عروسة مصدومة (جات الحزينة تفرح ....)

الله يفررج همك يارب :(
 
الله يصبرج و يلهمج الصواب
الاخوات ما قصروا بردودهم
و انا من رايهم: الوضع ما ينسكت عنه
هذا انسان خطر: خطر عليج و على طفلج اللي جاي
ما يهمج من الناس: ما حد بيفيدج و الناس عمرهم ما رضوا بشي و لا عجبهم شي

دخلي اهلج في الموضوع: و خلي يسوي اللي يسويه
خلهم يعلمونه انج ما بترجعينله الا لو تعالج " في مستشفى" و اكدوا شفاءه التام

و الا لا تخاطرين بحياتج و حياة ولدج، حتى لو بيهددج انه ياخذه في حال الطلاق:
تقدرين قبل ل تسوين اي خطوة تمسكين عليه دليل انه يتعاطى : مثلا تسجيل بدون م يعرف او اي شي
و كذا لو صار طلاق ، ما في اي حد بيحكم لمدمن انه يربي طفل بريء!!

و ساعتها انت ربي يعوضج خير
و لا تتركين الموضوع
انت الحين بولد، الله يستر م يجي غيره بعدين

و عليج بالاتكال اولا و اخيرا ع الله، اهلج وسيله لكن طريقج الله، هو اللي بيعينج
استغفري و قومي الليل و اقرأي البقرة و اكثري الدعاء

الله يصبرج و ينولج كل خير يا رب
 
اول شي جمعي ادله على كلامك


صوري الحشيش بجوالك وصوري كل شي

عشان تثبتين لاهلك صدق كلامك

وروحي قولي لهم كل شي

واستخيري

الله يوفقك
 
كان الله بعونك وانا مع الاخت الحره ان لازم عندك دليل علشان تواجهين اهلج فيه اخاف ينكر ومايكون معاج دليل وبالتوفيق
 
فداك الجرح قال:
الله يصبر قلبج الغالية..

اختي استخيري بالطلاق وربج مابيخيب رجاج..
لانه زوجج صعبة العيشة معاه وتحملج له فيها اهانه لج..وبخصوص الحمل ربي يسهل عليج وهو مايقدر ياخذ طفلج لانه الدنيا مب فوضى في محاكم وفي قانون واذا خايفة من الطلاق عشان كلام الناس ترى الناس مابتفيدج لين انضريتي وخلي الناس عنج وشوفي مصلحتج وراحتج..ساعات الطلاق فيه رااااااحة ...

تحــياتي لج
أنقر للتوسيع...


يا زين ما قالت

اتفق معاها تماما

وضروري تخبري اهلك وتروحي لهم لان اليوم خايفة من الطلاق وانتي عروس ومعك طفل بكرة بيضغط عليك وبيصير اسوا لا قدر الله وبيكون بذمتك كاام طفل بعد


ثم بها الزمن كلمة مطلقة ما عادت لها ذيك الاثر ولو ان يمكن ربي ما يكتب لك الطلاق وتشوفينه اهتدي على يدك وتاب ورجع لربه

يعني يتعالج وكذا
 
الافضل هو الطلاق مو كفو ابدا تعيشين انتي وطفلك مع واحد كذا
وربي بيوفقك ولازم تقولين لاهلك شي مثل كذا كبير بيلومونك لانك ماقلتيلهم
الله يكون بعونك ولاتشيلين هم طنشيه علشان صحتك وصحت البيبي اهم شي
 
الله يفرج همك وهمي
مالك الاالاستخااارة ولا ندم من استخار
ادعي واستخيري الله في موضوع طلاقك
 
حبيبتى ابنصحك من تجربة صاحب الحشيش مسكين فهو يقتل خلايا مخة بالتدريج ومع الايام قد يهلوس انصحك تطلبين منة يروح اذا كنتى من سعودية للامل ويعالج اذا رفض روحى لاهلك وهددية بالطلاق اذا تعالج وحسيتية صادق ارجعى لة واذا استمر اطلبى الطلاق بقوة
لان فكرى ببعد مع اطفالك وابوهم مدمن حياتك بتصير جحيم
بعدين تذكرى ان من ترك شيئا للة عوضة اللة خيرا منة وقولى اللهم اجرنى فى مصيبتى واخلفنى بخير منها
اللة يعوضك حبيبتى واللة اللة بدعاء اخر الليل وسلامتك
 
عزيزتي حاولي أن تقومي بتصويره بكاميرا فيديو على حين غفلة منه أثناء التعاطي وأثناء خروجه عن وعيه

ثم انسخي الشريط واحتفظي بنسخة في مكان آمن

أعطيه نسخة واجعليه يشاهد نفسه كيف يتصرف أثناء تعاطيه لهذه المنكرات

لأن الكثير ممن يتعاطونها يتراجعون بعد أن يشاهدو أنفسهم في حالة ذهاب عقولهم

وإذا لم تنفع هذه الحيلة فالنسخة الثانية ستفيدك في حال رفعت عليه قضية طلاق وليس خلع لتحصلي على النفقة وعلى حق تربية الطفل في أحضانك حتى بعد زواجك من رجل آخر

هذا ما أشارت به الأستاذة ناعمة في إستشاراتها
 
حبيبتي والله حالك يكسر الخاطر...يااختي ترى مدمن الحشيش شي مو سهل..غير الهلاوس والوساوس اللي تصيبه بيصير غير واعي ومدرك لتصرفاته وممكن يقتلك او يقتل ابنك في اي وقت..خصوصاً انو انسان بلا شخصيه وبلا عقل...لو كان له عقل ماكان اهلك نفسه بنفسه فكيف تأمنين نفسك معاه...
انتي اتركيه وروحي لأهلك...وهو مارح يقدر يآخذ الطفل...لانو مدمن حشيش وانسان سيء ولايتحمل مسؤلية نفسه عشان يتحمل مسؤلية طفل وفي هالحاله القضآء رح يكون معاك..انتي روحي لأهلك وانقذي نفسك من المخلوق ولما تولدين ان شاء الله مارح يقدر يآخذه لانك بمجر ماتثبتين للقضاء انو مدمن و و و رح يعطونك حضانة الطفل ويكلفون زوجك بالنفقه...
اعرف وحده زوجها مثل زوجك مدمن وذبحها بالمسدس خمس طلقات في راسها...وياما سمعنا عن قصص المدمنين وجرايمهم في اهاليهم خصوصاً...
لاتضيعين نفسك...ولد واحد وان شاء الله الحضانه لك مدام الاب مدمن وغير مأمون على الطفل...
الله يرشدك للصوآب..
 
بنات اتصور لما تقول انو مدمن رح يلجأ القضاء لإخضاعه لفحوصات طبيه ..وهالشي رح يبين في دمه..حتى لو ماقدرتي تصورينه تطمني تماماً...الطب يثبت إدمانه ان شاء الله..
 
اكبر غلط ترتكبينه انك ماتعلمي اهلك وخاصه ابوك واذا كان عندك اخ حكيم تريك ماتغلطين بس بحقك انتي تغلطين بحق اللي بطنك وهذي وانتم باولها يهددك ومافيه صبر على المخدرات تريك اذا سكتي هلحين تبين تبكين بدل الدموع دم تخيلي نفسك معه سبع اطفال وابوهم مدمن وكل يوم يضربك قدام عيالك واذا جيتي تشكين لاهلك قالو لك روحي لمه ليه ماقلتي من البدايه ليش سكتي لهذا الوقت حنا مارح نتحملك انتي وعيالك وكل يزتك على الثاني بس الوقت هذا مناسب قبل لاتندمين
 
ما اايدك بالطلاق لان بذمتك طفل لكن ولو ماعندك اطفال قلتلك تطلقي ومالك شغل فيه لكن مادام صار ابو لطفلك تعاملي معاه مثل ما قالت ملاك بالصفحه الاولى وحطي في بالك انه انسان وهو زوجك وابو عيالك فلا تتخلين عنه بسهوله وسوي المستحيل عشان يتوب وتنقذيه من هالسم واكثري من الدعاء والاستغفار لعل الله يحدث بعد ذلك امرا والله واما العصبيه والشك هذي امرين لابد منها لكل واحد يتعاطى هالاشياء ...
والله يوفقك ويسعدك معاه ...
 
مافيه قانون يحمي الأطفال من الأباء المحششين والي يشربون خمر ومخدرات ؟؟

اسألي ,, يمكن يكون فيه شي بصفك وتقدرين تاخذين طفلك بعيد عنه
 
مرحبا
والله مش عارفه ايش اقول لك اخاف اقول لك نصيحه ولا تكون في محلها لكن عليك بصلاة الاستخارة قبل القدوم على اي شي .
وفيه زوجات صبرو على ازوجهم وتغير حالهم للافصل .وفيه زوجات صر معهم العكس .
غاليتي ..اكثري من الاستغفار والدعاء وطلب العون من الله
وأسال الله ان ييسر لك امورك لكل خير
 
الله يعينك حياتي بس اقول الحقي عمرك لا يروح بدون فايده اطلبي الطلاق ولا تترددين توك باول الطريق وطفلك هذا هديه من الله وماراح يقدر ياخذه
 
الله يكون في عونك بس حبيبتي ياروح مابعدك روح محد بينفعك غير اهلك روحي لاهلك خليه يعرف ان وراكي رجالولازم يوقفوه عند حده عندي كلمة مطلقة اهون من معدبة وطز في الناس مايصرفوا عليك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل