اذا مابي العلاقه الحميمه وزوجي يبي ورفضت علي شي؟
حبيبتي هذا حقه الشرعي يعني آحيان لو مالك نفس حاولي تجبرين نفسك
وبعدين أذا شاف أنك تهملين رغباته يمكن يدور له من بره وحده تريح رغابته
ويسد النقص العاطفي اللي عنده وشايفه الزمن اللي احنا فيه والفتن
وبعدين ربي يعاقبك لانه هذا من حقوقه عليك
زوجي اذا رفضت يعصب مره ويقول انا دافع دم قلبي عليك ليش ترفضين
اول شي لازم من بداية زواجكم تفهميه وتقولين له شنو يعني دافع دم قلبك أنا مو سياره ولا سلعه شاريني بفلوسك
انا زوجتك وادري علي حقوق لك
بس اهم شي احترمني وحاولي بالكلمه الطيبه والأسلوب الهادي تكسبينه مو بالعناد
ترى الرجل مثل الطفل بكلمه تكسبينه ليش حسيت من اسلوبكم
مافي تفاهم بينكم وعناد هذا وانتوا توكم متزوجين
هل من حقي اشتري اللي ابي بحلال زوجي غصب عنه؟
ليش غصب وعناد اذا هو يعطيك مصروف معين برضاه للبيت انتي خلك ذكيه وحاولي توفرين منه
واشتري كل اللي خاطرك فيه
واذا هو مايعطيك فلوس بيدك حاولي تكسبينه بالكلمه الطيبه ماتقصر وانت راعي خير
ومن هالكلام وخاطري في حاجه ابي اشتريه
هل من حقه يمنعني عن الوظيفه؟
ناقيشه بهدوء وتفاهمي معه في وقت يكون هادي ومرتاح
واذا حسيته رافض انك تشتغلين الشكوى لله مالك الا الصبر
انتي غلطتك ماشرطتوا عليه فخلاص حاولي تستسلمين للوضع
وفي حريم كثير ازوجاهم رافضين فكرة الوظيفه
هل من حقي البس اللي ابي ولا لازم اللي يعجبه؟
يمكن هو من النوع اللي يغار اذا طلعتوا مكان عام مثل سوق او غيره البسي اللي يبي منك
وفهميه في بيتي وعند اهلي او مناسبات مثل زوجات وعزايم
البس اللي ابيه انا وعلى ذوقي واذا هو من النوع
اللي مايحب الملابس الجريئه والقصيره حاولي تختارين أشياء وسط لاعاريه مره وتناسبك
هل من حقي اذا طلبت منه شي ومانفذ ارفض طلباته؟
ياقلبي انتوا مو بحرب منو يعاند اكثر هذا زواج لاتركزين على أمور تافه وتكبرينها
خلك صبوره كبري عقلك
تغاضي شوي حطي في بالك يمكن كان متضايق من شي بعمله او مع اهله او صاير له شي بره
وانت فتحتي له موضوع وطلبتي طلب منه
فهو على طول قال لا اهم شي بالزواج لازم يكون عندك طولة بال وصبر
زوجي فيه مشكله برجله جاء امس يبي يهاوشني ويضربني دفيته خفيف وطاح على ظهره وللحين زعلان وش اسوي
انا غلطانه؟
هو غلطان وانتي غلطانه هو ليش يمد ايده
فهميه وقول له من البدايه انا ماارضى لو مهما يصير تمد ايدك علي انا بنت ناس وعيب عليك
وانتي المفروض ماتدفينه كان لمفروض يوم شفيته معصب تخلينه لين يهدا
واهم شي تحريصن عليه هو يحترمك بالغصب او طيب
والله يسعدكم ويقربكم اكثر من بعض ويستر عليكم
