه لييش بالريااض !!

ما ادري كيف ما تفاهمتوا قبل الزواج بهذه الأمور

مو مشكلة اذا دوامه يتطلب يكون برا البيت فتره طويله عاادي بس اهم شيء لارجع تكونين انتي بالبيت مو بعيده عنه بمدينه ثانيه

أي حياه هذه وانتم كل واحد بمدينه !

رتبي اوضاعك وحطي النقط على الحروف طالما لسه ما أثث انصحك تكلمين اهلك يكلمونه تسكنين الشرقيه

صلي الإستخاره وربي يشرح صدرك إن شاء الله
​
 
ياحياتي صبرك علية وان شاء الله الامور بتنحل لاتضيقين خاطرك اغلب العرسان في بداية الزواج ظروفهم المالية تكون صعبة شووي مع الايام والصبر تتحسن وبالنسبة لاثاث الشقه حبة حبة كل ماسار عندكم مبلغ تشترون فية شي حتى يكمل الاثاث اهم شي الحب والتفاهم والاستقرار ولاتشجعينة على مسالة السلف لاتخلي حياتكم تبدا بديون والله يوفقكم ويسعدكم سوا
 
ياقلبي عليك
كنسلو هذي الشقة وروحي اسكني الشرقية معه مايصير يسكن لوحده بالأسابيع
 
يوم الاربعاء قبل امس دق علي وقال بطلع من دوامي وبجي من الشرقيه عشان اشوفك اشتقت لك

قلت له وانا بعد اشتقت لك بس حبيبي وين بنجلس قال مدري ؟

قلت غرفة امك لا

والمجلس بعد لا قال خلاص بتسلف من اخوي

ونخذ غرفه بفندق نجلس فيها

قلت طيب جهزت نفسي وجاء وخذني

قال بمر نسلم على امي قلت طيب نزلت وخذتنا السوالف لحس مخي بكم كلمه ونمنا بمجلس

قمنا الظهر افطرنا ... قلت خلينا نطلع العصر نتفرج على الاثاث الصبغ او نطلع نتغدى مع بعض قال ماعندي وقت ودوامي ومن هالاكلام

بعدها طلع رجع العصر شوي قال جهزي اغراضك برجع لشرقيه المغرب

طلع ودق على بعد المغرب قال 5 دقائق واطلع وقلت انا جاهزه قال جلسي مع اهلي لين اروح مشوار (طلع عازم اخوه على العشاء )

المشوار طووووول لين الساعه 2 بالليل

دق على وقال انا عند الباب اطلعي حتى ماكلف على نفسه ينزل يسلم على

...........

والحين انا زعلت منه بالمرررررررره وارسلت له وقلت قلبي اللي حرقته بتصرفاتك ماراح يرجع لك ولا راح يكون لك مثل ماكان
 
نسيت اكتب شي مهم قبل يجي كلمني بتلفون اعتذر مني وقال انا مقصر معك

وسامحيني واسف
 
حبيبتي انتبهي انقطة مهمة وهي السكن ضروري تكوني معاه .. انا مستغربة المفروض سكنك يكون محل دوامه صح ولا انا غلطانة ..وبعدين توكم متزوجين كيف بتصبرون ثلاث اسابيع بعاد عن بعض .. الافضل لكم السكن في محل الدوام .. موفقة والله الله بالصبر حبيبتي
 
اختي يجب ان تتفاهمي مع زوجك.... واضح انه يتهرب منك لأنه محرج منك..و لكن يجب ان تجلسي معه و تتفاهمي... في المره القادمه حين ياتي إليك و يأخذك إلى بيت اهله... ارسلي له اشارات خفيه بعينيك.ز إشارات شوف ووله..ز حتى يستعجل اخذك إلى المجلس... حينها تكلمي معه و بكل صراحه و بهدووووووووووووووء عم حياتكم و كيف يجب ان تكون... قولي لهم بانك تريدين ان تسكني معه في الشرقيه و ليس بالرياض... اتفهم ان كان يسكن في مجمع عسكري... و لكن ان كان غير هذا... فما المانع ان تسكني معه هناك... ان تري زوجك كل ثلاث اسابيع صعب جدا حيث لا استقرار في حياتكما ابدا... الحياة سهلة الآن و انتما فقط فيها... و لكن ماذا سيحدث حين تمرضين تحملين تنجبين الأطفال؟ فكري في هذا كله معه.

و من قال ان والده استعجل في الزواج.. سنة كاملة و تقولين استعجل... عندنا هذا متاخر جدا... و الجميع يبدا يتساؤل لماذا لم يتزوجوا حتى الآن..

و نصيييييييييحه من اخت محبه... لا تدخلي اهلك او اهله بأي شي... فالجميع يرى ما يحدث و لم يتكلموا حتى الآن... حلوا مشاكلكم بعيدا عن الجميع...
 
اول شي قولي لهلك يكلمونه عن السكن والاستقرار ..
ثاني شي قولي عاد لو معاك 500 تصير عربون واذا حصلنا شي نجدع على الاثاث مو عذر هذا ..
وانتي طيبه حييل معاه ..
 
احس بجرح كبيييييييييير

سنه مملكه ماااسو لي شي ؟؟؟؟؟؟

وتزوجت ماسوا لي شي ؟؟؟؟؟؟

قلبي محروق وفوق هذا مهملني

..........

شغله صعب يتطلب يغيب بالاسابيع خارج المدينه ومتنقل مهو ثابت بس مقر الشغل بالدمام
 
سبحان الله نفس زوجي؟؟؟؟؟؟؟؟؟؟؟؟؟؟؟؟؟؟؟؟؟؟
احس بحبه لي لما يكون معي يعاملني بحب بس لما يغيب ماااااااااااااااااااااااقدر القاه يبعد عني
 
بصراحه اسلوب زوجك ماعجبني يفكر في نفسه وياخذك بيت اهله ليه مايخذلك شقه مفروشه لاتتنازلي عن حقوقك هاذي البدايه كذا وش بيسوي بعد خمس سنوات مثلا ماعنده فلوس لايجي وبعدين عروسه لازم معاملته احسن من كذا انتبهي لنفسك من البدايه ترا لافات الفوت ماينفع الصوت
 
يااختي باختصار زوجك مسكين مامعه فلوووووووووووووس
وقفي معه وصارحيه قولي مو عيب ان مامعك فلوس ان شاالله بيرزقك ربي وانا معاك لن اتخلى عنك ولا تستحي مني بس اهم شي لا تطنش اتصالاتي وخل ادري اذا مشيت عشان ادعي لك لاني خايفه عليك
انا ماابيك تصيرين ضده مع هذي الظروف
 
الله بيفرجها

الصبر الصبر وارضي بالقليل مادام ماعنده فلوس

روحي معاه الشرقية لو تاخذون شقة بس غرفتين مادامكم لحالكم وحبه حبه احسن لك تكونين قريبة منه يطلع من العمل يجيك

فيه حريم تنام على الحصير مو على سرير بس هو الرضاء بقضاء الله والواحد مايحمل نفسه فوق طاقتها وبيرتاح

زوجك مستحي منك وبنفس الوقت مقهور من أهله ولماتقولين عازم اخوه تلاقينه مسكين يبيهم يساعدونه
لاتصيرين انتي والزمن عليه... تواصلي معاه واتفقي معاه تكونون صريحين مع بعض عشان بكرة انتي ترتاحين

وهو قالك انه اهله رافضين يساعدونه فلاتجبرينه يقولها مره ثانية لانه يحس باهانه وبعضهم يشعر ان اهله مايحبونه فاحتوي زوجك

الله يوفقك وييسر امرك ويفرج همك ويرزقكم من حيث لاتحتسبون
لاتتركين زوجك في مثل هالظروف ولاتضايقينه احتويه واهلك وابوك بيتفهمون الوضع لانك تقولين انه طيب الله يسخره لك
 
يابنات المساله مو مسالة فلوس
ليه مايجلس معاها ليه يتركه بالاسابيع ما يكلمها ولا يسأل عنها
مو مسألة اصبري عليه
لا تصبرين هدا وانت عروس وتوك بشهر العسل يسوي كدا بعد كم سنه كيف راح يكون وضعك
فيه شي يصبر عليه وفيه شي لا لا شقه لا اثاث لا مصروف وتقولون اصبري
اشتري نفسك وكرامتك وخلي عنك التنازلات
وحرام تتنازلين عن حقوقك وواجباتك
 
حبيبتي أنا عشت مع زوجي ثلاث سنين وبيتي مافيه قطعة أثاث عدلة ,,, يفشل ... ومع هاي عشت أحلى عيشة ,,,
تعرفين شنو أحلى عيشة ,,, المرة حبيبتي هي اللي تخلي حياتها جنة ولا تخليها جحييييم ,,,

زوجج لا هو متعاطي مخدرات ولا راعي بنات وعربدة ولا سكير ,,, وين المشكلة فهميني بالضبط ,,,

لا تضغطين على زوجج وكله تلاحقينه ترا بيعافج ...أشغلي نفسج شوي عنه ,,,, وبصراحة أنا متزوجة لو زوجي كله يحاسبني ويطارد وراي بكرهه ...
 
الله يكون في عونك مرررة هجولة طيب لية ماتسكني بشرقية اريحلك واريحلة
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل