عروسه مصدوومه

[mryom]

هلا شخباركم شلونكم ..

انا توني مشاركه في المنتدى ..

وبطرح عليكم مشكلتي ..

انا تووني متزوجه ماصار لي شهر بس مشكلتي اهي اني مو عارفه اتعامل مع زوجي كل شي مايعجبه ويزعل عليه واذا زعلني مايراضيني ..

يعني مثلا اليوم رايحه بيت اهله عازميني على الغدا ..كانت الشغاله جايبه صينيه الغدا بيحطونها على السفر وامها قاعد تحط اللي بالصينه في السفره وانا في هالوقت اكلم امي ومو منتبهه جا اهو قالي قومي انا فكرته يقول قومي تغدي عاد انا قلت لامي على طول بكلمج بعد شوي جا اهي قالت لي دقيقه بتسالني عن شي جا هو قالي بسرعه قومي قلت لها يمه انا مشغوله بعدين اكلمج واهي مو راضيه تسكر تبي تستفسر مني عن شي ضرووري وبسسرعه سكرت ماطولت يعني ..

المهم واحنا في السفر لقيته عاقد حواجبه وباين عليه معصب ومتضاايق قلت له شفيك قالي اني قلت لج قومي وماقمتي تساعدين امي قلت له انا مو مركزه انها تحط وبعدين سمعتني ابي اسكر من اممي ومو راضيه تسكر سكت واهو معصب وزعلان ..

يوم طلعنا من عندهم قالي ليش ماسكرتي السماعه قلت له اني حاولت في امي ومو راضيه قالي المفروض تتصرفين قلت له تبيني اسكر في وجه امي المهم انه طلعني انا الغلطانه وفهمت منه اني مااحرمت امه طبعا اهي عازمتني قبلها وشافني كل مره اشيل واحط معاها وهم يوم خلصنا الغدا انا شلت السفره ..

بس طبعا انا غلطانه عاد انا انقهرت لاني اتعب واساعدها وبس مره انشغلت سو كذا ..

طبعا بعد ماقمت اصيح قام براضيني... ولا اهو مو مفكر ..

وغير هذي السالفه ثاني يوم العيد رحنا البحر مع خواته وبرد هناك جات اخته قالت له رح جيب الجكيت لزوجتك بردانه شكلها قالي ماراح اجيبه كان قلتي من قبل عشان اخوي رايح يجيب اغراض من سيارتي واقوله يجيبه معاها قلت له بس اننا ماقلت لك اني ابي جكيتي ..طبعا اخوه رايح للسياره عشان يجيب جكيت زوجته وهذا قهرني اكثر ..لانها بس قلت له بردانه راح يجيب جكيتها غير انها لابسه شتوي وانا لابسه صيفي وبموت برد بس طول الطلعه ماقلت له يجيبه على انه سالني تبين اجيبه بس اقوله لا لاني انقهرت من رده هذا واحنا تونا ماخذنا شهر ..

وغير كذا في نفس اليوم اهو رايح يشتري من المطعم وقلت له اروح معك قالي لا اخاف اطول وانا في المطعم وتفيخين في السياره قلت له خلاص مو لازم قالي خلاص اذا جيت من المطعم امشيك بالسياره في البحر قلت اوكي وجا من المطعم واكل اكله وسولف وضحك ونسى انه يمشيني وانا حييل مقهوره ..

غير انه قليل كلام حلو ولا يبوس ولا يضم الا اذا يبي شي وهالشي هم قاهرني..

وطبعا اخوه اللي اكبر منه دايما يبوس زوجته يممنا وحتى يضمها ودايما ماسك يدها ماشا الله عليها ..


وزوجي حتى في الشقه لا انا مااقول انه ولا شي بس حيل قليل ..حتى في السياره نادر يمسك يدي


طبعا انا متعوده في بيت اهلي انه ابوي واخواني يضوموني وبوسبوني ويدلعوني وفي فرق بينهم وبينه واحس اني مصدووومه واليوم صيحت صياح لاني فقدت هالاشيا وتمنيت اني ماتزوجت حتى
نسيت اقولكم انه شمالي شرقي ..


ومشكوورين

 

[الزوجه الاولى]

حبيبتي الله يعينج ويفرج همج حاولي انج تتاقلمين مع الوضع الي انتي عايشه فيه ولازم تتعودين على اطباع زوجج وتصرفاته اذا كنتي تبين حياتج تستمر معاه لانه مستحيل تكون عيشة الزوج مثل عيشة الاهل ولا تقارنين زوجج بأخوانه ترى راح تتعبين والله يسعدج ويسخر لج زوجج

 

[نظرت المستقبل]

الله ييسرلك امرك انتي لسه في بدايه حياتك ولازم تتعودي وتعرفي انه حياة البنت قبل الزواج تختلف تماما عن حياته بعد الزواج ما اقلك اتعودي واقبلي بالوضوع بس حاولي تغيري زوجك للاحسن عوديه على طبعك وطبعا هذا محتاج وقت مو بيوم وليله وكمان في شي مهم لازم تعرفيه مو كل الاخوان زي بعض ولا تقارني حياتك بحياة اي انسان مهم كان علشان لا تتعبي انتي الان متزوجه ولكي مملكتك الخاصه اللي انتي تصنعيها كان بحب ولا بحنان ...... ولا تنسي الحوار احسن لغه للتفاهم ومو عيب انك تقوليله انا احب الكلام الحلو والدلع
والف مبروك ياعروسه لاتزعلي نفسك

 

[حب القمر]

توك عروس مابعد مارستي الحياه بانواعه
انا اقول زوجك فيه مميزات غير اخوه
بعدين مافيها شي انتي اللي تسويين له الضم والتبويس ويتعود عليك ويبدا يسويلك
يمكن هو فاقد هالشي عطيه وبتشوفين
اذا كان من النوع اللي مايهمه هالحركات يمكن يعوضك باشياء غير مايقدر يسويها
موفقه يارب

 

[اولادي كل حياتي]

ـ نفس معاناتك اختي انا وديدة اهلي ومدلعة من خوالي واعمامي والكل يمدحني ويدلعني ويبوسني ويضمني ولما تزوجت انصدمت من زوجي شمالي شرقي ولاحتى كلمة حلوة الله يعوضنا بالجنة يارب

 

[غلا روحي ليول]

الله يعينج

 

[mryom]

لا انا مو سالفة اقارن بس والله شي يقهر وخصوصا اني جميله بشكل انه الناس كلها تلتفت اذا مريت وتمدحني والله مو غرور بس من قهري بس زوجي صح يشوفني حلوه بس مايمدح وممره قلت له ترا اذا مدحتني ولا مدحت لبسي اذا عجبك هالشي يحببني فيك اكثر يقولي شي حلو وانه خلاص بيبن لي بس ولا شي اشوفه غير النظرات بسس غير هالشي ماشوف غير اني دايما اطلبه انه يظمني ويبوسني وغير اني اظمه وبوسه والله احس اني تجرات من كثر اهو مايسوي لي شي وطفشت انا اشوفه مع بنات اخته اللي كبري واصغر مني يقرص خدودهم وبوس خدهم غير انه يقول لهم تعالو حطو راسكم على فخذي يعني انسدحو ويلعب بشعرهم وانا ماالقى منه هالشي ومره جيت قعدت بحظنه شوي وقالي تعبت قعدي جنبي يعني حتى انا ادلع نفسي مايصلح والله احس اني مقهوره

 

[أم أسماء85]

والله ياعمري توني باقولك زوجك شمالي شرقي لانه مثل زوجي
مع الوقت يتحسن ان شاء الله اهم شئ انك ماتقصرين معه لان هالنوع تعطين كثييييييييييييييييييييييييير وتحصلين شوي بس هو مايعرف يعبر عن حبه مه انه وفي وحنون جدا ومحب لكن عليك بالصبر ولا تبينين له انه مقصر في الحب عشان ماتصير ردة فعله عكسية لان هو اذا عطى شوي عنده انه ماعطي كثيييير فإذا قلتي انه مقصر يقول اوووه هذي ما ينقع في عينها شئ ويبطل يعطي حتى الشوي حاسبي ..اصبري والله يعينك ماخربونا الا اهلنا ابوي فدييييييييييته ابو الرومانسية واخواني واحد يحضن والثاني يبوس الله يخليهم يارب لكن عقدونا خلونا نشوف بوالشباب جاااااااااااف..انا اللي عندي يعبر عن حبه بالماديات هدايا واي شئ اطلبه لو في القمر يجيبه هذا اكبر دليل عالحب..بالنسبه للشمالي الشرقي..
الله يوفقك وتقبلي مروري

 

[خلود بكر]

مبروك اختي والله يوفقك يارب اهم شئ اختي حطي في بالك اذا انتي بتشوفي فلان وتقولي فلان سوى وزوجي ماسوى واهلي كانوا وزوجي غير وربي بتتعبين نفسيا انتي بيئتك غير وهو غير بعدين فيه شئ لمن تزعلي من زوجك لاتعاندي وت سكتي ترى مايدري عنك لا اصلا مو عارف اش مزعلك فاانتي لمن يغلط قولي له وهو بيغير نفسه مااتوقع ان في زوج وزوجه عرفوا بعض الا بعد 3 او 4 سنوات وانتي توك عروس يعني للحين مايعرف طبعك لاتزعلي ولاتنقهري اذا غلط قولي له انت غلطان اذا كان الشئ يستاهل وقولي انا نفسي تسوي كذا وكذا طبعا لاتقولي اهلي كلنوا او اخوك سوى عشان لايزعل قوليها بطريقه ان نفسك يسوي هذا الشئ عشان انتي تحبيه الله يوفقك وترى من جد العناد ماينفع حتى لو زعلانه لاتعصبي هدئ نفسك

 

[فرح بس حزينه]

واضح جدا انه شمالي شرقي
والنمط هذا اهم شي عنده اهله وبالذات امه
اقراي عن هذا النمط واكسبي مفاتيحه
من بدري لاتصيرين مثلنا
ويروح احلى عمرك دموع وكآبه
الله يهنيكم ويسخركم لبعض​

 

[تألمت حتى تعلمت]

حبيبتي زعلك عاااااااااادي جدا يعني الله يحفظك السواليف ذي بسيييييييييييييييييطه جدا وانتي توك ببداية حياتك وبما انه زوجك كذا يعني طيب وحبوب مع اخواته بيصير كذا معك بس اصبررررررررررررررري وحاولي تغيرين شوي من اسلوبك معه يعني حاولي تصيرين طيوبه بزياده معه ولاتجادلينه اذا قال ليش ماشلتي مع امي لان زوجك دوبه عريس ويبغى يبين لاهله ولك انه رجااااااال ماتتحكم فيه حرمه كانت تصير معي كثير بعدين ومع العشره بيتغير كثير وبتصيرين اول اهتماماته حتى بتلاحظين انه بيصير قليل اهتمام ببنات اخواته واقاربه عشان كذا لاتقعدين تدققين في كل حاجه مشي دامك تقدرين تمشين بعدين صيري ناقشيه بهدوووووووء يعني لاتتنرفزين رتبي كلامك قبل تتكلمين مثلا لو قلتي له ماشاء الله عليك البنات يحبونك حتى انك تلعب معهم وتمزح الله يسعدك ...... ومن ذالكلام هو بيشوف انه عاجبك اسلوبه بيصير يسوي كذا معك وبيصير لاشعوريا مايهتم الا منك بس اصبررررررررررري
والله يسخره لك ويسخرك له

 

[متفائله بالفرج]

انا اقول ماشاءالله تبارك الله اهني كل وحده زوجها شمالي وخاصه مثل حالتك شمالي شرقي ملينا من هالجنوبيين مايجيبون الا رفعت الضغط عندهم كل الحريم مسكينات الا زوجته وخذي رومنسيه لين تملين ثمين يدور غيرك يكمل معها الرمنسيه والله الشمالي ارحم صح يكون جاف بس صدقيني مايشوف احد غيرك خاصه اذا حب ..والله يجمع بينكم بالخير والصبري حبيبتي توك بأول الطريق ..

 

[امنيتي طفل]

الله يعينك حبيبتي .

 

[حورية البحار]

حبيبتي شوفي انا كنت مثلج في بداية عرسي و انا كملت سبع شهور من زواجي و لله الحمد

بس صدقيني كنت واااايد متعقده منه و ما توقعت اشوف كل هذا منه و زعله بسرعه بس صدقيني الحين صرت أتحسف على كل دمعه نزلته \

لانه الشمالي جوهره ثمينه بايدج تكسبينه و اذا حبج صدقيني ما بيطالع غيرج و ترى يتعلم الحب منج اذا كان بردان روحي انتي جيبي له الجاكيت

و شوفي المره الثانيه لا تقولي انكط بردانه شوو بيسوي ؟؟؟

باختصار علميه الحب وا لرومانسيه و الضم علشان يتعلمه منك اوك ياا حلوه

صدقيني بتغرقي في حبه و ما بتقدري تفارقيه اذا عرفتي كيف تتعاملي معاه بس اصبري شوي لحد ما تتاقلمي مع وضعه اوك ياا حلوه

 

[حـــصـــه]

حبيبتي لاتصيري دلوعه بزياده وحساسه

ترا الريال مايهتم ولايحب هالامور حاولي تتاقلمين مع الوضع بس

وشوي شوي بتحسين بالراحه في الوضع الي انتي فيه

وربي يوفقج