عروسه من قطر محتاجه لكم يا بنات السعوديه

[وردة قطر]

السلام عليكم ورحمة الله وبركاته


بناااااات حالتي النفسيه صارت زفت


تدرووون ليش




عشاني عروس ومب محصله بقطر شي زين عشان اجهز ولكل يقولي روحي الرياض والدمام وبتحصلين كل شي هناك


بس المشكله ماعندي حد يجيبني :sad_1: كل محارمي مشغولين الي بجامعته والي بشغله:tears:


وانا ضايعه وهم التجهيز امتعبني وخاصه الله يعزكم الجواتي والصنادل والشنط تعبت وانا ادور


من تقدر اتساعدني من الرياض والخبر وتصور لي شغلات من محلاتكم من جواتي وشنط وانا الي يعجبني احول لها المبلغ وتشتريه لي طبعا مع فايده للي بتساعدني



يعني مثل التجاره وغير جذي بتكسب فيني اجر وبدعي لها



الله يخليكم ساعدوني واذا في كتلوجات من محلات تطرشونها لي على بريدي وختار وانتوا تشترون لي

:tears::tears::tears::tears::tears::tears::tears:ساااااااااعدوني:tears::tears::tears::tears::tears::tears::tears:

 

[اتحدى التيار]

حبيبتي وردة قطر والله كسرتي خاطري
انا قطرية بس كل اسبوعين اروح للشرقية ايش المحلات الي تبينها اشوف لو كنت اقدر اروح لها ساعدتك

 

[وردة قطر]

اختي اتحدى التيار

صراحه ماعرف محلاتهم انا كنت ابي يصورون لي شغلاتهم ولي يعجبني اختاره

تدرين الاذواق تختلف

مشكوره حبيبتي اذا عندج فكره تساعديني فيها انا ماعندي مانع


صج صج بدعي لج من قلبي

 

[اتحدى التيار]

السلام عليكم ورحمة الله وبركاته
شوفي يا عمري على نهاية الاسبوع الجاي يمكن اروح للحسا فية هناك مجمع العثيم مول والبستان مول كله اغراضهم روعة بحاول اصور لك بعض الشغلات
واعذريني يا عمري لو ماقدرت بس والله بابذل جهدي ولا ابغي غير دعوة صادقة بظهر الغيب
وانتي بعد الله يفقك ويسهل امرك وتحصلين الي تبغينه

 

[غروب الجسد]

اخذيها نصيحه جهزي من الدمام احسن لان العثيم والبستان مول غاليين

بس محلات الدمام ارخص بشوي

ياليتني اروح اسواق كثير كان وربي لا اساعدك واجيبهم لقطر

الله يوفقك

 

[كونتيسة]

الف مبروووك حبيبتي و ان شاء الله بنات السعودية يساعدونك

 

[وردة قطر]

مشكورين على الكلام الطيب
ليتني اقدر اجي الدمام بس للأسف
الله كريم

 

[كوجو كوجو]

نصيحة لا تشتري اياء كثير انا تو متزوجة وانصحك لا تستعجلي بس لشهر العسل وبعدين لاحقة واذا تزوجتي زوجك يجيبك وتشتري بنفسك
احنا من السعودية واكيد كلنا مستعدين نساعدك هذا غير التاجرات اللي يقدرون يفيدونك ويستفيدو بس نصيحة اخت فكري قبل تضيعي مهرك

 

[وردة قطر]

اشكركم على ردودكم الطيبه
وانا بس ابي اشتري كم بدله وكم جوتي الله يعزكم وشنط هذا الي ابيه

 

[لولي**]

الله يوفقك ان شالله

 

[N&E]

كان ودي افيدك لكن انا من الغربيه

 

[فيض الأمل]

بالتوفيق ياقلبي

 

[وردة قطر]

للررررررررررررررررفع

 

[الكون الوسيع]

عزيزتي وردة قطر اسمع ان الحساء صارت غاليه الفتره الأخيره والعهده على الراوي زي مايقولون :smoke1:بس بدمام عندج مجمع الشاطي مول ومارينا مول على كورنيش الدمام وهناك اسئلي في الكورنيش عن مجمع الشاطي عند اشارات فندق الشيراتون والمارينا مو بعيد اتفقي مع اي سيارة ليموزين ويدلونج وفيه بلخبر مجمع الجمعة سنتر لفساتين المناسبات حلو اتمنى اني افدتج غاليتي :a194:

 

[~دلـع الـكــون~]

كان ودي افيدك لكن انا من الغربيه

والله لو اقدر ساعدتك...
ربي ييسر امرك...

 

[وردة قطر]

مشكورين يالغاليات
انا للحين انشد المساعده منكم

 

[الطائره]

أختي ورده قطر الله يوفقك شوفي أنا من الرياض بس تزوجت وسكنت الشرقيه شوفي بضاعت الرياض أكثر أشكال وأنواع بس ماتفرق عن الشرقيه لان نفس الماراكات العالميه مثل مانجو وزارا وبرمود وغيرها من اماركات اللي تعرفينها بس مثل ماقلتلك الرياض أكثر أنواع
إذا تبغين من هالمحلات تقدرين تدخلين على موقع مانجو وماركات العالميه وتشوفين الاشكال واللي يعجبك تطلبينه بس إذا ودك أشياء ثانيه أنا بشوفلك وحده تقدر تساعدك بسألها وإذا وافقت برد عليك لانها موظفه وعندها عيال ماادري تقبل ولا لأ ؟ هي ذوقها حلو مره وتقدرين تعتمدين عليها إذا قلتيلها وش تحبين باللبس
وسامحيني إذا ماقدرت أساعدك

 

[mo0one]

ورده الله يوفقج ياقلبي



انا من قطر و بالنسبه لقطر انا عرسي قريب و كل ملابسي خذتهم من قطر

و عندي اهل ف السعوديه صراحه في محلات وايد ف الدوحه الملابس اللي فيها تجنن


و اذا ودج بطرش لج اماكن المحلات اللي جهزت منها و على فكره الاسعار مناسبه للكل والملابس فخمه


و بالنسبه للجواتي و الشنط انا اعرف وحده ف قطر تبين جواتي كشخه و انا ماخذه من عندها


و تبين شنط نخب اول و شنطها تجنن اذا تبين رقمها انا حاظره

 

[وردة العشاق]

الله يوفقك

 

[القطوة الحلوة]

حبيبتي وردة قطر الف مبروك اولا
ثانيا:ليش تخلين احد يشتريلج انا ما اايد لان يمكن المقاس مايجي مضبوط او الشي على الطبيعة يكون غير عن الصور
انا بقولج عن محلات في قطر روحي شوفي
مجمع رويال بلازا في محل بدلات اسمة رينيه درهي في طابق نيلز صراحةروعة شغل عرايس وبعد في محل في نفس الطابق مجابل الاسانسير محل صغير يبيع فساتين سهرة عنده اشياء حلوة في واحد اصفر وبنفسجي روووعة ومري على احذية رودو جنبه للصنادل وشنط السهرة اخذي الالوان الاساسية شوفي وحدة كلها كرستال راقية فاللبس
بعدين روحي مانغو منزل بضاعة حلوة شوفي الفستان الاسترتش الفوشي
روحي فيلاجيو ريفر ايلاند وتوب شوب في اشياء راقية وحلوة
لا تنسين تمرين دبنهامز كل شي فيه راقي ومب خسارة